ҚазТрансОйл-дың жылдық есебі

Пән: Бухгалтерлік іс
Жұмыс түрі: Дипломдық жұмыс
Тегін: Антиплагиат
Көлемі: 57 бет
Таңдаулыға:

ҚазТрансОйл-дың жылдық есебі

Мазмұны

Кіріспе . .

Кіріспе . .: Құрылым және Басқару

Кіріспе . .:

: Басқарма мүшелері .

Кіріспе . .:

: Заңдық анықтама . .

Кіріспе . .:

: Негізгі қызмет .

Кіріспе . .:

: Жалпы ақпарат

Кіріспе . .:

: Компанияның активтері .

Кіріспе . .: Қызмет аясы

Кіріспе . .:

: Негізгі техникалық экономикалық көрсеткіштер

Кіріспе . .:

: Қайта құру, әзірлеу және күрделі жөндеу. .

Кіріспе . .:

: Еңбек қауіпсіздігі және қорғау

Кіріспе . .:

: Табиғат қорғау іс-шаралары .

Кіріспе . .:

: Тәуекелдерді сақтандыру .

Кіріспе . .:

: Тариф саясаты . .

Кіріспе . .: Аудиторлық теңгерім

Кіріспе . .:

: Тәуелсіз аудиторлар есебі .

Кіріспе . .:

: Жинақталған бухгалтерлік теңгерім . .

Кіріспе . .: Стратегия

Кіріспе . .:

: Инвестициялық тартымдылық . .

Кіріспе . .:

: Магистральды мұнай құбырлары даму жоспары .

Кіріспе . .:

: Жобалар

Кіріспе . .:

: ИСО стандарттарын енгізу . .

Кіріспе . .: Әлеуметтік топтық жауаптылық

Кіріспе . .:

: Кадр қызметшілерін дамыту

Кіріспе . .:

: Әлеуметтік саясат . .

Кіріспе . .:

: Әлеуметтік - мәдени мақсаттағы объектілер . . .

Кіріспе . .:

: Қайырымдылық және демеушілік . . .

Кіріспе

Өткен жыл республикада мұнай өндірудің және тасымалдаудың елеулі өсуімен ерекшеленеді. Қазақстан жерінің жер қойнауынан 59, 22 млн. тоннадан артық «қара алтын» өндірілді.

«ҚазТрансОйл» АҚ жүйесімен мұнай тасымалдау көлемі де елеулі артты. 2003 жылмен салыстырғанда жеткізілген мөлшері 12, 3%-ға артты әрі 38, 4 млн. тонна болды. Қазақстанның мұнай өңдеу зауыттарына 8, 8 млн. тонна жеткізілді.

Әкспортқа мұнай жеткізу де артты. Мысалы, өткен жылы «ҚазТрансОйл» АҚ-тың ең ірі Атырау - Самара мұнай құбырымен көмірсутек шикізатының рекордты көлемі - 15 млн. тонна тасымалданды, ал Ақтау кемежайы арқылы танкерлермен 7, 2 млн. тонна жөнелтілді. Атасу, Шағыр, Мақат, Атырау темір жол мұнай құю эстакадаларында мұнайды ауыстырып құю артты. Өткен жылы темір жол шандарына құю 3, 4 млн. тоннаға жуық болды.

Компания мұнай транзиті, мұнай сапасын сақтау және экспорттың жаңа бағыттарын дамыту саласында көрші мемлекеттер кәсіпорындарымен ынтымақтастықтың жаңа деңгейіне шықты. Осы орайда Атасу - Алашанькоу мұнай құбыры құрылысының басталуы 2004 жылғы ең маңызды оқиғалардың бірі болып табылады, сарапшылардың пікірінше үш елдің - Қазақстан, Ресей және Қытайдың өзара тиімді серіктестігіне қосымша серпін береді.

