Гумин қышқылы

МАЗМҰНЫ

АНЫҚТАМА

Гумус қышқылдары - құрылымдары ұқсас, молекулалық салмақтары бойынша ерекшеленетін органикалық қосылыстар.

Дендримерлер - үш өлшемді құрылымды- жоғары реттелген олигомер және тармақталу дәрежесі жоғары полимерлер- макромолекуланың жаңа класы.

Гель - иммобильденген каталитикалық жүйе (ГКЖ) - реакциялық ортада ісінетін ерекше дайындалған композициялық материал.

Гумин қышқылы - өлі өсімдіктердің айырылуы және олардың гумуфикациясы кезінде түзілетін табиғи органикалық қосылыстардың күрделі қоспасы.

БЕЛГІЛЕУЛЕР МЕН ҚЫСҚАРТПАЛАР

НӨБ - наноөлшемді бөлшектер

ПМК - полимерметалл комплекстері

ГКЖ - гель- иммобильденген каталитикалық жүйе

ПМАҚ - полиметакрил қышқылы

ПБ - полибутадиен

ПАС - полиаллилді спирт

ПВП - поливинилпиридин

ГҚ- гумин қышқылы

К _Ой-Кар - «Ой- Қарағай» кен орнының көмірі

С ₂₀ - 3, 7, 11, 15-тетраметилгексадецин-1-ол-3

С ₂₀ - ин - 3, 7, 11, 15-тетраметилгексадецин-1-ол-3

С ₂₀ - ен - 3, 7, 11, 15-тетраметилгексадецен-1-ол-3

С ₂₀ - ан - 3, 7, 11, 15-тетраметилгексадекан-1-ол-3

С ₁₅ - 3, 7, 11-триметилдодецин-1-ол

С ₃ - 2- пропен-1-ол

W - реакция жылдамдығы, мл/ мин

S _C=C - олефин спирті бойынша селективтілігі

Т - температура, ⁰ С

Р - қысым, атм

Кіріспе

Тақырыптың өзектілігі. Көптеген дәрі - дәрмек, улы жәндіктердің феромондары, дәрумендер, азық - түлік өнімдеріне қоспаларын алу негізінде ацетиленді спирттерді каталитикалық гидрлеу процестері жатыр. Алынған заттар тазалығына қойылатын ерекше талаптарға орай бұл процесті жүргізу үшін жоғары селективті катализаторлар қажет. Мақсатты өнім бойынша қажетті селективтілікті өамтамасыз ететін платиналық металдар негізіндегі қолданылатын күнделікті жүйелерде асыл металдардың мөлшері көп. Арзандау келетін никель және мыс жүйелері бұл реакцияны жоғары температура мен қысымда жүргізеді, сондықтан аппаратуралық құрылымын және процесті жүргізу қауіпсіздігін қиындатады. Бұл бағыттың дамуы каталитикалық процесті жетілдіруге әкеледі және энергияны жинақтайтын қалдықсыз процесті жасауға мүмкіндік береді.

Қазіргі кезде шығарылатын катализаторлардың 30 % жуығы мақсатты түрде мұнай өңдеу, мұнайхимиясы, нәзік органикалық синтез және фармацевтика өндірісі үшін гидрлеу процесінде қолданылады. Бірақ қоршаған ортаны қорғау нормаларының қатаңдауы мен «жасыл» химияның дамуына орай қазіргі кезде қолданылатын технологиялар мен өндірістердің қайта қаралуын қажетсінеді. Металдардың наноөлшемді бөлшектерін катализде пайдаланудың болашағы зор, себебі мұндай жүйелер металдардың аз мөлшерінде жоғары белсенділікке ие. Оларды қолданудың негізгі қиыншылығы агломерация әсерінен төмен тұрақтылығы. Тұрақтандырғыштар әрі тасымалдағыштар ретінде полимерлер қолданылады.

Бұл аумақтағы зерттеулердің негізгі болашағы зор бағыты қатты бейорганикалық тасымалдағышқа полимерметалл комплекстерін иммобилдеу жолымен катализаторлар дайындау болып табылады. Соған қоса, гетерогенді катализаторлардың (реакция өнімдерінен ажырату жеңілдігі) және айтарлықтай мөлшерде гомогенді жүйелердің (белсенділік және т. б. ) технологиялық параметрлері сақталады.

