Салықтарды алу әдістері мен тәсілдері

Пән: Салық
Жұмыс түрі: Дипломдық жұмыс
Тегін: Антиплагиат
Көлемі: 65 бет
Таңдаулыға:

Мазмұны

Кіріспе . . 6

Ι. Салықтарды алу әдістері мен тәсілдерінің теориялық негіздері

1. 1. Салық салудың экономикалық мазмұны, қалыптасу ерекшеліктері …… 9

1. 2. Салықтарды өндіріп алу және оны қолданудың қажеттілігі … . . . ………. 13

ΙΙ. Алматы қаласы Бостандық ауданы бойынша Салық басқармасының салық жүйесіндегі өндіріп алу шараларын қолдану тәжірибесі

2. 1. Салық басқармасындағы мерзімінде орындалмаған салық

міндеттемелерін орындауды қамтамасыз ету шаралары … . . . . 22

2. 2. Салық басқармасындағы салықтардың бюджетке түсуін қамтамасыз ету

жағдайлары … . . . . … . . . . … . . . . … . . . 31

2. 3. Салық берешегін өндіріп алудың амалдарын салық басқармасы

тәжірибесінде жүзеге асыру … . . . . … . . . . … . . . . 37

ΙΙΙ. Қазақстан Республикасындағы салықты өндіріп алуды ұйымдастыру механизмін жетілдіру бағыттары

3. 1. Салық субъектілерінен салықтарды өндіріп алу жолындағы кездесетін

мәселелері … . . . . … . . . . … . . . . … . . . . …. . 48

3. 2. Салықтарды өндіріп алуды оңтайландыру барысында заңнамаларды

жетілдіру жолдары … . . . . … . . . . … . . . . … . . . …… 55

Қорытынды … . . . . … . . . . … . . . . … . . . . … . . . 62

Пайдаланылған әдебиеттер тізімі … . . . . … . . . . … . . . 65

ҚОСЫМШАЛАР … . . . . … . . . . … . . . . … . . . . …. 67

Кіріспе

Қоғам дамуы тарихында ешбір мемлекет салықсыз өмір сүрген емес. Себебі, қоғамдық қажеттіліктерді қанағаттандыру үшін мемлекетке белгілі бір мөлшерде ақшалай қаражат көзі қажет, ал олар тек қана салықтар арқылы ғана жүзеге асырылады. Салықтар мемлекеттік бюджеттің негізгі кіріс көзі болып табылатындықтан, оның уақытында және толығымен мемлекет қазынасына түсіп отыруы қазіргі нарықтық экономикадағы күрделі де өзекті мәселелердің бірі болып табылады. Сондықтан да, ондағы салық санкцияларын қолданудың маңызы өте зор.

Еліміз бұрынғы әкімшілік-жоспарлы экономикадан нарықтық экономикаға өткен кезде мемлекет алдында көптеген экономикалық қиыншылықтар кездескен. Солардың ішіндегі ең өзекті мәселелердің бірі - салық және салық салу мәселесі болды.

Салық мемлекеттің іргетасы болғандықтан, тиімді салық жүйесін құру біз үшін өте қажет, өйткені қазіргі кезде еліміздің мемлекеттік бюджетінің 80-90 % - ын салық және салықтық емес басқа да түсімдер құрайды, яғни олар бюджет кірістерінің негізгі қайнар көзі болып отыр. Салық салуды барынша жетілдірмейінше қазіргі кездерде орын алып отырған қаржы тапшылығын және бюджетті толықтыру мәселесін шешу мүмкін емес. Салық заңдарының орындалуын қамтамасыз ететін механизмді жетілдіру мемлекеттің ең басты мақсаттарының бірі болып отыр. Бүгінгі таңда қоғамдағы көптеген келеңсіз жағдайлармен бірге салықтан жалтару да үлкен орын алып отыр. Әрине салықтан жалтарудың макроэкономикалық кері салдары мемлекетке едәуір зиян келтіретіндігі белгілі. Сондықтан да, салық санкцияларын яғни ерікті және мәжбүрлі өндіріп алуды қолдану - салықтан жалтаруға қарсы күресудің алғышарты негізінде туындап отыр.

