Қазақстан Республикасының консулдық қызметi

Пән: Мемлекеттік басқару
Жұмыс түрі: Курстық жұмыс
Тегін: Антиплагиат
Көлемі: 27 бет
Таңдаулыға:

ЖОСПАР

Кiрiспе3

І. Қазақстан Республикасының консулдық қызметi6

1. 1 Консулдық қызметтiң құрылымы6

1. 2 Консулдық қызмет департаментi8

ii Консулдық қызметтің құқықтық негіздері14

2. 1 Консулдардың функциясы14

2. 2 Консулдың Қазақстан Республикасының заңды тұлғалары мен азаматтарына қатысты функциялары16

2. 3 Консулдық артықшылықтар мен иммунитеттер25

Қорытынды27

Қолданылған әдебиеттер29

Кiрiспе

Қазақстан Республикасы тәуелсiздiк алған алғашқы жылдары-ақ өзiнiң сыртқы саясатын тездетiп қалыптастыруы қажет болды, әйтпесе, бiздiң мүдделерiмiзге орасан нұқсан келуi мүмкiн едi.

Қазақстанның сыртқы саясатының тұжырымдамасын Президент Нұрсұлтан Назарбаев өзiнiң 1992 жылғы мамыр айында шыққан «Қазақстанның егемендi мемлекет ретiнде қалыптасуы мен дамуының стратегиясы» атты еңбегiнде атап көрсеттi. Елiмiз өзiнiң геосаяси жағдайын, этнодемографиялық және басқа факторларды ескере отырып, көп бағытты дипломатияны жүзеге асыруға кiрiстi. Мұның мәнi - әлемдiк деңгейдегi iстерде елеулi орын алатын және елiмiздiң нақты мүдделерi тоқайласатын мемлекеттердiң бәрiмен достық және өзара сенiмдiлiк сипатындағы қарым-қатынастарды дамыту деген сөз.

Шетелдiк ықпалдастарымызбен қарым-қатынасымыздың құқықтық негiзiн жасақтау қажет болды. Қазақстанға инвестиция тарту үшiн, ең алдымен, екi жақты дипломатиялық қатынас орнату шарты алға қойылды.

Сыртқы саясатымыздың қалыптасу кезеңi мынадай өрелi мiндеттердi жүзеге асырудан басталды. Бiрiншiден, бiздiң мемлекетiмiздiң тың сипатын танытуымыз, екiншiден, Қазақстанды халықаралық дәрежеде мойындатып, оның қауiпсiздiгi мен аумақтық тұтастығын қамтамасыз етуiмiз қажет болды, үшiншiден, әлемдiк шаруашылық жүргiзу мен экономикалық байланыстарға белсене араласуымызға қажет болды.

Бұл мiндеттердi жүзеге асыруда, әрине, Президент Нұрсұлтан Назарбаевтың еңбегi аса зор. Қазақстанның қуаты мен мүмкiндiктерiн шетелдерде кеңiнен насихаттау үшiн дүниежүзi мемлекет басшыларымен тiкелей жеке байланысқа шықты, бiз әлемдiк қауымдастыққа тең құқылы және тәуелсiз әрiптес ретiнде танылдық. Тәуелсiздiк алғаннан кейiнгi екi айдың iшiнде әлемнiң 92 мемлекетi елiмiздi таныды. Қазақстанның сыртқы дүниемен өзара қарым-қатынасының шарттық-құқықтық базасы жасалды және дамыды, ядролық державалар - АҚШ, Ресей, Ұлыбритания, Қытай, Франция тарапынан қауiпсiздiк кепiлдiгi қамтамасыз етiлдi.

«Бүгiнгi таңда Қазақстан мемлекеттiлiгiн қалыптастырудың сын сағаттары артта қалды деп айта аламыз.

Бiз мұны неге сүйенiп айтып отырмыз егемендiгiмiз, аумақтық тұтастығымыз халықаралық деңгейде танылып, кепiлдiк берiлдi. Қазақстан әлденеше халықаралық ұйымдардың мүшесi болып табылады».

