Сымсыз байланыс технологиясы - дәрістер конспектісі

Пән: Автоматтандыру, Техника
Жұмыс түрі: Материал
Тегін: Антиплагиат
Көлемі: 38 бет
Таңдаулыға:

Қазақстан Республикасының Министерство

Білім және ғылым образования и науки

министрлігі Республики Казахстан

Д. Серікбаев атындағы ВКГТУ

ШҚМТУ им. Д. Серикбаева

БЕКІТЕМІН

АТжЭФ деканы

Г. Х. Мухамедиев

2012ж.

СЫМСЫЗ БАЙЛАНЫС ТЕХНОЛОГИЯСЫ

Дәрістер конспектісі

ТЕХНОЛОГИЯ БЕСПРОВОДНОЙ СВЯЗИ

Конспект лекции

Мамандық: 5В071900 «Радиотехника, электроника және телекоммуникациялар»

Өскемен

Усть-Каменогорск

2012

5В071900 «Радиотехника, электроника және телекоммуникациялар» мамандығына арналған дәріс конспектісі. Мемлекеттік жалпыға міндетті білім беру стандарты және оқу планы негізінде аспап жасау және технолгоиялық процесстерді автоматтандыру кафедрасында жасалған. Білім жоғарғы профиссионалды. Бакалавриат (ГОСО РК 03. 08. 091-2006), Астана.

Кафедра отырысында талқыланды (атауы)

Кафедра меңгерушісі А. Е. Бакланов

№ хаттама ж.

Факультеттің оқу-әдістемелік кеңесімен мақұлданды АТжЭФ

Төраға Н. Г. Огаркова

№ хаттама ж.

Дайындады

Аға оқутышысы А. Ж. Алимханова

Норма бақылаушы Т. В. Тютюнькова

МАЗМҰНЫ

Кіріспе

Кіріспе:

Дәріс 1. Сымсыз байланыс классификациясы. Транкингтік, ұялы және сымсыз байланыстың басқада түрлеріне тоқталу

Дәріс 2. Сымсыз абоненттік қолжеткізім желі түрлері. Көпарналы/ көпстанциялы қатынау/қолжеткізім тәсілдері және басқада сұрақтарға тоқталу

Дәріс 3. Оптикалық сымсыз байланыс. Оның түрлері және радиобайланыспен салыстыру

Дәріс 4. Сымсыз байланыстың ұялы желілері. Базалық станция жүйелердің техникалық концепция құрылулары

Дәріс 5. Сигналдарды алшақтату әдістері

Дәріс 6. Кеңейтілген спектрлі жүйелер және оның концепциясы

Дәріс7. Сымсыз локальді жергілікті желілер. Кең жолақты қолжеткізімнің стандарттары мен түрлері. Локальді желіге қосылу

Кіріспе: Әдебиеттер тізімі

4: 37

КІРІСПЕ

Соңғы жылдары телекоммуникациялық радиожүйелердің дамуы көшкін түрінде болып отыр. Әсіресе бұл жылжымалы жүйелерге қатысты. Қазір кең таралым алған әлемде арналарды уақыттық, жиіліктік және кодалық бөлудегі мобильді/жылжымалы жүйелер жұмысқа пайдалануда (ұялы байланыстың AMPS, GSM, CDMA, транкингтік EDACS, MPT1327 және т. б. стандарттар) . Сонымен қатар, жылжымалы телекоммуникациялық радиожүйелер қызметінің пайдаланушыларының саны да әрдайым өсіп жатыр. Мұндай аса қарқынмен даму пайдаланушы терминалдарының және қызмет ету тарифтері бағасының күрт төсуімен байланысты.

Сонымен қазіргі таңда тым жылдам дамып отырған сымсыз байланыс жүйелері келесі белгілері бойынша классификацияланады:

1) даму ұрпағы бойынша: бірінші ұрпақтық - аналогтық; екінші ұрпақтық - сандық; үшінші ұрпақты - әмбебап; төртінші ұрпақты - кеңжолақты мультимедиалық.