Салық саясатының негізгі мәселелері уақыт өткен сайын әлеуметтік және саяси сипат алып келеді. Оның тиімді және дұрыс қызмет етуіне тек экономикалық сипаттағы ғана емес, азаматтық қоғамды, саяси тұрақтылықты сақтау және мемлекет егемендігі мен тәуелсіздігін тұғырландыру сияқты мәселелер де тәуелді.

Салық салу механизмі - кез-келген экономикалық жүйедегі ең маңызды тетік. Салық салу мемлекеттік реттеудегі ең басты әдістердің бірі, әлеуметтік-экономикалық саясаттың табысты болуы оның тиімділігімен тікелей байланысты.

Мемлекеттік саясат аясында жүргізіліп жатқан экономикалық және әлеуметтік қайта құрулар соған сәйкес шешімдер мен ережелерге негізделеді. Оларды жүзеге асырмайынша қоғамның алдына қойған экономикалық өсім, қаржылық тұрақтылық, азаматтардың өмір сүру деңгейінің жоғарлауы, олардың қауіпсіздігі және тағы басқа мақсаттарына жете алмайды. Бақылау кері байланыс формасы ретінде, біруақытта басқарушылық шешімдерді қабылдау арқылы қажетті шараларды қолдану турасында қорытынды шығаруға болады.

Нарықтық қатынастардың қалыптасуы экономикалық және әлеуметтік процестерді басқаруда мемлекеттік реттеушіліктің рөлін арттыруда көрініс береді. Бұл салықтардың маңыздылығын билік құрылымдарын қажетті құралдармен қамтамасыз ету әдісімен ғана емес, қоғамдық ұдайы өндіріс пропорциясына мемлекеттік әсер ету жүйесіндегі элемент ретінде де арттырады.

Салық жүйесін реформалау бүгінгі күнге дейін әлі де болса жүзеге асырылып келеді, оның қажеттілігі республикада бәсекелестігі жоғары нарық субъектілерін қалыптастыруға, ел экономикасының әлемдік экономикалық жүйеге енуіне бастама болды.

Салық саясаты әлемдік тәжірибеде қабылданған: әділеттілік, қарапайымдылық, және экономикалық бейтараптылық қағидаларының негізінде қызмет етеді.

Дегенмен, салық төлеуде қателіктер жіберу, төлем қабілетсіздіктің салдарынан салық төлей алмау немесе заңды және заңсыз түрде салықтан жалтару, салықты өндіріп алу процестерін жан-жақты жетілдіруге, оны кеңінен пайдалануға негіз болып отыр.

Соңғы кездері заңды және заңмен қарастырылмаған құралдарды қолдану арқылы салықтан жалтару кең таралды. Бұл өз кезегінде салық органдары қызметкерлерінен әртүрлі сипаттағы жалтару мен оны жүзеге асырудың көптеген механизмдерін тиянақты түрде сараптаудан өткізуді талап етті. Сонымен бірге олардың жалпы салық салынатын табысқа сәйкесінше бюджеттің табыс бөлігін қалыптастыруға тура және жанама әсерін зерттеу қажеттілігі туды.

Барлығымызға белгілі, кез-келген мемлекеттің қаржылық жүйесін тұрақтандырудың басты шартарының бірі салық салушылардың тәртібімен тікелей байланысты тұрақты салық жинауды қамтамасыз ету болып табылады.

Осы ережелерді дұрыс сақтау арқылы Қазақстан Республикасы бюджеті мен бюджеттен тыс қорларға төлемдер мен түсімдердің өз уақытында және толық түсуі, дұрыс есептелуі салық заңдылығының құқықтық нормалары үшін салықтарды өндіріп алу ауыртпалығы салық қызмет органдарына түседі. Сондықтан бұл тақырып қандай жағдайда болмасын өзекті мәселе болып қала береді.

«Салықтарды өндіріп алудың амалдары және оларды жетілдіру жолдары» тақырыбындағы диплом жұмысын орындаудағы мақсатым - салықтарды ерікті және мәжбүрлі түрде өндіріп алу мәселесін теориялық және практикалық тұрғыдан зерттей отырып, ол бойынша жетілдіру жолдарын ұсыну.

Осы мақсатта төмендегі міндеттерді орындау қажет:

Салық салудың экономикалық мазмұны, қалыптасу ерекшеліктерін теориялық тұрғыдан зерттеу;
Салықты өндіріп алуды жүзеге асырудың қажеттілігін саралау;
Алматы қаласы Бостандық ауданы бойынша салық басқармасының салық жүйесіндегі салықтарды өндіріп алу амалдарының механизмін қарастыру;
Салық берешегін өндіріп алудың практикалық негіздерін қарастыра отырып, талдау жасау;
Салықты өндіріп алу шараларын дұрыс жолға қоюды жетілдіру.

Зерттеу обьектісі болып Қазақстан Республикасындағы салық бақылауының ұйымдастырылуы және оны жүзеге асырудың заңмен қамтылу жағдайы болып табылады.

Жұмыстың фактілік негізі болып Қазақстан Респбликасы мемлекеттік бюджетінің негізгі түсімдерінің ауқымды бөлігін беретін Алматы қаласы, оның ішінде Бостандық ауданы бойынша Салық басқармасының сандық мәліметтері болып табылады.

Жұмыстың теориялық және әдістемелік негізі болып отандық және шет елдік ғалымдармен экономистердің еңбектері, мерзімдік арнайы басылымдар және салық салу саласындағы отандық заңнама, салықтарды өндіріп алуды заң тұрғысында қамтамасыз ететін басқа да заңнамалар табылады.

Ι. Салықтарды алу әдістері мен тәсілдерінің теориялық негіздері

1. 1. Салық салудың экономикалық мазмұны, қалыптасу ерекшеліктері

Салықтар - бұл мемлекетке заңды түрде белгілі бір мөлшерде және белгілі бір мерзімде төленетін міндетті төлемдер болып табылады.

Салықтарды пайдалану экономикалық басқарудың және кәсіпорындар мен кәсіпкерлердің коммерциялық жалпы қоғамдық мүддесін біріктіруді қамтамасыз етудің белгілі бір әдісі болып табылады.

Салықтың мәжбүрлі төленуі екі жағдайда байқалады. Біріншіден, салық мәжбүрлі түрде яғни, міндетті төлем салық төлеушінің еркіне қарсы енгізіледі. Екіншіден, егер салық төлеуші өз міндеттемесін өз еркімен орындамаса, онда мемлекет одан ақшаны күшпен тартып (өндіріп) алады. Осы салықты өндіріп алудың мәжбүрлі сипаты мемлекетке берілетін әр түрлі жарналардан ерекшеленеді. Жалпы, салықты өндіріп алу мемлекеттік қазынашылықтың шығындарын көбейтпес үшін, халыққа арзан түсуі тиіс.

Салықтардың көмегімен мемлекет қоғамдық функцияларын орындауға керекті ресурстарды өз иелігіне алады. Салықтардың көмегімен кірістердің бөлінуін өзгеріске түсіретін әлеуметтік қамтамасыз ету шығындары қаржыландырылады.

Қазіргі кезде Қазақстан Республикасының Салық жүйесінде ағымдағы жылдың қаңтар айынан бастап күшіне енген жаңа салық кодексіне орай, заңды тұлғаларға төмендегідей салық түрлері салынады: корпорациялық табыс салығы, қосылған құн салығы, акциздер, экспортталатын шикі мұнай мен газ конденсатына салынатын ренталық салық, жер қойнауын пайдаланушылардың салықтары мен арнаулы төлемдері, әлеуметтік салық жер салығы, көлік құралдарына салынатын салық және мүлік салығы.

Енді әрбір салықтар жіктемесіне жеке-жеке тоқталатын болсақ, Қазақстан Республикасында фискалды жағымен жария болған, салықтық түсімдердегі табыс салығынан кейінгі екінші орынға ие жанама салықтардың атқаратын ролі ерекше болып келеді. Оның ішінде қосымша құнға салынатын салық, ең алғаш 1954 жылы Францияда негізі қаланған болатын. Қазір ол әлемнің 42-ден астам елдерінің салық жүйесінде қолданылады.

Жанама салықтар, жоғарыда атап өткеніміздей, бағаға немесе тарифке үстеме түрінде белгіленген салықтар, олар салық төлешінің табыстарына немесе мүлкіне тікелей байланысты емес. Жанама салықтар мемлекеттің фискалды мүдделерін білдіреді. Оларды саналы пайдалану баға белгілеу процесіне оңтайлы ықпал жасауы және тұтыну құрылымына әсер етуі мүмкін. Бұдан басқа, салық төлеушілер үшін табыстарға тура салық салудың өсуінен гөрі олардың шығыстарына салық салудың өсуі жақсырақ. Сонымен бірге тұтынуға салынатын салықтар болып табылатын акциздерді, сатудан алынатын салықты, қосылған құнға салынатын сияқты пайдаланудың көбірек артықшылығы болады, өйткені: олардан жалтарыну қиынырақ; олармен экономикалық құқықбұзушылық аз байланысты; олар еңбекке деген ынталандырмаларды аз қысқартады; тапшылықтың жоқтығы жағдайында; ауыстырушы тауарға да тапшылықтың жоқтылығын қоса олар тұтынушыға таңдау құқығын сақтап қалады; салықтардың жасырымдылығын қамтамасыз етеді және т. с. с. Салық салу жүйесінде ортақ заңдылықтың болатынын есте ұстау қажет: экономика дағдарысы жағдайында, тұралашылықта, өндірістегі, саудадағы және экономиканың басқа да секторларындағы тоқырауда - салық салуды тұтынысқа объективті қайта бағдарла болады. Осы кезде мемлекеттің шығыстары мұндай қысқармайды, тіпті кейде халықтың жұмыспен қамтылуының төмендеуінің нәтижесінде оны әлеуметтік қолдауды кеңейту, экономиканың құрылымын қайта құруға, оның тіршілікті қамтамасыз ететін салаларын қолдауға жұмсалатын шығыстарды арттыру қажеттігінен көбейеді.

Сондықтан салық ауыртпалығын тұтынатындарға ауыстырудың қажеттігі пайда болды. Бөлу процесіндегі белгілі бір теңестіруге жанама салықтардың өзіндік әлеуметтік бағыттылығы осында көрінеді. Дүниежүзілік тәжірибе мұндай практиканы қолдап отырады.

Жанама салықтардың ішіндегі ең маңыздысы 1992 жылы енгізілген қосылған құнға салынатын салық - ҚҚС болып табылады. Салық төлеуші мемлекетке оны төлеу нәтижесінде шеккен шығынның орнын бағаны көтеру жолымен толықтырады және салықты төлеуді сатып алушыға аударады. Салық салу объектісі материалдық шығындарсыз өндірілген өнім болып саналатын қосылған құн болып табылады: қосылған құн болып өнімге кешенді шығыстар, мысалы, жарнамаға жұмсалатын және басқа бірқатар шығындар қамтылуы мүмкін ¹ [17] .

