Белдемшелер тігу

Пән: Өнеркәсіп, Өндіріс
Жұмыс түрі: Курстық жұмыс
Тегін: Антиплагиат
Көлемі: 20 бет
Таңдаулыға:

Жоспары

I. Кіріспе . . .

II. Негізгі бөлім

2. 1 Белдікті өңдеу . . .

2. 2 Белдігі жоқ белдемшенің үстіңгі қимасын өңдеу . . .

2. 3 Жартылай шеңберлі белдемше . . .

2. 4 Қатырма салынбаған белдік пен белдемшені өңдеу . . .

2. 5 Қорсаждық таспамен белдемшенің үстіңгі қимасын өңдеу.

2. 6 Белдемше үшін астарды өңдеу және негізгі мата белдемшесімен

қосу . . .

2. 7 Қайырма белдікпен белдемшенің үстіңгі қимасын өңдеу . . .

2. 8 Қатты белдікті өңдеу . . .

2. 9 Иілгіш таспасы бар бүктелген тігіспен белдемшенің үстіңгі

қимасын өңдеу . . .

2. 10 Сырма белдікпен белдемшені қосу . . .

2. 11 Белдемше түймеліктерін өңдеу . . .

III. Қорытынды . . .

IV. Пайдаланылған әдебиеттер тізімі . . .

Кіріспе

Әр түрлі киімге жататын бұйымдарды екі негізгі топқа бөлуге болады. Белдікті және иықты. Белдемше, шалбар, белдемше шорты, шалбар-белдікті топты бұйымдар, көйлек, блуза, қамзол, халат және басқалар - иықты топты бұйымдар. Белдікті бұйымдарда белдемше ең көп топты құрайды. Белдемше костюмның бөлігі, өзіндік бұйым немесе көйлектің бөлігі болуы мүмкін. Силуэт бойынша белдемшелерді тік, етегіне кеңейе түскен және енсіз болады. Олар пішілуіне қарай үш топқа бөлнеді : тік, иықты және клеш.

Тік белдемшелер қынамалы бір, екі немесе үш тігісті, складкамен немесе оларсыз, кең, бүрмелі немесе резеңкеде болуы мүмкін.
Клеш белдемшелердің пішу негізін толық дөңгелек немесе оның бөлігін құрайды. Оларды кеңею сатысына қарай негізгі жеті топқа бөледі: клеш, үлкен клеш, кішкене, орташа, және орташа. Бел, жамбас, етек сызықтары дөңгелектің бөлігін құрайды. Бұл белдемшелердің негізгі және арқау жіптердің бағыты әр түрлі бөліктерінде біркелкі емес. алдының ортасында негізгі жіп ұзындығымен орналасады, ал қалған бөліктерінде басқаша. Әр қиықтың кеңеюі қиық белдемшелерге складкалардың орналасуына өзіндік түр береді. Негізгі жіп мұндай белдемшелерде әр қиықтың орта сызығының ұзындығымен жатады. Белдемшеге мата таңдағанда, оны немен киетіндігін шешіп алу керек: блузкамен, жемпірмен, қамзолмен. Мата таңдауы бұйымның қолданылуына қарай (күнделікті, үйге киюге), мезгілге (жаз, қыс), сәнге және пішінінің ерекшелігіне байланысты. Тіке белдемшелерге және камзолга ауыр және тығыз мата үсынылады (жүн, джинсы матасы) . Әр түсті, сызықша немесе шатраш. Төменге қарай кеңейе түскен белдемшелерді жеңіл маталардан тігеді: мақта, зығыр, жүн және жібек. Клеш және қиық белдемшелерді тігуге жақсы драпталатын маталар лайық мақта, жібек немесе жеңіл жүн. Белдемшенің сэні матаның еніне қарай таңдауға әсер етеді. Тіке белдемшелерді пішуге енді және енсіз матаны, ал етегіне қарай кеңейе түскен немесе складкадары болса, енді матадан тікекен ыңғайлы.

