Дөңгелек ауыздылар классы

Кіріспе
1.Дөңгелек ауыздылардың жалпы сипаттамасы: құрылысы, экологиясы
2.Дөңгелек ауыздылардың систематикасы
2.1.Миногалар класс тармағы
2.2.Миксиндер класс тармағы
Қорытынды
Пайдаланылған әдебиеттер

Дөңгелек ауыздылардың дене құрылысына қарағанда олар балықтарға ұқсас, ал кейбір ерекше белгілері, оларды омыртқалылардын ерекше тармағына жатқызады. Денесі балықтардың денесі сияқты ұзын және үш бөлімнен: бас, көкірек және құйрық бөлімдерінен тұрады. Аяқтары болмайды. Құйрық қанаттары сыртқы және ішкі құрылысына сөйкес симметриялы орналасқан, оларды протоцеркальды деп атайды. Жиектері өскіншіктермен шашақталған, басының алдыңғы жағыда сорғыш воронкасы бар. Мүйізді тістері воронканың ішіндегі етті тілдің үш жағына орналасқан. Эпидермисті жалаңаш терісінде безді клеткалары көп болады және олар тері үстіне көп шырын шығарып тұрады. Миногаларда дара танау тесігі екі көзінің аралығына басының үстіне таман, ал миксиндерде басының алдыңғы жағына орналасады. Аналь және зәр — жыныстық тесіктер кеуде мен құйрық бөлімінің шекарасында орналасады. Дөңгелек ауыздылардың аяқтары мен жақтары болмайды. Мұның өзі олардың құрылысының қарапайым екенін көрсетеді. Иіс капсуласы біреу, ол бір ғана танау тесігі арқылы сыртқа ашылады. Желбезек аппараттары эндодермадан пайда болган жапырақшалары бар желбезек қапшықтарынан тұрады. Сондықтан бұл класты қапшық желбезектілер деп атайды. Паразиттік тіршілік етуіне байланысты, сорғыш воронкаларының түп жағында ауыз тесігі болады. Дөңгелек ауыздылар деп аталуы да осыған байланысты.Олар қазіргі кезде тіршілік ететін омыртқалылардың ең көне классы.

1.Сейтбаев Қ.Ж. Ихтиология.-Алматы,2013 жыл
2.Түсіпова К.С. Омыртқалылар биологиясы.-Алматы,1998жыл
3.Ковшарь А.Ф. Қазақстандағы жануарлар әлемі.-Алматы,2003жыл
4.Ахметжанова Т. Биология «Шың».-Алматы,2012жыл