Өндірістік қуаттарды құрумен қатар компанияның ойдағыдай дамуы үшін қазіргі бар инфрақұрылымды ұстап тұруының маңызы орасан. Өткен жылы 120 километр құбыр, 82 километр электр беру желісі, 35 километр оқшаулау жабыны, 73 электр химиялық қорғаныш объектілері, 8 мұнай қыздыру пештері және 13 сұйық - қойма күрделі жөндеуден өтті.

2004 жылы «ҚазТрансОйл» АҚ өзінің жоғары сапалы қызмет көрсетуге мүдделі екендігін кезекті рет қуаттады. Компанияда ІSО 9001:2000 және ІSО 14001:1996 халықаралық стандарттарына сәйкес сапа және қоршаған орта менеджментінің ықпалдастырылған жүйесі ойдағыдай енгізілді.

Жүргізіліп отырған жұмыстардың кәсіпорынның халықаралық беделін нығайтуда да алатын маңызы елеулі. Дүниежүзілік жетекші агенттіктердің рейтингі осыны көрсетеді. 2004 жылы «Moody’s Investor Services» агенттігінің рейтинги «Ва 1, тұрақты болжамнан» тәуелсіз «Ваа3, оң болжам» деңгейіне дейін және «Fitch Ratings» «ВВ, оң болжамнан» тұрақты болжаммен «ВВ+ке» дейін көтеруі компанияның өндірістік-қаржылық қызметінің тиімділігін қуаттайды.

Компанияға берілген жоғары баға «ҚазТрансОйл» АҚ ұжымын жаңа кәсіби биіктікке қол жеткізуге жетелейді. «ҚазТрансОйл» АҚ алдында Каспий теңізі, Қашаған кеніші қорларын игеруге кең көкжиек ашады.

Бүгін Қазақстанның ең ірі құбыр компаниясы «ҚазТрансОйл» АҚ көмірсутегін тасымалдаудың баламалы бағыттарын іздестіру, қазіргі бар мұнай тасымалдау жүйелерін дамыту жөнінде белсенді жұмыс жүргізуде.

Өткен жолымыз бізге болашаққа сенімді және үмітпен қарауға мүмкіндік береді.

Оқиғалар күнтізбесі

Қаңтар

Компанияның топ-менеджментіндегі кадр өзгерістері.

Ақпан

«ҚазТрансОйл» АҚ-тың 1998 - 2002 жылдардағы қаржы-шаруашылық қызметін салық және кеден органдарының кешенді тексеруі аяқталды.

Наурыз

«ҚазТрансОйл» компаниясы әлеуметтік саясат саласындағы өзінің елеулі жобаларының бірін жүзеге асырды: тағы бір объект - «Мейірім» көп бейінді медициналық орталығы пайдалануға берілді. Бұл емхана медицина мекемелерінің ең үздіктерінің бірі атанды.

Сәуір

Компания Үкіметтік делегация құрамында Германиядағы «hannover messe - 2004» Халықаралық көрмесіне қатысты.

Мамыр

«ҚазТрансОйл» АҚ 2004 жылы Есілдің сол жағында «Каспий» спорт-сауықтыру кешенін ашты, ол бір уақытта 500 адамды қабылдай алады. Мұнда спорт залдарынан басқа би және бильярд залдары, спа-орталығы және мейрамхана бар.

Күрделілігі жоғары өрттерді сөндіру дағдыларын, әртүрлі қызметтер мен бөлімшелердің өзара әрекетін үйлесуін жетілдіру мақсатында 2004 жылы 13 мамырда «ҚазТрансОйл» АҚ Шығыс филиалы Шымкент мұнай құбыры басқармасы «Шымкент» мұнай айдау стансасының сұйыққойма паркінде жоспарлы кешенді өрт-тактикалық жаттығуы өткізілді.

«ҚазТрансОйл» ЖАҚ 31 мамыр кұні «ҚазТрансОйл» АҚ болып аталуына байланысты мемлекеттік қайта тіркеуден өтті.

Маусым

30 маусым күні «ҚазТрансОйл» АҚ пен Қытай Ұлттық Мұнай және Газ барлау жөніндегі корпорациясы өкілдері «Қазақстан - Қытай құбыры» ЖШС Жарғысына және Құрылтай Шартына қол қойды, ол жобалау, кұрылыс, пайдалану және Казақстаннан Қытайға мұнай тасымалдаумен айналысады.