2. 1 Белдікті өңдеу

Белдікті бойлай өң жағын ішіне қаратып екі бүктейді, қиықтарын теңестіреді және жан қиығын сырып тігеді, белдіктің ұштарын теңестіреді. Тігістің ені - 5 - 7 мм. Бұрыштарындағы тігістерін қиып қысқартады, белдікті өң жағына айналдырады, тігістері мен бұрыштарын жазады, ал жібек, жүн маталары және синтетикалық талшықтары бар маталар бұйымдарында үтіктеп тегістейді. Белдіктің іштігі біржақты желімдік жабындысы бар матадан пішілгенде, іштікті теріс жағымен белдіктің ішкі жағына келтіреді, іштіктің үстіңгі шетін белдікті бүктеу сызығымен сәйкестендіреді және преспен немесе үтікпен желімдейді.

Прокламилиннен жасалған іштікті теріс жағымен белдіктің ішкі жағына келтіреді, іштіктің жоғарғы шетін белдіктің бүктелу сызығымен сәйкестендіреді және іштіктің үстіңгі шетінен 5 мм қашықтықта сырып тігеді. Белдіктің сыртқы бөлігіне ышқырлық баудың үстіңгі шеттерін сырып тігеді, оларды өң жақтарын астына қаратып белдіктің ішкі бөлігіне орналастырады, сырып тігу тігісін бүктеудің белгіленген сызығы бойынша өткізіп сырып тігеді. Бұдан кейін ышқырлық бауды бүктейді, тігісін жабады және үтіктеп тегістейді. Одан кейін белдіктің өң жағын ішіне қаратып ортасынан бойлай бүктейді және белдіктің ұштарын іштігі жоқ белдіктегі сияқты жөрмеп тігеді. Белдікті үтіктеп тегістейді және бүкпелерімен, тігістерімен және қатпарларымен сәкестендіру үшін бормен сызылған бақылау жырмаларын белгілейді.

Белдікті қосып тігуде, өңделген белдікті ішкі бөлігімен белдемшенің теріс жағына теңестіреді және қосып тігеді, белдіктің жырмасын, бүкпелерін, тігістерін және қатпарларын белдемшедегі алдыңғы және артқы бөліктің ортасына сәйкестендіреді, өң жағын жоғары қаратып ілгектері мен аспа бауларын бір мезгілде салады. Белдікте іштік болған кезде белдікті белдемшеге қосып тіккеннен кейін, іштікті тігісінен қырқып алады. Белдікті қайырып, тігісті белдік жағына бүктейді, жеке тапсырыс бойынша бұйымдарды дайындаған кезде тігісті жатқыза үтіктейді.

Сырып тігілген аспа бауды белдік жағына қарай бүктейді және белдік жағынан бүктелу сызығы бойынша машинамен бастыра тігеді. Белдікті өң жағына қайырады, белдіктің қиығын және белдік ұстағыш ұштарын ішіне қарай 5 - 7 мм бүктейді және бүктелген шетінен 1 мм қашықтықта белдіктің бүктелген шеті оның ішкі бөлігінің сырып тігу тігісін жабатындай етіп бастыра тігеді. Белдікті дайын түрінде үтіктейді. Белдік пен белдемшенің жоғарғы қиығын өңдеу үшін арнайы тетік болған кезде белдікті тетікке салады, белдемшенің жоғарғы қиығын, өң жағын үстіне қаратып, екі бөліктің арасына салады және белдемшемен бір тігіспен белдіктің ішкі және сыртқы бөліктерінің қиығын бүгіп қосып тігеді. Бұл жерде тігісті белдіктің аяғына дейін 3 - 5 см жеткізбейді.

2. 2 Белдігі жоқ белдемшенің үстіңгі қимасын

Белдігі жоқ үстіңгі қимасын өңдеген кезде үстіңгі қимасын негізгі материалдан немесе астарлық матадан жалаң немесе қос қабат бейкамен жөрмеп тігеді.

Әуелі бейка шеттерін түймелікті өңдейтін әдіптерінің қималарына сырып тігеді, сосын әдіптерінің жоғарғы шеттерін өң жағына бүктейді, бейканы белдемшенің жоғарғы шетімен өң жақтарын ішіне қаратып келтіреді, қималарын теңестіреді және бейка жағынан көктеп тігеді, өңделген ышқырлық бауды жырмаулары бойынша салады. Тігістің ені 0, 7 см. Бұдан кейін тігігсін бейкамен жабып тігіс әдібін белдемше жағына қарай бүктейді. Бейка қимасын жалаң қабат ішіне қарай 0, 5 - 0, 7 см бүктейді және бүктелген шетінен немесе қос бейка бүктемесінен 0, 1 - 0, 2 см қашықтықта қайып тігеді.

Ышқырлық баудың ұштарын қайып тігеді немесе үлгісіне байланысты қолдан скрепкамен немесе ұсақ түймемен бекітеді, белдікті еркін өткізу үшін ышқырлық баудың шағын салпыншағын жасайды.

2. 3 Жартылай шеңберлі белдемше

Белдемше өлшемі - 44 - 48. Жұмсалатын мата ені - 110 см болса, 2 м 60 см қажет.

Астарлық матадан 50 см кетеді. Машина тігісіне №90 ине, көктеуге №7 ине, машина тігісіне №50 жіп, көктеуге №50 жіп, 20 см - лік сыдырма қажет.

Белдемшенің бел өлшемі 18 см, ұзындығы 80 см.

Үлгіні өлшемі алынғаннан кейін сызамыз, қиямыз. Астарын да алынған өлшем бойынша пішеміз. Сосын белдігін 3 см болатындай пішіп аламыз да, белдігін қоспай тұрып белдемшенің матасы мен астарын қосып тігеміз. Содан кейін 20 см - дей сыдырмаға орын қалдырып, белдікті пішіп тігеміз. Тігілген белдікке сыдырма орнатылады. Соңында етегін торлап 1 см - ге бүгеміз, етегін тіккенде созбай өз қалпында тігілуін мұқият қадағалау керек. Белдемшені конструкциялау тәсілі. Шеңбердің төрттен үш бөлігіне тең белдемшенің сызбасын құру үшін мына өлшемдер қажет.

Бел сызығы. Ұзын көлденең сызық жүргізіп оң жақтан А нүктесін белгілейміз. А нүктесінен төмен қарай перпендикуляр сызық жүргіземіз. А нүктесінен оңға, солға және төмен қарай бел айналымын перпендикулярынан 4 см алып, осы өлшемді салып А1, А2 және А3 нүктелерін белгілейміз.

АА1 = АА2 = АА3 = 38 : 2 - 4 = 15 см. А2 және А3 нүктелерін пунктир сызықпен қосамыз. Пунктир сызықты екіге бөліп сол нүктені А нүктесіне қосамыз және осы сызықты төмен қарай сызамыз. Осы сызыққа А нүктесінен төмен қарай АА1 нүктелерінің аралығына тең өлшемді салып А4 нүктесімен белгілейміз. А1, А2 және А4 нүктелерін А нүктесін ортасы етіп доға сызықпен қосамыз.

Белдемше ұзындығы. А1, А2 және А4 нүктелерінен белдемше ұзындығын салып, Н, Н1 және Н2 нүктелерімен белгілейміз.

Төменгі сызық. Н, Н1 және Н2 нүктелерін шеңбер доғасымен қосамыз. АА2 = АА1 = АА3 = ЖАбел : 2 - 4; АА4 = ЖАбел : 2 - 4; А1Н = А2Н1 = А4Н2 = ДЮ.

2. 4 Қатырма салынбаған белдік пен белдемшені өңдеу

Белдік тігісі көйлектің бүйір тігіс сызықтарында көлденең бағытта орналасқан екі бөліктен пішілуі мүмкін. Белдік бөліктерін өң жақтарымен іш жағына қаратып салады, қималарын теңестіреді және қайып тігеді. Тігіс ені - 0, 5 - 0, 7 см. Жүн және жібек мата бұйымдарында тігісті үтіктейді, ал мақта мата бұйымдарында екі жаққа ажырата жазады.

Бір бөліктен тұратын белдік пен белдікшені өң жағын ішіне қаратып орта кезінен көлденең бүктейді және үш жағынан жөрмеп тігеді, айналдыру үшін ортасында ұзындығы 2 - 3 см саңылау қалдырады немесе бір ұшын жөрмеп тікпей қалдырады. Ұштары бүйір тігістеріне немесе бүкпесіне белдікшеде, бұл ұштарын жөрмеп тікпейді және олар арқылы бөліктерді айналдырады. Қайып тіккеннен кейін бұрыштарындағы тігістерді 0, 2 - 0, 3 см қайырма қалдырып қияды. Арнайы тетіктің көмегімен белдікті өң жағына айналдырады, жібек және жүн мата бұйымдарында тігістерін түзетеді, көктейді, тігісін бүктемесіне орналастырады немесе ені 0, 1 см көмкерме жасайды және үтіктейді. Белдік қиынды жиектерін іштеріне бүктеп қайып тігіліп өңделуі мүмкін.

Қайып тігуді барлық жақтарынан жиегінен 0, 1 - 0, 2 см қашықтықта жүргізеді. Көмкермені ылғалдық - жылулық өңдеу процесінде жасап және бекітіп белдікті жиектерін көктемей - ақ үтіктеуге болады. Үтіктеуді белдіктің астыңғы жағынан қатырма арқылы үтіктейді. Айналдыру үшін қалдырған саңылауды ұзындығы 0, 2 - 0, 3 см болатын жабық қабулар мен қолдан тігеді. Белдіктің жөрмеп тігілмеген ұшын қайып тігетін машинамен жиегінен 0, 1 - 0, 2 см қашықтықта тігеді.

2. 5 Қорсаждық таспамен белдемшенің үстіңгі қимасын өңдеу

Қорсаждық таспаны шеттері бойынша ( өңдеуге ) 1 см әдібі бар «мықымын жартылай қаусыратын» өлшемені сәйкес кеседі. Қондырманы белдемшенің үстіңгі шеті бойынша біркелкі бөлу үшін таспаға көмекші лекалмен алдыңғы және артқы құрақтарының ортасына, белдемшенің тігістеріне және бүкпелеріне сәйкес келетін бормен бақылау таңбаларын белгілейді. Қорсаждық таспаның ұштарын 1 см бүктейді және белгілеу бойынша оның астыңғы бөлігінде арнайы машинамен металл ілмектер мен ілгектерді тігеді. Дайындалған таспаны белдемшенің ( енгізу шамасы 0, 9 - 1 см ) теріс жағына келтіреді және таспның шетінен 0, 2 - 0, 3 см қашықтықта қайып тігеді, бормен сызылған белгілерін тігістермен және бүкпелерімен сәйкестендіреді және киім ілгішке арналған екі бүктелген арнайы таспаның кесіндісін бір мезгілде салады. Оларды алдыңғы құрағы жағынан бүйір тігістерінен 2 - 2, 5 см қашықтықта салады.

Қорсаждық таспаның басқа шетін белдемшенің өң жағына бүктейді және таспаның шеті оны қайып тіккен бірінші тігіспен бір деңгейде өтетіндей етіп келтіреді және шетінен 0, 1 см қашықтықта қайып тігеді. Қорсаждық таспаның бүктелген шетін қолдан тігеді. Белдемшенің өңделген үстіңгі шетін үтіктеп тегістейді, қорсаждық таспаны теріс жағына бүктейді және таспа жағына 0, 2 - 0, 3 см көмкерме жасайды.

Жеке заказдар бойынша дайындаған кезде белдемшенің үстіңгі шеті екі бүктелген қорсаждық таспамен өңделуі мүмкін. Бұл үшін дайындалған қорсаждық таспаны бір шетін 0, 1 - 0, 2 см артық шығарып ортасынан бойлай қақ бөліп бүктейді, таспаның ұштарын ішіне қарай 1 см бүктейді, сәйкес пішін бере отырып бүктемесін үтіктеп созады. Белдемшенің үстіңгі қимасын дайындалған таспаға салады және таспаның кең бөлігі астында болатын етіп, ал тар бөлігі белдемшенің өң жағында болатын етіп көктеп тігеді. Қайып тігуді таспаның тар бөлігімен оның шетінен 0, 1 - 0, 2 см қашықтықта жүргізеді. Көктеу жіптерін алып тастайды. Таспаны белдемшенің теріс жағына айналдырады және негізгі бөліктен ені - 0, 3 - 0, 4 см көмкерме жасайды. Өңделген шетін үтіктеп тегістейді.

2. 6 Белдемше үшін астарды өңдеу және мата белдемшесімен қосу

Белдемше үшін астар негізгі мата белдемшесіне сәйкес пішілуге тиіс. Белдемше үшін астардың құрақтарындағы бүкпелер белдемшедегі негізгі бүкпелерге сәйкес орналасуға тиіс.

Белдемше үшін астардың бүкпелерін және тігістерін негізгі белдемшедегі сияқты өңдейді. Белдемшенің түймелігі орналасқан астар тігісін түймеліктің аяқталғанын анықтайтын белгілеуге дейін қайып тігеді. Түймелікті өңдеу әдіптерінің қималарын ашық қимасы бар бүктелген тігіспен көктеп және қайып тігеді немесе түймелікті өңдегеннен кейін негізгі белдемшенің түймелігінің жиектеріне қапсырма - түймеліктің жиектерін қайып тіккен тігістернің жанынан сырып тігеді. Үлгісіне және белдемше еніне байланысты бүйір тігістерінде астарының етегі бойынша бір немесе екі қима тіліктер болуы мүмкін. Тіліктердің жиектерін алдын ала көктелген ашық қималары немесе жабық қималары бар бүктелген тігіспен өңдейді, тігістерін тіліктердің бүктелген жиектерінен 0, 5 - 1 см қ ашықтықта орналастырады. Астар етегін жабық қимасы бар бүктелген тігіспен өңдейді. Белдемшеге арналған астарын - теріс жағына, негізгі белдемшені өң жағына айналдырады.

Астарын негізгі белдемшенің ішіне салып бүкпелерін, тігістерін жіне жырмаларын сәйкестендіреді, үстіңгі қималарын теңестіреді және қималарынан 0, 5 - 0, 7 см қашықтықта қайып тігетін машина тігісімен бекітеді. Астары бар белдемшелерде үстіңгі шетін үлгісіне байланысты түрлі тәсілдермен, астарлары жоқ белдемшедегі сияқты өңдейді. Белдемшенің үстіңгі қимасын сырма белдікпен өңдеген кезде астарын негізгі белдемшемен белдікті сырып тігумен бір мезгілде қосуға болады, оны негізгі бөліктердің арасына салады немесе екі рет сырып тігеді.

Бұл үшін негізгі белдемшені - теріс жағына, ал астарын өң жағына айналдырады. Астарын негізгі белдемшенің ішіне салады, яғни бөліктерді өң жақтарымен ішіне қаратып келтіреді. Олардың арасына өңделген белдік салады, қималарын теңестіреді, бүкпелерін, жырмаларын, тігістерін сәкестендіреді және қималарынан 0, 8 - 1 см қашықтықта машина тігісімен қосады, яғни белдікпен және астарын сырып тігеді. Үлгісіне байланысты белдік иілгіш таспамен өңделуі мүмкін. Иілгіш таспаның жиегін белдіктің ішкі бөлігіне теріс жағынан қайып тігеді. Таспаның ені түріндегі белдіктің қайып тігу тігісіне түспеу керек. Белдемшені өң жағына айналдырады, астарын белдемшенің теріс жағына бүктейді, белдікті жазады. Астар қимасын түймеліктің сызығы бойынша негізгі белдемшенің түймелігі әдібіне іш жағынан қапсырма - түймеліктің жиектерін қайып тігу тігісі жағынан қайып тігеді .

Тігістерінің соңында үшбұрыш формасы бойынша жырмалар жасайды және астар түймелігінің қима соның үшбұрыштың негізгі бойынша бекітеді.

2. 7 Қайырма белдікпен белдемшенің үстіңгі қимасын өңдеу

Өңделген белдікті белдемшемен астарлық мата бейканың көмегімен қосады. Мұнда бейка қос қабатты, сондай - ақ жалаң қабатты бола алады. Бейканың ұштарын түймелік әдіптерінің қималарына сырып тігеді, белдікті және қиманың әдіптерін өң жақтарын ішіне қаратып салады. Одан кейін өңделген белдікті сыртқы бөлігін үстіне қаратып белдемшенің өң бетіне келтіреді, белдікке бейканы өң жағын астына қаратып салады, түймелікті өңдейтін әдіптің шеттерін өң жағына бүктейді, қималарын теңестіреді, көктейді, жырмаларын сәкестендіреді.

Белдікті белдемшеге қарама - қарсы жаққа бүктейді, тігісін белдемше жағына бағыттайды, сырып тігілген бейкамен тігісті жабады, жалаң қабат бейканың қимасын іш жағына қарай бүктейді және бүктемесінен ( қос бейка болған кезде ) немесе бүктелген шетінен 0, 1 - 0, 2 см қашықтықта қайып тігеді. Белдікті белдемшенің өң жағына бүктейді, белдемшенің теріс жағына қарай белдіктен көмкерме жасайды және үтікпен тегістейді. Белдіктің астыңғы шетін белдіктің ішкі шетінен 0, 5 см қашықтықта белдемшеге жасырын тігістермен қолдан бекітеді. Бір мезгілде белдіктің ұштарын бекітеді.

2. 8 Қатты белдікті өңдеу

Қатты белдікті жұмсақ белдікті өңдеген ретпен өңдейді, бірақ айналдыру үшін белдіктің бір ұшын қайып тікпей қалдырады. Белдікті арнайы тетіктің көмегімен айналдырады, бір мезгілде ішіне қажетті енді тартқыш салады.

Іш тартқыш лента белдіктің дайын түріндегісімен 0, 2 - 0, 3 см қысқа болуға тиіс. Мұнда тігістер белдіктің астыңғы жағында және іш тарқыш лента арасында орналасады. Белдікті қатырма арқылы үтіктейді. Іш тартқыш лента өң жағынан көрінбейтіндей етіп белдіктің ұшын негізгі материалдың қималарын белдіктің ішіне қарай бүктей отырып немесе бүктемей қайып тігеді.

Іш тартқыш лента болмаған кезде қатырманы белдікке қатты мақта матасының немесе прокламалиннен тігеді. Мата қатырмасын белдіктің астыңғы бөлігінің теріс жағына келтіреді, қатырманың бойлай кескен бір үлесін белдік ені бойынша бүгілген сызықпен сәйкестендіреді және бүктелген жерден 0, 5 см қашықтықта бір тігіспен белдіктің бүкіл ұзындығы бойы сырып тігеді.

Егер белдік кең болса, онда қос тігіс салады. Одан кейін белдікті өң жағын ішіне қаратып орта тұсынан көлденең бүктейді. Тігістің ені 0, 5 - 0, 7 см, қатырманы тігісінен ойып түсіреді, белдікті өң жағына айналдырады.

Белдіктің одан кейінгі өңделуі жоғарыда айытылғандай жүргізіледі.

Прокламилиннен жасалған қатырмасы бар белдікті өңдеген кезде қатырманы белдіктің үстіңгі бөлігіне теріс жағына матадан жасалған қатырма сияқты келтіреді және түйреуішнен үш - төрт жерден түйреп қояды. Белдікті өң жағын ішіне қаратып көлденеңінен қақ бүктейді, қималарын теңестірді және белдіктің астыңғы бөлігінен жөрмеп тігеді, тігіске бір мезгілде прокламилиннен жасалған қатырма түседі, түйреуіштерді алып тастайды, тігістен жасалған қатырманы қияды, белдікті өң жағына айналдырады және жоғарыда көрсетілгендей өңдейді.

2. 9 Иілгіш таспасы бар бүктелген тігіспен белдемшенің үстіңгі қимасын өңдеу.

Үстіңгі қиманы өңдеуден бұрын әуелі белдемшенің ұзындығын анықтайды және бүктеуге әдәітің шамасын анықтайды. Бүктейтін әдіптің шамасы иілгіш таспаның еніне 0, 2 - 0, 3 см қосқанға және ішкі шетінің бүктеу енін қосқанға тең болу керек, яғни 0, 7 - 1 см.

Егер үлгісі бойынша иілгіш таспаның бірнеше қатарлары жобаланған болса, онда бүктейтін әдіп шамасы сәйкес ұлғайтылады. Мұндай жағдайда белдемшенің үстіңгі шетін жөрмеумен өңдеуге болады. Иілгіш таспаның ұштарын қайып тігетін машинамен иректелген тігістермен таспаға көлденең жапсырма тігіспен қосады. Бір ұшының екіншісіне кіру шамасы 1, 5 - 2 см.

Белдемшенің үстіңгі қимасын теріс жағына 0, 7 - 1 см бүктейді және арнайы машинамен ілгекті көктеп тігеді. Сосын белдемшенің үстіңгі шетін белгілеу бойынша теріс жағына бүктейді және бүктелген шетінен 0, 1 см қашықтықта қайып тігеді, иілгіш таспаны бір мезгілде салады. Дайын түріндегі бүктеудің ені иілгіш таспаның еніне 0, 2 - 0, 3 см қосқанға тең болуы керек. Иілгіш таспаның бірнеше қатарлары болған кезде әуелі параллель тігістер жүргізеді, олардың ара қашықтығы таспның еніне 0, 2 см қосқанға тең, ал әдіп қимасын немесе жөрмеудің ішкі шетін қайып тіккен кезде, яғни соңғы тігісті жүргізген кезде, иілгіш таспаны бір мезгілде салады. Қалған таспаны қолдан тартып өткізеді, оның ұштарын жапсырма тігіспен қайып тігеді немесе 12 - 15 қабумен

қолдан бекітеді.

2. 10 Сырма белдікпен белдемшені қосу

Өңделген белдікті ішкі бөлігімен белдемшенің теріс жағына келтіреді және сырып тігеді, белдіктегі жөрмеулерді, бүкпелерімен, тігістерімен және қатырмаларымен, белдемшедегі алдыңғы және артқы құрақтардың ортасынан сәйкестендіреді, өң жағын жоғары қаратып ілгектері мен аспа бауларын бір мезгілде салады. Белдікте астар болған кезде белдікті белдемшеге сырып тіккеннен кейін астарын тігісінен ойып алады. Белдікті қайырады, тігісті белдік жағына бүктейді, жеке заказдар бойынша бұйымдарды дайындаған кезде тігісті үтіктейді. Сырып тігілген аспа бауды белдік жағына қарай бүктейді және белдік жағынан бүктелу сызығы бойынша қайып тігетін машинамен тігеді. Белдікті өң жағына қайырады, белдіктің қимасын және ышқырлық баудың ұштарын ішіне қарай 0, 5 - 0, 7 см бүктейді және бүктелген шетінен 0, 1 см қашықтықта белдіктің бүктелген шеті белдіктің ішкі бөлігінің сырып тігу тігісін жабатындай етіп қайып тігеді. Егер ышқырлық баудың астыңғы ұштары өңделген болса, олар қайып тігілмей, үлгісіне байланысты қолдан бекітпемен немесе ұсақ түймелермен бекітіледі.

... жалғасы

Сіз бұл жұмысты біздің қосымшамыз арқылы толығымен тегін көре аласыз.