2) тағайындауы бойынша: ұялы; пикоұялы (сымсыз телефондық) ; транкингтік; спутниктік; оптикалық (сымсыз) ; пейджингтік.

3) көпстанциялық рұқсат ету әдістері бойынша: арналарды жиіліктік бөлу арқылы FDMA; арналарды уақыттық бөлу арқылы TDMA; арналарды кодтық бөлу арқылы CDMA; қиыстырылғандар.

4) байланыс арнасын ұйымдастыру әдісі бойынша: симплекстік; дуплекстік; жартылай дуплекстік.

Телекоммуникация саласының және басқа да байланыс түрлеріндегідей сымсыз байланыс саласында әлі де болса күрмеуі шешілмеген мәселелер бар. Мысалы, көптеген сымсыз жүйелері бір-бірімен сәйкес келмейді және пайдаланушы әртүрлі жағдайда әртүрлі терминалдарды қолдануға міндетті (ұялы, пикоұялы DECT, транкингтік, спутниктік, пейджерлер ж/е т. б. ) . Сонымен қатар глобалдық роумингті қамтамасыз ете алмайтын әртүрлі мемлекеттерде әртүрлі сымсыз радиобайланыс стандарттары қолданылады.

1 CЫМСЫЗ БАЙЛАНЫС КЛАССИФИКАЦИЯСЫ. ТРАНКИНГТІК, ҰЯЛЫ ЖӘНЕ СЫМСЫЗ БАЙЛАНЫСТЫҢ БАСҚАДА ТҮРЛЕРІНЕ ТОҚТАЛУ

Қарастырылатын негізгі сұрақтар:

Сымсыз байланыс технологиялары, салыстыру, ерекшеліктері.
Транкингтік және ұялы байланыс туралы ақпарат.
Оптикалық сымсыз технология ерекшеліктері негіздері.
Сымсыз технологиялы локальді желі туралы ақпарат.

Негізгі дереккөздер тізімі:

1 Карташевский В. Г. и др. Сети подвижной связи/ Карташевский В. Г., Семенов С. Н., Фирстова Т. В. - М:Экотрендз, 2001

2 Ратынский М. В. Основы сотовой связи/ Под ред. Д. Е. Зимина. - 2-е изд., перераб и доп. - М: Радио и связь, 2000

3 Гринфилд Дэвид. Оптические сети. The Essential Guide to Optical Networks. - М: БХВ - Петербург, 2002

4 Телекоммуникационные системы и сети: Учебное пособие. Том 2. - Радиосвязь, радиовещание, телевидение/ Катунин Г. П., Мамчев Г. В., Попантонопуло В. Н., Шувалов В. П. ; под ред. Шувалова В. П. - Изд. 2-е, испр. И доп. - М:Горячая линия - Телеком, 2005.

5 Қазақстанның, ТМД-ғы елдері телекоммуникациялық компаниялар мен басты жабдық өндіруші фирма өкілдіктерінің сайттары

Қосымша дереккөздер тізімі

1 Печаткин А. В. Системы мобильной связи (1часть) . - Р. : РГАТА им. П. А. Соловьева, 2007.

2 C. В. Коньшин. З. З. Закижан. Сымсыз байланыс технологиялары. 050719 Радиотехника, электроника және телекоммуникациялар мамандығының студенттеріне арналған лекциялар конспекті. - Алматы: АэжБИ, 2006. - 39 б.

Жоғарыда көрсетілген мәселелерді шешу мақсатында, яғни барлық технологияларды бір терминалда сыйыстыру (сәйкестендіру) мақсатында 1998-1999 жылы жасалынған жаңа әмбебап мобильді/жылжымалы телекоммуникациялық жүйелер стандарты (UMTS) пайда болып, кешікпей қолданыла бастады.

UMTS (Universal Mobile Telecommunications System) концепциясы қазіргі кезде 3-ші дәуірлі/ұрпақты жылжымалы телекоммуникациялық радиожүйесінің пайда болу шегінде іске асады. Бір диапазоннан/ауқымнан екінші диапазонға/ауқымға өту, стандарттан стандартқа өту немесе серікті/спутникті арнадан ұялы арнаға өту мүмкіншілігі абонентке өзіне ыңғайлы келетін қызмет түрін таңдауға мүмкіншілік береді. Сондықтан UMTS терминалдар бірнеше стандарттарда жұмыс істейтін, көпрежимді болып келеді.

