Топырақты минималды, нөлдік және жылдам өңдеу және егіншілік жүйелері

 Ауыл шаруашылығы дақылдарына минералдық тыңайтқыштардың тиімділігін зерттеу
 агрофизикалық, агрохимиялық және биологиялық қасиеттері
 Фосфор тыңайтқыштарын қолдану мәселелері және болашағы
 Қазақстанда минералдық тыңайтқыштар нарығы

Минералдық тыңайтқыштарды пайдалану интенсивті егіншіліктің бөлінбес құрамды бөлігі. Ғалымдардың есептеулері бойынша минералдық тыңайтқыштарды қолданудың пайдалы әсері болуы үшін олардың дүниежүзілік пайдалану мөлшері шамамен бір адамға шаққанда жылына 90 кг болуы керек. Бұл үшін тыңайтқыштардың өндірісі жылына 450— 500 млн. т. болуы қажет. Қазіргі кездегі дүние жү-зіндегі тыңайтқыштар өндірісі шамамен жылына 200—220 млн. т. немесе адам басына шаққанда жылына 35—40-ы құрайды.Тыңайтқыштарды қолдануды өндірілетін ауыл шаруашылық өнімінің бірлігіне жұмсалатын энергияның арту заңының көрінісі ретінде қарастыруға болады. Яғни өнімнің бірдей өсімін қамтамасыз ету үшін минералдық тыңайтқыштардың пайдаланылатын мөлшері де артады. Мысалы, тыңайтқыштарды қолданудың бастапқы кезеңдерінде гектардан қосымша 1 т астық алу үшін 180—200 кг азотты енгізуге жетеді. Келесі қосымша 1 т астық алу үшін 2—3 есе көп тыңайтқыш қолдану керек.
Жалпы минералды тыңайтқыштар пайдалану арқылы егістік өнімдерін 40-50% көтеруге болады. Осыған байланысты әлемнің көптеген елдерінде тыңайтқыштарды өндіру мөлшері жыл сайын артуда.
Оңтүстік Азия, Латын Америкасы және Солтүстік Африкада сұраныстың өсуіне байланысты 2011 жылы P₂O₅ ды әлемдік тұтыну 2010 жылға қарағанда 2,5 % -ға артық, яғни 40,7 млн тонна болды.
2012 жылға арналған болжамына сәйкес, фосфорлы минералды тыңайтқыштар жаһандық сұраныс 3,2%, 2011 жылға қарағанда жоғары, сондай-ақ азот немесе калий бойынша болжамдардың жоғары шамамен 42 млн тонна болады. Ауыл шаруашылығы дақылдарына минералдық тыңайтқыштардың тиімділігін зерттеу жөніндегі алғашқы тәжірибелер, Қазақстанда 1929 жылы жүргізіле бастады. Бұл тәжірбиелердің нәтижелері Н.П. Корбут, И.И. Синягин, Н.Е. Крутиков, Г.М. Лоба- нов, К.И. Иманғазиев еңбектерінде жинақталып‚ қорытынды жасалды. И.И. Синягин Оңтүстік Қазақстанның топырағындағы фосфордың органикалық және минералдық түрлеріне сипаттама беріп, түрлі фосфор тыңайтқыштарының ауыл шаруашылығы дақылдарына әсерін тексерген. Оның жетекшілік етуімен Қазақстанда тұңғыш рет 1934 жылы тыңайтқыштарды қолдану жөнінде анықтамалық жарық көрді.