Құрылыс аланың инженерлік дайындау технологиясы

Дайындық кезеңіндегі жұмыстарды дер мезгілінде және сапалы атқару құрылысты белгіленген мерзімде аяқтаудың және құрылыстың негізгі кезеңінің құрамына кіретін келесі сатылардағы атқарылатын барлық құрылыс жұмыстары өндірісін ұтымды және тиімді ұйымдастырудың маңызды шарты болып табылады
Дайындық кезеңі жұмыстарының құрамына жобалау-іздеу жұмыстары, кұрылысқа территорияны инженерлік дайындау, кұрылыс алаңын ұйымдастыру кіреді.
Жобалау-іздеу жұмыстары ұтымды жобалық шешімдерді таңдап алудың, үймереттер мен ғимараттардың беріктігі мен орнықтылығын қамтамасыз етудің, кұрылысты ұйымдастырудың және жұмысты атқару жобаларын жасаудың негізі болып табылады Экономикалық және инженерлік-техникалық іздеу түрлері болады.
Экономикалық іздеулер құрылыстың ауданы мен алаңын таңдау, жобалық шешімдердің үнемділігін қамтамасыз ету және не құрылысты үйымдастыру үшін қажет.
Ииженерлік-техникалык іздеулер қүрылыстың топографиялық, геологиялык, гидрогеологиялық және метеорологиялық жағдайларын зерттеп білу мақсатымен жүргізіледі.
Территорияны инженерлік дайындау барысында қурылыс жұмыстарын еа қолайлы деген жағдайда жургізуге мүмкіндік беретіндей кешенді шаралар жүзеге асырылуға тиіс. Бұл жұмыстардың қурамына алаң территориясын тазалау, жер бетіндегі суды басқа жаққа ағызу, жер асты суларының деңгейін төмендету, геодезиялық бөлудің негізін жасау кіреді.
Құрылыс алаңын ағаштар мен бұталар дан тазарту жобада белгіленген шекара аумағында уақытша жасалған қоршау ішінде жүргізіледі Жас ағаштардың бағалы тұкымдары белгіленген уақытта жаңа орындарға отырғызылады. Қалған ағаштар кесіліп, өнделгеннен кейін құрылыс аланынан тыс жерлерге орналасқан уақытша қоймаларға тасылады.
Ағаштарды кесуді женілдету және жұмыс қауіпсіздігін қамтамасыз ету үшін алдымен орман, тал-шіліктерден, ұсақ ағаштардан бұта–кескіштердің және трактор-аршығыштардың көмегімен тазартылады да жиналған бұталар мен ұсақ ағаш, талдар арнаулы бөлінген орындарға үйіледі.
Ағаш кесу мен оңын түбірін тазарту бір мезгілде жүргізіледі. Ағашты құлатудың әдістері орманның көлеміне, ағаш тұқымына, топырақ түріне және гидрогеологиялық жағдайларға байланысты тандалып алынады