Кәсіпкерлік қызметтегі лизинг операциялары

Пән: Қаржы
Жұмыс түрі: Дипломдық жұмыс
Тегін: Антиплагиат
Көлемі: 51 бет
Таңдаулыға:

МАЗМҰНЫ

КІРІСПЕ

Ι-ТАРАУ. КӘСІПКЕРЛІК ҚЫЗМЕТТЕГІ ЛИЗИНГ ОПЕРАЦИЯЛАРЫНЫҢ ТЕОРИЯЛЫҚ НЕГІЗДЕРІ

1. 1 Лизингтік операциялар түсінігі, мәні және маңызы

1. 2 Лизингтің түрлері мен жіктемелік белгілері

1. 3 Лизингтік операциялардың артықшылықтары мен

кемшіліктері

ΙΙ-ТАРАУ. «АЛЕКС» ЖШС-Ң ШАРУАШЫЛЫҚ ҚЫЗМЕТІН ЖӘНЕ ЛИЗИНГ ПАЙДАЛАНУ ТИІМДІЛІГІН ТАЛДАУ

2. 1 Қазақстандағы лизингтің дамуының қазіргі жағдайын

талдау

2. 2 «Алекс» ЖШС-ң экономикалық - шаруашылық

жағдайын талдау

2. 3 «Алекс» ЖШС-ң лизингтік операцияларды өткізу

тәртібі

ΙΙΙ-ТАРАУ. КӘСІПОРЫННЫҢ ҚЫЗМЕТІН ДАМЫТУДЫ ЛИЗИНГТІК ОПЕРАЦИЯЛАРДЫ ІСКЕ АСЫРУДЫҢ ЖЕТІЛДІРУ ЖОЛДАРЫ

3. 1 Лизингтік операцияларды жетілдіру бойынша

ұсыныстар

3. 2 Қазақстандағы лизингтік қатынастар механизмін жетілдіру

жолдары

ҚОРЫТЫНДЫ

ПАЙДАЛАНҒАН ӘДЕБИЕТ КӨЗДЕРІ

Кіріспе

Қазіргі уақыттағы Қазақстандағы кәсіпкерлікті дамытудың негізгі проблемасы - қаржылық ресурстарға шектеулі қол жеткізерліктің болуы. Шағын және орта бизнесті қаржыландыру тәжірибесіне сәйкес қаржылық институттар құрал- жабдықтарды белгілі бір төлеммен, белгілі бір уақытқа пайдалануға мүмкіндік береді. Ол - лизинг болып табылады. Қазақстанның индустриялды- инновациялық даму стратегиясында негізгі қорларды жаңарту және еліміде өндірістік секторды дамытуды басты тапсырма ретінде қарастырудамыз. Бұл мәселелерді шешудің басты механизмі - лизинг.

Қазақстандағы құрал- жабдықтардың 80%- ға жуығы тозған және жақын арада жаңартуды талап ететін болғандықтан, лизинг операциясы біз үшін өте оптималды шешім болып отыр. Моральдық және физикалық тозған құрал -жабдықтармен сапалы, бәсекеге қабілетті өнім өндіру мүмкін емес. Біздің еліміз бірнеше жылдан кейін БТО - ға өтетін болғандықтан, біз жаңа құрал - жабдықтар, сапалы, бәсекеге қабілетті өнім деген мәселелерді кеңінен қарастыруымыз керек. Лизинг өтпелі экономикалы елдерде де, дамыған елдерде де кәсіпорындарды қаржыландырудың орта мерзімді және қысқа мерзімді көзі болып табылады. Ол лизинг алушының активтерін үлкейтудің тиімді әдісі, соның ішінде, жұмысбастылықпен қамтамассыз етуде, инновацияны енгізуде және осы елдерде бәсекелестікті дамытуда басты рөл атқаратын орта, шағын және қайта құрылған кәсіпорындар.

Елімізде лизингтік қызметпен айналысушыларға мемлекет көптеп қолдау жасауда. Лизингке әр түрлі салықтақ жеңілдіктер жасалған. Лизинг беруші негізгі құралдарды қаржылық лизингке беру мақсатында импорттталса және оны лизинг алушыға жалғаберген жағдайда қосымша құн салығынан босатылады. Осылайша, лизинг алушы құрал -жабдықтарды арзан бағамен импорттауға мүмкіндік алады. Тікелей өзі импорт жасайтын болса, онда қосымша құн салығы қосылады. Импорт кезінде қосымша құн салығы салынбайтын негізгі құрал тізімі тікелей Қазақстан Республикасы Үкіметімен бекітілген. Қаржылық лизинг бойынша сыйақылар да қосымша құн салығынан босатылады.

Сонымен қатар, лизинг инвестициялық қызмет болғандықтан, лизинг алушы негізгі құралдарды эксплуатациялау кезінде корпоративті табыс салығына байланысты инвестициялық салықтық преференцияларға ие болады.

Лизинг негізінде кәсіпкерлік субъектілерін мемлекеттік қолдауды ЖАО «Казагрофинанс» және АҚ «Шағын кәсіпкерлікті дамыту қоры» жүзеге асырады.

ЖАО «Казагрофинанс» келесідей шарттарда агроөнеркәсіптік кешендегі лизингтің мемлекеттік бағдарламасын жүзеге асырады: лизинг мерзімі 9 жылға дейін, жылдық сыйақы мөлшері 8%-ға дейін, аванстық төлем 20-50%- ды құрайды. Лизингке ауыл шаруашылық техникасы ұсынылады.

АҚ «Шағын кәсіпкерлікті дамыту қорында» лизинг мерзімі 5 жылға дейін, жылдық сыйақы мөлшері 10%-ға дейін, аванстық төлем объект құнынан 30 %-ды құрайды. Мұнда клиент құрал- жабдықты өзі таңдай алады немесе мүлік таңдау кезінде Қор қызметін тегін пайдалана алады.

Лизингтік келісімдерді жүзеге асыруға мүмкіндік беретін келесідей банктербар: «Альфа- Лизинг», «Альянс - Лизинг», «АТФ Лизинг», «БТА лизинг», «Нур - инвест», «Темірлизинг», «Халық лизинг», «Центрлизинг».

Қазіргі уақытта лизингтің үлесі жалпы инвестиция көлемінде ҚР негізгі капиталының шамамен 1%-ын құрайды немесе 65 млн. АҚШ доллары.

Дамыған елдерде лизинг үлесінің жалпы инвестиция көлемінде негізгі капиталдың 20-30 %-ын құраса, дамушы елдерде - 5-10 %. Егер лизингтің үлесі жалпы инвестиция көлемінен 4 %-ға дейін өссе, онда жақындағы 3-4 жылда лизингтік нарық көлемі 530 млн. АҚШ долларын құрайды. Берілген фактор Қазақстанда лизингтік дамудың үлкен перспективаларына алып келеді.

Жалпы айтқанда лизингтік саланың дамуы бірнеше бағыттағы экономикалық дамуға жағымды әсер етеді:

Лизинг шағын және орта бизнес субьектісінің дамуына әсер етеді, яғни өз негізгі құралдарын жаңартуға қосымша қаржысы болмаған жағдайда.
Лизинг капитал салымдарының көлемін көбейтеді, себебі ол ұзақ мерзімді қаржыландырудың бір түрі болып табылады.
Лизинг қосымша қаржылық ресурстарды тарту көзі болғандықтан, негізгі құралдарды жаңарту үрдісін жеделдетеді.
Лизинг қаржылық қызмет нарығында қосымша бәсекелестікті тудырады. Лизингтің пайда болуымен қаржыландыру бағасы төмендейді және қаржылық қызмет көрсету нарығы кеңейеді.
Лизинг өнімдерді өткізудің бір жолы болып табылады. Лизинг пайда болғаннан кейін жергілікті өндіруші компаниялар үшін өнімдерін өткізудің жаңа жолы ашылды.

Қазақстанның нарықтық экономикаға өтуі өндірістік кәсіпорындар алдына бірқатар мәселелер қойды. Олар: жоғары бәсекелестік жағдайға үйрену, төлемдердің уақытылы жүрмеуі, тауарға бағаның жоғарылацынан өткізу нарығының қысқаруы, қаржы ресурстарының шектеулілігі, шикізат материалдарымен жабдықтаушыларды іздеудегі қиындықтар.

Осының ішінде ең басты проблемалардың бірі, негізгі құралдардың физикалық және моралдық тозуы. Қазақстанның басты салаларының құрал жабдықтары тозғандықтан біз шет елден жаңа техниканы алуға мәжбүрліміз. Ал ол үшін бізге қаржы көздерін тапқан жөн.

Осы айтылған мәселелерді тиімді шешу жолы - лизинг.

Ι-ТАРАУ. КӘСІПКЕРЛІК ҚЫЗМЕТТЕГІ ЛИЗИНГ ОПЕРАЦИЯЛАРЫНЫҢ ТЕОРИЯЛЫҚ НЕГІЗДЕРІ

1. 1 Лизингтік операциялар түсінігі, мәні және маңызы

«Лизинг» термині ағылшынның «to lease» деген сөзінен шыққан. Мағынасы «жалға алу». Лизингтің көптеген анықтамалары бар, бірақ олар нақты лизинг терминіне сипаттама бере алмайды. Лизинг қаржы - коммерциялық, құқықтық, техникалық аспектілерге ие. Бірақ көптеген әр түрлі саладағы мамандар лизингті инвестициялық, бантік немесе жалдық, ал кейде іскерлік операцияға жатқызады.

Лизингтік операция біздің елде инвестициялық қызметтің бір түрі болып саналады.

Әлемнің көптеген елдерінде лизингтік операция инвестициялық бағытталғандығымен түсіндіріледі. Көп жағдайда лизингтік операцияны жалға беру ретінде түсінеді. Лизинг қаржылық ерекшелігімен арендадан ерекшеленеді. Лизинг алушы - бұл ұзақ мерзімге пайдалануға тек құрал жабдықты ғана емес, сонымен қатар меншік құқығына байланысты міндеттер жүктеледі: мүлікке төлем, мүліктің кездейсоқ бүлінуіне байланысты өтемдер, оларды сақтандыру мен техникалық қызмет көрсетуге төлемдер. Лизинг затына меншік құқығы лизинг берушіде қалады. Лизинг алушы жалға алушы ретінде оны пайдаланғаны үшін емес, оның толық құнын өтеу үшін төлем төлейді. Лизингке алынған заттың бүлінуі немесе жойылуы лизинг алушы міндеттерінен босатпайды, сонымен бірге жалға алғанда екі жақты келісімшарт жасалады, ал лизингтік операция кезінде екі немесе одан да көп жақты келісім шарт жасалады. ( № 1-2 сызба)

Жалға беруші Жал келісімі Жалға алушы

1- сурет. Жалға алу келісім - шартының сызбасы

Жабдықтаушы сатып алу келісімі Лизинг беруші Жал келісімі

Лизинг алушы

2- сурет. Лизинг келісімінің сызбасы

Австралиялық бизнесмен Вольфганг Хойлер өзінің «Еуропадағы бизнесті қалай жасау керек» деген кітабында мынандай сұрақты көтерген: «Лизинг - арендалық келісім шарты ма, әлде несие келісімі ме?» - сондағы жауап: «Жалпы лизинг ерекше келісім, жоғарыда аталғанның екеуін де қамтиды. »

Экономикалық қарым -қатынаста лизингті көп жағдайда қаржылық операция түрінде қарастырып, қор салымының бір түрі деп түсінеді. Кез келген лизинг келісімінің негізгі өзегі - қаржылық, несиелік операциялар болып табылады.

Е. Кабатов, Е. Чермаков, В. Перов сияқты «Лизинг» түсінігін кеңінен талқылаушылардың көзқарасы бойынша, лизинг - бұл күрделі, кешенді келісімді қатынас, өйткені онда екі немесе одан да көп келісімдер қамтылады.

Е. Чермаковтың тұжырымы бойынша: мүлікті жалға беру - лизинг мәнінің өзегі болып табылады. Ал қосымша қызметті мүлік сату - сатып алу қатынастарын атқарады. Экономикалық мәні бойынша лизинг - қаржылық операцияның жаңа түрі ретінде қарастырылады. Егер лизингті белгілі бір уақытқа қайтару негізінде жалға алатын болсақ, онда біз оны негізгі құралдарға жасалған тауарлық кредит ретінде қарастыруымыз керек.

Өз қаржылық ресурстарын пайдалану мен банктік несиенің баламасы ретінде, лизинг - капиталға салымды қаржыландырудың өзіндік ерекше формасы болып табылады. Бұл үрдіс өнеркәсіптік кәсіпорынға бірден көп қаржы жұмысамай ақ қажетті мүлікті сатып алуға және негізгі құралдарды үздіксіз жаңартып отыруға мүмкіндік береді.

Лизингтің түрлері мен жіктемелік белгілері

Лизинг түрлерінің жіктелуі қазіргі уақытта өте кең қарастырылып жатыр. Оның негізгі жіктемелік белгілеріне мыналар жатады:

келісімге қатысушылар құрамы
лизингке берілетін мүлік түрі
оның өтімділік деңгейі
амортизация жағдайы
қызмет көрсету көлемі
операция өтетін нарық секторы
салықтық және амортизациялық жеңілдік қатынасы
лизингтік төлемдер сипаты

Қазақстанның заңдық актілеріне сәйкес лизингтің ішкі және халықаралық деген негізгі екі түрі қарастырылуда.

Ішкі лизингті жүзеге асырғанда лизинг беруші және алушы, сатушы Қазақстан Республикасының резиденттері болуы керек. Ішкі лизинг ҚР заңымен реттеледі.

Халықаралық лизингті жүзеге асырғанда лизинг беруші немесе алушы ҚР- ның бирезиденті болуы мүм кін. Егер, лизинг беруші ҚР резиденті болса, онда лизинг заты ҚР резидентінің меншігі болып саналып, лизингтік келісім шарт ҚР заңнамасымен реттеледі. Ал керісінше жағдайда халықаралық келісім шарт сыртқы экономикалық қызмет аясында реттеледі.

Қазіргі уақытта дамыған елдердің шаруашылық тәжірибесінде лизингтің көптеген түрлері қолданылады. Олардың әрқайсысы өзіндік ерекшеліктерімен сипатталады. Кеңінен тарағандары:

оперативті (қызметтік) лизинг
қаржылық (капиталды) лизинг
қайтарымды лизинг
іскерлік лизинг
тікелей лизинг
сублизинг

Аталған келісімдердің барлығы лизингтің негізгі екі формасының түрлері болып саналады, олар: оперативті және қаржылық. 2005 жылғы шілдедегі ҚР «Қаржылық лизингі» туралы заңына сәйкес лизингтің негізгі үш түрі көрсетілген. Олар: оперативті, қаржылық, қайтарымды. Аталған лизинг түрлерінің кең тараған түрлерін қарастырып өтейік.

Оперативті лизинг - бұл ағымдағы жал келісімі, әдетте мұндай келісім мерзімі алынған мүліктің амортизация мерзімінен аз болып келеді. Сондықтан келісім бойынша белгіленген жалдық төлем мүліктің толық құнын өтей алмайды, нәтижесінде мүлікті бірнеше рет лизингке беруге тура келеді. Оперативті лизингтің негізгі ерекшелігі - лизинг алушының келісімді мерзімінен бұрын тоқтатуға мүмкіндігі бар. Сонымен бірге мұндай келісім мен алынған мүліктің ағымдағы жөндеу жұмыстарын және орнату, тағы да басқа қызмет түрін көрсетуі мүмкін. Сондықтан лизингтің бұл түрін кейде қызметтік деп атайды. Оперативті лизинг объектілері болып тез ескіретін құрал - жабдықтар (көшірме құралдары, әр түрлі оргтехникалар) кіреді. Жалпы оперативті лизинг талаптары лизинг алушыға тиімді, өйткені лизинг алушының келісімді мерзімінен бұрын тоқтату құқығы оған ескірген, тозған негізгі құралдарын жаңа технологиялық құралдармен ауыстыруға мүмкіндік береді.

Кемшіліктері : басқа лизинг түрлеріне қарағанда айтарлықтай жоғары жалдық төлем, алдын - ала аванс төлеу талабы, жалдық келісім шартта келісімді мерзімінен бұрын тоқтатқан жағдайда айып пұл төлеу туралы тармақтың болуы.

Қаржылық лизинг - ұзақ мерзімді келісім, мұнда жалдау төлемінің есебінен мүліктің амортизациялық төлемдері толық төленеді. Мұнда келісімді мерзімінен бұрын тоқтатуға болмайды, сондай - ақ мерзімдік төлемдер - сатып алу, жеткізу шығындарын және пайданы қамтиды. Лизингтің бұл түрінде орнату, жалдаушыға техникалық қызмет көрсету жалдаушыға жүктеледі. Бұл келісімнің мерзімі біткенде, мүлікті жеңілдік бойынша немесе қалдық сомасы бойынша сатып алу қарастырылған.

Оперативті лизингке қарағанда қаржылық лизинг мүлік иесінің тәуекелін төмендетеді. Мәміле бойынша банктің ұзақ мерзімді келісімінің талаптарына ұқсас, яғни алынған мүліктің толық құнын төлеу, мерзімдік төлемдер (негізгі және пайыздық жағы, яғни мүлік құны мен пайда), келісімді орындай алмай жатса, жалдаушыны «банкрот» деп жариялау құнының болуы және т. б . Қаржы лизинг объктісіне тұрғын үй, өндірістің ұзақ мерзімді құралдары жатады. Қаржы лизингі қайтарымды және іскерлік лизинг түрлерінің негізі болып табылады.

Қайтарымды лизинг - екі келісімді білдіретін жүйеден тұрады. Мұнда құрал - жабдық иесі өз мүлкін екінші жақ меншігіне сатады, сонымен бір мезгілде сатып алушыдан ұзақ мерзімді жалға алу келісімін жасайды. Мұндағы сатып алушыларретінде коммерциялық банктер, инвестициялық, сақтандыру, лизингтік компаниялар болады. Мұндай операциялардың нәтижесінде құрал- жабдықтың иесі ғана өзгереді, ал оны пайдаланушы бұрынғысынша өзгермейді. Инвестор шын мәнінде оның бұрынғы иесін несиелендіреді, нәтижесінде мүлікке меншік құқығын алады. Мұндай операциялар көбінесе кәсіпорын қаржылық жағдайын тұрақтандыру мақсатында іскерлік құлдырау жағдайында қолданылады.

Іскерлік лизинг - лизингтік келісімде үшінші жақтың (инвестордың) қатысуын қарастырады. Әдетте үшінші жақ банк, сақтандыру, инвестициялық компаниялар болады. Бұл жағдайда лизингтік компания құрал - жабдықтарды жалға алу туралы келісім шартқа алдын - ала қол қоя отырып, қарыздың бір бөлігін төлеуді өз меншігіне алады. Алынған қарызды қамтамассыз етуші болып, алынған мүлік жүреді және болашақта жалгерлік төлемдер, сәйкесінше бір бөлігі жалгермен тікелей инвестицияға төленіп отырады. Сөйтіп лизингтік фирма салық артықшылықтарын пайдаланады, яғни құрал - жабдықтардың амортизациялық міндеттемелерін өтеу процесінде туындайтын қарыздар. Лизингтің бұл формасының негізгі объектілері- жоғары бағалы активтер, пайдалы қазба кен орындары, өндіруші салалардың құрал - жабдықтары және т. б.

Тікелей лизинг - мұнда жалгер, лизингтік фирма мен сатып алу жөнінде келісімге отырады, кейіннен жалға беру шартымен. Мұндай жалгерлік келісім шарт көбінесе тікелей өндіруші фирмамен жасалады. Өз өнімдерін лизинг арқылы ұсынатын ірі өндірушілер, яғни: IBM, XEROX, GATX, сондай ақ авиациялық, кеме жасаушы және автокөлік жасаушы ірі компаниялар жатады.

Сублизинг - бұл лизингтің түрі алынған құрал - жабдықты лизинг алушы (сублизинг беруші) үшінші жаққа береді (сублизинг алушыға) кәсіпкерлік мақсатта уақытша пайдалануға, яғни сублизинг келісім шартымен, әр айда төлеу міндетімен. ҚР «Қаржылық лизингі» туралы заңына сәйкес, құрал - жабдықты сублизингке беру үшін жазбаша түрде лизинг берушінің келісімі болуы қажет.

Халықаралық сублизинг, халықаралық лизингтің бір түрі болып табылады. Ол да ҚР «Қаржылық лизингі туралы» заңымен реттеледі. Халықаралық сублизингтің айрықша ерекшелігі болып, лизинг затының ҚР шекарасынан ары - бері лизинг келісім шарты мерзімінде өтіп жүруі. Сублизингтің негізгі артықшылығы, ол жалға беруші жалгерлік төлемдерді талап ету құқығына ие. Әдетте келісім шартта ескертіледі, үшінші жақтың банкроттық жағдайында жалгерлік төлемдер негізгі жалға берушіге жүктеледі.

Мазмұны мен әдіс түрлеріне байланысты халықаралық лизинг операциялары келесі түрлерге бөлінеді.

Қаржы лизингі. Келісім шарт мерзімінде лизинг алушының лизингтік төлемдерді төлеуін қарастырады. Олар жабдықтың толық құнын немесе оның амортизациясының көп бөлігін өтеуге мүмкіндік береді.
Ағымдағы немесе оперативті лизинг. Қаржыға берілетін жабдықты сатып алумен оның күтімі, қалпына байланысты шығындары бірлизингтік келісім шарт мерзімінде лизингтік төлемнен көтермейді.

Оперативті лизингтің түрлері:

Толық көлемді лизинг. Келісім шартының барлық мерзімінде лизингтік компания өзіне жабдықтардың барлық құнын қайтарып алады. Мұндағы кезеңдік төлемдер жабдықтардың құнын өтеуге, табыс түсіру үшін белгілейді.
Жартылай төлемдер лизингі. Келісім шарттың мерзімінде лизингтік компания лизинг жабдықтарының көмегімен дайындалған бұйымдарды жеткізушілер арқылы жүзеге асыру.
Қайта қалпына келтірілетін лизинг. Лизинг алушының талабы бойынша лизингтік жабдықтардың қазіргі заманғы үлгісімен ауыстыру.
Топтық лизинг. Үлестік қатысу негізінде лизинг беруші рөлінде заңды және жеке тұлғаның қосылуы.
Жеткізіп берушіге берілетін лизинг. Лизинг алушының қолданылуы үшін басқа адамдарға беру құқығы бар лизинг.
Қаржының қатысуымен жасалатын лизинг. Лизинг алушының қарызға беретін жабдықтар 80%-ға дейін немесе берілетін ұзақ мерзімді несие алу немесе кредиттік лизинг алуының міндеттемесін өзіне алу құқығы.

Лизингтік операциялардың ұйымдастыру түрлері:

Арнайы лизингтік фирмалар.
Өнеркәсіптік трансұлттық компаниялардың лизингтік компаниялардан олардың құқықтық міндеттері бар немесе қаржылық институттар, банктер, сақтандыру және холдингтік компаниялар жатқызылады.
Трансұлттық банктер жүйесіндегі лизингтік фирмалар құрылуымен қаржыландыруды банктердің қатысуы. Мақсаты өз капиталдарының екі компанияда орналастыра отырып, пайда табу.
Тікелей өнеркәсіптік және құрылыс фирмаларын, әуе және кеме компанияларын, олардың тауарларын лизингке беру үшін өз жеке меншігіндегі сату апараттарын шет елдегі өнеркәсіптік кәсіпорындарының бақылау жүйесін қолданады.
Делдалдық лизингтік фирмалар.

Лизингтік келісімнің маңызды шарттары:

Лизинг затын таңдау. Лизинг алушы лизингтік компанияға оның өндірістік қажеттілігін есептей отырып, не қажетті затты таңдауына мүмкіндік береді.
Лизинг затын сипаттау. Тауардың аты, типтік мақсаты, т. б. жатады. Лизинг затын дәл сипаттау келісім шарттың мерзімі аяқталғаннан кейін оны анықтау үшін қажет.
Лизинг объектісінің мекен - жайы ол келісім шартта көрсетіледі.
Лизинг мерзімі мүлікті пайдалану бағыттарына сәйкес пайдалану мерзімінің 40-90пайызына дейін құрайды.
Қаржылық және мүліктік міндеттемелерін орындамауы. Міндеттемелерді орындамау жауапкершілігі қарастырылады. Соның ішінде құрал -жабдықтарды монтаждау, жеткізу, кенеттен істен шығуы, жазылуы өз есебінен құрал - жабдықтардың күтіп қалуына жауап беруі оны жөндеуді қаржыландыру.
Лизинг алушының меншік құқығын сақтау. Лизинг алушы лизинг заты толық иелене алмайды. Осы келісім шартта көрсетілген жерден ауыстыруға құқығы жоқ.
Келтірілмеген талаптарды реттеу, Лизинг алушы тауар сапасы бойынша кепілдікті лизинг беруші лизинг алушыға ұсынады.
Кепілдік мерзімінен кейінгі жауапкершілік кепілдемелік мерзім аяқталғаннан кейін ахуалдарды лизинг алушы түзетеді.
Жалданған мүлікті пайдалану техникалық қызмет көрсетумен оның күтім қауіпі лизинг алушының жауапкершілігінде болады.
Лизингтік бөлікті сақтандыру. Лизинг алушының қаржысы есебінен сақтандырудың жеңілдетілген түрі жүргізіледі.
Лизинг төлемдерін анықтау. Ол екі жақтың келісім шарт мерзімі бойынша қарастырылады.
Лизинг алушылар тарапынан төлемдердің мерзімін өткізіп алу. Мұндай жағдайда лизинг алушы мерзім аяқталғанға дейін белгілі бір пайыздық есеппен оны қалпына келтіреді.

1. 3 Лизингтік операциялардың артықшылықтары мен кемшіліктері

Лизинг негізінде қазақстандық бизнестің дамуы шет ел бизнесмендеріне Қазақстан нарығында жұмыс істеуге болатындығын және ол «қауіпсіз» екендігін түсіндіруге мүмкіндік береді. Мұны инвестициялар, несиелер, инвестициялық белсенділіктің артуы, халықаралық тауарлық нарықтарға шығу арқылы дәлелдеуге болады.

Лизингтік операциялардың негізгі артықшылықтары:

Ұзақ мерзімді қаржыландыру;
Негізгі құралдарға бір мезгілде үлкен қаржы жұмысамау (Сіздің алғашқы шығындарыңыз жобаны экспертизадан өткізуді төлеу, лизинг затына байланысты 0 ден 30 %-ға дейінгі аванстық төлем, лизинг затын сақтандыруға кеткен төлемдер болып табылады) ;
Залогқа қажеттіліктің болмауы;
Кәсіпкерлік тәуекелдің төмендігі;
Бизнес - жоспарды ұсыну қажеттілігінің болмауы;
Лизингтік төлемдердің иілгіштік графигі;
Белгілі бір құрал - жабдықтарды импорт арқылы алған кезде қосылған құн салығынан босатылады;
Айналымнан құралдардың үлкен көлемі алынбайды;
Халықаралық келісім шартты орындау шарттарымен байланысты тәуекелге лизинг алушы бармайды;
Лизинг алушының бухгалтерлік есебі жеңілдетіледі. Өйткені негізгі құралдар бойынша амортизациялық аударым, салық төлеу және қарызды басқару есебі лизингтік компаниямен жүргізіледі.
Қаржылық лизинг ( 3 жылдан кем емес) арқылы алған кірісіне салық төленбейді.
Лизинг беруші кеден баждарынан босатылады, ҚР територриясына алып келінетін лизингке беру мақсатындағы құрал - жабдықтар салықтан босатылады.