ҚазТрансОйл АҚ-ның өндірістік-шаруашылық қызметі

МАЗМҰНЫ

КІРІСПЕ

«Болашақтың іргесін бірге қалаймыз!» атты Қазақстан халқына жолдауында Елбасы мықты бизнес болған жағдайда ғана мықты мемлекет болуы мүмкін екендігін айтты. Нұрсұлтан Әбішұлы отандық экономиканың бәсекеге қабілеттілігін арттыруға шақырды, ол заманауи және тиімді технологияларға негізделуі тиіс. Бүгінгі күні республикадағы көптеген кәсіпорындар мен компаниялар осы қағидатты басшылыққа алып жұмыс істеуде. Өз қызметін олар еліміздің экономикалық та әлеуметтік те үлгісінің дамуына үлкен күш береді. Осындай кәсіпорындардың бірі отандық аса ірі мұнай құбыры компаниясы - «ҚазТрансОйл» АҚ.

Бүгінгі күні «ҚазТрансОйл» АҚ компаниясы экспортқа және республиканың ішкі нарығына Қазақстанда өндірілетін барлық мұнайдың 57%-ын тасымалдайды. 2010 жылы компания өзінің магистральды мұнай құбыры жүйелерімен 52, 5 млн. тоннадан артық көмірсутек шикізатын тасымалдады. Мұнайдың жүк айналымы 2010 жылы 34 млрд. 223 млн. тонна км деңгейге жетті, бұл алдыңғы жылдың осындай көрсеткішінен 710 миллион км артық.

Басты өндірістік көрсеткіштердің осындай өсуі, біріншіден, мұнай өндіруші компаниялардың (негізінен «Теңізшевройл» ЖШС және «Қарашығанақ Петролеум Оперейтинг БВ») мұнай өндіру және жеткізу көлемдерін арттыруы, сондай-ақ мұнай жеткізу бағыттарын өзгерту бойынша жүргізілген жұмыстардың арқасы. «Мұнайтас» СБҚК» АҚ Кеңқияқ-Атырау, «Қазақстан-Қытай құбыры» ЖШС Атасу-Алашаңқай және Кеңқияқ-Құмкөл мұнай құбырларымен мұнай жеткізуді, Батуми мұнай терминалы арқылы мұнайды және мұнай өнімдерін ауыстырып құюды ескергенде «ҚазТрансОйл» АҚ шоғырландырылған тасымалдау көлемі 65 825 мың тоннаны құрады.

Өндірістік көрсеткіштердің өсуі нәтижесінде компания 2010 жылға жоспарланған инвестициялық бағдарламаны іс жүзінде толық орындай алды және өз табыстарын 13%-ға арттырды.

«ҚазТрансОйл» АҚ негізгі қызметі құбырмен «қара алтын» тасымалдаумен бірге Астрахань-Маңғышлақ су құбыры бойынша Атырау және Маңғыстау облыстарының тұтынушыларына су жеткізуді де жүзеге асырады. Су құбырларын суық күндерге дайындау үшін компания қажырлы жұмыстар жүргізeді. Атап айтсақ, құбыр қақпақтары бітелді, тастанды ысырмалар мен құдықтар тексеріліп, тазаланды, суды тазартуға арналған қажетті химиялық реагенттер қоры дайындалды. Жасалған жұмыстар Батыс аймағының барлық тұтынушыларын кез келген ауа райында сапалы тұщы сумен іркіліссіз қамтамасыз етуге мүмкіндік береді. Бұл компанияның әлеуметтік жауапкершілігін жете сезініп, сөзбен емес іспен дәлелдеуінің кезекті көрінісі екені анық.

Жыл сайын «ҚазТрансОйл» АҚ өзінің техникалық қарулануын кеңейтіп жаңа деңгейге шығаруда. Бұл магистралды мұнай құбырларының жылдың барлық маусымында сенімді жұмыс істеуін және жоспарланбаған шығындарға жол бермеу мақсатын көздеуде. Ал Қазақстан бойынша тартылған «қара алтын» тасымалдауға арналған магистралды құбырлар жүйесін қысқа дайындау өнімді өндірістік көрсеткіштердің кепілі болып қала бермек.

