Оспанхан Әубәкіровтің сықақ әңгімелері

1.Оспанхан Әубәкіровтің өмір жолы
2. Сатира және сатирик
3. Сықақ әңгімелерден үзінді
4. Пайдаланған әдебиеттер

Әдебиет–бір халықты екінші халыққа кеңінен таныстырып, оларды өзара табыстыратын, бір-бірін өзара шын пейілден құрметтеуге үндейтін, қысқасы, рухани теңестіретін өнер екені мәлім. Осыған орай әдебиеттің көтерер жүгі мен атқарар міндеті зор. Сондай ауыр жүкті арқалаушы-сатира жанры.
Қазақ сатирасының дамуындағы сатириктердің орны ерекше. Себебі, солар арқылы әдебиетке ысқақ, сарказм жанрлары келіп, оқырманды жадыратып, көтеріңкі көңіл сыйлайды. Қазіргі қазақ сатирасы жаңа ғасырдың жаңаша талаптарына сәйкес адамды жан-жақты жетілдіруде тәуелсіз еліміздің алға қойған міндеттерін жүзеге асыруға кедергі келтіретін кесір-кесепаттарға қарсы күресте айбынды қаруға айналып отыр.
Сатира – әлем әдебиетінде ерекше орын алған жанр. Сатираға қалам тербеген қаламгерлердің ішінде өзіндік ерекшеліктерімен, көркемдік шеберліктерімен әлем әдебиетінен орын алған сатириктер бар.
Сондай ақын-жазушылардың бірі- Оспанхан Әубәкіров. Сатирик шығармаларындағы қоғамның ащы шындығын, ауыр ақиқатын ашатын уытты қысқа әңгімелерінің сюжеттік- композициялық құрылымына, көркемдік-идеялық тәсілдеріне баса көңіл аударылады. Жазушының дүниетанымы, көзқарасы өзі өскен ортасының жемісі екені ақиқат. Оспанхан Әубәкіров 1934 жылы 4 мамырда Алматы облысының Жамбыл ауданындағы Үшбұлақ ауылында дүниеге келіп, 1986 жылы Алматы қаласында дүниеден өтті. Ол Құрманғазы атындағы қазақ мемлекеттік консерваториясының театр факультетін тамамдаған. Мамандығы актер болғанымен, өзінің шығармашылық мұратын сатирадан тапқан. Ысқақшы республикалық газеттерде, «Ара» журналында қызмет істеген. Сатиралық жанрмен бірге, балаларға арналған өлең-жыр, ертегі, пьеса, белгілі композиторлардың әндеріне мәтін жазумен, аудармамен де айналысқан. 1983 жылы балаларға арналған «Қағаз қалпақ» сатиралық жинағы үшін Қазақстан Жазушылар одағының сыйлығы берілді. Тек ол ғана емес, сатириктің бұдан өзге өлеңдер жинақтары да бар. Мәселен, Ол «Жасыратын не бар?», «Сыйлық», «Ұзын сөздің қысқасы», «Өзіміз білеміз» сықақ әңгімелер мен өлеңдер жинақтарын жариялап, «Чемпион Қожанасыр», «Бөтен адам», «Милау сиыр» комедияларын жазған.

1. Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010ж
2. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма
3. О.Әубәкіров «Қағаз қалпақ» Өлеңдер, тақпақтар, сықақтар, ертегілер, жаңылтпаштар, жұмбақтар. Алматы, «Жалын», 1983;
4. О. Әубәкіров «Көктайғақ» Сықақ өлеңдер. Алматы., «Жазушы», 1969;
5. О. Әубәкіров «Сиқыр» Сықақ әңгімелер. Алматы., «Жазушы». 1971;