Статикалық әсерлі тығыздағыштар

Торлы тығыздағыштар жуық арада пайда болды. Олар қыста орындалатын жұмыстарда, сонымен қатар кесектеу балшықты топырақтарды тығыздауда өзін әсерлі жабдық ретінде көрсетті. Тығыздағыш тіркемелі болып жасалады. Құрылымы жөнінен олар тегіс беткейлі немесе жұдырықшалы тығыздағыштарға ұқсайды, айырмашылығы – оның айналмасоққыштары тордан жасалған. Соңғысы төмен қоспалы болат шыбықтарынан пісірілген. Тор құйылып та жасалады. Мұндай жағда йда айналмасоққыш жекеленген буындардан жинақталады. Тордың шаршы тесіктерінің қабырғасының ұзындығы 150 немесе 200 мм.
Батпан, әдетте, тығыздағыштың қаңқасында орналасады, ол бетонды куб түрінде орындалады. Тығыздағыштың батпанмен қоса жалпы салмағы 25...30 т. Тығыздағыш топырақты қалыңдығы 40 см-ге дейін жекеленген қабаттармен тығыздайды.
Секторлы тығыздағыштың айналмасоққыштарының ойығы болады да, оның шеңбері ойықпен кезектесіп отырады. Айналмасоққышты жеке буындардан, ойықтарын шахмат тәртібімен орналастырып жинақтайды. Тығыздағыштың жанасу беткейі үлкен. Сондықтан жалпы салмағына сәйкес жоғары қалыңдықты өңдейді. Мұндай тығыздағыштар өздігінен жүретін болып та жасалады.
Торлы тығыздағыш – әмбебап топырақтығыздағыш машина.
Тығздағыштың жұмысшы беті диаметрі 35...40 мм арматуралы болаттан жасалады да, көздері 100х100 мм2 тор тәрізді болады. Пайдалану барысында мұндай тығыздағыштардың әр түрлі топырақтарды, сонымен қатар қиыршықтастарды, өлшемі 40...50 см қойтастар араласқан материалдарды да жақсы тығыздайтыны байқалады. Торлы тығыздағыштар қыс жағдайында арасында өлшемдері 60 см дейін тоң кесектері бар топырақтарды тығыздауға кең қолданылған.
Салмағы бірдей пневмошиналы тығыздағышпен салыстырғанда торлы тығыздағыштың өнімділігі 20...30 % жоғары.
Тығыздағыштың маневрлігін арттыру үшін екі айналмасоққыш қойылған. Әр айналмасоққышта қалыңдығы 4...5 мм табақты болаттан пісірілген конус бар. Конустың ішіне қабырғасының қалыңдығы 8 мм, диаметрі 146 мм құбыр пісірілген.
Құбыр мен конусқа қалыңдығы 12 см табақты болаттан жасалған қатайту қыры пісірілген. Конустың ішіне арматура да пісірілген, конус бетондалады да, оған жекеленген құйма сектордан жинақталған тор пісіріледі. Тор түйіндеріне биіктігі 40 мм қиылған конус тәрізді жұдырықшалар қойылған. Тордың секторымен бірге құйылған жұдырықшы тығыздағыштың топырақтағы ірі қосындыларды уату жұмысының екпінділігін арттыру және тор түйіндерін артық тозудан сақтауға арналады. Конус пен тор айналмасоққыштың негізі ретінде қатаң құрылым құрайды. Айналмасоққыш диаметрі 130 мм білікке сүйенеді, ол төлкемен конустың құбырына бекітілген және пісірілген. Білік арнаулы ұяда орналасқан аунақшалы сфералы мойынтіректе орналасқан. Ұялар қаңқаға қойылып, әрқайсысы бойлық бұрандамен бекітілген.