«ҚазТрансОйл» АҚ-ның Самара қаласындағы өкілдігі ашылды.

Шілде

2004 жылғы 29 шілдеде Кенққияқ - Атырау магистарльды мұнай құбырын салу жобасына қатысудың қазақстандық үлесін қайта қаржыландырумен байланысты келісімдерге қол қою салтанатты рәсімі болды. Атап айтқанда, қол қойылған құжаттар арсында «МұнайТас» солтүстік-батыс құбыр компаниясы» ЖАҚ пен Еуропа жаңғырту және даму банкі (ЕЖДБ) арасындағы кредит келісімі; «ҚазТрансОйл» АҚ пен ЕЖДБ арасындағы кепіл шарты; «ҚазТрансОйл» АҚ, ЕЖДБ және «МұнайТас» СБҚК» ЖАҚ қол қойған акционердің үлесін қолдау, дәрежелеу және сақтау туралы үш жақты шарт бар. Жобаны қайта қаржыландыру жөніндегі мәміле жалпы алганда компанияның басқарудың халықаралық стандарттарына және қаржы-шаруашылық қызметінде ашық болуға ұмтылатынын көрсетеді, бұны каржы институттары және халықаралық рейтинг агенттіктерінің сарапшылары лайықты бағалауға тиіс.

Тамыз

2004 жылғы 18 - 19 тамызда Қазақстандағы Ресей жылы аясында Ақтау қаласында «ҚазТрансОйл» АҚ және «АК»Транснефть» ААҚ жетекші мамандық қызметкерлері арасында «Мамандығы бойынша таңдаулы» конкурсы өткізіледі. Конкурс «ҚазТрансОйл» АҚ Батыс филиалы Маңғыстау мұнай құбыры басқармасында өтті. Қоғам қызметкерлері сегіз атаулы жүлденің алтауының жеңімпазы болып жоғары шеберлік пен біліктілік көрсетті.

Республиканың ауыл жастарын оқытуга және мұнай-газ саласына жұмысқа орналастыруға бағытталған «ҚазТрансОйл» ауылды қолдауға қатысады» бағдарламасы аясында «ҚазТрансОйл» Ақтау және Орал қалаларында орта техникалық кәсіптік колледждерде оқыту үшін Батыс Қазақстан және Маңғыстау облыстарынан екінші рет 46 үміткерді қабылдады.

18 тамызда «Mood’s Investor Services» агенттігі «ҚазТрансОйл» АҚ-тың рейтингін «Ва 1, тұрақты болжамнан» «Ваа 3, оң болжам» деңгейіне дейін көтерді, бұл Қазақстан Республикасының тәуелсіз инвестициялық рейтингіне сәйкес келеді.

Қыркұйек

2004 жылы 24 қыркұйекте Атасу - Ала-шанькоу магистральды мұнай құбыры құрылысының ашылу салтанаты болды.

«ҚазТрансОйл» АҚ-тың демеушілік қолдауымен «Үлкен Қазақстандық энциклопедия» жобасы іске асырыла бастады. Бұл 6 сериялы деректі фильм Қазақстанның таңғажайып өткені, оның дәстүрлері, сенімі, салттары туралы.

Қазан

Компанияның тиімді қызметі, оның жоспарлары және келешегі «KIOGE-2004» халықаралық көрме - конференцияда көрсетілді.

Қараша

Жалпы ұзындығы 2000 км-ден астам талшықты-оптикалық байланыс желісінің (ТОБЖ) негізінде өндірістік-технологиялық байланысты жаңғырту жөніндегі ұзақ мерзімді бағдарламаның бірінші кезеңін енгізу аяқталды, ол сенімді пайдалануды және мұнай құбырлары объектілерін басқаруды қамтамасыз етеді.

