Шағын және орта бизнестің рыноктық жағдайда әрекет етуі

Шағын және орта бизнестің рыноктық жағдайда әрекет етуі.

Шағын және орта бизнес- мемлекеттің экономикалық жандануына және халықтың экономикалық белседілігін жоғарлатуға, сондай-ақ оның дамуы бәсекелесті, динамикалық және әртараптандырылған экономиканың құрылуына жағдай жасайды.
Шағын және орта бизнес экономиканың ірге қалаушы буыны, оның даму жағдайы мен деңігейінен ел экономикасы дамуының тұрақтылығы қамтамасыз етіледі және жалпы ұлттық өнімнің сапасы мен құрылымы анықталады. Экономикасы дамыған мемлекеттерде, Жапонияда, Германияда, Бельгияда, Италияда шағын және орта бизнес барлық кәсіпорындардың 90 пайызын құрап отыр. Көптеген дамыған елдердің жалпы ішкі өнімінің 50 пайызы шағын және орта бизнес үлесіне тиесілі. Еңбекке жарамды халықтың АҚШ-та - 62%-ын, Жапонияда - 71,8%-ын, Оңтүстік Кореяда - 64%-ын өндірістік қызметтегі шағын және орта бизнесте жұмыс жасайтындар құрайды. Ал Қазақстандағы бұл көрсеткіш тек 23% құрайды.
Шағын және орта кәсіпорындар икемді болып келеді, сұранысқа тез жауап бере алады, нарық сұранысы мен қажеттілігін тез қанағаттандыра алады. Ірі кәсіпорындарға қарағанда, шағын және орта кәсіпорындар өзінің икемділігінің арқасында экономика мен қоғамның жаңа қажеттіліктеріне сай қызметін қайта құруға бейім болады. Бірқатар елдердің тәжірибесі көрсеткендей, экономикалық реформалар жасауда және дағдарыстан шығуда шағын және орта кәсіпкерлік үлкен рөл атқарады.
Шағын және орта бизнес- мемлекеттің тірегі, орта тапты өсіретін инкубатор болыр табылады. Қазақстанның кәсіподақ Федерациясының 21 съезінде, Елбасшымыз алдағы онжылдықтың басында шағын және орта бизнестің үлесі жалпы ішкі өнімнің 40% құрау керек деп міндет қойған болатын. «Белсенді халықтың 60% шағын және орта бизнесте еңбек еткен жағдайда Қазақстан экономикадағы тұрақтылыққа жетеді»- деді Н.Ә.Назарбаев.
Нарықтық экономикада шағын және орта кәсіпкерлік екі түрлі негізгі қызмет атқарады: экономикалық және әлеуметтік. Экономикалық қызмет негізіне бәсекелестікті дамыту, материалдық және материалдық емес ресурстарды тиімді пайдалану, ішкі сұраныстың импортқа тәуелділігін жою және т.б. жатса, әлеуметтік қызметі жұмыссыздық проблеммасын шешу, кедейшілікті жою және т.б мемлекеттің экономикалық дамуын тежейтін көптеген проблемаларды шешу жолдарын қамтамасыз етеді.