Мұнай өндірумен қатар мұнай көлігі жүйесінің тиімді жұмысы әлемдік энергетика нарығының елеулі факторы екендігін назарға алсақ, «ҚазТрансОйл» АҚ-ның табысы мен жетістікері тұтас алғанда Қазақстан экономикасының бәсекелестік қабілетінің артуына да тікелей әсер етеді. Кәсіпорынның технологиялық дамуы жөніндегі айқын жоспарларын басшылыққа алып, компания жұмыстың заманауи әдістемелерін және күрделі техникалық үрдістерді басқаруды тұрақты түрде енгізіп отырады. Жоспарлау және инвестициялау мәселелеріндегі жоғары қаржылық тәртіп арқасында «ҚазТрансОйл» АҚ 2010 жылы өзінің күрделі қаржы жұмсалымы бағдарламасын орындады. Сондай-ақ компания қызметінің көрнекі мысалы ретінде алдыңғы жылмен салыстырғанда республиканың ішкі нарығына мұнай тасымалдау көлемінің артқандығын атап өтуге болады.

Компанияның әлеуметтік саладағы жұмысын да назардан тыс қалдыруға болмайды. «ҚазТрансОйл» АҚ былтырғы жылы өзіне қабылдаған барлық әлеуметтік міндеттемелерді орындады. Компанияның халықтың әлеуметтік қорғалмаған қатарын қолдау бағдарламасы республиканың көптеген ірі кәсіпорындары үшін қызмет үлгісі бола алады. Бүгінгі күні «ҚазТрансОйл» АҚ басшылығы компанияның экономикалық та, әлеуметтік те саладағы жетістіктері туралы айта отырып, олар өз еліміздің жеңістерімен және жасампаздықтарымен тығыз байланысты екендігін көрсетеді.

1 БӨЛІМ. «ҚАЗТРАНСОЙЛ» АҚ-НЫҢ НЕГІЗГІ ҚЫЗМЕТІ

1. 1 Кәсіпорынның құрылу тарихы және қызметінің негізі түрлері

Мұнай тасымалдау, мұнай және мұнай өнімдерінің экспорты мен импорты мәселелерінде Қазақстан Республикасының мүдделерін сақтау мақсатында Қазақстан Республикасы Үкіметінің 1997 жылғы 2 сәуірдегі №461 қаулысымен мемлекет жарғылық қорына 100 пайыз қатысатын «ҚазТрансОйл» мұнай тасымалдау жөніндегі ұлттық компаниясы» жабық акционерлік қоғамы (бұдан әрі - «ҚазТрансОйл» МТҰК» ЖАҚ) құрылды.

2001 жылы «ҚазТрансОйл» МТҰК» ЖАҚ акцияларының мемлекеттік пакеті Қазақстан Республикасы Үкіметінің 2001 жылғы 2 мамырдағы №591 қаулысына сәйкес құрылған «Мұнай және Газ көлігі ұлттық компаниясы» жабық акционерлік қоғамының жарғылық қорына берілді.

Қазақстан Республикасы Энергетика және минералдық ресурстар министрлігінің 2001 жылғы 22 маусымдағы №159 бұйрығына сай «ҚазТрансОйл» МТҰК» ЖАҚ «ҚазТрансОйл» жабық акционерлік қоғамы (бұдан әрі - «ҚазТрансОйл» ЖАҚ болып қайта аталды.

Қазақстан Республикасы Президентінің 2002 жылғы 20 ақпандағы №811 Жарлығымен «Қазақойл» ұлттық мұнай-газ компаниясы» мен «Мұнай және Газ көлігі» ұлттық компаниясы» жабық акционерлік қоғамдарының бірігу жолымен қайта құрылуы негізінде «ҚазМұнайГаз» ұлттық компаниясы» жабық акционерлік қоғамы құрылды, ол «ҚазТрансОйл» ЖАҚ-тың бірден-бір акционері. 2004 жылғы 31 мамырда «ҚазТрансОйл» ЖАҚ «ҚазТрансОйл» АҚ болып қайта аталды.

Компанияға Қазақстанның қазіргі бар барлық магистральды мұнай құбырлары мен суағызғылары берілді. «ҚазТрансОйл» АҚ құрылған кезде Қазақстан аумағынан 6 мың шақырымға жуық магистральды мұнай құбырлары өтетін.

Республикада қалыптасқан құбыр жүйесі Қазақстан Республикасының экономикалық мүдделеріне толық көлемде жауап бере алмағандықтан жаңадан құрылған кәсіпорынның жұмысы отандық мұнай құбыры көлігін жақсарту, нығайту және дамыту жөніндегі жедел шараларды талап етті.

Компанияның топ-менеджерлері өте қысқа мерзім ішінде компанияны басқарудың бірыңғай жүйесін әзірледі және құрды, іс-әрекеттің тиімділігін арттыру, шетелдік компаниялар тәжірибесінен таңдаулысын алу және енгізу, сондай-ақ құбыр көлігі мамандарын дайындауға арналған отандық негіз жасау мақсатында қызметшілерді оқытудың кеңейтілген бағдарламасы жүргізілді.

Сонымен қатар қазіргі бар құбыр жүйесін жақсарту және жаңғырту жөнінде кешенді шаралар жүргізілді, соның нәтижесінде мұнай құбырларының қызмет ету қабілеті сақталды, көрсетілетін қызметтердің тиімділігі, олардың қауіпсіздігі мен сенімділігі артты.

Жаңа мұнай тасымалдау объектілерінің құрылысы, тасымалдау схемаларын ұйымдастыру жөніндегі күрделі жұмыстарды жүргізу басталды. Қысқа мерзім ішінде тұтынушылардың сұранысын қанағаттандыру мақсатында қазіргі бар мұнай құбыры жүйесі шеңберінде тұтынушыларға кең қызмет аясын көрсету, экспорттық бағыттардың әзірленуін ескере отырып, мұнай көлігі бағытын әртараптандыру қамтамасыз етілді.

Компанияның ағымдағы қызметін қаржыландырудың жеткілікті көлемін қамтамасыз ету үшін, пайдаланылатын капиталды жалпы арзандату және акционерлік капиталға тұрақты және орынды қайтарылуын қамтамасыз ету үшін Компанияның қаржылық құрылымын тұрақтандыру және оңтайландыру жөніндегі іс-шаралар ойдағыдай аяқталды.

АСПиР баға саясаты комитеті 1998 жылғы 5 маусымда «ҚазТрансОйл» ЖАҚ жүйесімен мұнай тасымалдауға арналған тарифтерді есептеу әдістемесін бекітті, ол мұнай тасымалдауға арналған бағаларды белгілеудің транспаренттік механизмін айқындаудың алғашқы қадамы болды. Жаңа әдістеме жалпыға бірдей қағидатта және баға қалыптастырудың икемді ұстанымын қамтамасыз ете отырып, тұтынушылардың мүмкіндіктері мен талаптарын егжей-тегжей ескере отырып, қазіргі бар құбыр жүйесін мейлінше пайдалануға жағдай тудыра отырып жасалды.

Қазақстандық құбырлар жүйесін қалпына келтіру және жаңғырту жөнінде жүргізілген жұмыстардың басты нәтижесі деп оның жұмыс қабілеті мен сенімділігін сақтауды, көрсетілетін қызметтердің тиімділігін арттыруды айтуға болады.

1998 жылдың өзінде ҚТО-да 24 104 мың тонна мұнай тасымалданды. Мұнай тасымалдау көлемінің артуы жүйе бойынша жүк айналымының 15 337 млн. тонна-шақырымға артуына қол жеткізуге мүмкіндік берді. 1998 жылдан бастап қазіргі бар магистральды құбырлар жүйесімен мұнай тасымалдау тұрақты түрде артуда.

1998 жылы «ҚазТрансОйл» ЖАҚ бюджетке 2 998 млн. теңге төледі. ҚТО-ның даму серпіні жұмыстың жаңа бағыттарын игеру қажеттігін және осы заманғы өркен жайған инфрақұрылымы әрі қуатты қаржылық қамтамасыз етілген Холдинг құру қажеттілігін көрсетті. Осы экономикалық құрылым көмірсутек шикізатын тасымалдау, оның экспорты мен импорты мәселелерінде Қазақстан Республикасының экономикалық мүдделерін нығайтуға бағытталған жаңа стратегиялық міндеттер мен басымдылықтарды шешуге тиіс.