Желтоқсан

Қазақстан Республикасы тәуелсіздігі күнінің 13 жылдығы қарсаңында, 2004 жылы 15 желтоқсанда Астана қаласында «ҚазТрансОйл» АҚ қызметкерлері үшін 60 пәтерлі тұрғын үй пайдалануға берілді.

2004 жылдың 27 желтоқсанында ISO 9001:2000 және ISO 14001:1996 халықаралық стандарттар талаптарына сәйкестік сертификаттарын тапсыру рәсімі болып өтті. Осы сертификаттар TUV Rheninland InterCert халықаралық сертификаттау органы өткізген аудит қорытындылары бойынша берілді әрі «ҚазТрансОйл» АҚ-та ISO 9001:2000 және ISO 14001:1996 халықаралық стандарттар талаптарына сәйкес сапа және қоршаған ортаны қорғау менеджментінің ықпалдастырылған жүйесі енгізілгенін және қолданылатынын растайды.

«FitichRatings» агенттігі «ҚазТрансОйл» АҚ рейтингін «ВВ» «Оң» болжамнан «ВВ+» «Тұрақты» болжамға көтерді.

Құрылымы және Басқару

Басқарма мүшелері:

Крымов Қайрат Серікұлы

Бас директоры Басқарма Төрағасы

Таубалдиев Талғат Сатыбайұлы

Бас директорының бірінші орынбасары

Елшібеков Серікбек Кеңесбекұлы

Бас директордың экономика және қаржы жөніндегі орынбасары

Толымбаев Берік Зиябекұлы

Бас директорының тауар-көлік операциялары жөніндегі орынбасары - Мәскеу қаласындағы өкілдіктің директоры

Сұлтан Нұрбол Сарыбайұлы

Бас директорының даму жөніндегі орынбасары

Саяхов Берік Қартаңбайұлы

Бас директорының өндіріс жөніндегі орынбасары

Сұлтангалиева Жанна Орынбасарқызы

Бас бухгалтер

Сейілхан Дария Жылқыбаққызы

Қызметшілерді басқару департаментінің директоры

Исақов Жайдарман Әзімханұлы

Заң департаментінің директоры

Заңдық анықтама

Магистральды мұнай құбырларымен мұнай тасымалдау мәселелерінде Қазақстан Республикасының мүдделерін сақтау мақсатында жарғылық капиталына мемлекеттің 100 пайыз қатысуымен «ҚазТрансОйл» ұлттық мұнай тасымалдау компаниясы» жабық акционерлік қоғамын құру туралы» Қазақстан Республикасы Үкіметінің 1997 жылғы 2 сәуірдегі № 461 қаулысы қабылданды.

2001 жылы «ҚазТрансОйл» ұлттық мұнай тасымалдау компаниясы» ЖАҚ (2001 жылы «ҚазТрансОйл» ЖАҚ болып қайта аталды) акцияларының мемлекеттік пакеті Қазақстан Республикасы Үкіметінің 2001 жылғы 2 мамырдағы № 591 қаулысымен құрылған «Мұнай және Газ көлігі» ұлттық компаниясы» ЖАҚ-қа берілді.

Мұнай-газ саласының қарқынды дамуы ел экономикасының осы секторында Қазақстан Республикасының мүдделерін қорғау қажеттілігіне байланысты Қазақстан Республикасы Президентінің 2002 жылғы 20 ақпандағы №811 Жарлығымен «ҚазақОйл» ұлттық мұнай-газ компаниясы» және «Мұнай және Газ көлігі» ұлттың компаниясы» жабық акционерлік қоғамдары негізінде «ҚазМұнайГаз» ұлттық компаниясы» жабық акционерлік қоғамы құрылды.

2004 жылғы 31 мамырдан бастап «ҚазТрансОйл» ЖАҚ «ҚазТрансОйл» АҚ болып қайта аталды, оның бірден-бір акционері «ҚазМұнайГаз» ҰК» АҚ болып табылады.

Негізгі қызмет

2004 жылы компанияның негізгі қызметі болып табылатын мұнай тасымалдау жөніндегі қызметтердің көлемі 38 390 мың тонна болды. Жоспар 107% орындалды.

Есепті кезеңде Қазақстан аумағында мұнай өндіру көлемі 59, 22 млн. тоннаға жеткеніне орай «ҚазТрансОйл» АҚ жүйесімен Қазақстан мұнайын тасымалдау 2003 жылмен салыстырғанда 12, 3%-ға артты.

Мұнай өндірудің өсуіне байланысты ТМД елдері аумағымен одан әрі транзит үшін Самара ҚТП-да мұнай қабылдау көлемін арттыру туралы «АҚ «Транснефть» ААҚ-пен уағдаластыққа қол жеткізілді. Атырау - Самара мұнай құбырымен экспорттау көлемі 15 млн. тоннадан артық болды (2003 жылмен салыстырғанда өсім 6%) .

2004 жылы Қазақстан мұнай өңдеу зауыттарына 8, 8 млн. тонна мұнай жеткізілді. Ақтау кемежайы арқылы танкерлерге 7, 2 млн. тонна жөнелтілді (2003 жылға қарағанда 20% артық) .

Қытай бағыты бойынша Құмкөл мұнайын жөнелтудің артуына және Прииртышск - Атасу бағыты бойынша Ресей мұнайы транзитінің басталуына байланысты Атасу МҚӘ-дан (1, 352 млн. тонна жөнелтілді, бұл 2003 жылдың көрсеткіштерінен 58% артық) темір жол арқылы жөнелту артты. Сондай-ақ Шағыр (1, 505 млн тонна өсім 31%) темір жол мұнай құю эстакадаларында мұнай жөнелту көлемі артты.

Мұнай тасымалдау көлемі 2003 жылмен салыстырғанда Батыс филиалда 4 601 мың тоннаға артқаны және Шығыс филиалда 2003 жылы Құмкөл - Жосалы мұнай құбыры пайдалануға енгізілуіне байланысты төмендегені байқалады.

Жалпы ақпарат

«ҚазТрансОйл» АҚ құрамына төрт филиал кіреді:

Батыс
Шығыс
Ұжымдық пайдалану есептеу орталығы
Ғылыми-техникалық орталық

«ҚазТрансОйл» АҚ мына компаниялардың акционері /қатысушысы болып табылады:

«МұнайТас» СБКҚ» ЖАҚ
«Қазақстан - Қытай құбыры» ЖШС
«ҚазТрансОйл-Сервис» АҚ
«Қазақстан Халық банкі жинақтаушы зейнетақы қоры» АҚ
«Комакинвест» ЖАҚ

Компанияның ТМД-ның мына қалаларында өкілдіктері бар:

Мәскеу
Ор
Киев
Самара

2004 жылы «ҚазТрансОйл» АҚ қызметінің басты бағыттары мыналар болды:

магистральды мұнай құбырларымен республиканың мұнай өңдеу кәсіпорындарына экспортқа, импортқа және ҚР аумағы арқылы транзит;
магистральды мұнай құбырларымен су жеткізу;
Атырау - Самара және Махачкала -Тихорецк - Новоросийск құбырымен экспортқа жеткізілетін қазақстан мұнайының ТМД елдері аумағы арқылы транзитін ресімдеу;
Сырт ұйымдардың мұнай құбырларын пайдалану және оған техникалық қызмет көрсету жөнінде қызметтер көрсету;
қазіргі бар мұнай құбырларын және мұнай құбыры көлігі объектілерін қайта құру, ізерлеу және күрделі жөндеу жөніндегі жұмыстарды ұйымдастыру;
қазіргі бар мұнай құбырларының өткізу қабілетін кеңейту және тасымалдаудың жаңа бағыттарын ұйымдастыру;
компания қызметінің барлық тұтынушысы үшін бірыңғай тариф саясатын жүргізу;
магистральды мұнай құбыры жүйесін халықаралық стандарттар деңгейінде пайдалану кезінде еңбек қорғау, өндірістік және экологиялық қауіпсіздікті қамтамасыз ету жөніндегі жұмыстарды ұйымдастыру;
кадрларды мақсатты даярлау және қайта даярлау жөніндегі жұмыстарды ұйымдастыру.

