Фирма жарғысы

Мемлекет заңына сәйкес құрылтай құжаты жарғы мен құрылтай шарты болып табылады.
Жарғы немесе құрылтай шарты, фирманың негізгі құжаттары ретінде, міндетті түрде нотариалдық куәландыруды талап етеді. Онсыз олар заңды деп танылмайды. Бұл құжаттар банктер, салық, төрелік сот, әділет және рұқсат қағаз беруші ұйымдар тарапынан қатаң тексеруден өтеді.

Жарғының деректемелері:
1. Құрылтайшылар жиналысының бекіту белгісі.
2. Мемлекеттік тіркеудің белгісі.
3. Мәтіннің атауы.
4. Жарғының мәтіні.
5. Фирма атқарушы органы басшысының қолы.
Жарғының негізгі деректемесі – мәтін, ол саны мен рет тәртібі қатаң белгіленбеген бөлімдерден тұрады. Мәтінде келесі мәліметтер беріледі:
- жалпы ережелер (ұйымдық-құқықтық нысаны, атауы, мекен-жайы);
- қызметінің мақсаты мен мәні;
- серіктестік қатысушыларының құқықтары, міндеттері және жауапкершілігі;
- мүлкі, қорлары, табысы;
- басқару және бақылау органдары;
- жұмысшылардың еңбегі, жалақысы және оларға берілетін әлеуметтік кепілдіктер;
- есепке алу және есеп беру;
- дауларды шешу;
- қызметін тоқтату.
Бүгінгідей бәсекелестік заманында жеке кәсіпорынның комерциялық құпиялығынқұрайтын мәліметтерді анықтау қажеттілігі туындамай қоймайды.
Оған идеялар, өнертабулар, жаңа технологиялар, фирманың табысы, тауар жеткізуші, тауар өткізу жүйесі, байланыстар туралы мәліметтер, т.б. жатады.Қазақстан Республикасының Азаматтық Кодексі коммерциялық құпия жатқызылуы мүмкін мәліметтердіңтізімін көрсетеді.
Кәсіпорынның өзі заң негізінде коммерциялық құпияға жатқызылатын мәліметтердің тізімін нақты анықтайды.
Қәсіпорын басшылығы коммерциялық құпияға жататын мәліметтердің сипаты мен көлемін өзі анықтайды және бұл мәліметтерді жария болудан қорғайды, құпия мәліметті білетін адамдардың тізімін белгілейды.