Тиімді нәтижеге жетудің мақсатты бағыты бар салық әкімшілігі бойынша жұмысы

Тиімді нәтижеге жетудің мақсатты бағыты бар салық әкімшілігі бойынша жұмысы

Салық әкімшілігін жүргізу салық қызметі органдарының салық бақылауын жүзеге асыруы, мерзімінде орындалмаған салық міндеттемесінің орындалуын қамтамасыз ету тәсілдері мен салық берешегін мәжбүрлеп өндіріп алу шараларын қолдануы, сондай-ақ Қазақстан Республикасының заңнамасына сәйкес салық төлеушілерге (салық агенттеріне) және басқа да уәкілетті мемлекеттік органдарға мемлекеттік қызмет көрсету болып табылады.
Салықтық бақылау - Қазақстан Республикасының салық заңнамасы, орындалуын бақылау салық қызметі органдарына жүктелген Қазақстан Республикасының өзге де заңнамасы нормаларының орындалуын салық қызметi органдары жүзеге асыратын бақылау.
Салықтық бақылау екі нысанда жүзеге асырылады:
1) салықтық тексеріс нысанында;
2) мемлекеттік бақылаудың басқа да нысандарында.
Берілген нысандар аумағында салықтық бақылау келесілер жүзеге асырылады:
1) салық міндеттемесінің, мiндеттi зейнетақы жарналарын есептеу, ұстау мен аудару, әлеуметтiк аударымдарды есептеу мен төлеу бойынша міндеттердің орындалуын есепке алу;
2) бақылау-касса машиналарын қолдану тәртібінің сақталуына бақылау;
3) акцизделетiн тауарларға бақылау;
4) трансферттік баға белгілеу кезіндегі бақылау;
5) мемлекет меншiгiне айналдырылған (айналдырылуға жататын) мүлiктi есепке алу, сақтау, бағалау, одан әрі пайдалану және өткізу тәртiбiнің сақталуына бақылау;
6) Қазақстан Республикасының салық заңнамасын орындауға бағытталған функцияларды жүзеге асыру бойынша міндеттерді орындау бөлігінде уәкілетті мемлекеттік және жергілікті атқарушы органдардың қызметіне бақылау жасау нысандарында жүзеге асырылады.
Мемлекеттік бақылаудың басқа да нысандары аумағында келесілер жүзеге асырылады:
1) салық төлеушiлердi салық органдарында тiркеу;
2) салықтық нысандарды қабылдау;
3) камералдық бақылау;
4) ірі салық төлеушiлерге мониторингi жасау;
5) салықтық зерттеу;
Салық әкімшілігін жүргізудің негізгі анықтамаларын көрсете отырып, маңызды категориялардың бірі- камералдық бақылауға тоқтала кетпекпін.
Бүгінгі күні салық органдарының жұмыс процестерінің көпшілігі автоматтандырылған. Салық төлеушілерді тіркеу есебі, дербес шоттарды жүргізу, салықтық есептілікті қабылдау және камералдық бақылау сияқты процестер негізінен салық түрлеріне байланысты, ұазіргі кезде негізгі салықтар - КТС және ЖТС бойынша автоматтандырылған іске қосу арқылы жүзеге асырылады.