Жұмыс мақсаты: бейорганикалық тотықтарға бекітілген палладий металының табиғи полимер - калий гуматымен модифицирленген полимерметалл комплекстері катализаторларын дайындау және жұмсақ жағдайда күрделі құрылымды ацетиленді спирттерді гидрлеу процесінде каталитикалық қасиеттерін зерттеу

Жұмыстың практикалық құндылығы.

Құрамында бекітілген полимері бар катализаторлар күрделі құрылымды ацетилен спирттерін олефинді туындыларға селективті гидрлеу реакциясында және биологиялық белсенді заттарды алу үшін нәзік органикалық синтез процестерінде пайдаланылады. 3, 7, 11-триметилдодецин-1-ол-3 (С ₁₅ ацетиленді спирті) ; 3, 7, 11, 15-тетраметилгексадецин-1-ол-3 (С ₂₀ ацетиленді спирті) ; 9-гексадецин-1-ол және 11-гексадецин-1-олды селективті гидрлеу үшін калий гуматымен модифицирленген, мырыш тотығына бекітілген палладий негізіндегі жаңа катализатор дайындалған.

1. ӘДЕБИ ШОЛУ

1. 1 Гидрлеу процесінде қолданылатын металлкомплексті наноөлшемді катализаторлар

Ондаған жылдар бұрын нанотехнология негіздерін жүйелік және мақсатты бағытталған зерттеу жүргізілген. Қазіргі кезде бұл аумақта зерттеу нәтижелері өндіріске енгізілуде. Наноқұрылымды материалдарды алу әдісіне сонымен қатар қасиеттері мен қолдану аймағына ерекше назар аударылып келеді.

Наножүйенің ерекше микроқұрылымы қарапайым металдар мен химиялық қосылыстарға қарағанда жаңа қасиеттерге ие. Нано- және микрогеометрия ерекшелігі және наножүйенің жоғары меншікті беті - мінсіз жоғары талғампаз және белсенді катализатор дайындауға мүмкіндік береді. Бұл ерекшеліктің кейбір түрлерінің табиғаты синергетикалық, мысалы биметаллдық кластерде бір элемент аралас элемент қасиетіне әсер етеді. Бұл әрекеттесулерді бөлшекті зерттеу кезінде берілген қасиеттерге жаңа талғампаз катализаторларды синтездеуге мүмкіндік береді.

Нанобөлшектер - ерекше каталитикалық қасиеттерге ие, себебі үлкен беті мен беттік атомдардың қажетті санымен қамтамасыз етіледі [1] . Нанобөлшектің каталитикалық қасиеті өлшеміне, өлшем мен орталығына таралуына байланысты [2] . Соған қоса нанобөлшектің беті катализде маңызды рөл атқарып қана қоймай, белсенділігі мен селективтілігі үшін де жауап береді.

20 ғасырдың соңына қарай гель-иммобильденген катализатор деп аталған жаңа типті металкомплексті каталитикалық жүйе ойлап табылды [3] Ол өзіне гомогенді металкомплексті және күнделікті гетерогенді катализаторлардың маңызды қасиеттерін біріктірді. Мұндай каталитикалық жүйенің бірқатар ерекшеліктері:

1. Гомогенді жүйе - жоғары талғампаздылық пен белсенділік қасиеті болғанымен, төмен тұрақтылық, реакция өнімінен қиын ажырату, экологиялық нормаға сай келмейтін катализатор қалдықтарын дезактивтеу қажеттігі ;
2. Гетерогенді катализатор - жаңа реакция мен жаңа процесстерге қолдануға ескірген.

Соңғы кезде гидрлеу катализаторлары дәрі-дәрмек және физиологиялық белсенді қосылыстар өндірісінде де қолданылады. Бұл категорияның катализаторлары үшін негізгі талап - жоғары селективтілігі, жұмыс жасау мерзімінің ұзақтығы, экологиялық нормаға сай болуы. Негізінен мұндай сипаттамаларға Ni, Pt, Pd, Rh, Ru негізіндегі тасымалданған металл катализаторлары [4-5] .

