Қазіргі заманғы маталардың сипаттамалары

1. Кіріспе
2. Негізгі бөлім
2.1. Кез.келген киімдік материалға ұсынылған жалпы талап
2.2. Тұрмыстық қолданыстағы маталар және беймата төсемелері кластары
2.3. Қазіргі заманғы маталардың сипаттамалары
2.4. Киім фурнитурасы.
3. Қорытынды

Киімге материал таңдау кезінде суретші - модельер ең алдымен таңдаған киім силуэтін қамтамасыз етуге мүмкіндік беретін, материал қасиеттері мен сәнді түстік гаммаларын басшылыққа алады. Материал таңдау кезінде тек қана олардың жеке қасиеттерінің сипаттамасын нұсқау етіп қана қоймай, сондай - ақ, кешенді бағаны қолдануға тиіс, ол эксплуатацияда материалдың бағытын нақты анықтауға мүмкіндік береді, сондықтан да модельдеу, құрастыру, киімді тігу технологиясын дайындау кезінде оның барлық ерекшеліктері ескеріледі.
Кез-келген киімдік материалға ұсынылған жалпы талап – бұл кию үдерісінде кімнің пішінінің жақсы сақталуы. Осы талапты қанағаттандыру үшін материалдың толық қасиеттер қатарын сипаттау қажет. Олардың негізгісі – бір реттік және бірнеше реттік созу кезінде қалдық деформациясының бар болуы, материалдың мыжылуы және мыжылмауы, жазықтықта қалай бүгілсе, солай қажалу мен тозуға қарсыласуы. Мата ассортименті шикізат құрамы, әрлеу түрі және құрылымы бойынша әр түрлі болады.
Тұрмыстық қолданыстаға маталар және беймата төсемелері келесі кластардан тұрады: мақта маталар, зығыр маталар, жүн маталар, жібек маталар. Тұрмыста қолданылатын маталардың жалпы сипаттамалар, қолданылуы, негізгі түрлері келесі стандарттарда келтірілген: МЕМСТ 21790 – 93, МЕМСТ 29298- 92, МЕМСТ 17504 – 80, МЕМСТ 9009 – 93, МЕМСТ 10138 – 93 т.б. Маталардыңассортименттерін түрлі белгілері бойынша топтар мен топшаларға бөлінелі. Мысалы, жазғы топша жазғы киімдерді дайындауға арналған көйлек маталарының ассортиментін ортақтастырады. Бұл маталар қалың емес, жіңішке, салмағы аз, жақсы ауа және буөткізгіш болады, яғни жаздық киімге сай барлық қасиеттермен сипатталады.
Қазіргі заманғы маталардың сипаттамалары. Күнделікті киімдер көрсетілімдерінде жылы, тоқылған және трикотажды материалдардан басқа, шифон, жібек, атлас маталарынан тігілген көйлектерді көруге болады. Киім ассортименті қандай үлкен болса, олар тігілетін материалдар да сошалық әр алуан. Киім алуға барғанда оның сән үлгісіне айрықша мән бергенімізбен, матасына көңіл бөле бермейміз. Қазіргі заманғы көйлектік маталар топшасына ангора, атлас, барқыт, шифон, креп - сатин, джерси, дюшес, букле, зефир, кашемир және басқа да маталар жатады.
Шифон(французша chiffon – шүберек) – вуальды еске салатын өте жеңіл, мөлдір және әуелі жеңіл жібек мата. Шифон – жібектен тоқылған ең жеңіл, жұқа мата, бірақ өте әлсіз. Жақсы жағы: Шифон әрі жұқа әрі берік материал. Кеудешелер мен көйлектерді шифоннан тіккен дұрыс.