GSM сияқты UMTS-ке және басқа да сымсыз байланыс жүйелеріне қосылу мүмкіншілігі бар көпрежимді абоненттік аппараттар UMTS абонентттеріне UMTS қызметтерге қосылу мүмкіншілігі болмаған жерлерде GSM стандартты ұялы байланысқа қосылу мүмкіншілігін сақтайды.

Сымсыз байланыс түрлеріне кішкене тоқтала кететін болсақ, оның әрбір түрі өзінің ерекшеліктерімен ескеріледі. Төменде солардың басты-бастыларына ақпарат берілген.

Транкинг - бұл көптеген абоненттердің шектелген арналар санына еркін қосылу мүмкіншілігінің тәсілі. Қандай-да бір уақытта барлық абоненттер белсенді болмағандықтан, керекті арналар саны жалпы абоненттер санынан анағұрлым аз. Мысалы, арналар саны 5 болғанда(4 сөйлеу арнасы және 1 басқару арнасы), транкингтік жүйе 300 абоненттке қызмет ете алады.

Ұялы жүйелермен салыстырғанда транкингтік радиожүйелерінің артықшылықтарына мыналарды жатқызуға болады: шақырулардың икемді жүйесі- индивидуалды, топтық, аварийді және басқалар; нөмірлеудің икемді жүйесі- екімәнділерден бастап толық дыбыс нөмірлеріне дейін; байланысты орнатудың аз уақыты- ұялы жүйелердегі бірнеше секундына қарсы секундтың бір бөлігі; экономдау - құрылғылар және оларды пайдалану шығыны бойынша ұялы жүйелерге қарағанда транкингтік радиожүйелер бірнеше есе үнемді.

Транкингтік жүйелердің тағы бір ерекше айырмашылығы бұл- бір-бірімен ортақ басқару шина көмегімен байланысқан, бірнеше ретрансляторлардан тұратын ретрансляторлық пункттің ортақ жиіліктік ресурсына қосылу мүмкіншілігін ұйымдастыруы арқылы жиілік жолағын эффективті/тиімді түрде пайдалану мүмкіншілігі болып табылады. Транкингтік жүйесінің икемді архитектурасы/сәулеті жеке, әрі бірнеше абоненттердің немесе барлық абоненттердің шақыруларын өткізуге мүмкіншілік береді. Бірақ бірінші дәуірлі кәсіпқой транкингтік жүйесінің желілері жоғары конфиденциалдылыққа жауап бере алмады және абоненттік құрылғылардың идентификациясын, абоненттердің аутентификациясын қамтамасыз ете алмады. Бұл тапсырмалар бір-біріне сәйкес келмейтін аналогты стандарттардың үлкен санының орнын баса алатын, екінші дәуірлі (АРСО, TETRA) кәсіпқой байланыстың цифрлық жүйелерінде шешілген. TETRA-ға байланыс протоколдары/хаттамалары ерекше болатын және түрлі жиілік диапазондарда/ауқымдарында жүйені минималды шығынмен іске асыра алатын универсалды техникалық шешімдер кіргізілген. Сонымен бірге, TETRA техникалық мүмкіншіліктерді көбейту саласының мүмкіншіліктерін қамтамасыз етеді.

Абоненттер арасында байланыс ретрансляторлар арналарын автоматты түрде орналастыруды іске асыратын жылжымалы жер радиобайланыстың радиалды- аумақтық жүйелердің принципі SmarTrunk, MPT 1327- тан бастап жаңа TETRA-ға дейін барлық транкингтік жүйелерді біріктіреді.