Бiздiң дәуiрiмiзде бәсекелестiк әскери саладан, саяси және экономикалық салаға ауыса бастауына байланысты шет мемлекеттермен тату көршiлiктiң қалыптасуына бар күш-жiгер жұмсалды. Осыған орай сыртқы саяси қызметке басымдық берiлдi. Сыртқы iстер министрлiгiн құру оңай iс болған жоқ. Бiздiң сыртқы саяси қызметтегi дәстүрiмiз жұтаң едi, өйткенi, ол Кеңес Одағы кезiнде дипломатиядан алыс қызметпен шұғылданатын. Сыртқы саяси қызметтiң тиiмдiлiгi көбiне дипломатиялық кадрларға байланысты шешiледi. Сондықтан алғашқы кезде КСРО сыртқы iстер министрлiгiнiң орталық аппаратында және шетелдерде жұмыс iстеп жүрген қазақстандықтар елiмiздiң сыртқы саяси ведомствосына қызметке шақырылды. Республикамызға 12 жоғары маманданған дипломаттар келдi. Солардың бiрi - Қасымжомарт Тоқаев - 1994 жылдың қазан айынан бастап елiмiздiң сыртқы iстер министрi. 1992 жылғы екiншi шiлдеде Республика Президентi жарлығымен «Қазақстан Республикасы сыртқы iстер министрлiгi туралы» ереже қабылданды. 1997 жылғы қарашаның он екiсiнде «Дипломатиялық қызмет туралы» Қазақстан Республикасының заңы қабылданды. Онда дипломатиялық қызмет органдарына мынадай мiндеттер жүктелдi:

- Қазақстан Республикасының сыртқы саясатының тұжырымдамасы мен негiзгi бағыттарын әзiрлеу және Қазақстан Республикасының Президентi мен үкiметiне тиiстi ұсыныстар жасау;

- дипломатиялық құралдар мен әдiстер арқылы Қазақстан Республикасының егемендiгiн, қауiпсiздiгiн, аумақтық тұтастығы мен шекараларының мызғымастығын қорғауды, басқа мемлекеттермен өзара қатынастарда және халықаралық аренада оның саяси, сауда, экономикалық және өзге де мүдделерiн қамтамасыз ету т. б1.

Қазақстанның Стратегиялық шабуыл қару-жарағын шектеу мен қысқарту туралы шартқа, Орта және таяу қашықтықтағы ракеталарды жою туралы шартқа, Еуропалық Кәдiмгi қару-жарақ күштерi туралы шартқа қатысуы, сондай-ақ, 1993 жылғы желтоқсанда ядролық қаруды таратпау туралы шартқа қосылуы - елiмiздiң әлемдiк қауымдастыққа тұтасуының жаңа мүмкiндiктерiн ашты.

Қазақстан өзiнiң сыртқы саясат тұжырымдамасында көршi мемлекеттермен арадағы өзара қарым-қатынасқа айқын басымдылық бердi.

1992 жылы 16 мамырда Қазақстан Республикасының Президентi Нұрсұлтан Назарбаев өзiнiң «Қазақстанның егемендi мемлекет ретiнде қалыптасуы мен дамуының стратегиясы» атты еңбегiнде республикамыздың сыртқы саясатының концепциясын (тұжырымдамасын) жасауға және оның басым бағыттарын таңдауды негiздеуге кiрiскен болатын. Бұл құжатта: «ең алдымен бiз өз саясатымыздың бейбiтшiлiк сүйгiш бағытын жариялаймыз және әлемнiң бiрде-бiр мемлекетiне территориялық талабымыздың жоқтығын мәлiмдеймiз. Кез келген әскери жанжалдың апаты салдарға әкелiп соғатыны жөнiнде өзiмiздiң жауапкершiлiгiмiздi түсiне және сезiне отырып:

- Қазақстан мемлекеттiк саясатының басым мақсаты ретiнде бейбiтшiлiк сақтауды мойындаймыз.

- саяси, экономикалық және басқа да мақсаттарға жетудiң құралы ретiнде соғысты және күш көрсету қоқан-лоққысын қабылдамаймыз.

- ядролық қарусыз мемлекет мәртебесiн алуға және ядролық қаруды таратпау туралы шартқа қосылуға ұмтыламыз.

- Қалыптасқан шекаралардың бұзылуы, басқа мемлекеттердiң iшкi iстерiне араласпау принциптерiн ұстанамыз» деп басты-басты бағытымызды атап көрсеткен болатын.

Президент Нұрсұлтан Назарбаев өзiнiң «Ғасырлар тоғысында», «Тәуелсiздiгiмiздiң 5 жылы», тағы басқа еңбектерiнде Қазақстанда дүниежүзiлiк еңбек бөлiнiсi процестерiне, капитал мен ресурстардың халықаралық ағымнан тарту мақсатында халықаралық, еуропалық және азиялық экономикалық одақтармен ынтымақтасу мәселелерiне байланысты алда тұрған келелi мiндеттердi белгiлеп бердi.

Бiздiң сыртқы мүмкiндiктерiмiз, ең алдымен, елiмiздiң географиялық, геосаяси және геоэкономикалық жағдаймен айқындалады. Президент Нұрсұлтан Назарбаевтың бағдарлауынша, «Қазақстанның мүмкiндiгi ең алдымен, оның еуразия аймағындағы жолдардың түйiскен торабында орналасқан географиялық жағдайынан туындайды».

І. Қазақстан Республикасының консулдық қызметi

1. 1 Консулдық қызметтiң құрылымы

Тәуелсiздiк алғаннан берi Қазақстан Республикасы халықаралық қатынастық пен құқылығы бар дербес субьект ретiнде дүние жүзiлiк аренаға шығуға мүмкiншiлiк алды. Бiрiккен Ұлттар Ұйымына, басқа да ықпалды халықаралық ұйымдарға кiрiп, маңызды халықаралық келiсiмдерге қосылуы, халықаралық қатынастарға белсене қатысуы Қазақстанның халықаралық беделiнiң көтерiлуiне ықпал болды. Сонымен қатар, тиiмдi саяси жағдайы, бай табиғи ресурсының әулетi және iшкi саяси тұрақтылығы шет мемлекеттердiң iскерлiк және қаржылық топтарының қарым-қатынас жүргiзуге деген мүдделiгi көтерiлуде.

Бұл жағдайда Қазақстан Республикасының сыртқы iстер министрлiгiнiң алдында Қазақстан Республикасы сыртқы елдермен жан-жақты қарым-қатынас жасау үшiн өзiнiң жеке заңды және шартты-құқылық базасын құру мақсаты тұрды. Дұрыс байқалғандай, кез-келген мемлекеттiң қарым-қатынасы тек қана саяси қамтамасыздықты қажет етпейдi, сонымен қатар жеке iс-қимылдарды қамтамасыз ету қажет. Кез келген шетке сапар шегу сыртқы iстер министрлiгiнiң осы қызметiмен байланысты.

Қазақстан Республикасының консулдық қызметiн реттейтiн негiзгi құжат болып Қазақстан Республикасында дипломатиялық қызмет туралы заң, Қазақстан Республикасының консулдық жарғысы, Қазақстан Республикасының сыртқы iстер министрлiгiнiң консулдық басшылығы туралы қағидасы, Қазақстан Республикасының құрметтi (штаттан тыс) консулы туралы қағидасы, әр түрлi нормативтiк нұсқаулар, деректер. Негiзгi консулдық қызметтi реттейтiн халықаралық құжаты - консулдық қарым-қатынас туралы Вена конвенциясы 1963 жылы бекiттi және сонымен бiр қатар көпжақтық, екiжақтық консулдық конвенциямен келiсiмдер жасады.

Бұрынғы қалыпты кеңес одағы кезiнде қол қойылған бiрнеше қатар құжаттар қолданылып жүр, бiрақ олар ескiргендiктен қайта қаралуы керек. Осыған орай Қазақстан Республикасының сыртқы iстер министрлiгi консулдық департаментiнiң алдында бiр қатар конвенция мен келiсiмдер дайындап қол қоюға кешендi мақсаттар тұр.

Президент Н. Ә. Назарбаев бiрнеше мәрте «сыртқы саяси құрылымның қызмет аясына мемлекеттiң экономикалық мүддесiн тарту қажет» екендiгiн айтқан болатын. Бұл мақсатты жүзеге асыруда негiзгi мiндет консулдық қызметте берiледi. Осы қызмет басқа мемлекеттер арасындағы экономикалық және мәдени қарым-қатынастардың дамуына ықпал келтiрiп, мемлекеттiң экономикалық қауiпсiздiгiн қамтамасыз ету керек. Келушi елдердiң кәсiпкерлерiмен белсендi қарым-қатынасты, тиiмдiлiк ынтымақтастылықтың жолын қамтамасыз ету Қазақстан Республикасының консулдық қызметiнiң мiндетi. Тағы бiр консулдық қызметтiң мiндетi - департаменттiң басымдық бағытының бiрi - шет елдерде тұрақты тұратын немесе уақытша мемлекеттен жол сапарға шыққан Қазақстан Республикасының азаматтарының құқығымен мүддесiн қорғау. Кейiнгi жылдары мұндай азаматтарымыздың саны өсiп, бiздiң шет елдегi консулдық мекемелерiмiзге экономикалық дауды, заңдылық, азаматтылық iстерден туған қиын мәселелердi шешуге тура келiп тұр.

Қазақстан Республикасының сыртқы iстер министрлiгiнiң консулдық қызмет департаментi Қазақстан Республикасының территориясында және шетелдiк консулдық мекемелерге заңдылық қызмет көрсетуге үлкен көңiл бөлуде.

Бұл бiрiншiден, құжаттарды жариялау, нотариалдық әрекеттер, азаматтық жағдайы туралы актiнi тiркеу, тағы да басқа мiндеттер атқару. Осымен қатар консул қызметкерлерiнiң құқықтық дайындығы өте маңызды.

Негiзгi бағыт, Қазақстанның консулдық қызметiнiң аса көңiл бөлiп отырған, консулдық сұрақтар бойынша келiсiм-шарттардың орындалуын бақылау. Iске қосылған келiсiмдердi пайдалану, бекiтiлген конвенцияның келiсiмдерге уақытында көңiл бөлiп отыру шетелдегi Қазақстан Республикасының азаматтарының құқығы мен мүддесiн қорғауда консулдық қызметтiң мiндетiн арттырады.

Консулдық қызметтiң атқарымының басым бөлiгi - ақпараттың талдамалы жұмысы.

Қазақстан жас мемлекет болқандықтан басым мақсаттарының бiрi - әсiресе дипломатиялық өкiлдiгi жоқ елдерде, шетелдерде консулдық қызметiн кеңейту2. Мұндай жағдайда Қазақстан Республикасын мiндеттi түрде консулдық мекемелер таныстырады.

Қазақстандық консулдық қызметiнiң басымдылықы болып жеке құжаттық визаландыру жұмысын жетiлдiру. Бұл аяда консулдық қызметi сыртқы iстер министрлiгiмен және шекара қызметiмен тығыз байланыста жұмыс жүргiзедi.

Сыртқы iстер министрлiгiнiң консулдық департаментiнiң тiкелей қатысуымен Қазақстан Республикасының азаматтарының ұлттық жеке құжаты және арнайы виза тапсырмалары дайындалған, олар әлем стандартына сәйкес. Бiрақ ең үлкен мәселе - Азия елдерiнiң, ең бiрiншi Ауғанстаннан келушiлердiң құпия келуi болып қалады. Қазақстан Республикасының Ресейге және Еуропа елдерiне өтетiн жолдың транзит орны болып саналады.

Шетелдiктердiң Қазақстан Республикасында болуына тiкелей бақылау консулдық қызметiнiң құзiретiне енбейдi. Ол iшкi iстер министрлiгiнiң жетекшiлiгiнде. Қазақстанның заңдарына сәйкес шетелдiктердi тiркеуге iшкi iстер бөлiмiндегi қабылдаушы жақ алады (министрлiктер, ведомстволар, жеке меншiк фирмалар) . Бiрақ консул департаментiнде Қазақстан Республикасының территориясына келген шетелдiктердiң келуiн реттеуден сырт қалмайды.

Сонымен, Қазақстан Республикасының қазiргi консулдық негiзгi бағыты: шартты құқықтық және мемлекеттiң iшкi нормативтiк қорын әзiрлеу, дамыту (сонымен қатар халықаралық келiсiмдердiң атқарылғандарын бақылауды қамтамасыз ету) ; Қазақстан Республикасының экономикалық мүддесiн қорғаудағы консул қызметiнiң маңызын көтеру көрсетiлген заң қызметiнiң көлемiмен сапасын ұлғайту консулдық мекемелердiң торабын кеңейту. Шет мемлекеттерде Қазақстан Республикасының азаматтарының құқығын және мүддесiн қорғауда белсендi жұмыс жүргiзу, ақпаратты талдамдық жұмысты ұйымдастырып жетiлдiру; Қазақстан Республикасына келу, жолсапарға шығу, келушiлер ақынын бақылау мәселесi туралы басқа министрлiктермен қарым-қатынас жасау.

Қазақстан Республикасының консулдық қызметi iшкi саяси ақпараттың бiр бөлшегi. Консулдық мiндеттердi атқару Қазақстан Республикасының iшкi iстер министрлiгiнiң консулдық қызмет департаментiне және кейбiр облыс орталықтарында халықаралық әуе жайында Астана, Алматы, Атырау қалаларында қызмет көрсететiн бөлiмдерiне консулдық қызмет ету жүктелген.

Шетелдерде консулдық қызмет көрсету дипломатиялық өкiлдiктерге және жекешеленген Қазақстан Республикасының консулдық мекемелерiне жүктелген.

1. 2 Консулдық қызмет департаментi

1982 жылға дейiн Қазақстан Республикасының сыртқы iстер министрлiгiнде консулдық қызметiнен кiшiрек бөлiм айналысқан, кейiннен соның тарапынан консулдық басқармасы құрылған. 1994 жылы консулдық жұмыстың көлемiмен мөлшерi күрт өскендiктен басқарма бас басқарма болып қайта құрылған, 1997 жылы Қазақстан Республикасының iшкi iстер министрлiгiнiң құрылымының өзгеруiне байланысты оның тарапынан консулдық қызметтiң департаментi ашылған. Шетел дипломаттық өкiлдiктерiнiң басым көпшiлiгi және де халықаралық ұйымдар Алматыда болғандықтан, құрамында 30 қызметкерi бар Қазақстан Республикасының iшкi iстер министрлiгiнiң консулдық қызметiнiң департаментi оңтүстiк астанада болып табылады.

Консулдық қызмет департаментi Қазақстан Республикасының сыртқы iстер министрлiгiнiң ең iрi функционалдық бөлiмшесiнiң бiрi, сонымен қатар Қазақстан Республикасының iшкi саяси мiндеттерiн атқарысуға тiкелей қатысады. Ол Қазақстан Республикасының iшкi iстер министрлiгiнiң басқа бөлiмшелерiмен, сонымен қатар шетелдегi, ТМД мемлекеттерiндегi министрлiктер мен ведомстволар, ұйымдармен тығыз байланыста жұмыс жүргiзедi.

Қазақстан Республикасының басқа елдермен консулдық қарым-қатынасын кеңейтуге негiзгi көңiл аударуына байланысты, консул департаментi жақсы дамыған келiсiмдi құқылық консулдық қарым-қатынас негiзiн құрған, оның өзегi болып екi жақтық консулдық конвенциялар, консулдық мекемелер ашу туралы келiсiм, екiжақтық азаматтықты болдырмау және азаматтық, қылмыстық iсте құқылық көмек көрсету шарты.

1996 жылы 17 қаңтарда Қазақстан Республикасының Беларус Республикасы арасында консулдық конвенцияға қол қойылған. 28 наурызда 1994 жылы сондай конвенцияға Қазақстан Республикасы мен Ресей Федерация арасында қол қойылып, 1995 жылы 23 наурызда екi жақпен бекiтiлген.

Қазақстан Республикасы барлық Еуропа, Азия, Африка, Солтүстiк және Латын Америка елдерiмен консулдық қарым-қатынасын кеңейтуге тырысады, өйткенi ондай қарым-қатынас Қазақстанмен сол регионның елдерiмен болашақта саяси, экономикалық, қылыми-техникалық және мәдениет байланыстарының дамуына себеп болады.

Осындай мысал: 1994 жылы «екi жаққа жолсапарға шыққан азаматтардың визасын рәсiмдеу тәртiбi туралы» Қазақстан Республикасы мен Иран Ислам Республикасы арасында бекiтiлген меморандум.

Ұйымдық құрылымы

Қазақстан Республикасының сыртқы iстер министрлiгiнiң консулдық қызмет департаментi өзiнiң құрылымы бойынша аумақтық және атқарымды бөлiмдерден тұрады. Аумақтыққа келесi: Еуропа, Америка елдерiнiң, Таяу Шығыс, Африка, Азия елдерiнiң бөлiмдерi жатады. Департаменттiң аумақтық бөлiмдерi шетел мемлекеттерiмен консулдық қарым-қатынасты дамыту мәселесiмен айналысады. Қазақстан Республикасымен бекiтiлген консулдық конвенциялармен келiсiмдердi сақтауды бақылайды; екi жақтық азаматтарының құқығы мен мүддесiн қорғайды; Қазақстан Республикасының аумағындағы шетел консулдық мекемелердiң қызметiне жәрдемдеседi.

Атқарымдыққа үш бөлiм қатысады:

жеке құжатты визаландыру, жалпы консулдық құқық сұрақтар бөлiмi және кеңсе.

Жалпы консулдық құқық сұрақтары бөлiмi шетел мемлекеттермен визалық және жеңiлдетiлген визалық тәртiп туралы консулдық конвенциялармен келiсiмдердiң жобасын дайындайды; әлеуметтiк саладағы ынтымақтастық туралы келiсiм; екi жақтық азаматтықты болдырмау. Басқа бөлiмдер өздерiнiң атауына сәйкес қызмет көрсетедi.

Консул департаментi өзiнiң қызметiнде Қазақстан Республикасының заңымен, халықаралық шарттармен, Қазақстан Республикасының Президентiнiң жарлығымен, қаулысымен, өкiметтiң қаулысы өкiмiмен, Қазақстан Республикасының iшкi iстер министрлiгiнiң бұйрығымен, нұсқауларымен басшылық етедi.

Шетелдегi консулдық мекеме Қазақстан Республикасының iшкi iстер министрлiгiнiң консулдық департаментiне бағынып, тұрған мемлекеттегi республиканың дипломатиялық өкiлдiгiндегi басшының жетекшiлiк етуiмен өзiнiң қызметiн атқарады.

Шетелдегi консулдық мекемелер Қазақстанның, Қазақстан Республикасының азаматтарының және заңды тұлғаларының құқығы мен мүддесiн қорғайды, өзiне берiлген құзырет, аумағында консулдық мекемелер iшкi iстер министрлiгiнiң жетекшiлерiне Қазақстан Республикасының сыртқы саясатын жүргiзуге көмек көрсетедi, достық қарым-қатынасының, экономикалық, ғылыми-техникалық, саясаттың байланыстардың дамуына жәрдемдеседi.

Консулдық мекемелер Қазақстан Республикасының дипломатиялық өкiлдiктердiң консулдық бөлiмдерi, бас консулдық, консулдық, тете-консулдық және консулдық агентi болып саналады.

Қазiргi уақытта Қазақстанның шетелдерде отыз консулдық мекемелерi, оның iшiнде дипломатиялық өкiлдiктерде отыз консулдық бөлiм, екi бас консулдық, алты консулдық және консулдық агенттiктерi бар.

Қазақстан Республикасының дипломатиялық өкiлдiктерiнiң консулдық бөлiмдерiн консул бөлiмдерiнiң меңгерушiлерi басқарады, олар консул болып аталады. Бұл бөлiмдер Қазақстан Республикасының барған мемлекеттермен байланысына консулдық қызмет көрсетедi, басқа мемлекет аумағында жүрген бiздiң елдiң азаматтарына, заңды тұлғаларға құқықтық қорғауды қамтамасыз етедi.

Өздерiнiң қызметi кезiнде консулдық бөлiмдер халықаралық құқықтық мөлшерiмен Қазақстан Республикасының заңды актiлерiмен, министрдiң нұсқауларымен, елшiнiң өкiмiмен, сонымен қатар сол елдiң заңдылық нормаларымен басшылық етедi. Елшiлер iшкi iстер министрлiгiмен келiсiп консулдық қызметкерлердiң штатын, консулдық бөлiмiнiң құрылымын анықтайды.

Консулдық бөлiмнiң меңгерушiсi, қажет болған жағдайда, сол елдiң өкiметiнiң келiсiмiмен, ресми түрде бас консул немесе жәй Қазақстан Республикасының консулы деп аталуына болады.

Бас консулдықтар, консулдықтар, тете-консулдықтар, консулдық агенттiктерге бас консул, консул, кіші-консул, консулдық агенттер басшылық етедi.

Консулдық мекеменiң орналасқан жерi, оның класы, консулдық аймағы тұрған мемлекетпен келiсiп анықталады.

Консулдық лауазымды тұлғалар консулдық мекемелердiң қызметкерлерi Қазақстан Республикасының iшкi iстер министрлiгiнiң мемлекет қызметкерлерi болып саналады.

Консулдық мекемелердiң функциясы

Қазақстан Республикасының консулдық қызмет департаментi өзiнiң құзыретiнiң көлемiнде iшкi iстер министрлiгiнiң Қазақстан Республикасының консулдық мекемелерiне, штаттан тыс консулдардың құқығымен мүддесiн қорғауда, оның шетелдегi азаматтарының және заңды тұлғаларының қызметiне жетекшiлiк етедi. Департамент Қазақстан Республикасының шетел мемлекеттерiмен қарым-қатынасының дамуы туралы сұрақтарға өзiнiң сынысын жасайды, iшкi iстер министрлiгiнiң тапсырмасы бойынша (келiссөз) шетел өкiлдiктерiмен келiссөздермен кеңес жүргiзедi, iшкi iстер министрлiгiнiң келiсiмi бойынша шетелдерде Қазақстан Республикасының консулдық мекемесiн ашу туралы ұсыныс даярлап, консулдық аймақтардың шекарасын анықтайды.

Консулдық департамент шетелдегi Қазақстан Республикасының консулдық мекемелердiң басшыларына патент дайындайды. Оның функциясына сондай-ақ Қазақстан Республикасындағы шетел консулдық мекемелердiң басшысын тағайындауға келiсiмi туралы ақпараттандыру және экзекватура (басқа елде шықарылқан сот шешiмiнiң белгiлi бiр елде орындалуы) дайындау жатады.

Консулдық департаменттiң аймақтық бөлiмдерi мәлiметтерге басқа да анықтамалық ақпараттық құжаттарға талдау жасайды, жүзеге асырылуына шара қолданады. Сонымен қатар, бұл бөлiмдер консулдық сұрақтар бойынша келiсiм-шарттардың орындалуын қадағалайды, қажет жағдайда толықтыратын, өзгертетiн немесе күшiн жою туралы ұсыныстар дайындайды. Консул департаментi Қазақстан Республикасының консулдық мекемелерiнiң және олардың лауазымды тұлғаларының құқығын, артықшылықын, иммунитетiн (кейбiр заңдардың ерекше құқықты адамдарға қолданылмауы) қорғау жөнiндегi шараларға жауапты.

Бiр қалыпты түсiнiктеме беру мақсатында консулдық департамент министрлiктермен және ведомстволармен келiсе отырып Қазақстан Республикасының заңдарының, жарлықтарының, қаулыларының өкiлдерiнiң қолданылуы туралы талқылама, нұсқаулар дайындайды. Қазақстан Республикасының шетелдегi консулдық мекемелерi Қазақстан Республикасының консулдық сұрақтары бойынша бекiтiлген халықаралық шарттар туралы департамент ақпараттандырылады.

Консулдық департаментпен Қазақстан Республикасының iшкi iстер мннистрлiгiнiң және әртүрлi министрлiктермен, ведомстволармен, ұйымдармен жұмыс бабымен кездесулер өтiп тұрады. Мұндай кездесулер Қазақстан Республикасының дипломатия өкiлдерiмен және шетел консулдық мекемелерiмен ұйымдастырылып тұрады. Сонымен қатар, департамент Қазақстандық ведомстволар аралық органдармен, ұйымдастыру комитетiнiң шетелде, Қазақстан аумағында өткiзiлетiн iрi халықаралық шараларды дайындап өткiзу жұмыстарына қатысады.

Қазақстан Республикасының заңының белгiлеген тәртiбi бойынша шетел мемлекеттерiнiң елшiлiктерiнiң талаптары бойынша департаменттiң жеке құжатты визалау бөлiмi Қазақстан Республикасының азаматтарына шетелдiк виза алу үшiн құжаттар дайындайды.

Департамент консулдық мекемелердiң шетел азаматтарына Қазақстандық виза беру тәрiтiбiнiң орындалуына бақылау жүргiзiп, сонымен қатар құзыреттi органдармен визаның үлгiлерi және жеке құжатқа визаны жазу үлгiлерi келiсiледi.

Қазақстан Республикасының iшкi iстер мнистрлiгiнiң жетекшiлерiнiң тапсырмасы бойынша департамент азаматтық сұрақтары бойынша нормативтiк актiлер дайындауқа қатысады. Қазақстан Республикасының азаматтығын алу, азаматтығынан шығу және азаматтығынан айыру туралы консулдық мекемелердiң материалдарына қорытынды дайындауға жауапты. Азаматтық сұрақтар туралы Қазақстан Республикасының президентiнiң жанындағы комиссияға азаматтық туралы басқа да құжаттар дайындайды.

Қазақстан Республикасының консулдық департаментiнде Қазақстанның консулдық мекемелерiнiң шетелдердiң нотариалдық сұрақтарын, құжаттарды жария ету, азаматтық жағдайы туралы актi жазу бойынша жұмыстары зерттелiп тәжiрибесi таратылады.

Сыртқы iстер министрлiгiнiң консулдық департаментiнде жеке құжатты визаландыру жұмысын жетiлдiруiмен қатар консулдық алымның тарифын әзiрлейдi, сол үшiн алыс шетелдердiң, ТМД елдерiнiң сондай құжаттарын талдайды. Қазiр iсте жүрген консулдық алымның тарифы 1994 жылы Қазақстан Республикасының қаржы министрлiгiмен келiсiп қабылданған. Осы уақытта консулдық департаментте шетелдегi консулдық мекемелердiң тәжiрибесiнiң негiзiнде консулдық алым тарифiнiң жаңа жобасы дайындалуда.

... жалғасы

Сіз бұл жұмысты біздің қосымшамыз арқылы толығымен тегін көре аласыз.