1. 2 Наноөлшемді металл негізіндегі полимерлі катализаторлар

Органикалық синтез әр түрлі процестері үшін катализатор ретінде (ПМК) қолданылады. Бұл бағыттағы негізгі әдебиеттер [6-10] жұмыстарында келтірілген. Бұл жұмыстардың авторлары зертеулері нәтижесінде деп аталатын қосылыс ала отырып, соған қоса наноөлшемді бөлшектер түзілетіндігін көрсеткен. Осыған орай, катализдегі ПМК, әсіресе, металдың нөлвалентті жағдайға дейін тотықсыздануы жүретін гидрлеу процесінде металл ионы мен полимерлі лигандтармен стехиометриялық комплексі түрінде емес, наноқұрылымды отырғызылған каталитикалық жүйе деп қарастыруға болады.

Моноядролық коллойдтық катализатордың каталитикалық белсенділігін арттыру үшін Toshima [12-14] екінші металмен промоторлау процесін жүргізуді ұсынды. Солай [13] жұмыста асыл металлдардың суда еритін полимерлермен иондардан коллойдтық дисперсия алу әдістемесі келтірілген. Белсенді орталық құрылымы- «ядро»/ «қабықша», мұндағы бір металл атомы («ядро») белсенді фазаның екінші компонентімен қабықшамен қапталған. Ойлап табылған моно- және биметалл коллойдтардың каталитикалық қасиеті циклооктадиеннің циклооктенге дейін гидрлеу процесінде сыналған. Платина негізіндегі катализаторлар палладиймен салыстырғанда белсенді емес. Палладий гидрлеу процесінде жоғары белсенділік көрсетті. Биметалл жүйелердің қасиеттері «ядроға» қай металл енетініне, қайсысы қабықшаны қалыптастыратына байланысты. «Ядро» -палладий ионынан тұратын, ал «қабықша» -4:1 қатынастағы платина ионынан тұратын катализатор айтарлықтай жоғары белсенділік көрсететіні байқалған. Оларда реакция жылдамдығы монопалладий катализаторына қарағанда 2 есе артық, ал платина- палладийдің қабықшасыменн қапталған жүйеде палладиймен салыстырғанда белсенділігі төмен.

Сметанюк В. И. және өзге авторлармен [15] катализаторлардың «гель-иммобильденген» металл комплекстері жасалған. Авторлардың пікірі бойынша металдың наноөлшемді бөлшектері мен полимерлі матрицаның функционалды топтарының арасында химиялық әрекеттесу жүреді. Полимерлі матрица түзілетін наноөлшемді бөлшектердің (домен) өлшемі мен пішімінің түзілуіне жауапты. Сыртқы орта әсерінен (еріткіш, температура) иілгіш полимерлі тізбектер конформациялық құрылымын өзгертеді, соған қоса белсенді орталыққа реагенттің енуін жеңілдетеді. Каркасқа қаттылықты қамтамасыз ету үшін сызықты полимерлерді тігіледі. Мұндай комплекстер күшті каталитикалық қасиет көрсетеді.

Гель-иммобильденген жүйенің алғашқы және негізгі ерекше қасиеті - бұл жүйелерді құрастыру 3 деңгейде жүзеге асырылады: микродеңгей, субмикродеңгей және макродеңгей. Бірінші деңгейге - жеке иммобильденген белсенді орталықтың химиялық құрылысына, екіншісіне - полимер-тасымалдағыш құрылысы мен морфологиясы, үшіншісіне - реакциялық ортамен жанасуына жауап беретін және реакция өнімдерінен жеңіл айырылатын гель-иммобильденген бөлшектердің пішімі жатады. Металл комплексті жүйенің гель-иммобильденген жүйеден өзгешелігі - соңғысын жобалау кезінде макролиганд рөлін атқаратын полярлы полимерлер лиганд қызметін атқарады.