TETRA - бұл цифрлық радиобайланыстың еуропалық стандарты болып табылады. Бұл стандарт қоғамдық қауіпсіздік, көлік және коммуналдық қызмет саласындағы қолданушыларға негізделген. Уақыт арқылы бөлетін көпшілік қосылу мүмкіншілігі бар технологиясын қолданатын TETRA стандарты көбінесе адамдар саны үлкен болатын қалалық жерлер байланысында қолданылуы керек (мысалы, Еуропаның солтүстік-батыс елдерінде) . Ол тек шектеулі деңгейлі қуаттарды және жиіліктердің тар диапазонын қолданып, транкингтік байланыс режимінде ғана жұмыс істеуді қалайды.

Бірінші дәуірлі (Inmarsat-A стандартты) сымсыз серіктік/спутникті байланыстың жер станциялары негізінен үлкен орталық станциялары бар, радиалды-түйінді/торабты корпаративті желілерде істеу үшін арналған. Мобильді серіктік байланыста революциялық түрлендірулер өткен ғасырдың 90-шы жылдарда болды. Олар келесі үш фактормен шартталған: космостық программалардың коммерциализациясымен; төмен және орташа орбиталарды қолданумен; цифрлық сигналдық процессорлардың қолдануы арқылы цифрлық байланысқа өтумен.

Нәтижесінде төменгі орбиталарда (Iridium, Globalstar), орташа биік (ICO) орбиталарда серіктік байланыстың глобальды жүйелерінің бірнеше жобалары іске асырылды, мысал ретінде екі регионалды/аумақтық жүйелер (AceS и Thuraya) келтіруге болады.

Жеке радиобайланыстың жүйелері (пейджингтік жүйелер) қазіргі кезде негізінен екі негізгі стандартта жұмыс істейді: POCSAG және FLEX. Қазақстан және ТМД елдерінің пейджингтік компаниялардың көбісі мәліметтерді тарату жылдамдығы 512 немесе 1200 бит/сек тең POCSAG стандартын пайдаланады. Бұл компанияларының пайдаланатын жиілік диапазоны - 138-174 MГц, бірақ 435-480 MHz жиілік диапазонында жұмыс істейтіндері де бар. Алыс шетел ел мемлекеттерінде 929-932 MHz диапазоны кең таралған. Пейджингтік жүйелерің үлкен артықшылығы - спектрді экономды түрде қолдану - бір жиілікте 10 мың абоненттерге қызмет етіледі. Бірақ цифрлық ұялы жүйелерді жобалау мен құрудағы кететін шығындардың төмендеуі (арзандауы) мен дамуына байланысты қазіргі кезде пейджингтік жүйелерге деген сұранысты төмендетіп жатыр.

Бақылау сұрақтары:

1. Сымсыз байланыс түрлерінің қандай түрлерін білесіз?

2. Жылжымалы байланыстың басқа байланысқа қарағандағы артықшылықтары.

3. Жылжымалы байланыс түрінің классын атаңыз.

4. Транкинг термині нені білдіреді?

5. Транкингтік байланыстың қандай түрлері туралы естідіңіз?

6. Ұялы байланыстың басты артықшылығы.

7. Оптикалық сымсыз байланыс туралы не білесіз?

2 СЫМСЫЗ АБОНЕНТІК ҚОЛЖЕТКІЗІМ ЖЕЛІ ТҮРЛЕРІ

Қарастырылатын негізгі сұрақтар:

1. Абоненттік қолжеткізім. Негізгі түсінік. Түрлерін салыстыру.

2. Қазіргі таңдағы және болшақтағы абоненттік қолжеткізім.

3. Көпарналық қолжеткізім. Оны ұйымдастыру әдістері№ Арнаны уақыт және жиілік бойынша ұйымдастыру.

4. Арнаны кодалау бойынша ұйымдастыру.

5. Кең жолақты сигналдар және оларды қолдану.

Негізгі дереккөздер тізімі

1 Карташевский В. Г. и др. Сети подвижной связи/ Карташевский В. Г., Семенов С. Н., Фирстова Т. В. - М:Экотрендз, 2001

2 Ратынский М. В. Основы сотовой связи/ Под ред. Д. Е. Зимина. - 2-е изд., перераб и доп. - М: Радио и связь, 2000

3 Телекоммуникационные системы и сети: Учебное пособие. Том 2. - Радиосвязь, радиовещание, телевидение/ Катунин Г. П., Мамчев Г. В., Попантонопуло В. Н., Шувалов В. П. ; под ред. Шувалова В. П. - Изд. 2-е, испр. И доп. - М:Горячая линия - Телеком, 2005.

4Қазақстанның, ТМД-ғы елдері телекоммуникациялық компаниялар мен басты жабдық өндіруші фирма өкілдіктерінің сайттары

Қосымша дереккөздер тізімі

1 Денисьева О. М., Мирошников Д. Г. Средства связи на «последней мили». -М. : Эко-Трендз, 1999., 136 стр.

3 Интернет ресурсы.

Абоненттік қолжеткізімде (жалпы қолданыстағы желіде) радиостандарттар дамыған мемлекеттерде бұрыннан кең қолданыста. Оның өзіне ғана тән көптеген ерекшеліктері бар. Әсіресе, кабельдік инфраструктура жоқ жерде тез арада байланысты аз шығындармен орналастыруда таптырмайтын жол. Біздің елімізде қазіргі кезде ауылдық жерлерді телефондандыруда CDMA стандартты радиобайланыс түрі кең қолдануда.

Көпстанцалы қатынау тәсілдерінің негізгі үшеуін қарастырайық: FDMA, TDMA, CDMA.

FDMA - жиіліктік бөлінуімен көпшілік қатынау. Барлық рұқсат етілген ауқымнан абонентке өз жиілік жолағы беріледі, бұл жолақты ол уақытының 100% -да қолдана алады. Сөйтіп уақыттық фактор емес, тек жиіліктегі айырмашылық абоненттерді бөлуге (дифференциалдауға) қолданылады. Бұндай жолдың артықшылығы бар: барлық ақпарат «нақ осы уақытта» беріледі және абонент өзіне бірілген сегменттің өткізу жолағын толығымен пайдалануға мүмкіндік алады. Сегмент жолағының ені пайдаланып отырған байланыс желісіне байланысты өзгеріп отырады.

TDMA - уақыттық бөлінуімен көпшілік қатынау. TDMA стандарты қазіргі цифрлық сымсыз байланыс жүйелерінде жиі қолданылуда. Жиіліктік бөліну жүйелеріне қарағанда, TDMA жүйесінің барлық абоненттері бір жиілік ауқымында жұмыс істейді, бірақ әрқайсысы қатынаудың уақыттық шектеулеріне ие. Әрбір абонентке уақыттық аралық беріледі (кадр), осы аралықта оған «таралу» рұқсат етілген. Бір абонент таралуын аяқтаған соң, рұқсат екінші абонентке беріледі, содан үшіншіге т. с. с. барлық абонентке қызмет көрсетілген соң, процесс қайтадан басталады. Абоненттің көзқарасы бойынша оның белсенділігі «пульстаушы» сипатта болады. Абоненттер саны көп болған сайын, олардың әрқайсысына өз мәліметтерін беру мүмкіндігі аз болады, сөйтіп әрқайсысы аз мәлімет жібереді. Егер абоненттің мүмкіншілігін белгілі шамамен шектесек, онда осындай тәсілмен бөлінген ортаның пайдаланушылар санын бағалауға болады. Уақыттық бөліну жиіліктік бөлінумен жүреді, сондықтан таралу берілген жиілік ауқымында жүреді.

Радиобайланыс ресурстарының шектеулігіне байланысты, радиоресурстарды бөлу тәсілі-радиоресурстарды максимал мүмкін болатын бөліктерге бөлуді қамтамасыз ету керек. GSM стандартымен таңдап алынған тәсіл, уақыттық және жиіліктік бөліну тәсілдерінің комбинациясын көрсетеді (Time-Division Multiple Access Frequency-Division Multiple Access) . FDMA жартысы өзіне жиілік жолағы бойынша бөлінуді иеленген, оның ені 25 MГц -қа дейін, өзара 200kHz жолақтармен бөлінген 124 тасымал жолағында. Біреу немесе бірнеше тасымал жиіліктер әр базалық станцияға жазылған. Әрбір осы тасымал жиілікке TDMA сұлбасы бойынша уақыттық бөлу механизмі қолданылады. TDMA сұлбасында негізгі уақыттық бірлік болып - десте периоды (burst period ) табылады. Десте периоды - 15/26 ms тең уақыт аралығы ( ол жуық мөлшермен 0, 577 ms) . Сегіз осындай уақыт аралықтары TDMA-да фреймге (frame-120/26 ms немесе 4. 615 ms) топтасады, ол логикалық арналарды анықтаудын негізгі бірлігі болып табылады. Физикалық арна болып фрейм TDMA-да десте (burst period ) болып табылады.

Арналар нөмірлер және сәйкес дестенің орналасуына байланысты анықталады. Бұл барлық анықтамалар циклды және цикл жуық мөлшермен 3 сағатты құрайды. Арналар екі негізгі топқа бөлінген болуы мүмкін: ерекшеленген (dedicated channels) - әр мобильды станцаға динамикалық ерекшеленген және жалпы қолдануға арналған (common channels) - пассивты жағдайда мобильды станцамен қолданатын.

Трафик арнасы (traffic channel - TCH) - дауысты және мәліметтерді тарату үшін қолданылады. Трафик арнасы мультифреймнің 26 TDMA фрейммінен тұрады. Бұл мультифреймнің ұзындығы - 120 ms. Жиырма төрт фрейм - өзінің трафигі үшін қолданылады, біреуі - Жай Ассоцирленген Басқарушы Арна (SACCH - Slow Associated Control Channel) үшін, бәреуі - әлі іске қосылмаған (2nd) . Шығыс және кіріс мәліметтерінің трафик арналары уақыт бойынша преиод уақытында үщ дестеге (burst period ) бөлінеді, сондықтан, әрбір жақ қабылдауды және жіберуді бір мезгілде жүргізбеу керек, бұл кезегінде электрониканы жеңілдетеді. Осы толық жылдамдықты (full-rate) арналарға қосымша ретінде жартылай жылдамдықты (half-rate) арналар TCH бар. Жартылай жылдамдықты арналар мәліметтерді тарату кезінде жүйе жылдамдығын екі есе жоғарлатуға арналған (яғни, дауысты кодтау 7 kbps, орнына 13 kbps) . Сонымен сегіз жылдамдықты TCH спецификацияланған, бірақ олар сигналдармен ауысу үшін қолданылады. Ұсыныстарда олар Бөлек тұратын Ерекшеленген Басқарушы Арналар (SDCCH- Stand-alone Dedicated Control Channels) деп аталады.

CDMA - кодтық бөлінуімен көпшілік қатынау. Ортаның мұндай бөліну тәсілінде әрбір пайдаланушыға жеке код беру арқылы трафик арналары құрылады. Бұл код жолақтың бүкіл ені бойынша таралады. Бұндай жағдайда уақыттық бөліну деген жоқ, барлық абоненттер үнемі арнаның бүкіл енің пайдаланады. Байқап кететіні, бір арна ұйымдастыруға бөлінген жиіліктер жолағы өте кең. Абоненттер таратылуы бірінің үстіне бірі жабылады, бірақ әрқасысының кодтары ерекшеленген соң, олар оңай дифференциалданады.

CDMA стандартын қолданған жағдайда, сигнал жоғарғы бөгеттер кезінде де қабылдануы мүмкін, бірақ оның тарату сапасы сол қалпы немесе жоғарғы болады. Барлық абоненттер бірігіп бір жиілік ресурсын пайдаланады. CDMA стандартында әрбір ұяда бір сол бір жиілік жолағы пайдаланады және секторланған ұяның әрбір секторында қолданылады. Берілген жағдайда жиіліктерді қайталадан қолдану моделі N=1 деп белгіленеді. N=1 моделі CDMA стандарты үшін басқа технологияламен салыстырғанда жоғарғы өткізу мүмкіндігін (емкость) қамтамасыз етеді. Басқа абонентермен және басқа базалық станцалармен пайда болатын бөгеуілдер CDMA стандарт желісінің өткізу мүмкіндігінің жоғарғы деңгейін анықтайды. Бірлік желісін құру кезінде негізгі мақсат - ол бөегуілдердің жалпы деңгейін минимумге келтіру. CDMA стандартында бөгеуілдер деңгейін төмендетудің және желінің көлемін максимумге жеткізудін бірнеше тәсілдері бар.

