Диплом алдындағы практика есебі

Кіріспе

1. Банктің құрылуы, іскерлігі, жалпы түсінігі
1.1. Банктің құрылуы
1.2. Банктің нарықтық стратегиясының негізгі бағыттары

2. «Нұрбанк» АҚ негізінде банктің талдауы және басқарма органдары
2.1. «Нұрбанк» АҚ негізінде банктің талдауы
2.2. «НҰРБАНК» АҚ басқарма органдарының құрылымы

3. «НҰРБАНК» АҚ құрылымы
3.1. Шағын және орта бизнесті несиелеу бөлімі
3.2. Бөлшек несиелеу бөлімі

Қорытынды

Мен, Қадыров Бахтияр Мұратұлы, «Нұрбанк» АҚ Алматы қаласындағы филиалында өндірістік практиканы өттім. «Нұрбанк» АҚ Қазақстанның банк секторында жоғарғы позицияларды алады, яғни алдынғы қатарлы 10 банктің құрамына кіреді және активтер мен меншікті капитал көлемі бойынша елдің ірі банктер құрамына кіреді.
Нарықтық экономиканың өз деңгейінде тиімді жұмыс істеуін қамтамасыз ететін экономиканың негізгі инфрақұрылымдардың бірі - бұл елдің банк жүйесі. Қазіргі кезде Қазақстан Республикасының банк жүйесі ТМД елдері арасындағы ең озық, алда десекте, экономиканың дамуында, бәсеке мен нарық механизмдері сұраныс пен ұсыныстағы тепе-теңдік дәрежесін қалыптастыру, өз кезегінде банктерге делдалдық қызметін жүргізуде, мүмкіндігінше максималды қаражат ресурстарын банк үшін тиімді тару, банктердің қарқынды дамуына мүмкіндік береді. Нарықтық экономикаға көшумен байланысты Қазақстан Республикасының банктер жүйесiнде ұлттық экономиканың басқа секторларымен салыстырғанда елеулi өзгерiстер болып жатқаны баршаға мәлiм. Бүгiнгi таңда нарықтық экономика жолына баяғыда түсiп, зор жетiстiктерге жеткен өркениеттi елдер тәжiрибесiн үйрене отырып, банк жүйесiн халықаралық стандарттарға көшiру ел экономикасы үшiн маңызды болып табылады.
Коммерциялық банк нарықты экономиканың белсенді элементі болып табылады. Банктің басты міндеті ақша қаражаттарын шоғырландыру және несие ұсыну. Сондықтанда банк өз клиенттеріне яғни салымшылар (кредиторлар) мен қарыз алушыларға қызмет көрсететін іскер банк болып саналады. Оның негізгі қызметі кредиторлар мен қарыз алушылар арасындағы делдалдық қызмет болғандықтан ел экономикасындағы ақша айналымының негізгі бөлігін қамтамасыз етеді. Қазіргі уақытта елімізде екінші деңгейлі банктердің қызмет көрсету сапасы күннен-күнге жақсаруда. Банктердің негізгі экономикалық қызметі кәсіпорындарды, ұйымдарды, кәсіпкерлік фирмаларды және жеке тұлғаларды, олардың тұтынушылық және инвестициялық мақсаттарын қаржыландыруды жүзеге асыру үшін несиелеу болып табылады. Сондықтан да елдегі банктер өзінің несиелеу қызметін жүзеге асыруда көпшілік экономикалық жағдайларға байланысты клиенттерге қызмет көрсету, жаңа жұмыс бастаушы кәсіпорындарды несиелеу, халықты жұмыспен қамту деңгейін көбейту және олардың экономикалық өмірге икемділігін қамтамасыз етуде.
Коммерциялық банктердегі қаржы менеджментінің маңызды аспектісі банктің қаржылық жай-күйін талдау болып табылады. Бұл банктің қаржы тұрақтылығын, оның нарықтағы жағдайын сипаттау үшін қажет. Коммерциялық банктегі қаржы менеджментінің қаржы операцияларын рациональды жоспарлау мен жүзеге асыру әдістемесі мен жүйесін өңдеу және пайдалануды қамтамасыз етуі қажет. Коммерциялық банктегі қаржы менеджментінің басты міндеті - банк өнімдерін құру болып табылады. Банк өнімінің қатарын кеңейту бұл-клиенттердің жаңа банктік қызметтерге деген қажеттіліктерін анықтау. Сонымен қаржы менеджменті банк өімдерін құра отырып басқару объектісінің сенімділігін қамтамасыз етеді. Кез-келген банк үшін негізгі концепция сенімді клиент -тұрақты банк екенін білген жөн. Банктің мәнін ашпас бұрын, алдымен оның осы заманғы ұғымын қарастырып көрелік. Банк істерінен хабары жоқ адам оны тек ақшаны сақтаудың орны деп жаңсақ әрі үстірт ойлап қалуы мүмкін. Банк қызметтері әр түрлі. Сондықтан да адамдардың банк туралы түсініктері де әр қилы.