Қазіргі бар жүйелерді жаңғырту жөніндегі инвестициялық жобаларды іске жарату мен көлемді бағдарламаларды жүзеге асыру жобалық қаржыландыру түрінде, сондай-ақ еурооблигациялар шығару арқылы ұзақ мерзімді инвестициялардың елеулі көлемін тартуды талап етеді.

2001 жылы «ҚазТрансОйл» АҚ жалпы сомасы 150 миллион АҚШ долларына 2006 жылы өтеу мерзімімен еурооблигацияларды шығару және орналастыру жолымен әлемдік нарыққа шықты. Осы шығарылым Компанияның бағалы қағаздар шығарылымының басы және халықаралық капитал нарығында қазақстандық компаниялардың арасында топтық облигациялар шығарылымының алғашқысы болды.

Бір жыл бұрын 30 миллион АҚШ доллары сомасына 3 жыл мерзіммен ішкі облигациялар шығарылды (банк кредитіне қарағанда неғұрлым арзан қаржыландыпруды тарту мақсатында) . Қаражат жалпы топтық мақсатқа жұмсалды.

Компанияның 1998 - 2001 жылдарға арналған индикативті даму жоспарына сәйкес қойылған барлық басым міндетті Компания іс жүзінде мерзімінен бұрын озық орындауға қол жеткізді, бұл 2000 жылдың өзінде Үкіметтің қаулысымен бекітілген жаңа 2000 - 2005 жылдарға арналған индикативті жоспар әзірлеуге мүмкіндік берді.

Ағымдағы және келешек қызметті қаржыландырудың жеткілікті көлемі үшін қаржылық құрылымды тұрақтандыру және оңтайландыру жөніндегі іс-шаралар ойдағыдай аяқталды.

Осындай нәтижелер негізінен ең алдымен Компания менеджменті деңгейінде күшті қайта бөлу, барлық ұжымның үйлесімді жұмысы, Компанияны басқару әдісіндегі оң өзгерістер, жаңаша ойлайтын, жан-жақты тәжірибесі және білімі бар мамандарды тарту арқылы мүмкін болды. Сыртқы жағдайдың да оң өзгерістерінің маңызы зор.

«Акционерлік қоғамдар туралы» 2004 жылғы 31 мамырдағы Қазақстан Республикасының Заңына сәйкес «ҚазТрансОйл» компаниясының ұйымдық-құқықтық нысанын акционерлік қоғам етіп қайта тіркеу жүзеге асырылды.

Компания міндеті

Қоғамның магистральды мұнай құбырлары жүйесіне барлық жүк тасымалдаушының тең қол жеткізуін қамтамасыз ете отырып, мұнайды іркіліссіз тасымалдау, ауыстырып құю және сақтау бойынша сапалы, уақытылы және бағасы жөнінен бәсекеге қабілетті тасымалдау қызметтерін көрсету.

Компания келешегі

«ҚазТрансОйл» АҚ - тиімділігі жоғары, бәсекеге қабілетті және қазіргі заманға сай әртараптандырылған мұнай құбыры инфрақұрылымы бар, табысты мұнай тасымалдау компаниясы.

«ҚазТрансОйл» АҚ стратегиялық мақсаттары және даму міндеттері

1 Мақсат - Ағымдығы және болашақ пайданы сақтап көбейту
2 Мақсат - Шығындарды оңтайландыру
3 Мақсат - Капитал салымдарының (инвестициялардың) тиімділігін арттыру
4 Мақсат - Бар мұнай құбырларының жүйесін дамыту және жаңа экспорттық мұнай құбырларын пайдалануға және олардың құрылысына қатысу.
5 Мақсат - Тиімділігі жоғары мұнай құбыры компаниясын құру
6 Мақсат - Еңбекті ұйымдастырудың қазіргі бар жүйесін және кадрлар әлеуетін дамытуды жетілдіру
7 Мақсат - Қоршаған ортаны сақтауды және өндірістің экологиялық қауіпсіздігін қамтамасыз ету

Қызметтің негізгі түрлері

Бүгінгі таңда «ҚазТрансОйл» АҚ магистральды мұнай құбырларының қуатты тармақталған жүйесі бар, олармен мұнай тасымалдауды және су жеткізуді қамтамасыз ететін Қазақстан Республикасының аса ірі мұнай тасымалдаушы компаниясы болып табылады.

Сондай-ақ Қоғамның қызметінің негізгі түрлері - жылу энергиясын өндіру, беру және тарату, электр энергиясын беру және тарату, Қазақстан Республикасының тұтынушылары үшін таратушы құбырлармен табиғи газ тасымалдау, өзге заңды тұлғаларға тиесілі магистральды құбырларды пайдалану және оларға техникалық қызмет көрсету.

1. 2 Кәсіпорынның құрамы мен орталық аппаратының құрылымы

«ҚазТрансОйл» акционерлік қоғамы Батыс филиалының негізгі міндеттері:

• Батыс Қазақстан кеніштерінен мұнайды «Қаламқас - Қаражанбас - Ақтау», «Өзен - Атырау - Самара» магистральды мұнай құбырлары арқылы Атырау МӨЗ-ге және экспортқа тасымалдау;
• «Атырау МАС» темір жол қотару-құю құярлықтары және «Ақтау» МАС қотару құярлығы арқылы мұнай жеткізу, «Кеңқияқ - Атырау» мұнай құбыры, «Кеңқияқ - Құмкөл» мұнай құбыры және «КҚК-Қ» АҚ жүйесі арқылы мұнайды ауыстырып құю;
• Ақтау қаласы теңіз кемежайы арқылы танкерлерге құю;
• Атырау және Маңғыстау облыстарының, соның ішінде Құлсары, Жаңаөзен қалаларының мұнай, өнеркәсіптік кәсіпорындары мен бюджеттік ұйымдарының халқы үшін Еділ өзенінің Қиғаш саласынан техникалық және ауыз су дайындау және жеткізу.

«ҚазТрансОйл» акционерлік қоғамы Шығыс филиалының негізгі қызметі мен міндеттері:

Шығыс филиалы Қазақстанның солтүстігінен оңтүстігіне, елдің орталық өңірінен шығысқа (ҚХР) тартылған жалпы ұзындығы 4298, 6 км мұнай құбырларын пайдаланады.

«ҚазТрансОйл» АҚ Шығыс филиалы «Омбы» ҚТП-де қабылданатын Батыс Сібір мұнайын, «Құмкөл», «Ақшабұлақ», «Торғай-Петролеум» ҚТП-де, «Атасу» құю эстакадасында қабылданатын Қазақстан мұнайын және «Кеңқияқ-Құмкөл» ММҚ бойынша Қазақстанның батыс аймақтарынан келетін мұнайды қабылдау, тасымалдау, сол секілді Ресей мұнайын «ТОН-2» ММҚ арқылы тасымалдау бойынша қызмет көрсетеді.

Жүк жөнелтушілер мұнайы «Павлодар мұнай-химия зауыты» АҚ-на, Шымкент мұнай өңдеу зауытына («Петро Қазақстан Ойл Продактс» ЖШС), «Атасу - Алашанькоу» экспорттық мұнай құбырымен («Қазақстан - Қытай құбыры» ЖШС) Қытайға тасымалданады.

Сонымен қатар, «Шағыр» мұнай құю пунктінде және «Атасу» ТҚЭ жақын және алыс шетелдерге темір жолмен тасымалдау үшін темір мұнай жол вагондарына тиеледі.

«ҚазТрансОйл» АҚ Ұжымдық пайдалану есептеу орталығы» филиалының негізгі міндеттері:

• технологиялық және басқару үдерістерін автоматтардыру, телекоммуникация желілерін жаңғырту және ақпараттық технологияларды дамыту.

«ҚазТрансОйл» АҚ Ұжымдық пайдалану есептеу орталығы» филиалының негізгі қызметі:

• ақпараттық жүйелерді енгізу, жаңғырту және техникалық сүйемелдеу:электронды құжат айналымы жүйесі (ЭҚЖ) ; SAP R/3 ERP-жүйелері; топтық кірігу тұғырнамасы (КТ) ; техникалық жай-күйді және жөндеуді бақылау мен басқару
• автоматтандырылған жүйелері (ТЖКжәнеЖБ менБАЖ) ; топтық геоақпараттық жүйе (ТГАЖ) ; топтық ақпараттық экологиялық жүйе (ТАЭЖ) ; Ақтау БМҚС экологиялық мониторингі (ЭМ) ; Басқа жүйелер;
• техникалақ қолдау көрсету және сенімді жұмысты қамтамасыз ету:технологиялық және кеңселік бағдарламалық жасақтау; серверлер мен жұмыс стансалары;
• көмекші жүйелер:іркіліссіз және кепілді электрмен жабдықтау; кіруді басқару және бақылау; бейне бақылау; белсенді өрт сөндіру және өрт сөндіру дабылы; дәлдікпен салқындату.

«ҚазТрансОйл» АҚ Ғылыми-техникалық орталығының негізгі мақсаты:

• Жаңа технологиялар мен техникалық шешімдер әзірлеп, оларды одан әрі Қазақстан магистральды мұнай құбырлары жүйесіне енгізуге бағытталған ғылыми-зерттеу, тәжірибелік-конструкторлық және инжинирингтік жұмыстар жүргізу

«ҚазТрансОйл» АҚ Ғылыми-техникалық орталығының бүгінгі күнгі негізгі қызметі:

• Қазақстан мұнайын тасымалдау режимін оңтайландыру мақсатында оның геологиялық сипаттамасын зерттеу;
• Қазақстан шикізат ресурстары негізінде әзірленген жаңа импорт алмастырушы депрессанттарды және ингибаторларды енгізу;
• құбыр көлігі және экология саласындағы жоба-смета құжаттамасын және нормативтік-техникалық құжаттарды әзірлеу;
• инновациялық технологияны енгізу жолымен мұнай тасымалдау үдерістерін жетілдіру.

Еншілес және бірлескен бақылаудағы компаниялар

Қоғам еншілес және бірлескен бақылаудағы ұйымдардың тиімді топтық басқару тетіктеріне негізделген теңгерімді дамуына ұмтылады. Акционер ретіндегі өз құқықтарын іске асыру мақсатында Қоғам еншілес және бірлескен бақылаудағы ұйымдармен өзара қарым-қатынастарды заңнаманың, Жарғының және Қоғам ішкі құжаттарының, еншілес және бірлесіп бақыланатын ұйымдар Жарғыларының талаптарына сай жүзеге асырады1.

1. 4 Кәсіпорынның тарифтік саясаты

«Табиғи монополиялар және реттелетін нарықтар туралы» Қазақстан Республикасының Заңына сәйкес «ҚазТрансОйл» АҚ (бұдан әрі - Қоғам) «ҚазТрансОйл» АҚ мына қызметтер түрі бойынша Қазақстан Республикасы Табиғи монополияларды реттеу және бәсекелестікті қорғау комитетінің 1998 жылғы 4 желтоқсандағы №30-НҚ бұйрығымен бекітілген табиғи монополия субъектілері мемлекеттік тізіліміні187; республикалық бөліміне кіргізілген:

• мұнайды магистральды құбырлармен тасымалдау;
• су шаруашылығы жүйелерінің қызметтері;
• газды бөлу құбырларымен тасымалдау;
• жылу энергиясын өндіру;
• электр және (немесе) жылу энергиясын беру және (немесе) бөлу.

Қоғам барлығы 68 реттелетін қызмет көрсетеді.

«Табиғи монополиялар және реттелетін нарықтар туралы» Қазақстан Республикасының Заңына сәйкес табиғи монополия субъектісінің реттелетін қызметтеріне арналған тарифтер реттелетін қызметтер көрсету үшін қажетті шығындар құнынан төмен болмауға және субъектінің тиімді қызметін қамтамасыз ететін пайда алу мүмкіндігі ескерілуге тиіс. Реттелетін қызметтерге тарифтерді уәкілетті орган - Қазақстан Республикасының Табиғи монополияларды реттеу агенттігі (бұдан әрі - Агенттік) бекітеді.

Қазіргі кезде қолданылып жүрген Магистральды құбырлармен мұнай тасымалдау жөніндегі қызметтерге арналған тарифтерді есептеу әдістемесі Агенттіктің 2007 жылғы 27 шілдедегі №202-НҚ бұйрығымен бекітілген. Осы Әдімтемеге сәйкес учаскелер бойынша мұнай айдауға арналған тарифтер меншік тариф, яғни 1 тонна мұнайды 1000 км-ге айдауға арналған тариф негізінде есептеледі. Қазақстан Республикасының ішкі нарығына жүктемені жетілдіру мақсатында тариф деңгейін есептеу кезінде экспорттық бағыттар мен транзиттік мұнайды тасымалдау есебінен ішкі нарық бағыттарын субсидиялауға жол беріледі.

Сонымен бірге Агенттіктің 2004 жылғы 5 шілдедегі №304-НҚ бұйрығымен Магистралдық труба құбырлары арқылы мұнай тасымалдау бойынша қызметтер көрсетуші табиғи монополиялар субъектілерінің іске қосылған активтерінің реттелетін базасына пайда ставкасын есептеу жөніндегі нұсқаулық бекітілді.

2010 жылғы 1 қаңтардан бастап «ҚазТрансОйл» АҚ магистральды құбырлары жүйесімен мұнай тасымалдау жөніндегі мына қызметтерге жаңа тарифтер енгізілді:

• магистральды құбырлар жүйесімен экспортқа мұнай айдау жөніндегі қызметтерге 1000 км-ге 1 тонна үшін ҚҚС есебінсіз 3331 теңге деңгейінде бекітілді. Бұл ретте магистральды құбырлар жүйесімен ішкі нарыққа мұнай айдау жөніндегі қызметтерге арналған тариф 1000 км-ге 1 тонна үшін ҚҚС есебінсіз 1303 теңге бұрынғы деңгейінде сақталып қалды;
• мұнайды сұйыққоймаларда сақтау жөніндегі қызметтерге арналған тариф 1 тонна мұнайды сақтау үшін айына ҚҚС есебінсіз 223, 42 теңге мөлшерінде;
• мұнайды «Мақат» МАС-та «Кеңқияқ - Атырау» мұнай құбырына ауыстырып құю жөніндегі қызметтерге арналған тариф 1 тонна үшін ҚҚС есебінсіз 425 теңге мөлшерінде.

Бұдан басқа Атырау МАС-та мұнайды темір жол шандарына құю жөніндегі қызметтерге арналған, 1 тонна үшін ҚҚС есебінсіз 304, 18 теңге мөлшерінде белгіленген тәртіпте бекітілген тариф 2010 жылғы 1 қаңтардан бастап қолданысқа енгізілетін болды.

Кеңқияқ ЖӨДС-та мұнайды ауыстырып құю жөніндегі қызметтерге арналған, 1 тонна үшін ҚҚС есебінсіз 20, 24 теңге мөлшерінде оңайлатылған тәртіпте бекітілген жаңа тариф 2009 жылғы 17 қарашадан бастап қолданысқа енгізілді2.

1. 5 Кәсіпорынның топтық басқару жүйесі

«ҚазТрансОйл» АҚ (бұдан әрі - Қоғам) тәуекелдерін басқару жүйесінің мақсаттары:

• Жалғыз акционер - «ҚазМұнайГаз» ҰК АҚ - тың мүддесін қорғау;
• Қоғамның стратегиялық және оперативтік тұрақтылығын қамтамасыз ету;
• Қолайсыз жағдайлар туындаған кезде Қоғамның шығынын азайту.

Қоғамда 2011 жылғы наурызда бекітілген «ҚазТрансОйл» АҚ тәуекелдерді басқару саясаты қабылданды, ол тәуекелдерді басқару мақсаттарын, негізгі қағидаттарын белгілейді және тәуекелдерді басқару жүйесінің құрылымын әрі тәуекелдерді басқару үдерісі қатысушыларының қызметтерін айқындайды.

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс