Жоғары мектеп жасындағы оқушылардың оқу жетістіктерін бағалауда компьютерлік оқыту және бақылау бағдарламаларының рөлін анықтау

МАЗМҰНЫ

НОРМАТИВТІК СІЛТЕМЕЛЕР

Бұл дипломдық жұмыста келесі нормативтік құжаттарға сілтемелер қолданылған:

Қазақстан Республикасының «Білім туралы» Заңы. 27. 07. 2007 ж., №319-III ҚРЗ. Астана. Ақорда.

Қазақстан Республикасында білім беруді дамытудың 2010-2020 жылдарға арналған мемлекеттік бағдарламасы. 07. 12. 2010 ж., ҚР Президентінің № 1118 Жарлығы, Астана

Қазақстан Республикасының мемлекеттік жалпыға міндетті білім беру стандарттары. -Астана, 18. 08. 2010 ж., ҚР Білім және ғылым министрінің №454 бұйрығы.

Ақпараттандыру туралы Қазақстан Республикасының Заңы. 11. 01. 2007ж., № 217.

«Ақпараттық Қазақстан - 2020» Мемлекеттік бағдарламасы

Қазақстан Республикасы Президентінің "Қазақстан Республикасының білім беру жүйесін ақпараттандырудың 2002-2004 жылдарға арналған мемлекеттік бағдарламасы туралы" Жарлығы, Қазақстан Республикасы Үкіметінің қаулысы 2001 жылғы 20 қараша N 1496

Қазақстан Республикасының Президенті Н. Назарбаевтың 2014 жылғы «Бір мақсат, Бір мүдде, Бір болашақ» атты Қазақстан халқына Жолдауы.

Қазақстан Республикасының 2015 жылға дейінгі білім беруді дамыту тұжырымдамасы, 24. 02. 2004, Астана.

Мектеп оқушыларының функционалдық сауаттылығын дамыту жөніндегі 2012 - 2016 жылдарға арналған ұлттық іс-қимыл жоспары, Қазақстан 2012 жылғы 25 маусымдағы № 832 қаулысымен бекітілген.

Оқушылардың оқу жетістіктерін критериалды бағалау жүйесін енгізудің әдіснамалық және оқу-әдістемелік негіздері, Әдістемелік құрал, Ы. Алтынсарин атындағы Ұлттық білім академиясы, Астана 2015.

Кіріспе

Бүгінде Қазақстан дамыған 30 елдің қатарына кіру алдында тұр. Демек осы талапқа сай болу үшін қазақстандық білім беру жүйесі де әлемдік стандартқа лайық болуы керек.

Қазақстанда білім беру жүйесін реформалау біраз уақыттан бері қолға алынып келеді, бұған дәлел Қазақстан республикасында білім беруді дамытудың әртүрлі жылдары қабылданған бағдарламалары. 2010 жылы қабылданған «Қазақстан Республикасында білім беруді дамытудың 2011 - 2020 жылдарға арналған мемлекеттік бағдарламасы» еліміздегі білім беру жүйесінің ағымдағы жай-күйін талқылай келе қолданыстағы оқыту әдістемелерінің ескіргенін, оқушыларға шамадан тыс көп мөлшерде білім ұсынылатыны, ал оны оқушының жас ерекшелігі, қызығушылығы мен ынтасына қарай ыңғайлап жеткізуге назар аударылмай, оқыту оқыушы тұлғасын дамытуға емес, жалаң статикалық нәтижелер алуға бағытталғаны сыналды. Демек, қазақстандық орта білім беру жүйесі қоғам дамуының заманауи талаптарына және әлемдік білім беру кеңістігіне кірігу шарттарына сәйкес жаңғырту қажеттігі туындады.

Келесі мәселе - ақпаратты қоғамға көшу. Адамзат өркениетінің дамуы адам өмірінің барлық саласына ақпараттық-коммуникациялық технологиялардың (АКТ) бойлап ендеуімен сипатталуда.

Заманауи АКТ дамуы білім беруді дамытудың қарқыны мен бағытын анықтауда: Заманауи білім - бұл аралас білім, яғни оқу процессіндегі күндізгі және электрондық оқыту формаларының симбиозы. Қазіргі таңда аралас оқыту тәжірибеден өткізілуде (дәстүрлі және электрондық оқыту) . Халықаралық зерттеулерге сәйкес [1] болашақта аралас оқу формасы орта білім беру саласында басымдыққа ие болмақ. Қазақстанда да осы тенденцияға дайын болу үшін орта білім саласына АКТ мүмкіндіктерін қолдану мақсатында 2011 жылы мектептерге электрондық оқудың ақпараттық жүйесін (e-Learning) енгізу жобасы басталды. Осылайша Қазақстанның білім жүйесінің бәсекеге қабілеттілігін қамтамасыз етуге қадамдар жасалуда. «Қазақстан Республикасында білім беруді дамытудың 2011 - 2020 жылдарға арналған мемлекеттік бағдарламасында» «негізгі және бейіндік орта мектепте оқытылатын әрбір пән бойынша интерактивті және зияткерлік цифрлы білім беру ресурстарын әзірлеу және орта . . . білім беру ұйымдарын цифрлы білім беру контентімен (қандай да бір ақпараттық ресурспен - мәтін, кескіндеу, музыка, бейне, дыбыс және т. б. толықтыру ашық қолжетімділікте толық қамтамасыз ету» жоспарланды. Ал нысаналы индикаторлар ретінде ерекше қажеттіліктері бар (инклюзивті білім беру) балалар үшін АКТ көмегімен сапалы білімнің қолжетімділігін қамтамасыз ету - 2017 жылы - 30 %, 2020 жылы - 50%; мектептер үшін ашық қолжетімділіктегі электрондық контенттің көлемін 2017 жылы 60 %, 2020 жылы - 90% жеткізу жоспарланған. [2] .

Демек, компьютерлік оқыту-бақылау бағдарламаларын құрастыру, оқу пәнінің қосымша электронды-мультимедиалы контентін құрастыру - заман талабы.

Бұл мәселе "Қазақстан Республикасының білім беру жүйесін ақпараттандырудың 2002-2004 жылдарға арналған мемлекеттік бағдарламасы туралы" Жарлығында да қарастырылып, арнайы пәндер бойынша электронды оқу материалдарын әзiрлеудi жүзеге асыруды міндеттейді.

Бүгінде оқушының оқу жетістігін бағалауда арнайы бақылау және тестілеу бағдарламалары кеңiнен қолданыс табуда, электронды оқулықтар, мультимедиалық оқыту жүйелері, компьютерлік оқыту-бақылау бағдарламалары әзiрленуде. Мұндай бағдарламалық өнімдердің мүмкіндіктері артуда. Қазақстанда, мектептердiң жартысынан астамы ауылда орналасқан әрi көпшiлiгi оқушылармен аз қамтылған шағын мектептер болғандықтан, электронды оқыту өнімдерін, пән бойынша құрастырылған бағдарламалық өнімдерді пайдалану ауылдағы мұғалім тапшылығын сезінбей, оқушылардың сабақ үлгерiмiнiң сапасын арттыруға жәрдемдесер едi. Электронды оқыту ресурстарын, ақпараттық-коммуникативтік технологияларды қашықтан оқытуды, қазір кеңінен өріс ала бастаған аралас оқытуды ұйымдастыру үшiн пайдаланудың маңызы зор.

Мектеп оқушыларының білім сапасын бағалау және мониторинг жүргізу жүйесін дамыту «Мектеп оқушыларының функционалдық сауаттылығын дамыту жөніндегі 2012 - 2016 жылдарға арналған ұлттық іс-қимыл жоспарында» қарастырылған.

Еліміздегі білім беру сапасы жайлы шынайы ақпарат оқушының оқу жетістіктерін бағалау процесінде алынады. Демек оқу жетістігін бағалау механизмі халықаралық стандартқа сай, білім беру нәтижелерін объективті көрсететін жалпыға бірдей болуы қажет.

Білім саясатының өзекті мәселелері ретінде оқытудың формалары мен әдістерін жетілдіру, білімдегі жаңашылдықты саралау және қазіргі заман техникасы мен технологиясын жоғары деңгейде қолдана білу атап көрсетіліп келеді.

Оқушылардың оқу пәнін меңгеру деңгейін бақылау оқыту үдерісінің ажырамас құрамдас бөлігі болып табылады. Орта мектеп тәжірибесінде қолданылатын бақылау түрлері: өзіндік және бақылау жұмыстары, бақылау нүктелері, емтихандар. Мұнда бағалау бір жақты сипатта болып, оқушыға кері байланыс берілмейді.

Кері байланыс оқу материалын меңгеру кезінде өз іс-әрекетінің нәтижелерін өзіндік талдау мен уақытылы түзетіп отыру үшін оқушыға аса қажет-ақ. Бүгінде мектеп практикасына қалыптастырушы бағалау енгізіліп, кері байланыс немесе рефлексияға баса назар аударыла бастауы да уақыт талабы. Дәстүрлі оқыту технологиясында мұны жүзеге асыру мұғалім тарапынан көп еңбектену мен уақыт жұмсалуын қажет етеді. Соңғы кезде оқыту процесін жетілдіру үшін жаңа ақпараттық технологияларды қолдану кезек күттірмейтін іске айналады.

Соңғы жылдары педагогика мен практиканың дамуы білім жағдайының мониторингі мәселесін шешуді заманауи ақпараттық технологияларды қолданып, бақылауды тестілеуші әдістемелермен үйлестіру жолында іздеу керектігін атап көрсетіп отыр. В. П. Демкин, О. П. Околелов, Л. Д. Стариков, O. K. Филатов және тағы басқа ғалымдардың зерттеу жұмыстары дербес компьютердің көмегімен оқыту үдерісін жетілдіруге бағытталған. М. Г. Минин, A. C. Аванесов, А. Н. Майоров, С. И Федоров, Г. М. Мутанов, А. Е. Сағымбаева, Н. Ж. Ибрагимова, Г. М. Абильдинова және т. б. ғалымдардың еңбектері компьютерлік тестілеу мәселелерінің әдістемелік аспектілеріне арналған. Компьютерлік технологияға негізделіп алынған білімді бақылау жүйесі қазіргі уақытта оқу үдерісінде қолданылуда және жаңа бағдарламалар үнемі құрылуда. Бүгінгі электрондық оқулықтарда кері байланыс компоненті міндетті болып табылады.

Осы мәселелерді сараптай келе, ақпараттық-коммуникативтік технологиялардың мектепке кеңінен қолданылуына жол ашылып жатқан кезде, неміс тілі пәнінен әлі де болса ешқандай отандық оқыту және бақылау бағдарламаларының жоқтығын, олардың оқу жетістігін бағалаудағы маңызын байыптап, диплом жұмысының тақырыбын «Жоғары мектеп жасындағы оқушылардың оқу жетістігін бағалауда компьютерлі оқыту және бағылау бағдарламаларының рөлі» деп алдық.

Зерттеу нысаны: шетел тілі сабақтарын оқыту үдерісі.

Зерттеу пәні: шетел тілі сабақтарында жоғары мектеп жасындағы оқушылардың оқу жетістіктерін бағалау.

Дипломдық жұмыстың мақсаты - жоғары мектеп жасындағы оқушылардың оқу жетістіктерін бағалауда компьютерлік оқыту және бақылау бағдарламаларының рөлін анықтау.

Зерттеу міндеттері:

1. «Диагностикалау» ұғымының мәні мен мазмұнын нақтылау;

2. Оқушылардың оқу жетістіктерін диагностикалау мен бағалау жүйесінің теориялық-әдіснамалық аспектілерін саралау;

3. Оқушылардың оқу жетістігін диагностикалау процесінде компьютерлік оқыту құралдарын қолданудың психологиялық және дидактикалық рөлін, дидактикалық және әдістемелік негіздерін сараптау;

4. Компьютерлік оқыту және бағалау бағдарламаларының рөлі мен потенциалын зерделеу.

Зерттеу көздері: зерттеу проблемасы бойынша отандық және шетелдік әдіскер, психолог, педагогтардың еңбектері, мемлекеттік ресми құжаттар: Қазақстан Республикасының «Білім туралы заңы», сонымен қатар мұғалімдердің озық педагогикалық іс-тәжірибелері, Интернет көздері.

Зерттеу әдістері: зерттеу нысанына алынған проблема бойынша ғылыми-теориялық, педагогикалық, психологиялық, әдістемелік әдебиеттерге талдау; неміс тілін оқыту бағытындағы компьютерлік бағдарламалар, онлайн жаттығулар сайттарын талдау және жүйелеу; интернеттегі неміс тілін үйренушілерге және мұғалімдерге арналған сайттардың материалдарына талдау жасау.

Зерттеудің жаңалығы мен теориялық мәні:

Компьютерлік оқыту және бағалау бағдарламаларына сараптама жасалып, олардың рөлі мен потенциалына баға берілді; «Диагностика» ұғымының мәні анықталды; Қазақстан республикасында жарық көрген мектеп жасындағы оқушыларға арналған оқулыққа қосымша электрондық мультимедиалы оқыту және бақылау бағдарламасының жоқтығы анықталды; Неміс тілі оқулықтарында бұрын-соңды интерактивті оқыту және бақылау бағдарламасы болмағаны анықталды. Зерттеудің практикалық мәні: Оқулықта берілген тілдік тақырып аясында Қосымша мультимедиалы, гипер-сілтемелі, интерактивті компьютерлік оқыту және бақылау бағдарламасының арнайы бағдарламалау тілінде құрастырылды. Зерттеу жұмысының қорытындысы ретінде 11-сыныптың Неміс тілі (Мектеп баспасы, Алматы 2009) оқулығына қосымша ретінде құрастырылған компьютерлік оқыту және бағалау бағдарламасын мектепте неміс тілі сабағында қолдануға болады.

Диплом жұмысының құрылымы. Диплом кіріспеден, екі тараудан, қорытындыдан, жұмыс барысында пайдаланылған әдебиеттер тізімі және қосымшадан (11-сыныпқа арналған Неміс тілі оқулығына қосымша ретінде құрастырылған компьютерлік оқыту және бағалау бағдарламасы) тұрады.

Кіріспеде зерттеудің өзектілігі, зерттеу нысаны, зерттеу пәні айқындалып, мақсаты мен міндеттері белгіленді. Зерттеу барысында қолданылған әдістер, зерттеудің теориялық мәні, дерек көздері, ғылыми жаңалықтары мен практикалық құндылығы баяндалды.

Бірінші тарауда оқу жетістігі нәтижелерін бағалау формалары мен әдістері туралы сөз қозғалады. Бағалаудың халықаралық және қазақстандық модельдеріне, кіріктірілген бағалау жүйесіне жалпылама талдау жасалады.

Зерттеудің екінші тарауында компьютерлік оқыту және бағалау бағдарламаларының шығу тарихы, формалары мен психологиялық және дидактикалық рөлі, потенциалы қарастырылады. Ең бастысы, авторлық оқыту бағдарламасын құрастыру методологиясы сипатталады.

Қорытындыда зерттеу жұмысының нәтижелері қысқаша тұжырымдалып, көтерілген мәселелердің әліде болса толық, түбегейлі шешілуі үшін әрі қарай жан-жақты, терең зерттеудің қажеттілігі көрсетілді.

Пайдаланған әдебиет тізімінде зерттеу жұмысын жазу барысында қолданылған ғылыми еңбектердің, ақпарат көздері мен жинақтардың тізімі берілді.

Қосымшада (CD) авторлық компьютерлік оқыту және бағалау бағдарламасы берілген.

1 Оқушылардың оқу жетістіктерін диагностикалау мен бағалау жүйесінің теориялық-әдіснамалық аспектілері

1. 1 «Диагностикалау» ұғымы, оның мәні мен қызметтері

Білімдену процесінің ажырамас бір бөлігі диагностика болып табылады.

Диагностика - оқу-тәрбие процесінің барысы мен нәтижесі туралы мәлімет/ақпарат алудың жалпылама амалы. Диагностика жəрдемімен белгіленген мақсат, міндеттердің табысты орындалуы анықталады. Ол болмаған жерде дидактикалық процесті тиімді басқару мүмкін емес. Диагностика - бұл дидактикалық процестің нəтижесін анықтау. "Диагностика” ұғымының мəні оқушылардың "білім, ептілік жəне дағдыларды тексеру” түсінігімен салыстырғанда әлдеқайда терең əрі ауқымды.

"Білім, ептілік жəне дағдыларды тексеру” тек нəтиже көрсеткіштерін анықтайды, алайда себебін түсіндірмейді. Ал диагностикалауда нəтиже оған қол жеткізген əдіс - тəсілдерімен бірге қарастырылады, дидактикалық процестегі динамика, тенденциялар анықталады.

Диагностика

бақылау мен тексеруді, бағалауды; статистикалық деректер жинақтауды, олардың талдауын; дидактикалық процесс динамикасын, тенденцияларды болжау, анықтауды қамтиды. Білім беру мониторингі А. Н. Майоровтың, М. Г. Мининнің және т. б. ғылыми еңбектерінде зерттелген. Бұл терминді алғаш рет 1968 жылы К. Ингекамп ұсынған. Ол педагогикалық диагностика, бір жағынан, оқытуға жеке адам мен оқу тобының өкілдерінде толығымен бар алғышартты орнықтырады, екінші жағынан, оқыту мен танымның жоспарлы үдерісін ұйымдастыру үшін қажет шарттарды айқындайды деп есептейді.

М. Г. Мининнің анықтамасы бойынша диагностика төмендегі мақсаттарға бағытталған болуы тиіс:

- білімді меңгерудегі кемшіліктерді анықтау;

-оқыту нәтижелерінің қойылған мақсаттарға сәйкес келмейтінін айқындаған жағдайда ішкі және сыртқы түзетулер жүргізу;

- оқытудың табысты нәтижелерін растау;

- оқу үдерісінің келесі кезеңдерін жоспарлау;

-оқудағы табыстары үшін мадақтау көмегімен қызығушылығын тудырып, келесі қадамдардың күрделілігін реттеу;

- оқыту шарттарын жақсарту [3; 138 - 149] .

Диагностикалаудың маңызды бөлігі - бұл қадағалау, яғни білім, ептілік жəне дағдылардың игерілу процесін бақылау. Ал тексеру қадағалаудың құрамдас бөлігі болып табылады. Тексеру - бұл білім, ептілік жəне дағдыларды игеру барысын бақылау үшін жүргізілетін əрекет - қимылдар жүйесі, яғни анықтау және өлшеу. Мəн - мағыналық тұрғысынан қадағалау кері байланыс орнатуды, атап айтқанда, оқушылар мен мұғалімнің оқу əрекеттерінің нəтижесі жөніндегі ақпарат алуды қамтамасыз етеді: Мұғалім өз шəкірттерінің нені және қандай деңгейде меңгергені жайлы ақпарат алады, қандай сұрақтар, ұғымдар мен ережелерді игеру оқушыға қиын тиетіні мәлім болады, оқушының өз бетімен жұмысының сипаты жайлы мәлімет алады, оқушылардың жіберген қателері арқылы өз кемшіліктерін көреді және осылайша оқыту әдістемесін жетілдіруге, оқушыға жеке амалын қарастыруға мүмкіндік алады.

Оқушы өзінің қандай білім және оны қандай деңгейде меңгергенін, жаңа білімді қабылдауға қаншалықты дайын екенін анықтайды, өзінің қандай жетістіктерге қол жеткізгенін түсінеді, проблемалар мен кемшіліктерін көре алады.

Оқу процесіндегі қадағалау - теорияда да әдістемеде де қолданылатын процедура. Және өзара байланысты бірнеше қызмет атқарады:

Білімдік-дамытушылық қызмет - оқушы сыныптастарының жауабын тыңдаудан ғана пайда тауып қоймай, өзі де сұрақ-жауапқа белсенді түрде араласады, материалды іштей қайталап отырады.

Тәрбиелік функция - пәнге шығармашылық көзқарас қалыптасады, өз қабылетін дер кезінде дамытуға, біліміндегі кемшіліктерді дер кезінде анықтап отыруға ұмтылады, жүйелі жұмысқа, тәртіпке және ерік-жігерін жинақтауға дағдыланады. Сабақ сұрап қалуы мүмкін деп күту оқушыларды сабақты ұдайы оқып жүруге мәжбүрлейді, сабақ оқуға кедергі жасайтын ойын-сауықтардан бас тарту қажеттігін тудырады. Ұдайы қадағалау оқушылардың жауапкершіліктерін арттырады, тәртіпке баулиды, жағымды адамгершіліктік қасиеттер мен ұжымдық қарым-қатынастар қалыптастырады.

Диагностика - оқу-әдістемелік процестің барысы мен нәтижесі туралы ақпарат алудың жалпылама амалы алдыңғы қатарда тұр. Ол қосымша қор көздерін анықтау, нәтижені көтеру жолдарын табу мақсатында мұғалім мен оқушының ортақ жұмысын сараптайды. Диагностика бақылау мен бағалауды қажет ақпарат алудың қосымша амалы ретінде пайдаланады.

Педагогикалық диагностиканың екі функциясы: қоғамдық және педагогикалық бар. Қоғамдық функциясында педагогикалық диагностика бағалауды оңтайландыруға және сапаны арттыруға қызмет етеді. Оны селекциялық немесе көрсеткіш диагностика деп те атайды. Мұнда оқу процесінің соңында оқушылар мен олардың оқу нәтижелері туралы, оларды мейлінше объективті бағалай алу үшін мәлімет береді.

Диагностиканың педагогикалық функциясы оқушыларды қолдауға қызмет етеді. Ол оқу процесін немесе қолдау диагностикасы деп аталады. Ол оқу процесі кезінде орын алады және оқушылармен әріптестікте тиімді қолдау көрсетуді мақсат етеді. Оқушылар диагноастика процесіне белсенді ат салысады және тартылады. Оқу процесі мен қолдау диагноастикасы оқушылардың күшті жақтарына бағытталған және оны болашақта қалай жақсартуға болатынын көрсетеді. Мұнда ресурстар, оқушылардың оқу потенциалы мен оқу жетістіктерімен қатар пәндік құзырлылықтарды дамыту мен оңтайландыру, оқу және әдістемелік құзырлылықтар, әлеуметтік құзырлылықтар басты назарда [4] .

1. 2 Оқу жетістіктерінің нәтижесін бағалаудың формалары мен әдістері

Дәстүр бойынша оқушының оқу жетістігі -меңгертілу деңгейі балдық бағалар мен бағаланатын білім, білік және дағдыларды жинақтау үрдісінде меңгерілетіндердің көлемінің өсуі, олар жалпы пән бойынша (жалпы пәнді оқытудан күтілетін нәтижелер ретіндегі пәндік компетентіліктер) және әрбір сынып бойынша (жеке оқу курстарын оқытудан күтілетін нәтижелер ретіндегі) білім, білік және дағдылар тізбесі көрініс береді.

Білім сапасын бағалау үшін оқушылардың оқу жетістіктерін бағалау мен олардың белгіленген стандартқа сәйкестілігі пайдаланылады. Шындығында, білім сапасы оқушылардың оқу жетістіктерін бағалау арқылы белгіленеді, яғни бағалау -білім саапасын басқарудағы негізгі критерий. «Оқушы жетістіктері» ұғымы білімнің құндылығы мен мақсатына және оның мазмұнына өзара байланысты.

Оқушылардың оқу жетістіктерінің өлшеуіштерін анықтау үшін немесе бағалау үшін диагностикалау қажет. Диагностикалық іс-әрекет бақылауды, тексеруді, бағалауды қамтиды. Диагностикаланатын мақсаттар мен оқыту нәтижелерінің тепе -теңдігі оқыту сапасының критерийі, ал оның көрсеткіші оқушылардың оқу материалын меңгерудің белгілі бір деңгейіне жетуі болып табылады.

Оқушының оқу жетістігін өлшеу дәлдігі оның білімдік жетістіктерімен тұлғалық жетістіктерінің сапасына әсер ететінін байқауға болады. Ол үшін оқушының оқу жетістіктерінің өлшеуіштері мазмұны мен құрылымы жағынан ұтымды тыңдалуы тиіс. Өлшеуіштерге оқушы жетістіктерінің сапалық және сандық сипатының алдын ала берілген параметрлері білім салалары бойынша оқушылардың оқу дайындықтарының деңгейін айқындайтын құралдар мен тәсілдер жатады. Педагогикалық өлшеуіштер тәсілдерінің ішінде ең көп тарағандары бақылау, білімді ауызша тексеру формасы, білімді тексерудің жазбаша формасы, интервью түріндегі әңгімелесу, сауалнама т. б.

Оқытудың әрбір сатысы бойынша анықталған нәтижелерге оқушылардың жетуін, жетістіктерін бағалау мақсатында қорытынды бақылау жүргізу үшін бақылау жұмыстары, тест формасындағы тексеру құралдары жасалады. Ал оқушылардың білім салалары бойынша интеграцияланған оқу жетістіктерін, яғни білімдік оқу жетістіктерін сүзгіден өткізу өлшеуіш- тапсырмалар жүйесі арқылы жүзеге асырылып, бағаланады

Мектеп оқушыларының оқу жетістіктерін бағалауға барлық елдерде мемлекеттік деңгейде ерекше назар аударылады. Соңғы кезде мектеп оқушыларының оқу жетістіктерін бағалау мектепті аяқтаған кезде (ҰБТ, ОЖСБ және т. б. ) және халықаралық зерттеулерге қатысу арқылы (TIMSS, PISA және PIRLS) да жүзеге асырылатын болып жүр. Бұл сырттай бағалау.

Іштей бағалау нақты тұлғалық жетістіктерді белгілеу үшін оқу пәні бойынша оқыту сапасын диагностикалау арқылы және МЖБС өлшемдеріне сәйкестігі (аралық және қорытынды бағалау) арқылы жүзеге асырылады.

Білім алушылардың өзін-өзі бағалауы өзін-өзі ұйымдастыру және өзін-өзі жетілдіру үшін жеке жетістіктерін (білім алушының өзін-өзі бағалауы және жетістіктерін есепке алуы үшін портфолио) бағалау арқылы жүзеге асырылады. Ал мемлекеттік деңгейде оқушының оқу жетістіктерінің МЖБС-да белгіленген мәлімделген нәтижелерге (өлшемдерге) сәйкестігі бағаланады. Бағалауға МЖБС-да және оқу бағдарламаларында мәлімделген барлық білім беру нәтижелері, сондай-ақ негізгі және пәндік құзыреттіліктер жатады.

Мониторинг нәтижелері оқушының функционалдық сауаттылығының даму динамикасын, мектеп оқушыларының, мұғалімдер мен мектептердің жетістіктерін бағалауды, сондай-ақ стандарттарды, оқу бағдарламалары мен оқулықтарды жаңарту іс-шараларының тиімділігін қамтамасыз етеді. [5] .

1. 2. 1 Қазақстандағы оқу жетістігін бағалау жүйесі

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс