ҚР Азаматтық құқығы. ҚР Отбасы құқығы. ҚР Қылмыстық құқығы

1 ҚР Азаматтық құқығы
2 ҚР Отбасы құқығы
3 ҚР Қылмыстық құқығы

1. Мұралау – қайтыс болған адамның мүлкінің мұрагеріне өтуі. Азаматтық құқықта мұралау тәртібімен ең бастысы жеке меншіктік құқық, сондай-ақ міндеттемелік, авторлық және өнертабыстық құқықтық қарым-қатынастардың мазмұнын құрайтын басқа да мүліктік құқылар мен міндеттер ауысады, яғни екінші адамға көшеді. Заңда көзделген реттерде, мұрагерге белгілі бір беймүліктік құқылар да өтеді.
2. Мұрагерлік құқық – азаматтық құқықтың бір бөлігі; мұралау құқы бойынша қайтыс болған адам мүлкінің басқа адамға өту тәртібін айқындаушы құқықтық нормалардың жиынтығы. Мұра екі түрде қалдырылады: заң және өсиет бойынша.
Мұра қалдырушы қайтыс болар алдында мүлкі жайлы ешкімге өсиет етпесе немесе өсиет еткеннен кейін де мүлік иесіз қалса, мұрагерлер заң бойынша мұраға ие болуға шақырылады.
3. Жеке тұлға – тұлға, құқықтық қатынастарда субъективтік құқық пен заңды міндеттерді иеленуші. Жеке тұлға белгілі бір тәртіппен экономикалық қызметке қатысушы және толық құқықты қызмет субъектісі ретінде әрекет етуші адам. Жеке тұлға өз атынан әрекет етеді және ұжымдық құрылым болып табылатын заңды тұлға сияқты фирма құруға мұқтаж емес.
Қазақстан Республикасының Азаматтық кодексі бойынша Жеке тұлға – ҚР немесе басқа мемлекеттің азаматы, сондай-ақ азаматтығы жоқ адам. Яғни “жеке тұлға”ұғымы “азамат” деген ұғымға тең мағынада қолданылады. Азамат (Жеке тұлға) – құқықтың жеке субъектісі, оның құқықтық қабілеті (құқыққа қабілеттілігі), яғни азаматтық міндет атқару қабілеті бар.
4. Заңды тұлға – меншік, шаруашылық жүргізу немесе жедел басқару құқығындағы оқшау мүлкі бар және сол мүлікпен өз міндеттемелері бойынша жауап беретін, өз атынан мүліктік және мүліктік емес жеке құқықтар мен міндеттерге ие болып, оларды жүзеге асыра алатын, сотта талапкер және жауапкер бола алатын ұйымды айтамыз.
5. Қоғамдық бірлесітік – заңдарға қайшы келмейтін, ортақ мақсаттарға жету үшін азаматтардың ерікті бірігуі нәтижесінде құрылған ұйым.
6. Азаматтық құқық қатынастар – азаматтық құқық нормаларырың талаптарына сәйкес туындайтын және бұл нормаларға тәуелді болатын жақтар арасындағы қатынастар. Азаматтық-құқықтық қатынас барлық қоғамдық қатынас сияқты тұлғалардың өзара қарым-қатынасы болып табылады. Ол кем дегенде екі субъектілердің әрқайсысы не құқыққа не міндетке ие болады, немесе бұл екі жақта құқықтық қатынас болса, онда субъектілерінің әрқайсысы құқықтар мен міндеттерге бір мезгілден ие болады.
7. Азаматтық заңның күші – заң күшіне еңгеннен бастап, оның күші жойылғанға дейін белгілі бір қатынасқа қолдануындағы заңдық болмысына тән нысан.