Жиынтық сұраныс пен жиынтық ұсыныстың мәні

1. Жиынтық сұраныс.
2. Жиынтық ұсыныс.
3. Экономикадағы тепе.теңдік өндіріс көлемі мен бағалар деңгейі.

Макроэкономика жағынан ұлттық экономика бір жиынтық тұтынушыдан және жеке өндірістік тұтыну үшін қажетті бір ғана өнім өндіретін бір жиынтық фирмадан тұратын бүтін нарық түрінде болады. Бұл өнім бір жиынтық бағамен сатылуы керек.
Осы нарықтың талдауын жиынтық сұраныстан АD бастаймыз.
Жиынтық сұраныс қалыптасқан бағалар деңгейі кезінде тауарлар мен қызметтердің белгілі бір көлемін сатып алуға халықтың, фирмалардың , мемлекеттің және шетелдің қалауы мен мүмкіндігін сипаттайды.
Жиынтық сұраныс қисығы дегеніміз – сатып алушының сұранысы өндірілген өнім саны мен бағаның жалпы деңгейінің арасындағы тәуелділік.
Басқа сөзбен айтқанда, жиынтық сұраныс қисығы әрбір берілген баға деңгейінде сатып алатын тауарлар мен көрсетілген қызметтер санын көрсетеді.
Жиынтық сұраныс графигінде абсцисс өсі бойынша номиналды емес, базистік жылдың бағасындағы нарықта сатып алушыға ұсынылған нақты өнім алынады.
Жиынтық сұраныс нарықтық сұранысқа қарағанда күрделірек категория болып табылады және қоғам ауқымында негізгі төрт құрамдас бөліктерден тұрады:
1-шісі – бұл тауарлар мен қызметтерге тұтынушы сұранысы С ;
2-шісі – бұл фирмалардың инвестициялық сұранысы І;
3-шісі – мемлекеттік сатып алулар G ( оған әскерге, қару-жараққа, тегін медициналық қызметкөрсетуге және білім беруге, мемлекеттік инвестициялық бағдарламаларға, тұрғын үй мен жолдар салуға және т.б. жұмсалатын республикалық және жергілікті шығындар жатады);
4-ші құрамдас бөлігі – таза экспорт Хп, яғни экспорт пен импорттың арасындағы айырмасы;