Мемлекетті басқарудың ұйымдастырушылық құрылымы(эссе)

Қазақстан Республикасы тәуелсіздік алғаннан кейінгі кезеңде болып жатқан тарихи, қоғамдық-саяси, әлеуметтік-экономикалық және мәдени өзгерістер барысында еліміздің саяси тарихына деген қызығушылық күн санап арта түсуде.
Қазіргі Қазақстан Республикасында да алып отырған биліктің бөліну жүйесі, атқарушы биліктің басым түсуі мен призиденттік институттың күштілігі бүгінгі саяси ахуалға жауап беретін жүйе деп айтуға болады. Бұл жерде қандай да болсын құрылымның дұрыстығын дәлеледейтін - одан шыққан нәтиже болып есептеледі. Бүгінгі Қазақстан мемлекет топтаса және жұмыла білетін атқарушы билікті күшейту арқылы әлеуметтік проблемаларды шешуге бағытталған күрделі экономикалық реформаларды жүзеге асырады. Бұл ақиқат. Билік тұтқаларын бір қолға жинамай, реформаларды орталықтандыру және нәтижені жүзеге асыру мүмкін емес.
Басқару құрылымы деп қызметтің атқарылуы мен дамуын қамтамасыз ететін, тәртіпке келтірілген, өзара тұрақты байланыстардың біртұтас элементтер жиынтығын айтады.
Мемлекеттік басқарудың ұйымдастырушылық құрылымына, қойылған міндеттер мен мақсатқа жету жолдарын көрсететін функцияларға сәйкес, басқару процесі шеңберінде жүзеге асырылатын басқарушылық әрекетінің бөлісу формасы мен кооперациясы деп түсінік беруге де болады. Бұл тұрғыдан басқарудың ұйымдастырушылық құрылымын, оның құрамына кіретін органдар мен онда қызмет атқарушы адамдардың өзара байланысты міндеттерін атқаруды, құқықтары мен жауапкершіліктерін ең қолайлы бөлісу жүйесінің түрі деп те атауға болады.
Басқару элементтерінің байланыс қатынастары деңгейлері мен өкілеттіктері - оның құрылымының ең басты, негізгі түсініктері.
Басқарудың ұйымдастырушылық құрылымының элементтері жеке жұмыс істеушілер (бастықтар, мамандар, қызметкерлер), сол сияқты, белгілі бір функционалдық міндеттерді орындайтын басқару аппаратының органдары немесе осы аппаратта қызмет атқаратын мамандар болуы мүмкін.
Басқарудың ұйымдастырушылық құрылымының мамандану элементтерінің екі бағыты бар.
• Біріншіден, ұйым бөлімшелерінің құрылым құрамына байланысты маркетингті жүзеге асыратын басқару құрылымының, өндіріс менеджментінің, ғылыми-техникалық процестің тізбектері өзара ажыратылады.