Салық және бюджетке төленетін басқа да міндетті төлемдер туралы ҚР-ң кодексі бойынша қосылған құнға салынатын салық деп тауарларды өндіру және олардың айналысы процесінде қосылған, оларды өткізу бойынша салық салынатын айналым құнының бір бөлігін бюджетке аударуды, сондай-ақ ҚР аумағындағы тауарлар импорты кезіндегі аударымды айтады. Салық салынатын айналым бойынша бюджетке төленуге тиісті ҚҚС сатылған тауарлар үшін төленуге ҚҚС сомасы арасындағы айырма ретінде анықталады. Заңнамаға сәйкес салық салынатын айналым және салық салынатын импорт ҚҚС-ң салық салу объектілері болып болып есептелінеді. ҚҚС төлеушінің тауарларды өткізу бойынша жасаған айналым салық салынатын айналым болып табылады, оған салық кодексіне сәйкес қосылған құн салығынан босатылған және өткізу орны ҚР-сы болып табылмайтын айналым қосылмайды. Салық салынатын айналым мөлшері, оған қосылған құн салығын қоспай, мәміле жасаған тараптар қолданатын бағалар мен тарифтерді негізге ала отырып, өткізілген тауарлар құны негізінде анықталады. Өткізілген тауарлар құны қандай бір өзгеріске түскен жағдайда, салық салынатын айналым мөлшері тиісті түрде енгізіледі. ҚР-ң кеден заңнамасына сәйкес мағлұмдамалануға тиісті, Қазақстан аумағына әкелінетін және әкелінген тауарлар қосылған құн салығынан босатылғандарын қоспағанда салық салынатын импорт болоып табылады. Салық салынатын импорт мөлшеріне кеден заңнамасына сәйкес белгіленетін импортталатын тауардың кедендік құны, сондай-ақ қослыған құнға салынатын салықты қоспағанда, ҚР-на тауарлар импортты кезеңдегі салық және бюджетке төленетін басқа да міндетті төлемдер сомалары қосылады.

Жұмыстарды, қызмет көрсетулерді өткізу бойынша айналым кез келген жұмыстарды орындауды немесе қызмет көрсетулерді соның ішінде олардың тегін орындалуын, сондай-ақ тауардың өткізуден өзге сыйақы үшін кез келген қызметті білдіреді.

Қосылған құнға салынатын салық мөлшерлемесі 15 пайызға тең және салық салынатын айналым мөлшеріне қолданылады. Экспортқа тауарлар өткізу бойынша айналымға, халықаралық тасылымдарға байланысты орындалатын жұмыстарға, көрсетілген қызметтерге нөлдік ставка бойынша қосылған құн салығы салынады. Кеден заңнамасына сәйкес ҚР-ң кеден аумағынан тауарлар әкету тауарлар экспорты болып табылады.

Жанама салықтар арасынадағы фискалдық маңызы жағынан екіншісі кеден төлемдері - әкелім, әкетілім сондай-ақ тауарлардан, заттар мен қызметтер көрсетуден, өндіріліп алынатын баждар мен алымдар болып табылады. Жанама салықтардың үшінші тобына акциздер кіреді. Бюджет кірістеріндегі салықтың түсімдерінде олар шамамен 2, 5 % құрайды.

Акциздер - бағаға қосылатын және сатып алушы төлейтін тауарларға салынатын салық. Акциздерді өзінің айрықша ерекшеліктеріне қарай монопольды түрде жоғары бағалары мен тұрақты сұранымы болатын тауарларды өндірушілер төлейді. Акциздер көрсетілген қызметтерге де салынуы мүмкін, бұл орайда салық сомасы тарифке кіреді. Қазақстан Республикасы аумағында өткізілген алкоголь өнімі мен темекі бұйымдары акциздерді жинаудың толықтығын қамтамасыз ету және оның аумағында жасырын әкелу, өндіру және өткізуді болдырмау мақсатында міндетті түрде таңбалауға жатады.

Корпорациялық табыс салығы бюджет түсімдерінде едәуір орын алады. Бұл салықты Ұлттық банк пен мемлекеттік мекемелерді қоспағада Қазақстан Республикасы резидент-заңды тұлғалары төлейді. Арнаулы салық режимін қолданушы заңды тұлғалар шағын бизнестің субьектілері, шаруа (фермерлік) қожалықтары, ауыл шаруашылығы өнімін өндіруші - заңды тұлға, кәсіпкерлік қызметтің жекелеген түрлері корпорациялық табыс салығын төлейді. Корпорациялық табыс салығын салу механизмі заңды тұлғалар салықты есептеу, төлеу тәртібін, алу шарттарын, жеңілдіктер мен санкцияларды, төлеу уақытын анықтайды. Негізгі шектерде бұл механизм заңнамаға сәйкес мынаған саяды: салықты табыс алатын заңды тұлғалар, резиденттер мен бейрезиденттер, соның ішінде кәсіпкерлік қызметтен алатын табыстары бойынша коммерциялық емес ұйымдар да төлейді ² [ 7] .