Қомпанияның орналасқан жері: 01, Қазақстан Республикасы, Астана қ., Қабанбай батыр даңғылы, 20

Жылдар бойынша мұнай тасымалдау көлемінің өсуі, мың тонна

2003 жылмен салыстырғанда мұнай тасымалдау көлемі 4 198 мың тоннаға артты. Мұнай тасымалдау көлемінің артуы мұнай өндіруші компаниялардың мұнай өндіру көлемінің артуына және ҚТО-ның ММ жүйесіне мұнай тапсырудың артуына байланысты.

Компанияның активтері

Магистральды мұнай құбырларының ұзындығы - 6291, 6 км

Суағызғылар жүйесінің ұзындығы - 2145, 2 км

Сорап-айдау стансалары - 40 кешен

Сұйыққойма паркінің жалпы көлемі - 1 306, 4 текше метр

Оның ішінде:

Мұнай үшін - 1154 мың текше метр

Су үшін - 152, 4 мың текше метр

«ҚазТрансОйл» АҚ-тың пайдалануында:

негізгі магистральды мұнай кұбырлары

Өзен - Атырау - Самара
Қаламқас - Қаражанбас - Ақтау
Өзен - Жетібай - Ақтау
Ақтау - Жетібай - Өзен
677 км - АМӨЗ
Прорва - Құлсары
3 МАС - Қосшағыл
Мартыши - Атырау
Жаңажол - Кеңқияқ - Ор
Әлібекмола - Кеңқияқ
Омбы - Павлодар
Павлодар - Шымкент
Құмкөл - Қарақойын мұнай құбырының екі тармағы

Суағызғылар:

Астрахань - Маңғыстау
Сайөтес - Бозащы
112 км - Өмірзақ
Бозащы - Ақшымырау
Құлсары - Прорва
Өзен - Кендірлі

темір жол аспалы мұнай құярлықтары

«Мақат» Атырау облысы
«Атырау» Атырау облысы
«Атасу» Қарағанды облысы
«Шағыр» Оңтүстік Қазақстан облысы

темір жол аспалы қотарғылары

«Ақтау» БМАС Маңғыстау облысы
«Атырау» МАС Атырау облысы

теңіз мұнай құю арналары

Ақтау кемежайы
Манғыстау облысы

Қызмет аясы

Негізгі техникалық экономикалық көрсеткіштер

Атауы

өлш. бір.

Факт. 2003ж.

Факт. 2004ж.

Атауы: 1. Мұнай тасымалдау көлемі

өлш. бір.: мың тонна

Факт. 2003ж.: 34, 192

Факт. 2004ж.: 38, 390

Атауы: 2. Мұнайдың жүк айналымы

өлш. бір.: млн. тн. км.

Факт. 2003ж.: 24, 604

Факт. 2004ж.: 25, 135

Атауы: 3. Еділ суын жеткізу

өлш. бір.: мың т. м.

Факт. 2003ж.: 14, 839

Факт. 2004ж.: 18, 004

Атауы: 4. Түсім

өлш. бір.: млн. тг.

Факт. 2003ж.: 58, 423

Факт. 2004ж.: 60, 413

Атауы: 5. Өзіндік құны

өлш. бір.: млн. тг.

Факт. 2003ж.: 33, 327

Факт. 2004ж.: 35, 122

Атауы: 6. Жалпы кіріс

өлш. бір.: млн. тг.

Факт. 2003ж.: 25, 096

Факт. 2004ж.: 25, 291

Атауы: 7. Күрделі жөндеу

өлш. бір.: млн. тг.

Факт. 2003ж.: 4, 574

Факт. 2004ж.: 4, 576

Атауы: 8. Күрделі қаржы салу

өлш. бір.: млн. тг.

Факт. 2003ж.: 19, 638

Факт. 2004ж.: 19, 955

Жылдар бойынша жеткізу көлемінің өсуі, мың текшее м

Мұнай өндіруші компаниялардың су тұтынуының артуына байланысты 2003 жылмен салыстырғанда су жеткізу көлемі 21 %-ға артты.

Күрделі қаржы салымы көлемінің өсуі, млн. теңге

жылдан жылға күрделі қаржы салымы көлемінің өсу қарқынын атап көрсетуге болады.

Жылдар бойынша өзіндік құнның өсуі, млн. теңге

Көрсетілген қызметтердің өзіндік құны 2004 жылы 35 122 млн. теңге болды, бұл өткен кезеңнен 5 %-ға артық және сол кездегі инфляциялық дәліздің болжамды шегінде болды (6, 3%) .

Жылдар бойынша мұнайдың жүк айналымы көлемінің өсуі, млн. тонна км

Жүк айналымы 2003 жылмен салыстырғанда 2 %-ға артты.

Қайта құру, ізерлеу және күрделі жөндеу

«ҚазТрансОйл» АҚ-ның негізгі қызметі магистральды мұнай құбырларын пайдалану кезіндегі сенімділікті қамтамасыз етуге бағытталған.

Осы саладағы неғұрлым өнімді жұмыс үшін «ҚазТрансОйл» АҚ ISO 9001 стандартының талаптарына сәйкес жұмыс істейтін РРSА ізерлеу компаниялары халықаралық қауымдастығының мүшелері болып табылатын дүние жүзіне белгілі ағылшын, неміс, ресей фирмаларын ынтымақтастыққа шақырады.

Магистральды мұнай құбырларын ізерлеу құбырдың ішкі және сыртқы бетінің, дәнекерлеу жіктерінің ақауларын, сондай-ақ құбырдың бүкіл өн бойына оның қабырғаларының технологиялық (металлургиялық) ақауларын анықтауға мүмкіндік беретін ультрадыбысты және магнитті тексеру снарядтарын құбыр ішімен өткізу жолымен жүргізіледі.

Өткен жылы мына мұнай құбырлары бойынша ізерлеу жұмыстары жүргізілді:

«Қаламқас - Қаражанбас - Ақтау» құбырының ұзындығы 62 километр «Қаламқас - Қаржанбас» учаскесі

«Жетібай - Ақтау» құбырының ұзындығы 49 км» 112 км - Жетібай» учаскесі

«Өзен - Атырау - Самара» құбырының ұзындығы 322 км «Өзен - Бейнеу» учаскесі, ұзындығы 85 км «Үлкен -Шаған - Шекара (1237 км) » учаскесі, ұзындығы 199 км «Құмкөл - Қарақойын» учаскесі

«Павлодар» БМАС-тан ПМХЗ-ра дейін ұзындығы 8 км етек.

Жалпы алғанда 120 км құбырда, 82 км электр беру желісіне, 35 км оқшаулау жабынына, 73 әлектр химиялық қорғау объектілеріне, 8 мұнай қыздыру пештеріне және 13 сұйық қоймаға күрделі жөндеу жүргізілді.

1998 жылдан бастап 2004 жылға дейінгі кезеңде 5202 км мұнай құбырына құбырішілік ізерлеу жүргізілді. Оның ішінде:

Батыс филиал бойынша - 3888 км

Шығыс филиал бойынша - 1314 км

Мұнай құбырларына құбырішілік ізерлеу:

ультрадыбыстық ақау анықтарышпен 869 км-ге
магниттік ақау анықтарышпен 4333 км-ге жүргізілді

Негізгі құралдарды күрделі жөндеу, млн. теңге

2004 жылдың нәтижелері бойынша негізгі құралдарды күрделі жөндеу жөніндегі жұмыстарды Қоғам 4 576 млн. теңге сомасына орындады, орындалу өткен кезеңнің деңгейіне сәйкес.

