Вирустардың организмге енуі,таралуы,орналасуы.Инфеция түрлері және оларға сипаттама. Иммунитеттің механизмдері

1. Вирустардың организмге енуі,таралуы,орналасуы
2. Инфеция түрлері және оларға сипаттама
3. Иммунитеттің механизмдері.
4. Иммунитеттің гуморальдық,клеткалық ,жалпы физиологиялық факторлары(температура,гормондар,ингибиторлар,интерферондар)
Қорытынды
Қолданылған әдебиеттер

Вирус (лат. vīrus - «у») – тірі организмдердің ішіндегі жасушасыз тіршілік иесі. Олар рибонуклеин қышқылынан немесе дезоксирибонуклеин қышқылынан құралған нуклеопротеидтерден, сондай-ақ ферментті нәруызбен қапталған қабықшадан –кабсидтерден тұрады. Бұл қабықша вирустың құрамындағы нуклеин қышқылдарын сыртқы ортаның қолайсыз жағдайларынан корғайды. Кейбір вирустардың құрамында нуклеин қышқылдарынан басқа көмірсулар, май текті заттар, биотин (Н витамині) және мыс молекулалары кездеседі. Вирустар тек тірі жасушада өніп-өсіп көбеюге бейімделген. Электрондық микроскоппен 300 мың есе үлкейтіп қарағанда, оның пішіні таяқша тәрізді, жіп тәрізді немесе іші қуыс цилиндр пішінді болатыны дәлелденді.
Вирустар тек клетка ішінде ғана тіршілік ететіндігіне орай олардың клеткаға тигізетін зардабының да өзінше ерекшеліктері бар.Вирустық аурулардың пайда болуы және дамуы үшін вирустар ағзаларға еніп көбейе алатын сезімтал клеткаларға жетуі қажет.

Вирустың организмге ену жолдары әр түрлі:
• Алиментарлық(жем,шөп,су арқылы) жол,оған мысал:аусыл ауруы,ірі қара асқазан ішек аурулары т.б.
• Тыныс жолы арқылы ену(мысалы:ірі қараның парагрип ауруы,шошқа обасы т.б);
• Трансмиссивтік жол-вирусты қоңыздар,маса ,шіркейлер,кенелер таратады;
• Вирустар тері арқылы таралады(жарақаттанған және жарақаттанбаған тері),олар құс ,қой және ешкі шешегі т.б;
• Жыныс мүшелері арқылы таралады;
• Лас аспаптардан малдәрігерлік көмек көрсету кезінде таралады;

Вирустың таралу жолдары:
Синтезделген жаңа вириондар организмге келесі жолдармен таралады:
1. Шектелген таралу –вирус бір жасушадан басқа жасушаға беріледі. Бірақ, бұл кезде ішінде вирус бар фагоциттер арқылы вириондар лимфалық түйіндерге түседі, сондықтан «шектеліп таралу» түсінігі салыстырмалы термин;
2. Виремия – вирустың қан ағымымен ең маңызды таралу жолы. Бұл кезде вирус қан плазмасында еркін айналымға түседі – плазматикалық виремия деп атайды, немесе вирус қанның түйіршік (форменные) элементерімен бірлесіп айналымға түседі – жасушалық – ассоциацияланған виремия. Плазматикалық виремия екі фазада атқарыла алады: біріншілік – бұл кезде вирус енген жерден бастап таралады, және екіншілік – бір қатар ағзалар мен тіндерге вирустың ауқымды зақымдаушы әсерінің нәтижесінде болады.

1. Жалпы вирусология. Ш. Мырзабекова. // Алматы. – 1994. – 176 бет.
2. Жалпы және жеке вирусология. А.Ә.Стамқұлова, К.Құдайбергенұлы, Б.А.Рамазанова.// Алматы. – 2010. – 380 б.
3. Лурия С. Общая вирусология. М. – 1981. – 680с.
4. Л.Б.Борисов. Медицинская микробиология, вирусология, иммунология. //Москва. – МИА. – 2005. – 736с.