Асфальтобетон қондырғылары

Мерзімді әсерлі Д – 152Б асфальтбетон қондырғысы. Оны алмастырған жартылай мұнаралы типті, өнімділігі 25....30 т\сағ Д – 325 және мұнаралы типті, өнімділігі 8...10 т\сағ Д – 225Б асфальтбетон қондырғылары айтарлықтай көп тараған . Жаңалардан үздіксіз әсерлі, жылжымалы, өнімділігі 3....4 т\сағ Д – 288 және партер типті, өнімділігі 50 т\сағ Д – 333 асфальтбетон қондырғыларын атауға болады. Кептіру агрегаты қарсы ағынды, ықтиярсыз араластыратын, материалдарды кептіргенге дейін тұрпайы мөлшерлейтін Д – 152Б қондырғысының технологиялық сұлбасы Д – 325 қондырғысында. Д – 152Б – ға қарағанда төмендегідей өзгерістер енгізілген: жазық дірілді жіктегіштің орнына еңгіш цилиндрлі дірілдеткіш қойылған, қуат шығынын кеміту үшін барлық түйіндерде сырғанау мойынтіректері домалау мойынтіректеріне ауыстырылған, машинаның агрегаттары меншікті электржетектермен жабдықтылған. Қиыстырылған типті жартылай стационарлы Д – 152Б және Д – 325 асфальтбетон қондырғыларының технологиялық сұлбасы біркелкі.
Ыссы шөмішті элеватор кептіру агрегатынан түсетін қызған және кептірілген минералды материалды жіктегішке береді. Жіктегіш кептірілген және қыздырылған материалды үш фракцияға сұрыптауға арналған. Д – 325 машинасында цилиндрлі жіктегіш, ал Д – 152 – де жаздық дірілді жіктегіш орнатылған.
Шанап жіктегіштен төмен орналасадыда, төрт секциядан тұрады: біреуі – құм үшін, екеуі – әртүрлі бөлікшелі қиыршық тас үшін, ал төртіншісі – минералды ұнтаққа арналады. Қиыршықтас бөлікшесінің төменгі жағы тозудан құрышты қаңылтырмен қорғалады. Шанаптың сырты жылу шығынан кеміту үшін жылуоқшаулағышпен қапталған. Шанаптың әр бөлікшелерінің астында араластырғышқа тиеу алдында материалды өлшеу шанабына түсірерден иінтіректер арқылы ашылатын қақпақтар орналасқан.
Дәлмөлшерлегіш құрылғылар. Дәлмөлшерлегіштер бетонды немесе ерітінді қоспа құрам материалдарын өлшеуге арналады. Материалдарды көлемді, тазалығы және көлемді – таразылы амалдармен дәл мөлшерлейді.
Көлемді дәлмөлшерлеудің дәлме – дәлдігі төмен және еңбексыйымдылығы үлкен болғандықтан тек кіші араластырғыш құрылғыларда, бетон қоспасына қатаң талап қойылмаған жағдайда қолданылады. Көлемді дәлмөлшерлеудің цикл ұзақтығы 2,5 минутқа тең. Материалдарды таразылы дәлмөлшерлеу көлемді мөлшерлеуден дәлірек және жедел болғандықтан прогрессивті деп саналады.
Көлемді – таразылы тәсілде цементті таразылап, ал су мен минералды материалдарды периодты таразылап, көлемі бойынша алады. Суды көлемді мөлшерлеу қажетті дәлдікті бере алады, сондықтан ол суөлшегіш шанмен жабдықталған қондырғыларда жиі қолданылады. Аралыстырғыштарда циклді немесе үздіксіз әсерлі дәлмөлшерлеегіштерді пайдаланады.
Дәлмөлшерлегіштерді қолмен, жартылай автоматты және автоматты тәсілдермен басқарады. Қолмен бақарылатын дәлмөлшерлегіштерде материалды тиегенде немесе түсіргенде бекітпені қолмен ашады. Автоматты дәлмөлшерлегіштерде барлық бекітпелер қашықтан автоматты басқарылады.