Еңбек қауіпсіздігі және қорғау

Еңбек қауіпсіздігі және қорғау саласындағы қағидаттар «ҚазТрансОйл» АҚ-да еңбек қорғау жөніндегі жұмыстарды ұйымдастырудың бірыңғай жүйесі туралы ережеде» көрсетілген. Олардың негізгілері мыналар:

өндірістік қызмет нәтижелеріне қатысы бойынша қызметкерлердің өмірінің және денсаулығының басымдылығын тану және қамтамасыз ету;
еңбек қауіпсіздігі және қорғау саласында лауазымды адамдардың қызметтік міндеттемелерін айқындау;
өндірістік жабдықтардың және өндірістік үдерістердің қауіпсіздігін қамтамасыз ету;
өндіріс және еңбек жағдайлары жай-күйін талдау және тиісті шешім қабылдау

Қоғам қызметкерлері арнаулы киіммен, арнаулы аяқ киіммен және басқа да жеке қорғаныш құралдарымен толық көлемде қамтамасыз етілген. Компанияда еңбек қауіпсіздігі жөнінде тұрақты жұмыс істейтін комиссия құрылған.

2004 жылы 903 қызметкер, 266 басшы және маман өндірістік қауіпсіздік және еңбек қорғау мәселелері бойынша біліктілікті арттыру курсынан өтті.

Объектілердің өртке қарсы қорғаныш сенімділігін арттыру үшін жыл сайын ұйымдық және практикалық іс-шаралар кешені жүргізіледі. Осы мақсатта 2004 жылы 5013 адам өрт қауіпсіздігі мәселелерін зерделей отырып арнаулы курстарда оқыды, 38 жаттығу және 1023 сабақ өткізілді.

Күрделілігі жоғары өрттерді сөндіру дағдыларын, әртүрлі қызметтер мен бөлімшелердің өзара әрекеті үйлесуін жетілдіру мақсатында 2004 жылы 13 мамырда «ҚазТрансОйл» АҚ Шығыс филиалы Шымкент мұнай құбыры басқармасы «Шымкент» мұнай айдау стансасының сұйыққойма паркінде жоспарлы кешенді өрт-тактикалың жаттығуы өткізілді.

Ғимараттар мен құрылыстардың металл және ағаш конструкцияларын оттан қорғау, көбік жасағыштарды, өрт сөндіргіштерді, ЕӨЖ мүшелері үшін жауынгерлік киім, өрт қауіпсіздігі белгілерін, әртүрлі өрт-техникалық жарақтар және мүкәммалдар сатып алу жөнінде үлкен көлемді жұмыстар жүргізілді.

Мұнымен қатар 2004 жылы АҚШ мемлекеттік департаментінің бағдарламасы бойынша «Атырау» бас мұнай айдау стансасында (Атырау қаласы) лаңкестікпен күреске бағытталған лаңкестік әрекеттердің зардаптарын жою жөнінде штабтық жаттығулар жүргізілді. Жаттығуға Төтенше жагдайлар жөніндегі агенттіктің, Энергетика және минералдық ресурстар, Қорғаныс, Ішкі істер министрліктерінің, ҰҚК-нің, «Семсер» ЖАҚ-ның және «ҚазТрансОйл» АҚ-ның өкілдері қатысты. Жаттығу нәтижелері бойынша талдау жасалып, онда құқыққа қарсы іс-әрекетті болдырмаудың және олардың зардаптарын жоюдың қазіргі бар жүйесі бұрынғы Кеңес Одағының аумағында неғұрлым жоғары деңгейде екендігі көрсетілді.

Табиғат қорғау іс-шаралары

«ҚазТрансОйл» АҚ алдына қойған стратегиялық міндеттерге сәйкес қоршаған ортаны қорғауға бағытталған іс-шараларды үнемі жүргізіп келеді.

Магистральды мұнай құбырларында топырақтың, жер беті суының және атмосфералық ауаның жоспарлы мониторингі жүргізіледі. Қатты тұрмыстық қалдықтарды және мұнай қойыртпағын әкету мен көму тәртібі үнемі бақылауда тұрады, мазутпен былғанған қойыртпақты қалпына келтіру жүргізіледі.

... жалғасы

Сіз бұл жұмысты біздің қосымшамыз арқылы толығымен тегін көре аласыз.