«Қаржы менеджмент» пəн бойынша сырттай оқу нысанында оқитын студенттерге өзіндік жұмыстарды орындауға арналған əдістемелік нұсқасы

Кіріспе

1 БӨЛІМ. Оқытушының басқаруымен студенттің өзіндік жұмысы
1.1. Оқытушының басқаруымен студенттің өзіндік жұмысының
тақырыптық жоспары
1.2. Оқытушының басқаруымен студенттің өзіндік жұмыс
тапсырмасы
1.3. Оқытушының басқаруымен студенттің өзіндік жұмысын
рəсімдеу талаптары
1.4. Оқытушының басқаруымен студенттің өзіндік жұмысының
орындалуын бағалау
2 БӨЛІМ. Студенттің өзіндік жұмысы
2.1. Студенттің өзіндік жұмысының тақырыптық жоспары
2.2. Студенттің өзіндік жұмыс тапсырмасы
2.3. Студенттің өзіндік жұмысын рəсімдеу талаптары
2.4. Студенттің өзіндік жұмысының орындалуын бағалау

Пәннің арналымы – студенттермен қаржы менеджменті туралы іргелі білімді игеру, қазіргі экономикалық ойлардың қалыптасуы, қаржы шешімдерін басқаруды негіздеуге және оларды компаниялар деңгейінде іске асыру.
Бұл пәнді игеру мыналарды зерделеуді кіріктіреді:
- қазіргі қаржы менеджментінің негізгі категориялары мен қағидаттарын;
- ұзақ мерзімді инвестициялау және қаржыландыру әдістерін;
- қаржылық жоспарлаудың әдістерін;
- қысқа мерзімді сипаттағы қаржылық шешімдерін;
- қосылу, жұтылу, банкроттық мәселелерін т.б. сұрақтарды.
Бұл пәнді игеру тыңдаушылардың экономикалық теория, дифференциалдық есептеу, регрессиялық талдау, корреляциялық талдау, математикалық бағдарлама, Microsoft Excel, Microsoft Project, қаржылық есептеу сияқты салаларда жақсы білім алуды қажет етеді.
Қазақстан Республикасында қаржылық есеп берудің халықаралық стандартқа жаппай өтуі, оның негізгі ұстанымдарының бірі маңыздылықтың нысандардан басымдылығын көрсетеді; қаржыда сандық, әсіресе, сандық әдістерді кеңінен қолдану, бұрынғы бар бағдарламаларға сын көзбен қарап, қайтадан жетілдіруді талап етті.
Бұл курстың мақсаты мемлекеттік білім беру стандартына және жұмыс берушілердің талабына сәйкес келетін, қаржы менеджменті саласында кәсіптік қызметті орындауға жеткілікті деңгейде білімге, іскерліке, машыққа ие мамандарды дайындауды талап етеді.
Курстың міндеті:
- қазіргі қаржылық менеджменттің әдістері және ұстанымдарына, мақсаттарына, міндеттеріне сәйкес студенттерді жүйелі түрде оқыту;
- шаруашылық жүргізудің барлық деңгейлерінде қаржыны басқаруға жалпы тәсілдемелерді ашу;
- студенттерді қаржылық ақпараттарды дұрыс түсініп және олармен жұмыс істеуге үйрету.
«Қаржы менеджменті» пәнін оқуда студенттер «Жоғары математика», «Макроэкономика», «Микроэкономика», «Бухгалтерлік есеп және аудит», «Компьютерлік технология», «Қаржы», «Корпорация қаржылары», «Бағалы қағаздар рыногы», «Менеджмент негіздері», «Қаржылық есепті талдау» курстарын оқу процесінде алған білімдеріне сүйенеді.