Қызылорда облысының экономикалық потенциалы

1.1 Қызылорда облысының инвестициялық саясаты
1.2 Қызылорда облысының жеңіл және ауыр өнеркәсібі
1.3 Қызылорда облысының шаруашылығы

1.1 Негізгі капиталға инвестиция салу. 2010 жылдың қаңтар – желтоқсан айларында негізгі капиталға меншіктің барлық нысанындағы кәсіпорындар мен ұйымдар 70900,0 млн. теңгенің күрделі қаржысын салды, бұл өткен жылғымен 123,1 пайызды құрайды.
Инвестицияның 3321,3 млн.теңгесі республикалық бюджет, 1642,5 млн.теңгесі жергілікті бюджет, 62865,2 млн.теңгесі кәсіпорындар мен ұйымдардың қаржысы, 1965,9 млн.теңгесі шетел инвестициясының, 1105,1 млн.теңгесі қарыз алынған қаржы есебінен игерілді. Республикалық бюджет қаржысы есебінен бірқатар жобаларды жүзеге асыру жалғасуда. «Тасбөгет қыстағының су құбырлары мен канализация желілерін кеңейту және қайта құру» бойынша 384,3 млн.теңге қаржы бөлініп, 382,7 млн.теңге игерілді. Бүгінгі күнге 1 су жинау қоймасы, ұзындығы 11,3 км ауыз су жүйесі және 13,4 км кәріз су жүйесі салынды. «Қызылорда қаласының су құбырлары мен кәріздік желілерін қайта жаңғырту және кеңейту» жобасы жүзеге асырылуда. Жобаны жалғастыруға 523,6 млн.теңге қаржы бөлініп, 489,8 млн.теңгесі игерілді. №13 КНС-тен биологиялық тазалау станциясына дейін 13,5 км кәріз жүйелері, №37-№36 КНС-тер аралығы, №14-№6 КНС-тер аралығы, №25-№26 КНС-тер аралығы, №26-№7 КНС-тер аралықтарындағы 6,2 км кәріз су жүйелері қайта жаңғыртылды. «Қызылорда қаласының сарқынды суларды биологиялық тазарту станциясына баратын қысымды коллекторларын және кәріздік насос станцияларының құрылысын салу және қайта жаңғырту» жобасын аяқтауға 200,0 млн.теңге бөлініп, №1 КНС-тен және №12 КНС–тен биологиялық тазарту станциясына дейін ұзындығы 9,6 км қысымды коллекторлардың құрылысы салынды. Жаңадан салынып жатқан көпқабатты және жеке тұрғын үйлердің инженерлік-коммуникациялық инфрақұрылымдарын дамытуға республикалық бюджеттен 1115,0 млн.теңге бөлінген қаржының 1052,9 млн.теңгесі игеріліп, төмендегідей жұмыстар атқарылды. Сәулет, Жібек жолы, Сырдария мөлтек аудандарында, КБИ, Ипподром, Жаңа ауыл аудандарында 17 дана сыртқы трансформаторлық қондырғы (КТПН) және ұзындығы 21,9 км электр желілерінің құрылысы салынды. Сәулет, Саяхат, Арай мөлтек аудандарында, Әл-Фараби, СПМК-70, Жаңа ауыл аудандарында ұзындығы 1,0 км асфальт және 20 км тас жол құрылысы салынды. Сәулет, Саяхат мөлтек аудандарында, Жаңа ауыл, КБИ, Әл-Фараби, Рисмаш аудандары, Титов қыстағында, орталық стадион ауданында 3 дана ұңғыма және ұзындығы 16,7 км су құбырлары құрылысы жүргізілді. Сырдария мөлтек ауданында инженерлік жүйелердің құрылысы жүргізілді: ұзындығы 9,62 км қысымды канализация жүйесі, 300 м аула аралық су жүйесі, 2,65 км ішкі және сыртқы аяқ су жүйесі, 324 м аула аралық кәріз су жүйесі, 1,13 км электр желісі, 2,1 км ПС 35/10 кВт электр желісі, 585м телефон желісі, 11,2 мың шаршы метр аула аралық және сыртқы айналма жол жүргізілді. Сырдария мөлтек ауданындағы жаңа 1248 орындық мектеп құрылысына 100,0 млн.теңге, Қызылжарма ауылдық округіндегі 1200 орындық мектеп құрылысына 423,5 млн.теңге қаржы бөлініп, құрылыстары басталды.

Интернет желісі
1.www.economakmola.gov.kz
2.kaztrk.k/news