Өзін-өзі тану пәні

«Отбасында, мектепте, қоғамдық орындарда үлкендер мен бала арасындағы сыйластық, махаббат пен мейірімділік, шапағат шуағы мен ізгілік нұрына бөленуі тиіс. Өйткені біз баланы адал еңбек етіп, елін, халқын сүюге тәрбиелеп отырмыз. Сондықтан ұл-қызымызға көзбе-көз айтқан сөзіміз, берген тәрбиеміз жүректен жүрекке жетсе, қандай ғанибет!»
С.А.Назарбаева

Тәуелсіз Қазақстан үшін жалпы адамзаттық мәселе, рухани бай тұлғаны қалыптастыру мәселесі өзекті сипатқа ие болып отыр. Жас ұрпақтың бойына адамгершілік-рухани қайнарын сіңіріп, мінез-құлқын тәрбиелеу үшін, жалпы адамзаттық құндылықтарды, адамгершілік ұстанымдарды, әділдік пен өзара көмекті ғұмыр бойы мұрат тұтуға бет бұруы қажет. «Өзін-өзі тану» пәні өзіндік орны бар, өзге пәнмен ауыстырылмайтын, керісінше олардың мазмұнындағы адамгершілік тәрбие берудегі кемшілік тұстарын толықтыратын пән екенін дәлелдеді.
Еліміздің үздіксіз білім беру жүйесіндегі «Өзін - өзі тану» рухани – адамгершілік білім беру алдында мынандай жалпы мақсаттар қояды:
• өзінің өмірлік айқындамасын анықтау;
• түрлі мәселелерді адамгершілік қағидаға сәйкес сындарлы түрде шешу;
• өзіне, адамдарға және қоршаған әлемге ізгілік қарым – қатынас жасау;
• адамдарға көмек көрсету, туыстарына және жақындарына мейірімді, қамқор болу;
• өзімен - өзі үндестікте өмір сүру, ойы, сөзі және іс - әрекеттерінде шынайы болу;
• жасампаздықпен белсенділік, азаматтылық және елжандылық таныту;
• өз ойын, сөзі мен ісін адамгершілік тұрғысынан тануға дайын болу және оған жауапты болу;
• қоғамға қызмет ету дағдыларын іс жүзінде дамыту.