Арналардың кодтық бөліну негізіндегі көпстанцалы қатынауы бар желілер (АКБНКҚ) спектры тура кеңейтілген жүйелердің дамуын және жұмыс жиілігін қайта өңдеу жолымен алынған спектрі кеңейтілген жүйелердің дамуын көрсетеді. Арналардың кодтық бөліну негізіндегі көпстанцалы қатынауы бар желілерде әрбір қолданушыға жеке, әрі басқалардан өзгеше ПСП берілген.

Егер осы ПСП өзара корреляцияланбаған болса, онда бір ұя шегінде К тәуелсіз абоненттер хабарламаларды бір уақытта тарата алады, әрі осы кезде олар бір радиожиілік жолағын алып тұрады. Қабылдауыштарда сигналдардын корреляциясы (спектрды сығу) іске асып жатады, соның нәтижесінде жіберген хабарламалардың қайта қалпына келу жүреді di(t) =1, …K. 1-ші суретте арналардың кодтық бөліну негізіндегі көпстанцалы қатынауы бар желілердегі К спектры тура кеңейтілген 10 тасымалдаушысы бар мысалында спектрдын бірігіп қолднану концепциясы көрсетілген.

Егер 10 мобильды таратқыштар ақпаратты бір уақытта тарататын болса, онда базалық станция қабылдағышының кірісінде уақыты және жиілігі бойынша 10 қиылысатын сигнал пайда болады. Мобильды станция қабылдағышы туралы да осыны айтуға болады. Егер барлық қабылданатын сигналдар қуатын Ps-ке тең және бір ғана пайдалы сигнал қалған тоғыз МДКРК қуаты бірдей сигналдармен интерференленсе, онда қабылдағыштың РЧ кірісіндегі сигнал/бөгеуіл (С/І) қатынасы 1/9 немесе (С/jT) =-9, 54 дБ-ге тең болады.

Сигнал/бөгеуіл қатынасының мұндай терістелген мәні ішкі жүйелі бөгеуілмен шартталған, ішкі жүйелі бөгеуіл кеңейтілген түзу спектрі бар 9 тасымалдаушы арқылы пайда болады және осы уақытта дәл сол жиілік жолағында орналасады. Корреляциялық өңдеу (спектрді қысу) нәтижесінде кең жолақты радиожиіліктегі тасушы/бөгеуіл (С/І) қатынасының терістелген мәні тар модульды жолақты сигнал/бөгеуіл (S/I) қатынасының оң мәніне айналады. Модульды жиілік жолағында сигнал/бөгеуіл қатынасы жоғары болу керек, себебі Ре-нің қатысты төмен мәндерінің жетістігін кепілдеу керек. Сигнал/бөгеуіл (S/I) қатынасының мәні сигнал/шу (S/N) қатынасымен салыстырғанда модульды жиілік жолағында бірнеше дБ-ге жоғары болады.

Спектрді тікелей кеңейту жүйесінде бір ұя шегінде болатын хабар таратқыш арналар (трафик арналары ) бір уақытта бір ғана радиожиілікті, яғни радиоарнаны пайдаланады. Көрші ұялар я осыны, я көрші жиілік арналарын пайдалана алады. Кейбір жылжымалы объекттер базалық станцияға жақын, ал басқалары алыс орналасады. Жақын орналасқан жылжымалы объекттен базалық станция арқылы қабылданатын күшті сигнал алыс орналасқан жылжымалы объекттен қабылданатын әлсіз сигнал ретінде болады. Жақын орналасқан жылжымалы объекттен пайда болатын маскирования немесе ішкі жолақты бөгеуілдер эффекті «жақын-алыс» бөгеуілдер деген атпен белгілі. Бұл бөгеуіл түрі МДКРК жүйесін қолдану және проектілеуде үлкен қиыншылықтар туғызады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.