ҚР-дағы жұмыссыздық себептері және формалары

Қазақстан Республикасының Білім және ғылым министрлігінің

Семей қаласындағы Шәкәрім атындағы мемлекеттік университеті

СӨЖ

Тексерген:Қуантқан Биболат

Орындаған: Сансызбаев Нұртай

Тақырып:ҚР-дағы жұмыссыздық себептері мен формалары

Семей 2015

ЖОСПАР

Кіріспе

1. Қазақстан Республикасындағы жұмыссыздық себептері мен формалары

2. Кәсіпорынның жұмыссыздыққа қарсы жүргізетін әлеуметтік саясатын талдау

3. Қазіргі кездегі жұмыссыздықты реттеу әдістер

4. ҚР-дағы жұмыссыздық мәселелерін шешудің жолдары

5. Қорытынды

Қолданылған әдебиеттер
Кіріспе

Халықты жұмыспен қамтамасыз ету мәселесі осы күндері ең өткір проблемаға айналып отыр. Қазақстанның ұзақ мерзімді стратегиялық даму бағдарламасында жұмыссыздық пен кедейшілікті толық та тұрақты жою мәселесі 2010 жылға дейін шешілетін мемлекеттік міндет ретінде анықталғаны белгілі. Осы 2010 жылға дейін Қазақстан экономикасында күрделі де қарқынды өндірісаралық құрылымдық өзгерістер жүруі қажет.

Қазақстанда еңбек сыйымдылығы (трудоемкость) жоғары өндіріс салаларын қалыптастыру және дамыту; ауыл шаруашылық шикі заттарын терең технологиялық өңдеу және түпкі өнім өндіру экономикасын мемлекет тарапынан басым түрде қолдап - дамыту мақсаты және міндеті анықталған. Бұл міндетті іске асыру:

біріншіден , көптеген жұмыс орындарын ашуға, жаңа мамандықтар дайындауға, жұмыссыздықты жоюға, еңбекақы табысын арттыруға жол ашады;

екіншіден, еңбек пен жұмыс күшінің сапасы жоғарылап, еңбек өнімділігі және жалпы экономика тиімділігі артады;

үшіншіден, жалпы ұлттық өнімнің құрылымы жақсарып, ұлттық табыс үлесі артады; төртіншіден, салық төлемдері өседі және мемлекет бюджетінің мүмкіншіліктері кеңейеді.