Бұл каталитикалық жүйелерді В. А. Кабанов ұсынған [16-17] . Гель - иммобильденген каталитикалық жүйесі (ГКЖ) - реакциялық ортада ісінетін ерекше дайындалған композициялық материал, сондықтан реагенттер мен еритін реакция өнімдері үшін өткізгіш. Онда ауыспалы металдардың каталитикалық комплексі иммобильденген. Реакция ГКЖ бүкіл ісінген бөлшектері көлемінде өтеді. Соған орай, белсенді орталықтарды қолдану тиімділігі гомогендіге жақын, бірақ каталитикалық жүйе - гетерогенді. Мұндай катализаторларды синтездеудің негізгі принциптері төмендегідей [ 16 ] :

1. Катализатор ерімейтін, бірақ реакциялық ортада жақсы ісінетін белгілі бір жолмен дайындалған бөлшектер болуы керек, яғни субстракт пен еріткіш молекуласы үшін өтуі тиіс.
2. Реакция өнімдері субстрактың жаңа мөлшері үшін орын босату үшін ерітіндіге оңай өтуі қажет.
3. Жұмыс жағдайында катализатор бөлшектері механикалық тұрақты, эластикалық және морфологиялық тұрақты болуы тиіс.
4. Каталитикалық орталықтар каталитикалық жүйе көлемі бойынша біртекті таралып, полимер-тасымалдағыш тізбектерімен берік байланысуы керек.

ГКЖ синтезі үшін көмірсутектерге жоғары жақын пен ауыспалы металдардың қосылыстарына инертті келетін этилен- пропиленді каучук ( ЭПК) алынды. ЭПК-ға полимерлі лиганд ретінде радикалды механизммен 1, 2 - полибутадиенді (ПБ), поливинилпиридин ( ПВП), полиаллильді спирт (ПАС) және полиметакрил қышқылы (ПМАҚ) тігілді. Соңғы күйіндегі полимер- тасымалдағыш бөлшектері - еріткіште шекті ісінетін қабілеті бар химиялық тігілген полимер. Ісінген полимер- тасымалдағышты гель - иммобильденген металокомплекстің ыдырауын болдырмайтын жағдайда ауыспалы металл қосылыстарының ерітіндісімен өңдеген. ГКЖ-нің өзіндік агрегаттық күйінің екіжүзділігі олардың айрықша қасиетін сипаттайды. ГКЖ гетерогенділік пен осыған байланысты катализатордың жоғары дисперстілігімен технологиялық артықшылықтары. Гранула көлемінде орналасқан белсенді орталықтардың көпшілігі гомогенді катализ секілді субстракт молекуласы үшін жетімді.

ГКЖ каталитикалық процесте көптеген артықшылықтарға ие болады: әр түрлі механикалық және термиялық әсерлесулерге тұрақтылық, катализаторлардың бір - бірімен соқтығысулары мен үйкелуі. ГКЖ жоғары эластикалық қасиетіне байланысты қарапайым гетерогенді каталитикалық тасымалдағыштардың ыдырауына әкелетін деформацияны оңай өтеді.

тәртібіне сыртқы ортаның әсері жайлы жұмыста баяндалған. Тәжірибенің температурасын өзгерту сулы ортада коллойдтың ерігіштігіне әсерін тигізді, яғни каталитикалық белсенділік реттелді. Металдың орташа өлшемі - 2, 4 нм. Алынған наноөлшемді катализаторлар - поли-N-изопропилакриламидпен қорғалған және спиртпен тотықсызданған ультрадисперсті платиналық бөлшектер аллилді спиртті гидрлеу процесінде қолданылды.

[10, 11] жұмыстың авторлары металл иондарын полимерлермен тұрақтандыру арқылы алынған коллойдты катализаторларды зеттеу жүргізген. Алынған жүйелер гидрлеу процесінде жоғары белсенділік пен каталитикалық процесті көп рет қолдану тұрақтылығын көрсетеді. Бірақ бұл жүйені аса зор көлемде қолданылмайды, себебі - реакция өнімдерінен қиын ажырату мүмкіндігі және сақтау кезінде тұрақсыздығынан- 20-30 күннен соң катализатор жойылып, металл тұнбаға түседі.

