Ауыл шаруашылық малдарын өнімділігі бойынша сұрыптау

1.Ауыл шаруашылық малдарын сұрыптау
2. Ауыл шаруашылық малдарын өнімділігі бойынша сұрыптау
3.Ауыл шаруашылық малдарының өнімділігі
4.Қорытынды

Сыртқы ортаның белгілі бір жағдайына және өндірістік технологияға неғұрлым бейімделген немесе адамның өзінің қойған талаптарына неғұрлым жауап бере алатын түрді сақтау және табиғи немесе жасанды әдіспен неғұрлым нашар бейімделген дарақтарды жою сұрыптау деп аталды. Сұрыптау - дарақтардың қандайда бір тобын көбейтуден толығымен немесе жартылай аластату. «Сұрыптау» терминінің кең көлемде қолданылатын «селекция» терминімен ауыстыруға болмайды. Селекцияға бір тұтас процесстің екі элементі енеді: сұрыптау және жұптастыру.
Ч. Дарвиннің эволюциялық теориясы үш негізгі принципке негізделеді: өзгергіштік, тұқым қуалаушылық, сұрыптау. Ағзаның сыртқы ортамен күрделі өзара әсерінен және жыныстық көбею кезіндегі аталық-аналық пішінінің тұқым қуалаушылық ерекшеліктерінің әртүрлі үйлесімділігінен туындаған, өзгергіштік сұрыптауға керекті материал береді. Тұқымқуалаушылықтың күшіне қарай, жаңа туындаған өзгерістердің көбі келесі ұрпақтарға беріледі.
Паратипті факторлардың белгілі бір жағдайына неғұрлым бейімделген дарақтарды сақтай отыра және неғұрлым аз бейімделген дарақтарды жоя отыра сұрыптау, жануарлар және өсімдіктер эволюциясының негізгі факторы болып есептелінеді.
Ағзалардың эволюциясы тұқымдық малдарды сұрыптау арқылы, тұқымдық деп есептелінетін болымсыз дербес айырмашылықтарды сақтау және бекіту жолымен жүзеге асырылады. Ч. Дарвин тірі ағзалардың жаңа түрлерін қалыптастыру, қолдағы барды өзгерту және жетілдіру табиғи және жасанды сұрыптаудың әрекеті арқылы болатындығын анықтаған.
Табиғи сұрыптау дегеніміз, өздерінің дербес пайдалы өзгерістерінің арқасында, сыртқы ортаның жағдайына жақсы бейімделетін ағзаларды ығыстыру және сақтау.
Жануарлардың және құстардың жабайы түрлерінің эволюциясы неғұрлым бейімделгіш дарақтардың тірі қалу және көбейуі арқылы өтеді.
Жасанды сұрыптауды адамдар жүзеге асырады, мұнда қажетті сапалылығымен ерекшеленетін дарақтарды сақтап қалады да, сол малдар үшін өсіріп жатқан басқа дарақтармен салыстырғандағы, нашар белгілерін өсіруге (көбейтуге) жол бермейді. Сұрыптау өзгергіштік, тұқым қуалаушылық және тірі қалу сияқты жиынтықтан құралатынын білеміз. Сұрыптау қай бағытта жүрсе, сол бағыттта жануарлардың белгілері де өзгереді.