Әдебиеттегі мазмұн мен пішін жайлы мәлімет

Кіріспе І. Әдебиеттегі мазмұн мен пішін және олардың қызметі; ІІ. Мазмұн мен пішін жайлы ғылыми ой.пікірлер. Қорытынды Қолданылған сілтемелер

Мазмұн мен пішін - әдебиеттану ғылымында бір-бірімен етене байланысты ұғымдар. Кез-келген көркем шығарма өзінің көркемдік мазмұны мен пішінімен ерекшеленетіні рас. Мазмұн мен пішінді бір-бірінен бөліп жаруға болмайды, себебі олар бір-бірін толықтырып отырады. Жұмыстың алғашқы бөлімінде негізінен ғалым Зейнола Қабдоловтың ғылыми тұжырымдамалары берілген. Ал екінші жартысында мазмұн мен пішінге қатысты кейбір ғылыми деректер берілген.
Мазмұн мен пішін бірлігі-көркемдік арты. Мазмұн мен пішін-іргелі философиялық ұғым. Бұл екеуі бір-бірінен айрылмас байланыста, бірлікте болады. Көркем шығарманың күллі құны мен қасиеті оның мазмұны мен пішінінің бірлігінде жатыр. Мазмұн мен пішін жайын сөз еткенде, ескеретн бір нәрсе-бір мамұнының бірнеше пішіні болатыны. Мысыла, Ұлы Отан соғысының сөз өнерінде әр түрлі пішінде суреттелгенін Қ.Аманжоловтың «Ақын өлімі туралы аңыз», Б.Момышұлының «Москва үшін шайқас», Ә.Әбішевтің «Намыс гвардиясы» атты шығармаларынан аңғаруға болады. (поэзия, проза, драматургия). Шығарма мазмұнының ұтымдылығы да, оқырманға жетімділігі де оның пішініне байланысты. Мазмұнға қарағанда, пішін өзгермелі болады. Мысалы, махаббат. Бұл - өмірде тұрақты шындық, өнерге мәңгілік тақырып. Бірақ өмірдің осы шындығының өнердегі пішіні әр дәуірде әр алуан. Бір мазмұнның өзі әр дәуірде әр түрлі пішінге көшіп отырады. Мазмұн мен пішін жайын сөз еткенде ескеретін тағы бір ерекшелік-мазмұнын мен пішіннің тарихи категория екендігі. Әрбір жаңа дәуірде көне мазмұн тың пішін тауып, жаңғырып, жасарып қана қоймайды, әр дәуір өз шындығын, демек, өз мамұнын ала келеді. Сонымен, әдебиеттегі мазмұн мен пішіннің бірлігі дегеніміз-өнер туындысының көркемдігі үшін ауадай қажет жағдай. Көркем шығармадағы мазмұн мен пішіннің бірлігі - оның етене бүтіндігі, эстетикалық бағалылығы. Мазмұн дегеніміз шығарманың өмір шындығын, құбылыстарын бейнелі түрде көрсетіп, ой-сезімге әсер беретін мағыналылығы деуге болады. Шығарманың мазмұны баяндалған, көрсетілген уақиға,жағдай өмір құбылыстарының тікелей өзі емес, соның көркемдік көрінісі сөзбен мүсіндеп берілген суреті.