Салық төлеушілер корпорациялық табыс салығын төлеуді өзінің тұрып жатқан орны бойынша жүзеге асырады және бұл салық бойынша аванстық төлемдерді бюджетке салық кезеңі ішінде белгілі мөлшерде ағымдағы айдың 20- нан кешіктірмей ай сайын төлеп тұруға міндетті.

Салық кезеңі ішінде енгізілген аванстық төлемдердің сомасы салық кезеңі үшін корпорациялық табыс салығы жөніндегі мағлұмдама бойынша есептеп шығарылған оны төлеу есебіне жатқызылады.

Жер қойнауын пайдаланушылардың салықтары мен арнаулы төлемдері. ҚР-ң салық жүйесінде табиғи ресурстарды, пайдалы қазбаларды, жер қойнауын пайдалануға байланысты бірқатар төлемдер бар, оларды шартты түрде салықтық сипаты бар табиғи ресурстар үшін төленетін төлемдер ретінде бір топқа біріктіруге болады. Оларға үстеме пайдаға салынатын салық, жер қойнауын пайдаланушылардың арнаулы төлемдері, су үшін төленетін төлем, орманды пайдаланғаны үшін төлем және басқалары жатады. Аталған төлемдер негізінен ренталық сипатта болады, өйткені олардың пайда болуы мөлшерінің шамасы шығарылатын және шаруашылық қызметте пайдаланатын материалды, шикізатты, минералды ресурстарды алу, тұтыну, олардың сапасы табиғат факторларымен байланысты болады.

Жер қойнауын пайдаланушы үшін белгіленген салық режимі тек қана ҚР- ның Үкіметі белгіленген тәртіппен жер қойнауын пайдалануға жасалатын келісімшартта айқындалады. Келісімшарттардың негізгі түрлеріне қарай жер қойнауын пайдаланушыларға салық салудың екі үлгісі белгіленген:

Бірінші үлгі жер қойнауын пайдаланушының Салық кодексінде көзделген салықтар мен басқа да міндетті төлемдердің барлық түрлерін төленуін көздейді.

Екінші үлгі жер қойнауын пайдаланушының өнімді бөлу бойынша ҚР-ң үлесін төлеуін, сондай-ақ Салық кодексінде көзделген салықтар мен басқа да міндетті төлемдердің барлық түрлерін төленуін көздейді, оларға шикі мұнай мен басқа пайдалы қазбаларға салынатын акциз, үстеме пайдаға салынатын салық, жер салығы, мүлікке салынатын салық қосылмайды.

Жер қойнауын пайдаланушылардың салықтары мен арнаулы төлемдері мыналарды қамтиды: үстеме пайдаға салынатын салық; жер қойнауын пайдаланушылардың арнаулы төлемдері: қол қойылатын; коммерциялық табу; роялти; Өнімді бөлу бойынша ҚР- ң үлесі.

Әлеуметтік салық - мемлекетке алынған салықтардың бірі. Ол 1999 жылдан бері бұған дейін қолданылып келген әлеуметтік қорларға: зейнетақы, мемлекеттік әлеуметтік сақтандыру, міндетті медициналық сақтандыру, халықты жұмыспен қамту қорларына аударылатын сақтық жарналары аударымдарының орнына енгізілген. Аударымдардың жиынтық мөлшерлемесі еңбекке ақы төлеу қорларының 28 % мөлшерінде белгіленді, ал төленетін жарналардың сомасы өндіріс шығындарына жатқызылады. Әлеуметтік салықтан түсетін түсімдер мемлекеттік бюджетке 17% түсім береді. Арнаулы салық режимі - салық төлеушілердің жекелеген санатттары - шағын бизнестің субъектілері, шаруа қожалықтары, заңды тұлғалар - ауыл шаруашлығы өнімдерін өндірушілер, кәсіпкерлік қызметтің жекелеген түрлері үшін белгіленетін және салықтардың жекелеген түрлерін есептеу мен төлеудің, сондай-ақ ол бойынша салық есептемесін берудің оңайлатылған тәртібін қолдануды көздейтін бюджетпен есеп айырысудың ерекше тәртібі.

Кәсіпкерлік қызметтің жекелеген түрлеріне арналған арнаулы салық режимі ойын бизнесі, боулинг, картинг, бильярд, лото ойындары саласында қызмет көрсететін заңды және жеке кәсіпкерлерге қолданылады.

Қызметтің аталған түрлерінің субъектілері бюджетпен тіркелген жиынтық салық әлеуметтік салық, төлем көзінен салынатын жеке табыс салығы негізінде есеп айырысады. Корпорациялық табыс салығы тіркелген жиынтық салық мөлшерінің 30 пайызын, қосылған құнға салынатын салық - 70 пайызын құрайды. Қалған салықтар мен басқа да міндетті төлемдер жалпы белгіленген тәртіппен төленеді. Тіркелген жиынтық салықтың базалық ең төменгі және ең жоғарғы мөлшерлемелерін Қазақстан Республикасының Үкіметі салық салудың әрбір объектісі бойынша белгілейді.

1. 2. Салықтарды өндіріп алу және оны қолданудың қажеттілігі

Жалпы салықтық қатынастар мемлекет пен кәсіпорын арасындағы міндетті қарым-қатынас болып келеді. Бұл міндеттемесінің мәні салықты төлеуінде жатыр: әрбір салық төлеуші заңмен бекітілген салықтармен алымдарды төлеуге міндетті.

Салық төлеушінің салық заңдарына сәйкес мемлекет алдында туындаған міндеттемесі деп танылады, оған сәйкес салық төлеуші :

салық міндеттемелерін дер кезінде және толық көлемінде орындауға;
салық қызметі органдарының анықталған салық заңдарын бұзушылықтарды жою туралы заңды талаптарын орындауға, сондай-ақ қызметтік міндеттерін атқаруы кезіндегі заңды қызметіне кедергі жасамауға;
нұсқама негізінде салық қызметі органдары лауазымды адамдардың салық салу объектісі және салық салумен байланысты объект болып табылатын мүлікті тексеруіне жол беруге;
салық есептілігі мен құжаттарды заңда көзделген тәртіппен табыс етуге;
заңға сәйкес қолма-қол ақшамен, төлемдік банк карточкаларымен, чектермен сауда операцияларын жасаған немесе қызметтер көрсеткен кезде тұтынушылармен ақшалай есеп айырысуды фискалдық жадысы бар бақылау-касса машиналарын міндетті түрде пайдалана отырып және тұтынушының қолына бақылау чегін бере отырып жүргізуге міндетті.

Осы салық міндеттемелері ішіндегі ең негізгі мақсаты - ол салықты толығымен және уақытылы төлеу болып саналады. Мемлекет салық қызметі органы арқылы салық төлеушінің өз салық міндеттемелерін толық көлемінде орындауын талап етуге, ал олар орындалмаған жағдайда оларды қамтамасыз ету жөніндегі тәсілдерді және ҚР Салық кодексінде көзделген тәртіппен мәжбүрлеп орындату шараларын қолдануға құқылы.

«Салықтық міндеттемені орындамауы» - салық заңын бұзуы деген сөз.

«Салықтық құқық бұзушылық» - бұл мемлекетпен бекітілген салықтар, алымдар мен міндетті төлемдерді төлеуден салық төлеушінің бас тартуы болып табылады.

«Салық төлеуден жалтару» - мемлекеттің кірісіне ақшалай қаражаттарды төлеу бойынша міндеттемесін ол соманы төлеуге мүмкіндігі бола тұрып, әдейілеп орындамауы ³ [ 6] .

... жалғасы

Сіз бұл жұмысты біздің қосымшамыз арқылы толығымен тегін көре аласыз.