1 . Қазақстан Республикасындағы жұмыссыздық себептері мен формалары

Қазақстан Республикасының Статистика бойынша агенттігінің мәліметтері бойынша 2008 жылы Қазақстанның халық саны 15, 2 млн адамды құрады, соның ішінде 8, 6 млн (56, 6%) қала және 6, 5 млн (42, 8%) ауыл халқы. Экономиканың тұрактануы еңбек нарығында жұмыс күшіне сұраныстың өсуіне және халықтың жұмыспен қамтылуының артуына нақты алғышарттар жасайды. Халықтың экономикалық белсенді бөлігінің 15 және одан ересек жастағы саны 2008 жылы 7, 9 млн адамнан асып жығылды. Республика экономикасының әртүрлі саласында өткен жылы 7, 3 млн. адам жұмыс істеді. Бұл 2007 жылғы көрсеткіштен 79, 2 мың адамға немесе 1, 1%-ке артық. Жұмыс істеушілердің жартысынан астамы (3, 8 млн, адам) - ерлер, 48% (3, 5 млн. адам) - әйелдер. Жұмыс істейтін халықтың едәуір бөлігі қалалық жерлерде шоғырланған - 4, 1 млн. адам немесе жұмыс істейтіндердің жалпы санының 56, 2%. Ауылдық жерлерде 3, 2 млн. адам немесе 43, 8% жұмыспен қамтылған. Еңбек нарығында жыл сайын жұмыссыздық деңгейінің төмендеу үрдісі байқалады. 2008 жылы оның деңгейі 8, 1% болды, бұл алдыңғы жылға қарағанда 0, 3 пайызға төмен. Еуростаттың деректері бойынша Еуропада жұмыссыздық деңгейі 2007 жылы 8, 4% құрады (Германияда - 9, 5%, Польшада - 17, 2%, Чехияда - 7, 8%, Латвияда - 8, 3%, Литвада - 6, 8%) . Жұмыссыз халықтың саны (табысты кәсібі жоқ, жұмыс іздеуші және оған дереу кірісуге дайын адамдар) өткен жылы 640, 7 мың адамды құрап, 2005 жылға қарағанда 18, 1 мың адамға (2, 7%) қысқарды. Жұмыссыздардың жалпы көлемінен қалалық жерлерде 402, 7 мың адам (62, 8%), ауылдық жерлерде - 238, 1 мың адам белгіленді. Қалалықтарда жұмыссыздық деңгейі - 9%, ауылдықтарда - 7% болды. Еңбек нарығында бәсекеге қабілеті төмен адамдар бұрынғысынша әйелдер мен жастар (15-24 жас) болып отыр. Әйелдердің сандық басымдығы байқалады. Жұмыссыздық деңгейі біліміне қарай ерекше көрінеді. Өткен жылы жоғарғы білімі бар жұмыссыздар 4, 5%-ті, кәсіптік орта білімі барлар -7, 5%-ті, жалпы орта білімі барлар- 10, 4%-ті құрады. Жұмыссыздардың жалпы көлемінде кәсіптік орта және жалпы орта білімі барлар басымдық танытады - тиісінше 25%-ті және 39, 8%-ті құрайды. Бұл ретте жұмыссыз әйелдерде білім алу деңгейі жоғары: жоғарғы білімі барлар жұмыссыздардың ішінде олар 60%, кәсіптік орта білімі барлары - 66% болып отыр. Жұмыссыз ерлердің қатары негізінен бұрын аграрлық секторда, құрылыста, көлік пен байланыста жұмыс істеген адамдар есебінен, ал әйелдер қатары - денсаулық сақтау, білім, сауда, ауыл шаруашылығы саласында жұмыс істегендер есебінен толықты. Жұмыс күшіне сұраныс пен ұсыныстың теңсіздігі, тиісті біліктіліктегі жұмыстың жоқтығына байланысты жұмыссыздарға сұраныстың жоқтығы еңбек нарығындағы ахуалды күрделендіре түседі. Өткен жылы 235, 6 мың жұмыссыз немесе олардың жалпы санының 36, 7% "ыңғайға келетін" не кез келген жұмыстың жоқтығын атап көрсеткен. Таратылуы, штаттың қысқаруы немесе жеке еңбек шарты мерзімінің аяқталуына байланысты кәсіпорындар мен ұйымдардан жұмыстан шығып қалған адамдар биылғы жылы 138, 2 мың адамды немесе бүкіл жұмыссыздардың 21, 6%-ін құрады. Өз еркімен 85, 3 мың адам (13, 3%) жұмыстан шыққан. Оқу орнын бітіргеннен кейін 82, 8 мың адам немесе 12, 9% жұмыссыз қалған. Соңғы жылдары ұзақ мерзімді жұмыссыздық деңгейінің төмендеуі байқалады. 2006 жылы оның деңгейі 4, 3% болды. Бұл 2005 жылғы көрсеткішке қарағанда 0, 8 пайыздық шамаға төмен. Алайда ұзақ уақыт бойы жұмыс іздеп жүрген жұмыссыз адамдардың үлесі әлі де едәуір. Биылғы жылы 229, 4 мыңнан аса адамның жұмысы (кәсібі) болмады. Бұл олардың жалпы санының 37, 3% болады. Бір және одан ұзақ бойы жұмыс іздеп жүрген жұмыссыздар ішінде әйелдер басымдық танытады - 67%. ¥зақ мерзімді жұмыссыздық ерлерде 3, 1%-ке, әйелдерде - 5, 6%-ке жетті. 1 айдан 6 айға дейін жұмыс іздеп жүргендер 246, 7 мың адам не-месе барлық жұмыссыздардың 38, 5%-і болды, 6 айдан 12 айға дейін жұмыс іздеп жүргендер тиісінше 116, 1 мың адамды және 18, 1%-ды құрады. 114, 2 мыңнан аса адам бұрын еш жерде жұмыс істемеген, бұл жұмыссыздардың жалпы санының 18, 6%. Жұмыссыз халыкңың жартысына дерлігі (48, 3%) жалдамалы қызметкерлер ретінде жұмыс іздестіруде. Олардың 67, 5%-і мемлекеттік ұйымдарда, 24, 2% - мемлекеттік емес ұйымдарда жұмыс істеуді қалайды, 51% кез келген жұмысты істеуге дайын. Жұмыспен қамту проблемасы шағын қалалар мен тоқыраған ауылдық өңірлерде аса өткір болып отыр. Республикада еңбек нарығының жай күйінің мониторингі үшін облыстар, қалалар мен аудандар бөлінісінде жұмыс күшіне сұраныс пен ұсыныстың тіркелуін көрсететін деректер базасы құрылды. Сапа мен ұсыныстың кәсіптік - біліктілік құрылымының сәйкессіздігі және халықтың еңбек ұтқырлығының ттөмен болуы себепті жергілікті еңбек нарықтарындағы жұмыс күшінің бір мезгілдегі тапшылығы жағдайында қазіргі уақытта Қазақстанда оған сұраныстың жеткілікті екенін талдау дәлелдеп отыр. Жұмыспен қамту мәселелері жөніндегі органдардың ай сайынғы бос орындар банкі 15-17 мың бірлікті құрайды. Бірақ кәсіптік белгісі бойынша жұмыс күшіне сұраныс пен ұсыныстың сәйкессіздігінен айына бір бос жымыс орнынан есеппен 7-10 жұмыссыз үміттенеді.

2. Кәсіпорынның жұмыссыздыққа қарсы жүргізетін әлеуметтік саясатын талдау. Жұмысбастылықты жақсарту және жұмыссыздықты төмендетудің негізгі бағыттары жұмыс күші ұсынысы мен сұранысына әсер ету жолымен жүзеге асырылады (3 сурет) . Әр бағыт пен шараларды жүзеге асыру аймақтық және кәсіпорын деңгейінде сәйкес экономикалық механизмдардың құрылуын қажет етеді. Жұмыс күшіне сұраныстың қалыптасыу жұмыс берушінің қажеттіліктері мен қызығушылықтарына бағынады. Оның басты ұстанатын мақсаты - пайда табу үшін өзі басқаратын кәсіпорынның бәсекеқабілеттілігін қамтамасыз ету. Жұмыс күшіне сұранысты қалыптастыру саясатының бірінші және негізгі бағыты - жұмыс орындарын сақтау және модернизациялау, жаңа жұмыс орындарын құру және артық және тиімсіздерін жою. Бұл шаралар аймақтық және жергілікті басқару орындарының қолдауымен әрекет ететін кәсіпорындарда жүзеге асырылады.

Екінші бағыт - кәсіпкерліктерді дамыту негізінде жаңа жұмыс орындарын құру. АҚШ тәжиребесінде шағын кәсіпорындар арқасында он жаңа жұмыс орындары ішінен сегізі құрылады. Жаңа кәсіпорындарды құрумен қатар жұмыс күшіне сұраныстың кеңейюіне әрекет ететін ірі кәсіпорындарда ішкі кәсіпкерлікті дамыту да әсер етеді.

Үшінші бағыт - ақы төленетін қоғамдық жұмыстарды ұйымдастыру. Бұл бізге шетелдік тәжиребеден келген. Жұмыссыздарға жергілікті басқару органдарының иелігіндегі обьектілерде құрылыспен, жөндеу, жинастыру, қызмет көрсетумен байланысты уақытша жұмыс берумен түсіндіріледі. Бұл бағытты пайдалану аясы оның кәсіпорындарда таралуы есебінен кеңеюі мүмкін. Бұл жағдайда кәсіпорын өзінің тікелей міндеттеріне кірмейтін жұмыстар шеңберін анықтайды.

Төртінші бағыт - еңбек потенциалын пайдалану мүмкіндігі шектелген тұлғалар үшін жұмыс орындарын құру. Бұл бағыт бойынша тапсырыстарды орындау кезінде жұмыстардың мазмұны мен сипаты жеке адамның физикалық мүмкіндіктерінің шектеулігін ескеру керек.

Жұмыс күші ұсынысының қалыптасуы жұмысшының қажеттіліктері мен қызығушылықтарын көрсетеді. Оның ұстанатын басты мақсаты - мазмұны бойынша, еңбек шарты мен еңбекақы бойынша қанағаттандырылатын жұмысқа орналасу.

Жұмыс күші ұсынысын қалыптастыру саясатының бірінші және негізгі бағыты - кәсіптік - квалификациялық тұрғысынан оның сапасын жақсарту, дамыту және жетілдіру. Басты назар кәсіпкерлер, менеджерлер, маркетинг бойынша мамандар және басқа да нарықтық инфрақұрылым қызметкерлерінің дайындығына және біліктілігін жоғарлатуға аударылады.

Екінші бағыт - өзіндік жұмысбастылықты дамыту. Бұл бағыттың негізгі мүмкіндіктері тұтынушылық тауарлар мен қызмет көрсетудің әртүрлі түрлерін дайындау бойынша жеке еңбек әрекетімен байланысты. Бұл жағдай жеке кәсіпкерлік ретінде саналады, бұл жерде кәсіпкер мен жұмысшы бір тұлға болады. Үшінші бағыт - жұмыс уақыт ұзақтығын реттеу. Әлемде құрылған жұмыс уақыты ұзақтығын қысқарту тенденциясын жұмысшының қосымшы жұмыс істеуге уақыты болатынының куәсі болып табылады. Төртінші бағыт - жұмысшылар мен жұмыс берушілердің қызығушылықтары мен қажеттіліктерін максималды үлестіру мақсатында миграциялық үрдістерді реттеу.

Сурет 3

Жұмысбастылық жақсарту және жұмыссыздықты төмендету саясаты

Осы үрдістермен байланысты жұмыс күшінің мобильділігі жұмысшылардың еңбек әрекетінің өзгеруіне дайындығы мен қабілетін сипаттайды.

Қазақстан Республикасының халықты жұмыспен қамту туралы 1998 жылы 12 желтоқсандағы заңына сәйкес жұмыс беруші халықты жұмыспен қамтуға белсенді қатысуы керек. Заң бойынша жұмыс берушілер мемлекеттік жұмыспен қамту саясатын іске асыруға:

еңбек туралы заңдарға сәйкес жеке еңбек шарттары мен ұжымдық шарттардың талаптарын сақтай отырып, жұмысқа орналасуға жәрдем көрсету;

қызметкерлерді кәсіби даярлау және өндіріс ішінде оқыту жүйесін дамыту;

құрылымдық өзгерістер барысында білікті кызметкерлердің кадрлық әлеуметін сақтау және ұтымды пайдалану;

қоғамдық жұмыстарды ұйымдастыруға және жүргізуге жәрдемдесу;

өз қаражаты есебінен қоғамдық жұмыстарды қаржыландыру;

жұмысқа орналастыру мәселесі бойынша өтініш жасаған адамдарды ұйымдарда белгіленген біліктілік талаптарыны сәйкес бос орынға жұмысқа қабылдау;

Қазақстан Республикасының заңдарына сәйкес қызметкерлерді сақтандыру арқылы қатысады.

Жұмыс беруші:

ұйымның таратылуына, адам санының немесе қысқартылуына байланысты алдағы уақытта қызметкерлердің жұмыстан босайтыны, босатылатын қызметкерлердің қызметтері мен кәсіптері, мамандықтары, біліктілігі және еңбекақы мөлшері көрсетіле отырып, босатылуы мүмкін қызметкерлердің саны мен санаттары туралы және олар босатылатын мерзімдер туралы жұмыстан босату басталардан кемінде бір ай бұрын уәкілетті органға толық көлемде ақпарат беруге;

бос жұмыс орындары пайда болған күннен бастап үш жұмыс күні ішінде олар туралы уәкілетті органға мәлімет жіберуге;

уәкілетті орган берген жалдамаға тиісті белгі қою арқылы жұмысқа қабылдау немесе жұмысқа қабылдаудан бас тарту себебін көрсете отырып, ол туралы дер кезінде хабарлауға;

мүгедектер үшін жұмыс орындарының белгіленген квотасын орындауға;

уәкілетті органға алған мамандығы мен біліктілігін көрсете отырып, кәсіптік даярлықтан қайта даярлықтан және өндірісшілік оқытудан өткен адамдардың саны туралы мәліметтер беруге міндетті.

Қазақстан жұмыссыздарды жұмыспен қамтуда шағын кәсіпорындар маңызды рөль атқарады. Қазақстан Республикасының Статистика бойынша агентігінің мәліметтері бойынша шағын кәсіпорындар қызметкерлерлінің саны 2003 жылы - 748785 адам, 2004 жылы - 768640 адам, ал 2005 жылы олардың саны 1361 адамға өскен, яғни былтырғы жылы олардың саны 770001 адамға жетті. Бұл кәсіпорындар ішінде көп үлесті өнеркәсіп - 15. 2%, өңдеу - 12. 6%, құрылыс - 19. 1%, және сауда, автомобильдерді, тұрмыстық бұйымдарды және жеке пайдаланатын заттарды жөндеу - 26. 3% салалары алады.
Қазіргі кезде Қазақстанда 2007 жылға дейінгі кедейлікті төмендету бағдарламасы әрекет етуде. Қазақстан Республикасының халқын жұмыспен қамтудың 2005 - 2007 жылдарға арналған бағдарламасы жұмыссыздықтың өсуінің алдын алу, жұмысқа орналасуға жәрдемдесу және өнеркәсіптік өндірістің иновациялық дамуының, аграрлық саланың жоғары білікті кадрларға қажеттілігін қамтамасыз ету, сондай - ақ заңды сектордағы халықтың жұмыссыздық деңгейін төмендету, жұмыс күші сапасының артуы, жұмыс күші ұсынысыны мен жұмыс орындары санының теңгерімділігі, ұлттық еңбек нарығын қорғау жолымен өнімді жұмыспен қамтылуына жәрдемдесу мақсатында әзірленді. Бағдарламаның негізгі мақсаты өнімді жұмыспен қамтуды қамтамасыз ету, жұмыссыздық деңгейін азайту болып табылады.

Бағдарламаның халықты жұмыспен қамту деңгейінің өсуін ынталандыратын шараларға жататындар:

Экономика салаларында жаңа жұмыс орындарын құру. Жаңа жұмыс орындарын құру:

инвестициялық жобаларды, 2005 - 2007 жылдары мемлекеттік және салалық (секторальдық) бағдарламаларды іске асыру (902, 1 мың жұмыс орны) ; нысаналы топтар үшін әлеуметтік жұмыс орындарын ұйымдастыру; қоғамдық жұмыстарда жұмыспен уақытша қамтуды дамыту жолымен қамтамасыз етілетін болады. Бұдан басқа, Қазақстан Республикасы заңнамаларын, бос жұмыс орындарын жасыру және нысаналы топтарды қоса алғанда, азаматтардың еңбек құқықтары бөлігінде бұзушылықтарды анықтау жөніндегі жұмыс жандандырылады.

Кесте 2

Қазақстан Республикасында мемлекеттік және салалық бағдарламалар бойынша 2005 - 2007 жылдар кезінднгі құрылатын жұмыс орындарының саны.

Жұмыс күшіне сұраныс пен ұсыныс теңгерімділігі жөніндегі шаралар. Жұмыс күшіне сұраныс пен ұсыныс теңгерімділігі болуы үшін кәсіптік даярлауды еңбек нарығындағы қажеттіліктерге сәйкес жетілдіру, еңбек нарығындағы жұмыс күшіне деген сұраныс пен ұсыныс мониторингі қажет. Бұл ретте мыналар:

еңбек нарығындағы сұраныс пен ұсыныстың және білім беру қызметтері нарығындағы мамандар даярлаудың көлемін, бейіндері мен болжамдарын болжау;

жұмыс берушілердің таяудағы 3 жылда жұмыс күшіне деген қажеттілігін айқындау және кадрлар даярлау жүйесін экономика қажеттіліктерімен сәйкес келтіру мақсатында жұмыс күшіне сұраныс мониторингінжүзеге асыру;

жұмыссыздарды кәсіби даярлау, біліктілігін арттыру, қайта даярлау есебінен еңбек рыногындағы бәсекелестік қабілетін арттыру;

бастауыш, орта және жоғары кәсіби білім берудің кәсіптер жіктемелеріне өзгерістер мен толықтырулар енгізуде;

кәсіпорындардың әрбір есепті жылдың аяғында жыныстық жасы, кәсіптік және біліктілік белгілері бойынша кадрлар құрамын көрсететін статистикалық есептемесіне өзгерістер енгізу;

оқушылары кәсіптік бағдарлауды дамыту, еңбек нарығында талап ететін кәсіптер, мамандықтар бойынша олардың еңбек қызметіне уәждемесін арттыру көзделеді.

Халықтың әлеуметтік қолдауға мұқтаж нысаналы топтарының жұмыспен қамтылуын ұйымдастыру. Нысаналы топтардың жұмыспен қамтылуына жәрдемдесу жөніндегі шараларды жүзеге асыру:

әлеуметтік жұмыс орындарын құру;

кәсіптік даярлауға біліктілігін арттыруға және қайта даярлауға әрі қоғамдық жұмыстарға жіберу кезінде басымдықты құқық;

шағын кәсіпкерлік субъектілеріне жұмысқа орналастыру;

кәсіптік бағдарлау, хабардар ету, консультациялар беру;

екі - үш аралас кәсіптерге оқыту жолымен бәсекелестік қабілетін арттыру;

мүгедектерді жергелікті еңбек нарықтарында қалыптасқан ахуалды ескере отырып, әкелу кестесін, қоныстану аудандарын, кәсіптер бөлінісінде еңбекке қабілетті адамдардың санын көрсете отырып орналастыру;

нысаналы топтарды жұмыспен қамту мониторингін жүргізу;

бос жұмыс орындары туралы мәліметтер жариялау;

жұмыспен қамту және қылмыстық түзеу жүйесі органдардың өзара әрекет етуі;

жазасын өтеп жүрген адамдарды оқытуды ұйымдастыру мақсатында, еңбек рыногында сұраныс бар кәсіптердің, мамандықтардың тізбелерін қылмыстық - түзеу жүйесі органдарға беру есебінен қамтамасыз етіледі.

Қосымша жұмыс орындарын құратын шағын және орта кәсіпкерлікті қолдау мен дамыту. Шағын және орта кәсіпкерлікті қолдау мен дамыту:

жұмыспен қамтудың икемді нысандарын ұйымдастыру және қызметтердің жекеменшік салаларын дамыту;

дәстүрлі ұлттық кәсіпшіліктің, әсіресе, оңтүстік өңірлерде, ауылдық жерлерде және шағын қалалардағы тамақ шикізатын қайта өңдеуге арналған үйде істейтін және кәсіпшілік өндірістерінің жаңғыруына жәрдемдесу;

жұмыссыздарға материалдық көмек беру жолымн олардың жеке ісін ұйымдастыруына жәрдемдесу;

одан әрі өзін өзі жұмыспен қамту мақсатында жұмыссызды оқуға жіберу есебінен жүзеге асырылатын болады.

Еңбек нарығындағы қажеттілікті ескере отырып, жұмыссыздарды кәсіптік даярлау мен қайта даярлаудың икемді жүйесін ұйымдастыру. Еңбек нарығындағы қажеттілікті ескере отырып, жұмыссыздарды кәсіптік даярлау мен қайта даярлаудың икемді жүйесін құру еңбек нарығындағы жұмыссыздардың бәсекелестікке қабілеттілігін арттыру жолымен оларды кәсіптік даярлау, біліктілігін арттыру, қайта даярлау арқылы жүргізілетін болады.

Қоғамдық жұмыстарды ұйымдастыру мен жетілдіру 2005 - 2007 жылдары қоғамдық жұмыстардың басым дамуына байланысты жол құрылысы мен оларды жөндеуге, ағаш отырғызуға, елді мекендер мен өңірлердің санитарлық - эпидемиологиялық жай күйін жақсартуға, өңірлердің инфрақұрылымын, көлік инфрақұрылымын дамытуға арналған қоғамдық жұмыстарды кеңейту мен қайта бағдарлау және әлеуметтік қызметтер көрсету көзделеді.

Жұмыспен қамтудың өңірлік проблемаларын шешуже жергілікті атқарушы органдардың рөлінен арттыру жөніндегі шаралар. Жергілікті атқарушы органдар:

бос орындар туралы ақпарат жинау жөніндегі жұмысты жандандыру;

халықты және жұмыс берушілерді еңбек нарығындағыахуал туралы хабарлау ету, буклеттер, жадынашылар, плокаттар тарату арқылы жұмыс іздеуге жәрдемдесу, сондай - ақ бос жұмыс орындары туралы мәліметтерді жариялау;

жұмыс іздеуде қиындық көретін азаматтарға консультациялар беру;

лайықты жұмыс таңдауға, оның ішінде бос орындар жәрмеңкелерін, жұмыс іздеу клубтарының қызметін ұйымдастыру, қоғамдық жұмыстарға жіберу жолымен жәрдемдесу;

еңбек нарығындағы бәсекелестік қабілеттілікті арттыру мақсатында жұмыссыздарды кәсіптік даярлауға, біліктілігін арттыруға, қайта даярлауға жіберу;

еңбек нарығындағы жұмыс күшіне сұрыныс пен ұсыныс мониторингін жүргізу;

жұмыспен қамтудың белсенді саясатын жаңа жұмыс орындарын құру жолымен іске асыру, нысаналы топтарды қоса алғанда, еңбек рыногындағы қажеттілікті ескере отырып жұмыссыздарды кәсіптік даярлаудың және қайта даярлаудық сапасын жақсарту, шағын және орта кәсіпкерлікті қолдау, және дамыту, қоғамдық жұмыстардың түрлерін кеңейту және қайта бағдарлау;

жұмыс күшін аумақ аралық, оның ішінде халықаралық шарттарға сәйкес алмасуды дамыту жөніндегі жұмыс жалғасатын болады.

Жұмыспен қамту мәселелері жөніндегі уәкілетті органның қызметін жұмыспен қамтуды реттеу және еңбек нарығы мәселелерінде еңбек делдалдығымен айналысатын жұмыс берушілерімен, қоғамдық бірлестіктермен, жеке жұмыспен қамту агенттіктерімен ықпалдастыру. Ол:

жұмыспен қамту органдарының жеке жұмыспен қамту агенттіктерімен және жұмысқа орналастыру жәрдемдесу саласындағы үкіметтік емес ұйымдарымен өзара іс - әрекеттерімен кеңейту;

ұйым қызметкерлерімен өндірішілік оқыту, сондай - ақ босатылуға жататын қызметкерлерді, олардың еңбек рыногындағы бәсекелестік қабілеті мен кәсіптік ұтқырлығын арттырудың маңызды құралыретінде, ілгерілеп кәсіптік оқыту жүйесін дамыту;

жұмыспен қамту мәселелерін жөніндегі органдар, білім беру органдары мен жұмыс берушілер білім беру ұйымдарының түлектерін жұмысқа орналастыру туралы келісім жасасу арқылы білім беру ұйымдарының түлектерін жұмысқа орналастыру жәрдемдесу мәселесі бойынша өзара әрекет ету жолымен жүзеге асырылады;

Инвестициялық бағдарламаларды әзірлеу кезінде еңбек нарығындағы ахуалды ескере отырып, қосымша жұмыс орындар ашу. Ішкі еңбек нарығын қорғау мақсатында инвестициялық келісім - шарттар жобасын қарау жолымен инвестициялық бағдарламаларды әзірлеген кезде еңбек нарығындағы ахуалды ескере отырып, қосымша жұмыс орындарын ашу.

Білім беру ұйымдарының түлектерін жұмыспен қамтуға жәрдемдесу. Бұған:

Жоғары оқу орнының шәкірті мен жұмыс берушінің арасында жұмысқа орналасуға шарт жасасу;

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс