Өндірістік практика туралы есеп беру

Пән: Кеден ісі
Жұмыс түрі: Іс-тәжірибеден есеп беру
Тегін: Антиплагиат
Көлемі: 17 бет
Таңдаулыға:

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

ЭКОНОМИКА ЖӘНЕ БИЗНЕС ФАКУЛЬТЕТІ

МАРКЕТИНГ ЖӘНЕ КОММЕРЦИЯ КАФЕДРАСЫ

ӨНДІРІСТІК ПРАКТИКА ТУРАЛЫ

ЕСЕП БЕРУ

Орындаған: 4-курс студенті

Алматы 2010

Мазмұны

Кіріспе

І Бөлім. Кәсіпкерліктің қызмет ету негіздері

1. 1 Кәсіпкерліктің қысқаша сипаттамасы

1. 2 Кәсіпкерліктің маркетингтік және коммерциялық қызметі

1. 3 «Омаров Б. А. » жеке кәсіпкерлігінде құрастырылатын жобалар

ІІ Бөлім. «Омаров Б. А. » жеке кәсіпкерлігінің маркетингтік қызметі.

2. 1 Келісім-шарт бойынша істейтін маркетологтың қызметі

2. 2 «Омаров Б. А. » жеке кәсіпкерлігінің мәселелері және оларды шешу бойынша ұсыныстар

Қорытынды

Кіріспе

Практикалық дағды кез-келген маманның кәсіби қызметінде маңызды рольге ие. Неғұрлым теориялық білімді практикада қолданудың жоғарғы тәжірибесі болса қызметкер жұмысы соғұрлым тиімді болады.

Осыған орай өндірістік практиканы өту мақсаты келесідей: кәсіпорынд маркетингтік басқару аясында тәжірибе алу, сондай-ақ бітіру жұмысына дайындық, бітіру жұмысы үшін қажетті материалдар жинау және практикалық тәжірибеге ие болу.

Өндірістік практика кезінде негізгі мәселелер мақсатты нарықты талдау, ұйымның тиімді маркетингтік басқару процедурасын ұйымдастыру болып табылады. Өндірістік практика барысында ұйымның маркетингтік жүйесі, ұйымдық-құрылымдық масштабына байланысты ерекшеліктері қарастырылуы қажет.

Бітіру жобасына дайындық жұмыс тақырыбын толық зерттеумен байланысты. Жұмыс пәні жайлы толық түсінік болып, қойылған мәселеге дұрыс бағыт алу қажет.

Бітіру жұмысын даярлау үшін қажетті материалдарды жинау бітіру жобасының негізгі құраушысы болып табылады. Бұл кезеңде негізгі мәселе нормативті-құқықтық актілерден, жеке бақылаулардан, фирманың жүмыс барысында қолданатын ақпараттары мен материалдарынан тұратын болашақ жұмыстың негізін қалыптастыру болып табылады.

Білікті маркетинг маманының қызметі әр түрлі ұйымдық-құқықтық формадағы кәсіпорындардың нарықта тұтынушылар талаптарына сай тиімді қызметі, ішкі мүмкіндіктері, салалық спецификасы, технологиясы, өндірісті ұйымдастыру, ресурстарды тиімді пайдалану мақсатмен оның құрылымдық бөлімшелер арасында өзара байланысты қамтамасыз етуге бағытталған.

Маркетинг маманының кәсіби қызметінің негізгі объектілері болып маркетингтік қызметте кәсіби білімді талап ететін кәсіпорындар, халық шаруашылығының әр түрлі ұйымдық-құқықтық формадағы коммерциялық ұйымдар болып табылады.

Кәсіби қызмет түрлері:

ақпараттық-аналитикалық;
тауарлы-өндірістік;
өткізу;
экономикалық-басқарушылық, соның ішінде жобалық-жоспарлық.

І Бөлім. Кәсіпкерліктің қызмет ету негіздері

1. 1 Кәсіпкерліктің қысқаша сипаттамасы

«Омаров Б. А. » Қазақстан Республикасының заңнамасы, яғни Қазақстан Республикасының Азаматтық Кодексіне сәйкес құрылған. Жеке кәсіпкерлік ретінде Алматы қаласының Әділет Департаментінде тіркелген.

Кәсіпкерліктің құрылу мақсаты халыққа сапалы қызмет көрсету, архитекторлық қызмет нарығының дамуына үлес қосу, шаруашылық қызметтен пайда табу. Жекелей алғанда, «Омаров Б. А. » жеке кәсіпкерлігі республика резиденттері және резидент емес тұрғындарына әр түрлі объектілерін жобалау, дизайн жасау, сондай-ақ тауарлық белгілер, логотиптер, тағы басқа түрлі дизайнерлік, архитекторлық қызметтер ұсыну үшін құрылған. Жеке кәсіпкерлерліктің ұсынатын қызмет түрлері:

тұрғын, қоғамдық және өндірістік ғимараттарды жобалау;
интерьер және экстерьер дизайні;
фирмалық стиль, тауарлық белгі, логотип жасау;
ішкі және сыртқы жарнама өнімдерін жасау;
индивидуалды тапсырыс бойынша жиһаз даярлау;
бейнелеу, макеттеу, полиграфия және т. б.

Сондай-ақ:

қажетті құжаттар пакетін даярлау:
архитеркторлық, жобалық кеңес беру;
жобалық сызбалар жасау;
мемлекеттік қадағалау және мемлекеттік экспертиза органдарында клиентке уәкілетті болу;
объект конструкциясына жалпы қаржылық шығынын жасау;

«Омаров Б. А» жеке кәсіпкерлік болғандықтан қызметкерлер штаты жоқ. Алайда кәсіпкер келісім-шарт негізінде келіп кетуші заңгер және бухгалтер қызметтерін пайдаланады, сондай-ақ жеке көмекші тұрақты түрде Еңбек Кодексіне сәйкес жұмыс істейді.

Жоғарыда көрсетілгендей, жеке кәсіпкер заңды тұлға болмағандықтан бұл кәсіпкерлік түрінде маманданған әр түрлі функционалды бөлімшелер жоқ. Архитекторлық-дизайнерлік саладағы жалғыз маман болып жеке кәсіпкердің өзі табылады. Жеке кәсіпкер жоғарыда аталған қызмет түрлерін көрсету бойынша жоғары біліктілікке ие. Архитектор-дизайнер ретінде ол келесідей функцияларды жүзеге асырады:

объектті жобалаумен қатар құрылыс және жөндеу жұмыстарына авторлық бақылау жүргізу;
құрылыс және жөндеу материалдарын, техникасын, жиһаздарын таңдау, шығындар сметасын жасау;
дизайн-проекттер жасау;
қайта проектілеуді жүзеге асыру;
объектілердің үшөлшемді жобасын жасауға мүмкіндік беретін компьютерлік бағдарламаларды (AutoCAD и 3D Studio MAX және т. б) қолдану;
оригиналды эскиз, образ, модельдерді жасау;
полиграфиялық дизайнерлеу және т. б

Жеке кәсіпкер индивидуалды түрде, сондай-ақ құрылыс фирмасы немесе архитектуралық және құрылыс жобаларын жүзеге асырушы маманданған ұйымдармен бірлесіп жүмыс істей алады.

Тұрақты жалдамалы жұмысшыларға қажеттілік болмағандықтан жеке кәсіпкер кезеңді түрде немесе қажеттілік туындаған жағдайда келісім-шарт негізінде жұмыс істейтін арнайы мамандар қызметіне жүгінеді. Сондай мамандардың бірі - заңгер. Негізгі функцияларына құжаттарды дайындау, дұрыстығын тексеру, сотта уәкілеттік, объектілерді тіркеу және т. б құқықтық мәселелері кіреді.

Келісім-шарт негізінде жұмыс істейтін бухгалтер есеп берулерді жасау, ақша қаражаттарының жұмсалуын бақылау, салық органдарында уәкілеттік және т. б.

Жеке кәсіпкерлікте тұрақты түрде жұмыс атқаратын офис-менеджер қызметіне іс қағаздарды жүргізу, тапсырыстарды тіркеу, клиенттермен кездесу ұйымдастыру, сондай-ақ офисқа қажетті құралдарға тапсырыс беру және т. б.

1. 2 Кәсіпкерліктің маркетингтік және коммерциялық қызметі

Қазіргі таңда нарықтық қатынастар жүйесінде бір де бір кәсіпкерлік маркетингтік қызметсіз дұрыс жұмыс істей алмайды. Маркетингтің қажеттілігі күннен күнге өсуде. Оның себебі, адамдар қажеттіліктері шексіз, ал кәсіпкерліктің ресурстары шектеулі. Әрбір субъекттің өзіндік сұраныстары болады, бірақ оларды сапалы қанағаттандыру әрдайым қолдан келе бермейді. Әрқайсысына жеке өзіндік әдістеме қажет. Сондықтан қазіргі шарттарда талғамдардың түрлілігін нақты түсініп, ажырыта алатын кәсіпкерлік өмір сүре алады. Осыған маркетинг мүмкіндік туғызады.

Алайда, қызмет маркетингі тауар маркетингінен ерекшелінеді. Қызмет маркетингінің төлсипаты қызмет нарығының ерекшеліктерімен және қызметтердің өзіндік сипатттарымен анықталады.

Ұйымдастырудың берілген нарығында басқалардан ерекшелену қиын, өйткені басқа кәсіпкерліктер өндіру, тіркеу, алдын-ала іздену және т. б. бойынша бірдей қызметтерді ұсынады. Ұсынылатын қызметтерде ең негізгі ерекшелік басымды анықтама және куәлік немесе патентті алу мерзімі болып табылады. Техникалық шарттарды КазНИИССА-мен келісу және құрылыс комитетімен жобаны бекіту.

Кәсіпорынның тәжірибесі бойынша потенциалды клиенттермен қарым-қатынастың ең тиімді түрі көрмелерге қатысу болып табылады. Бұл кәсіпкерлік қызметтерінің бүкіл спектрін толығымен көрсетуге ғана емес, сонымен қатар болашақта осы қызметтерге қажеттілік туу мүмкін болғанда көмектесе алатын жеке таныстарды табуға мүмкіндік береді. Оған қоса көрмеде кәсіпкерліктің қызметтерін қолданған клиенттер үшін жеңілдіктерді орнату жолымен өткізуді ынталандыру жүзеге асты. Фирмалардың көбі осында өзінің жарнамасын орналастырады, бірақ оны одан да тиімді етуге плакаттар, үндеухаттармен фирманың визиткаларын бірге тарату көмектеседі, өйткені оны алу фирманың телефонын немесе мекен-жайын көшіруден ыңғайлы.

Кәсіпкерліктің жарнамасы негізінде түрлі анықтама кітаптарында орналастырылады. Кішігірім фирмалар үшін жарнаманы арнайы сипаттағы баспаларға емес кез-келген баспаларда орналастыруға болады. Оған қоса кәсіпкерлік өзінің престижі мен өзі туралы ақпаратты кең түрде тарату үшін бизнеске бағытталған баспамен ынтымақтасуды жоспарлап отыр.

Қазіргі кезде көптеген фирмалар өздерінің веб-сайттарын жасайды. Және де оны тек суреттері бар тағы бір жарнамалық проспект ретінде ғана қолданбайды, сонымен қатар клиенттермен байланысты жеңілдету құралы ретінде қолданады. Сонымен қатар қосымша клиенттерді тарту мақсатында қазақстандық клиенттер үшін шетелдіктермен салыстырмалы түрде жеңілдіктерді көбірек жасауды жоспарлауда.

Фирманың тағы бір жарнама құралы клиенттерге құттықтау хаттарды жіберу және таңбалары бар сувенирлерді тарату болып табылады.

Кәсіпкерліктің қызметінің сәтті болуы клиенттерге қызмет көрсету деңгейін көтеруге мүмкіндік береді. Қызметтер бағалары жоғары деп айтуға болмайды.

Стартегиялық жоспарлау.

Стартегиялық жоспарлау - бұл ең алдымен болашақта кәсіпкерліктің дамуы мен тиімді қызмет етуін қамтамассыз ететін шешімдерді қабылдау және өндіру үдерісі болып табылады. Әдетте бұл шешімдер бөлінбей, тұтастай бір жүйені құрайды. Осындай байланыс жүйеде шешімдердің тиімді үйлесуін қамтассыз етеді және қолданбайтын мүмкіндіктер санын азайтады.

Жоспарланған шешімдер объектілері:

Мақсаттарды қою және стратегияны құру
Қызметтердің сыртқы және ішкі шарттарының өзгеруіне байланысты ресурстарды (материалдық, ақшалық, еңбек) бөлу және қайта бөлу.
Қажетті стандарттарды анықтау т. с. с.

Осындай шешімдерді қабылдау жоспарлау үдерісінің мазмұнды жағы болып табылады.

Стратегиялық жоспарды жүзеге асыру.

Стратегиялық жоспарлау жүзеге асқанда мағыналы болады. Кәсіпкер қосымша жоспарды және мақсаттарды қамтамассыз етуге нақты бағыттамаларды құру қажет.

Негізгі идея жүзеге асыру әрекеттерін байланыстыруда. Стратегияны жүзеге асыру құралдары саясат, тактика, ережелер, процедуралар, бюджет, ынталандыру және бақылау болып табылады.

Саясат - мақсаттарға қол жеткізуге көмектесетін шешімдерді қабылдау және іс-әрекеттерге басшылық болып табылады. Әдетте, саясатты жоғарғы басшылық ұзақ мерзімге бағыттап құрады. Ол қандай бағытта жұмыс істеу қажеттілігін, мақсаттарға қандай жолдармен қол жеткізуге болатындығын анықтайды.

«Омаров Б. А. » ЖК клиенттер санын көбейту мақсатында жылдам әрі сапалы қызмет көрсету саясатын жүргізіп отыр.

Кәсіпкерліктің мінез-құлықтық тактикасы ортаңғы буынымен құрастырылады және де клиенттермен жұмыстың нақты нәтижесі болып табылады.

Стратегия ұзақ мерзімге бағытталған және оның нәтижелері бірден көрінбейді, ал тактика - бұл нақ осы шақта әрекет етуге мүмкіндік беретін бір жолғы шешім және оның нәтижесі бірден көрінеді.

Процедура - белгілі бір жағдайда жүзеге асыру қажеттілігі туатын әрекеттер сипаттамасы.

Ереже - жеке спецификалық жағдайда жүзеге асырылуы қажет шарттар анықтамасы болып табылады, олар нақты, шектеулі сұраққа шамаланған.

Стратегияны жүзеге асыру немесе өзгертуде кәсіпкер әрқашан оның құрылыммен байланысын ескеру қажет және фирма құрылымын және жоспарын құру қажет. Құрылым стратегияға негізделген және оның тиімділігін қамтамассыз ету қажет.

1. 3 «Омаров Б. А. » жеке кәсіпкерлігінде құрастырылатын жобалар

Фирмада қысқа мерзімді бизнес жоспарлау қолданылады. Оптималды шығындар стратегиясы қолданылады.

Жиі кәсіпкерлікке әлеуетті тұтынушылар келеді және жоғарыда айтылып кеткен қызметтерге келісім шарттар жасалынады.

Өз кезегінде фирма екіжақты келісімге сәйкес қызметтерді уақытылы орындауға міндеттенеді.

Ұзақ мерзімді жоспар жасауға фирманың мүмкіндігі жоқ, себебі үнемі сұраныстың мерзімдік ауытқуы, бәсекелестердің бағаларының ауытқуы болып тұрады, сонымен қатар, сату көлемін болжау мүмкін емес болып отыр.

Фирманың жасайтын жобалық материалдары ретінде құрылысты ұйымдастыру жобалары және құрылыстық өндіріс технологиялары және ұйымдастыруы туралы мәселелер шешілетін жұмысты өндіру жобалары болып табылады.

Құрылысты ұйымдастыру жобалары құрылыстың ұйымдастырушылық-техникалық деңгейін көтеру арқылы жоғары сапада аз шығынмен өндіріс күштерін және құрылыс объектілерін уақытылы эксплуатацияға енгізу мақсатымен жасалынады. Құрылысты ұйымдастыру жобасы капиталды салымдарды және құрылысты-монтаждық жұмыстар көлемін бөлу үшін, сонымен қатар, құрылыстың сметалық құнын негіздеу үшін негіз болып табылады.

Жұмысты өндіру жобасы құрылысты ұйымдастыру жобасында қабылданған негізгі шешімдердің дамуы болып табылады және құрылысты-монтаждық жұмыстарды орындаудың ең тиімді әдістерін анықтау мақсатында жасалынады, олардың өзіндік құнын және еңбексыйымдылығын қысқартуға, құрылыс объектілерінің ұзақтығын қысқартуға, құрылыс машиналары мен құрал-жабдықтарды қолдану дәрежесін жоғарлатуға, құрылысты-монтаждық жұмыстардың сапасын жақсартуға мүмкіндік туғызады.

Жоба графикалық материалдардан (болашақ құрылыстардың, ғимараттардың архитектуралы-жоспарлы және технологиялық шешімдерін бейнелейтін сызбалар), құрылыстың техникалық мүмкіндігін негіздейтін есеп-айырысу-түсініктеме хаттардан, құрылыс құнын анықтайтын сметалы-экономикалық бөлімдерінен тұрады.

Кәсіпкерліктің клиенттері:

Арселор Миттал, Теміртау қ.
Каскор-Маш зауыты, Ақтау қ.
Австрия Республикасындағы Қазақстан елшілігі
Тұран университеті, Алматы қ.
«Атамекен Holding» корпорациясы, Алматы қ.

ІІ Бөлім . «Омаров Б. А. » жеке кәсіпкерлігінің маркетингтік қызметі.

2. 1 Келісім-шарт бойынша істейтін маркетологтың қызметі

Фирмада маркетолог жоқ, бірақ келіп-кететін маркетолог жұмыс атқарады, яғни ол тұрақты түрде қызмет етпей, тек қажет жағдайда, қажет уақытта көмек көрсетіп отырады десе болады. Ол көрсетілетін қызметке сұранысты зерттейді, бәсекелестердің бағасына және жеке өздерінің орнатқан бағаларына байланысты баға орнатады. Сонымен қатар, маркетолог жарнама қызметімен де айналысады.

Бірақ та анық бір кемшілік бар екенін айта кету керек, ол маркетологтың тұрақты түрде емес, келіп-кетіп жұмыс істеуі. Жалпы заң бойынша жеке кәсіпкер өзінің штабына 50 адамға дейін қызметкерлерді алуға құқылы. Фирманың жұмыс істейтін қызмет түрі мен саласын, сонымен қатар жұмыстың жағымды нәтижелерін және клиенттер санын ескергенде, фирмаға бастапқы экономикалық, маркетингтік білімі бар маманды енгізу мүмкіндігінің қажеттігі туралы тек қорытынды жасау ең мақсатты болып табылады.

2. 2 «Омаров Б. А. » жеке кәсіпкерлігінің мәселелері және оларды шешу бойынша ұсыныстар.

Жоғарыда айтылып кеткен кәсіпкерліктің қызметін талдау келесідей мәселелердің барын көрсетті:

... жалғасы

Сіз бұл жұмысты біздің қосымшамыз арқылы толығымен тегін көре аласыз.