[18] жұмысында хлориді (SC), (SP) немесе полиэтиленгликольдің моно-р-нонилфенил эфирі (PN) золінде платина тобында (Rh, Ru, Pd, Pt), алтын және күміс металдарының коллойдтық бөлшектері дайындалған. Катионды (SC) БАЗ - теріс зарядталған коллойд дайындалды. Дайындалған прекурсорларды катионды алмастырғыш (КАШ) және анионды алмастырғыш (ААШ) шайырлармен адсорбцияланған. Rh және Ru теріс коллойдтары КАШ-тың тек Н-формасымен адсорбцияланған. Шайырдың зарядына байланысты тура және кері гидрозольдер алынған. КАШ-та адсорбцияланған металдардың ААШ-та адсорбцияланған металдарға қарағанда бөлшектер өлшемі үлкен. Алынған катализаторлар 30 ⁰ С температурада және сутегінің атмосфералық қысымында циклогексенді гидрлеу процесінде сыналған. Жоғары белсенділікті ААШ-та адсорбцияланған коллойдтар көрсетті, мұны түзілген белсенді фазаның бөлшектерінің аз өлшемімен байланыстырады.

Құрамында фенил радикалы бар (корич спирті және альдегид) күрделі қосылыстарды гидрлеу азғана уақытша тежеу (редукционды период) немесе полимерлі шумақ ішіндегі белсенді орталыққа диффузиялау қиындығы әсерінен реакцияның бастапқы кезінде аз жылдамдықпен жүзеге асырылады:

Суда еритін полимерлер коллойдтық және наноқұрылымды катализаторлар дайындау үшін кең қолданылады. Сызықты полимерлермен ауыспалы металдардың иондарымен әрекеттесуінен полимерлі матрица көлемі бойынша біркелкі таралған белсенді орталықтары бар гетерогенді катализаторлар алуға болады [19-27] . Мұндай каталитикалық жүйелерді жасауға Жармағамбетова А. К. және Мұхамеджанова С. Г. жұмыстары арналған [20-25] . Жұмыстарда сызықты функционалдық полимерлерді (поливинилпиридендерді) платиналық топ металдары тұздарының этанолды ерітіндісімен әрекеттестіру жолымен алынған палладийдің жоғары дисперсті бөлшектері негізінде катализаторларды әдістері ұсынылған. Тотықсыздану нәтижесінде 5-7нм өлшемдегі нөлвалентті металл бөлшектері түзіледі [24] . Палладий - ПВП-мен комплексінде гидрлеу процесін жүргізу мен тотықсыздандыруға ыңғайлы [25] . Мұны авторлар палладийдің полимермен интрамолекулалық байланысының қалыптасу әсерінен диффузиялық эффектінің азаюымен түсіндіріледі. Катализаторлар аллилді спиртті гидрлеу процесінде белсенді және тұрақты.

[26] жұмыста авторлармен полиамидке отырғызылған пиридинмен модифицирленген палладий катализаторлары жасалған. Pd орталықтар полиамидке лигандтық алмасумен енгізілген. Бұл мақсатта мынандай тұз колданылған: PdCl ₂ (PhCN) ₃ . Палладий координациясы пиридин азоты мен карбон тобының оттегі арқылы жүзеге асырылады:

Катализатор алкадиен мен алкиндерді гидрлеуде 25 ⁰ С және сутегінің атмосфералық қысымында сыналған. 11 тізбекті мөлшерді гидрлеу кезіндегі тұрақтылық 4300 каталитикалық циклге тең. Дайындалған каталитикалық жүйе төмендегі қасиеттермен сипатталады: жоғары белсенділік, селективтілік, тотығуға тұрақтылық. Катализатордың мұндай тәртібі авторлардың пікірінше субстракт молекуласы үшін белсенді орталықтардың енуінің қолайлы болуы. Басқа сөзбен айтар болсақ, полимер-тасымалдағыш реакциялық орта және реакция өнімі үшін өтімді болуы керек.

[27] жұмыстың авторлары металлкомплексті гель-иммобильденген катализаторлардың қасиетін зерттей отырып сипаттаған. Жоғары дисперсті домендер ісінген полимерлі гельдер көлемінде бекітілген. Алынған комплекстер этилен мен пропилен димерлеу процесінде сыналған және бұл процесте жоғары каталитикалық белсенділік және тұрақтылық қасиеттерге ие.

Соңғы кезде катализаторларды құрастыру үшін дендримерлер қолданылады [28-32] . Дендримерлер - үш өлшемді құрылымды- жоғары реттелген олигомер және тармақталу дәрежесі жоғары полимерлер- макромолекуланың жаңа класы. Yin X. өзінің [32] жұмысында құрамында бипиридил топтары бар дендримерлерді синтездеді. Авторлардың пайымдауынша Н ₂ және СО ₂ қатысында жүретін биомиметалдық реакциялар үшін мұндай катализаторларды қолдану өте тиімді. [34] жұмыста ауыспалы металл хлоридтерімен стерин-4-винилпиридинді сополимері немесе поли-4-винилпиридин комплекстерінің бірнеше сериясы дайындалған. Алынған катализатор полимерлі негізге диспергирленген металл ультра дисперсті бөлшектері түрінде дайындалған. Ионитке отырғызылған платина топтың металдарының комплекстерінің қолданылуындағы жетістік родий және палладий полимерметалл катализаторда бағалы органикалық косылыстар алудың өндірістік технологиясын жасау және енгізу болып саналады [35, 36] .

[37-38] жұмыс авторлары органикалық синтез реакциясының мүмкін катализаторлары ретінде полимерметалл комплекстері алынған. Мұндай каталитикалық жүйелерге компонент ретінде полимерлерді қолдану гомогенді жүйемен (жоғары белсенділік және селективтілік) қоса гетерогенді жүйені (реакциялық ортадан оңай алу және регенерация мүмкіндігі) комбинирлеуге мүмкіндік береді .

Авторлар [38] дәрумен мен дәрілік заттардың жартылай өнімдерін синтезі үшін металл нанобөлшектермен полимермен тұрақтандырудың негізгі бірнеше әдістері бар:

1. амфифильді блок-сополимерлер (полиэтиленоксид-поли(2-винилпиридин) (ПЭО-П2ВП) и полистирол-поли (4-винилпиридин) (ПС-П4ВП) ) мицелла ядросына металл нанобөлшектерін қалыптастыру;
2. полиэлектролиттің (аммоний (ПДАДМАХ) және биополимер - хитозан (Х) ) ультражұқа қабатында металл нанобөлшектерін дайындау;
3. үшөлшемді полимерлі тор (аса тігілген полистирол (СПС) ) көлемінде металл нанобөлшектерінің түзілуі.

[39-42] жұмыстары гидрлеу процесінде қолданылатын полимерлі катализатор дайындауға арналған. Сол себепті [41, 42] А. Д. Помогайло жұмыстарында полимермен тұрақтандырылған металл нанобөлшектерінің түзілуі көрсетілген. Мұндай тұрақтандырғыштар бөлшектердің бетінде қабат түзеді, соған орай металды полимерлі тізбектердің жұқа қабықшасы қоршайды. Мұндай катализаторлар мицелла, кері мицелла, визикула және қабықша күйінде болады (1 сурет) .

1 сурет. Мицеллалар құрлысы

[43-45] жұмыстарда полимерлі наноқұрылымды асыл металдардың нанобөлшектерін тұрақтандыру мен қалыптастыру және синтезделген жүйелердің каталитикалық қасиеттерін зерттеу жүргізілген. Бұл мақсатта келесідей наноқұрылымды полимерлер пайдаланылды: амфифильді блок-сополимерлер, полиэлектролит, аса тігілген полимерлі матрица. Алынған жүйелердің каталитикалывқ қасиеті ұзын тізбекті ацетиленді спиртті селективті гидрлеу, кетонды стереоселективті гидрлеу, моносахаридтердің тура селективті тотығу және фенолдың толық тотығу процестерінде зерттелді. Барлық зерттелген нанокатализаторлар жоғары белсенділік, селективтілік және тұрақтылық қасиеттерін көрсетті.

Клюев М. В. қызметкерлерімен [46-48] полимерді палладий катализаторы үшін тасымалдағыш ретінде қарастырды. Бұл жүйелер нитробензолды гидрлеуде сыналды. Құрамында металл бар полимер катализге тасымалдағаштың ісінуінің әсері қарастырылды. Авторлар пікірі бойынша еріткіште полимерлі тасымалдағыштың ісінуі кезінде субстракт молекуласы жетімділігіне орай белсенді орталықтың өсуі мен катализденетін реакцияның жылдамдық константасының өзгеруі байқалады.

[49] жұмыста тасымалдағыш полиакриламид гидрогельдің қалыптасқан белсенді фаза өлшеміне әсерін, сульфид ионды диоттегімен тотығу реакциясында құрамында Ni(II) және Co(II) бар катализатордың дайындалу және ескіру эффектісінің шамасы зерттелген. Зерттеу нәтижесінде полимерлі матрицаның болуы никель және кобальт каталитикалық сульфидті фазалардың қалыптасуы мен қайта қалыптасуын және гель ұяшықтарды арасынан металл иондарының көшуінің шектеулігінен қайта кристалдануды тежейді. Гельдің тігілу дәрежесінің 1-10 % дейін өзгеруі - катализатордың белсенділігі мен тұрақтылығына айтарлықтай әсер етпейді.

Соған қоса, ПМК негізіндегі катализаторлар кейбір кемшіліктерге ие: ерітіндіге металл иондарының жартылай және толық шайылуы, диффузионды фактор әсері, яғни полимерлі матрица ішінде орналасқан белсенді орталыққа субстрактардың тасымалдау кезіндегі қиындықтар.

Мұндай мәселелерді шешу үшін металлорганикалық прекурсорларды, сондай-ақ ПМК -ны бейорганикалық подложкаға отырғызу ұсынылды. Ол тасымалдағыш бетінде олардың біркелкі таралуына және диффузиялық фактордың азаюына әкеледі.

[50] Sherrington D. C. қызметкерлерімен никельді аминді лигандпен және олардың модифицирленген кремний қос тотығы бетіне сіңдіру әдісімен бекітті. EXAFS әдісінен этандиамин лиганд қатысында органикалық тұрақтандырғышсыз дайындалған (тотықсызданғаннан соң 6 нм ) катализатормен салыстырғанда аз өлшемді никель бөлшектері (тотықсызданғаннан соң 2 нм ) түзіледі. Өкінішке орай, авторлар дайындалған жүйелердің каталитикалық белсенділігін салыстыру мәліметтерін келтірмейді.

Поливинилпиролидонмен (ПВПД) тұрақтандырылған платина кластері ( бөлшектердің орташа өлшемі 1, 4нм) золь-гельді әдісімен титан мен кремний тотығының аморфты микрокеуекті қоспасына бекітілген [51-52] . ТЭМ әдісіне сүйене отырып, платина бөлшектері бастапқы орташа диаметрін сақтайды. Синтезделген катализатордың каталитикалық белсенділігі гексин-2 гидрлеу реакциясына 10 мПа қысымда деканда немесе пропанол-1-де сыналған. Цис/транс гексен бойынша синтезделген катализаторда ПВПД- тұрақтандырылған платина катализатормен салыстырғанда селективтілігі жоғары. Бекітілген АММ-катализаторында 2-гексен бойынша 50 % гекссин конверсиясы кезінде селективтілігі - 94 %, ал бастапқы заттың толық конверсиясында 2-гексен бойынша селективтілігі 88 %-ке дейін төмендейді. (цис -2-гексен бойынша селективтілігі 91 %) ЯМР ¹³ С спектроскопиямен байқағандай, оттегі ауасында құрамында платина бар АММ- ^Me Si ₃₀ Ti -ді термиялық өңдеу золь-гельді материалды ішіндегі коллойдты қоршап тұрған ПВПД қабықшасын жойылуына әкеледі. Нәтижесінде меншікті бет пен платина бөлшектерінің өлшемінің артуына әкеледі. Мұндай жүйелерде 2-гексин бойынша селективтілігі төмен болады.

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс