ҚР саяси және әкімшілік мемлекеттік қызметшілерінің мемлекеттік қызметті: өткеруі мен тоқтатуының ерекшеліктері
Жұмыс түрі: Дипломдық жұмыс
Тегін: Антиплагиат
Көлемі: 50 бет
Таңдаулыға:
ҚР саяси және әкімшілік мемлекеттік қызметшілерінің мемлекеттік қызметті: өткеруі мен тоқтатуының ерекшеліктері атты диплом жобасына
ТҮСІНДІРМЕ ЖАЗБА
Қарастырылып отырған диплом жобасында мемлекеттік қызмет саласындағы туындаған өзекті мәселелердің шешімін іздестіруге негізделген.
Мемлекеттік қызметтің түсінігі және мақсаттары, міндеттері, Қазақстан Республикасындағы мемлекеттік қызмет институтының даму кезеңдері, шетелдегі мемлекеттік қызмет тәжірибесі дипломдық жұмыстың бірінші бөлімінде қарастырылған.
Дипломдық жұмыстың екінші бөлімінде ҚР Мемлекеттік қызметшілердің құқықтық мәртебесі мен қызмет өткеру ерекшеліктері, саяси және әкімшілік мемлекеттік қызметшілердің қызмет өткеру тәртібі, мемлекеттік қызметшілерге қойылатын шектеулер жайлы мәліметтер жүйелі түрде келтірілген.
Ал дипломдық жұмыстың үшінші бөлімінде Қазақстан Республикасындағы саяси және әкімшілік мемлекеттік қызметшілердің мемлекеттік қызметті өткеруін дамыту жолдары іздестірілген.
Жалпы, диплом жобасының тақырыбы «Қазақстан Республикасындағы саяси және әкімшілік мемлекеттік қызметшілердің мемлекеттік қызметті өткеруі мен тоқтатуының ерекшеліктері» толықтай ашылды.
Қазақстан Республикасының Білім және ғылым министрлігі
«КАЗГЮУ Университеті» АҚ
ҚР саяси және әкімшілік мемлекеттік қызметшілерінің мемлекеттік қызметті: өткеруі мен тоқтатуының ерекшеліктері
ДИПЛОМДЫҚ ЖОБАСЫ
мамандығы - «»
Астана, 2016
Қазақстан Республикасының Білім және ғылым министрлігі
«КАЗГЮУ Университеті» АҚ
«Қорғауға жіберілді»
Кафедра меңгерушісі
«__» 20__ ж.
ДИПЛОМДЫҚ ЖОБА
Тақырыбы: «ҚР саяси және әкімшілік мемлекеттік қызметшілерінің мемлекеттік қызметті: өткеруі мен тоқтатуының ерекшеліктері»
мамандығы - «»
Орындаған:
Ғылыми жетекшісі:
Астана, 2016
БЕКІТЕМІН
Кафедра меңгерушісі
«__» 20__ ж.
Диплом жобасын дайындаудың күнтізбелік жоспары
Студенттің (студенттердің)
қолы
Диплом жұмысының ғылыми жетекшісі
(Аты-жөні, лауазымы мен қолы)
Жоспарды орындауға:
қабылдадым (Аты-жөні, лауазымы мен қолы)
Мазмұны
Кіріспе7
I Мемлекеттік қызмет институтының қалыптасуы мен дамуының теориялық негіздері10
1. 1 Мемлекеттік қызметтің түсінігі және мақсаттары, міндеттері10
1. 2 Қазақстан Республикасындағы мемлекеттік қызмет институтының даму кезеңдері16
1. 3 Шетелдегі мемлекеттік қызмет тәжірибесі24
II ҚР Мемлекеттік қызметшілердің құқықтық мәртебесі мен қызмет өткеру ерекшеліктері29
2. 1 Саяси және әкімшілік мемлекеттік қызметшілердің қызмет өткеру тәртібі29
2. 2 Мемлекеттік қызметшілерге қойылатын шектеулер34
III Қазақстан Республикасындағы саяси және әкімшілік мемлекеттік қызметшілердің мемлекеттік қызметті өткеруін дамыту жолдары37
3. 1 Саяси мемлекеттік қызметшілердің қызметін жетілдіру бағыттары37
3. 2 Әкімшілік мемлекеттік қызметшілердің қызметінің тиімділігін бағалау39
Қорытынды43
Қолданылған әдебиеттер тізімі47
Қысқартулар тізбесі
ҚР - Қазақстан Республикасы
АҚШ - Америка Құрама Штаттары
т. б. -тағы басқа
КСРО - Кеңес Социалистік Республикалар Одағы
КіріспеБүгінгі күні мемлекеттік билік жүйесін орталықсыздандыру мен қоғамды демократияландырудың шеңберінде мемлекеттік басқаруды жаңарту өзекті мәселелердің бірі болып табылады.
Президенттің «100 нақты қадам» Ұлт жоспарында жемқорлықпен күресті күшейтіп, мемлекеттік қызметті жетілдіруге баса назар аударылғаны белгілі. Құжатта мемлекеттік органдарға, оның ішінде құқық қорғау органдарының барлық қызметкерлеріне қатысты мемлекеттік қызмет туралы жаңа заң қабылдау қажеттілігі көрсетілген болатын. Сол үшін Қостанай облысында арнайы жұмыс тобы құрылды. Мемлекеттік қызметшілер мен заң өкілдерінен және ғалымдардан жасақталған топ алғашқы жартыжылдықта жүздің үстінде кездесулер өткізіп, 6 мыңнан астам адаммен пікірлескен. Сөйтіп 18 беттен тұратын ұсыныс әзірлеп, тиісті орынға жолдаған. «100 нақты қадам» - мемлекеттік қызметкерге үлкен міндет жүктейтін бағдарлама.
Қазақстан барлық Орталық Азия өңірінде маңызды тұрақтандырушы факторға айналып отыр. Ендігі жерде біздің өркендеуіміз көршілес елдердің дамуымен тығыз байланысты. Президент болашақтағы ұлттық демократиялық даму жолында көршілес елдер арасындағы достық қатынасты дұрыс, бірқалыпты ұстап отыр. Саяси салада нысанаға алған мақсаттарды тиімді іске асыруға қажетті, барлық қолайлы жағдайлар жасалған. Міне, сондықтан да, елімізде әкімшілік реформалау ауқымында әкімдерді сайлау институтын енгізуге байланысты үкімет тарапынан саяси және экономикалық эксперименттер басталды және жуық арада, билік органдары саяси жаңаруды жеделдету үшін бірқатар шаралар қолдануға ниет білдіріп отыр.
Демократиялық таңдаудың біржола жасалғаны жөнінде Президент Назарбаев былай деп мәлімдеді: «Біздің таңдауымыз айқындалды, мақсат белгіленді. Дегенмен де, біздің алдымызда демократиялық дамудың үлгісін таңдау проблемасы тұр».
Стратегиялық мақсатымыз - дербес, экономикалық тәуелсіз, өркениетті мемлекет құру. Оған ішкі саяси тұрақтылық пен көпэтностық қоғамды іштей топтастыруды қамтамасыз етпей, қол жеткізу мүмкін емес. Бейімделген біздің жаңару жолымыз біздегі жағдайларға ыңғайлы.
Қазақстандағы дамудың жаңа үлгілерін іздестіру тұрақтылық, әлеуметтік қауіпсіздік, тәртіп сақтау, әлеуметтік жағынан бағдарланған жүйелі реформаларды жүргізуде, орталықсыздандырылған нұсқаулар идеясын бірінші орынға қойды. Бұл жерде, біздің ойымызша, орталықсызданду мен демократияландыру процестері, еліміздің саяси басшылығы арқасында оңтайлы демократияны кезең-кезеңмен жылжытуға қажетті алғышарттарға байланысты басталып кеткен.
Шынында да, Қазақстандағы мемлекеттік басқару жүйесінің бұрынғы жағдайы, оның орталыққа тәуелділігінің жоғары деңгейімен сипатталады. Орталықтандыру бұрынғы кеңес дәуірі кеңістігінде түбегейлі қанат жайған, мемлекеттік және саяси жүйе қалыптасуының ақиқатты шарты болып табылатын. Алайда, тәуелсіз Қазақстандағы әлеуметтік-экономикалық және саяси процестердің келешектегі дамуы мен тереңдетілуінің қажеттілігі мемлекеттік басқарудың тиімділігін арттыруды және республикада жергілікті өзін-өзі басқарудың қалыптасуын қажет етеді.
Осы замандағы ғылыми әдебиеттерде, ғалымдардың мемлекеттік басқаруды жаңарту проблемасының тарихи, экономикалық, заңи тұрғысынан зерттеулер жүргізуге қызығушылығы күшейіп келеді. Ресей ғалымдары В. Д. Гражданның «Басқару теориясы» және В. В. Лобановтың «Мемлекеттік басқару және қоғамдық саясат» атты оқу құралдарында мемлекеттік басқарудың жалпы теориялық сипаттамасы беріліп, басқару субъектісі мен объектісі талданады. А. В. Кружковтың, Ю. Б. Корчунюктің, А. В. Васильчиковтің, А. Д. Градовский мен В. Д. Нечаевтың зерттеулері, Ресейдегі жергілікті мемлекеттік басқару институтын қалыптастыру проблемаларына, орыс және шет елдік земстволық және қоғамдық мекемелердің тәжірибесіне, Батыс Еуропа мен Ресейдегі жергілікті өзін-өзі басқару жүйелерінің салыстырмалы талдамаларына арналған.
Ал Қазақстанға тоқталатын болсақ, онда Қазақстан Республикасының Президенті Н. Назарбаевтың еңбектерінде мемлекеттік басқару жүйесін орталықсыздандыру және саяси жаңару проблемаларын зерттеудің белгілі бір ғылыми-теориялық және практикалық негізі бар. Мұндай күрделі де қиын проблема жалпы түрде Т. Парсонс, Истон Давид, Г. Холлис, А. Плоккер, Дж. Эхдай, Р. Эвель және тағы басқа батыс ғалымдарының еңбектерінде зерттелген.
Біртұтас унитарлық мемлекеттегі жергілікті мемлекеттік басқару және өзін-өзі басқарудың конституциялық, құқықтық және саясаттанулық негіздері Қазақстан авторлары А. К. Котовтың, Ж. Мұрзалин мен Е. Кариннің, А. Жаманбаевтың, А. Аянбаевтың, Г. Т. Телебаевтың, А. Чеботаревтың, Р. С. Сакиеваның, А. Тарановтың, А. М. Беліспаевтың, О. О. Оқанбаевтың, М. Лукьяненко мен В. Мамоновтың, К. Е. Кубаевтың, У. Құдайбергеновтің, Б. Құрманғалиевтің, Ж. медиеваның және тағы басқалардың еңбектерінде қарастырылады.
Зерттеу жұмысының тақырыбының өзектілігі: Қазақстан Республикасындағы мемлекеттік қызметтің түсінігін және оның қырларын зерттей отырып, саяси және әкімшілік мемлекеттік қызметшілерінің мемлекеттік қызметті: өткеруі мен тоқтатуының ерекшелектерін зерттеу.
Ал дипломдық жұмыстың мақсаты: еліміздегі саяси және әкімшілік мемлекеттік қызметшілердің мемлекеттік қызметті атқару ерекшеліктері мен мемлекеттік қызметті тоқтатуына себептерді қарастыру және талдау.
Дипломдық жұмыстың міндеттері:
- мемлекеттік қызметтің түсінігі және мақсаттарын, міндеттерін қарастыру;
- Қазақстан Республикасындағы мемлекеттік қызмет институтының даму кезеңдерін зерттеу;
- шетелдегі мемлекеттік қызмет тәжірибесіне талдау жүргізу;
- ҚР Мемлекеттік қызметшілердің құқықтық мәртебесі мен қызмет өткеру ерекшеліктерін айқындау;
- саяси және әкімшілік мемлекеттік қызметшілердің қызмет өткеру тәртібін қарастыру;
- мемлекеттік қызметшілерге қойылатын шектеулерді талдау;
- Қазақстан Республикасындағы саяси және әкімшілік мемлекеттік қызметшілердің мемлекеттік қызметті өткеруін дамыту жолдарын іздестіру.
Дипломдық жұмыстың пәні - Қазақстан Республикасындағы мемлекеттік қызметті өткеруіндегі қоғамдық қатынас
Дипломдық жұмыстың обьектісі-ҚР саяси және әкімшілік мемлекеттік қызметшілер.
Жұмыcтың құpылымы зepттeyдiң мaқcaты мeн мiндeтi apқылы aнықтaлaды. Жұмыc кipicпeдeн, үш бөлiмнeн, қοpытындыдaн, қοлдaнылғaн әдeбиeттepдeн тұpaды.
I Мемлекеттік қызмет институтының қалыптасуы мен дамуының теориялық негіздері 1. 1 Мемлекеттік қызметтің түсінігі және мақсаттары, міндеттеріМемлекет - қоғамдық мәнге ие бола отырып, сол қоғамды реттейтін және оның құрылуын қамтамасыздандырушы арнайы билеуші және мәжбүрлеуші аппараты болатын бұқаралық биліктің саяси-аймақтық, тәуелсіз мекемесі болып табылады.
Мемлекетті алғашқы рулық қауымның әлеуметтік басқаруынан ерекшелендіруге жол беретін келесідей негізгі белгілерімен суреттеледі:
1. Бұқаралық басқару.
2. Тұрғындарды аудандық жіктеу.
3. Салық салу жүйесі.
4. Тәуелсіздік.
5. Құқық жүйесі.
Әлеуметтік биліктің ерекше бір түрі - мемлекеттік билік. Ол мемлекет тарапынан мәжбүрлеуге негізделетін субъектілердің арасындағы үстемдік пен бағынудың саяси-бұқаралық қарым-қатынасы. Бұқаралық, аппараттық, легитимдік биліктерден мемлекеттік билеу жүйесінің өзгешеліктері көрінеді.
Мемлекет пен құқық теориясының басты міндеттерінің бірі - мемлекеттің мәнін түсіндіру болып табылады. Мемлекеттің мәні мынаған негізделген - осы жағдайдың мазмұнына, мақсатына, қызмет етуіне.
Таптық және жалпы әлеуметтік тәсілдер мемлекеттің мәнін айқындауда қолданылады.
Мемлекеттің түрі сәйкес тарихи кезеңде пайда болған оның маңызды қырлары мен жақтарының қатаң жүйесін білдіреді. Белгілі бір тарихи кезеңде пайда болған мемлекеттердің белгілері ұқсас болып келеді. Елдердің тұрпаттамасы негізінен формациялық және өркениеттік сынды екі тәсіл арқылы жүргізіледі.
Мемлекеттің қызметтері - бұл мемлекеттің мәні мен мақсат-міндетін ашатын функцияларының басты бағдарлары. Мемлекеттің қызметтері оның мақсаты мен міндетімен байланысты, оның мәніне тәуелді болып келеді және оның өзгеруіне тәуелді, басқа түрдегі мәніне өтуіне қарай өзгеріске ұшырайды. Осылайша, мемлекеттің қызметтері - бұл өзгеріске ұщырайшы деңгей. 1
Мемлекеттің қызметтерін қолданыста болу ұзақтығына қарай тұрақты және уақытша, мағызына қарай басты және қосымша, қоғамдық өмірдің қандай саласында іске асырылуына қарай ішкі және сыртқы болып бөледі.
Мемлекеттің қызметтерін іске асыру объектілері - бұл мемлекеттің қызметтерін іске асырушы оның органдарының біркелкі қызметі. Оны құқықтық пен ұйымдық объектілерге бөледі.
Құқықтық объектілерге құқық шығармашылық, құқық қолданушылық, құқық қорғаушы сындыларды жатқызамыз.
Ұйымдық-регламенттеуші (реттеуші), ұйымдық, ұйымдық-идеологиялық ұйымдық объектілерге жатады.
Мемлекеттің тетігі - бұл мемлекеттік міндеттер мен қызметтерді іске асыруға арналған мемлекет органдарының жүйесі. Мемлекет апаратының, оның бөліктерінің мазмұнын қоғам өмірінің барлық дерлік салаларының сәйкес ұйымдастырылуын және пайдалы қызметін қамтамасыздандыруға бағытталған билеуші, ұйымдастырушы жұмыстар құрайды.
Осы функцияның объектілері негізінен билеу кезінде заңдар, құқық тетіктері қандай деңгейде қолданылатындығына тәуелді, бұдан шығатыны мемлекеттік аппараттың функциясының объектілеріне тікелей басқарушылықты, құқықтық нысандарды жатқызуға болады.
Мемлекеттік органдар, мемлекеттік мекемелер мен кәсіпорындар, мемлекеттік қызметшілер, ұйымдастырушы құралдар мен қаражаттар, сонымен бірге мемлекеттік аппараттың қызметін қамтамасыздандыруға керекті мәжбүрлеу күштер мемлекет механизмінің құрылымын құрайды.
Мемлекет аппаратын ұйымдастыру мен жұмыс істеуінің принциптері - бұл мемлекеттік органды жасау және жұмыс істеуіндегі бірінші бастаулар, ойлар, анықтаушы негізгі амалдар. Оған адам мен азамат құқықтары мен еркіндігінің басымдылық принципі, демократиялылық принципі, биліктің бөліну принципі, заңдылық принципі, жариялылық принципі, кәсіпқойлық принципі, алқалылық және дара басшылықтың сәйкес келу принципіғ сайланушылық және тағайындалушылықтың сәйкес келу принципі, иерархиялылық принципі жатады. 2
Мемлекеттік орган деп - мемлекеттік міндеттемелерді атқарушы және сол үшін сәйкес биліктік өкілеттіліктер берілген ұйым/мекеме. Әр мемлекеттік органның келесілері болады:
а) оның жедел басқаруында болатын мемлекеттік, қазыналық мүлкі;
б) қаражаттары, банктегі есебі, бюджеттен қаржыландыратын қайнар көздері;
в) өзіне белгіленген ұйымдық құрылымы, осыған байланысты қызметтік бағыныштылығы және қызметтік тәртібінің жүйесі;
г) қажетті биліктік өкілеттілігі
Соның нәтижесінде лауазымды тұлғалар және алқалы органдар заңды және міндетті іс-қимылдар жасайды.
Келесі суреттен мемлекеттік органдардың жіктелуін көруімізге болады.
Сурет 1 - Мемлекеттік органдардың жіктелуі
Сонымен бірге, мемлекеттік органдар өкілеттіліктерінің мерзіміне қарай тұрақты және уақыта болып бөлінеді, ал құзырлығының сипатына қарай - жалпы құзырлықтағы және арнайы құзырлықтағы деп жіктеуге болады.
Мемлекеттік қызметтің негізгі белгілері мен негізгі қағидалары келесі суретте келтірілген.
Сурет 2 - Мемлекеттік қызметтің белгілері мен қағидалары
Мемлекеттік қызмет -мемлекеттік органдарда мемлекеттік қызметшінің мемлекеттік билік міндеттері мен қызметтерін іске асыруға бағытталған лауазымдық міндеттемелерді орындау бойынша ресми жұмысы.
Мемлекетімізде мемлкеттік қызмет республикалық және жергілікті деңгейде іске асырылады.
Ол 2015 жылғы 23 қарашадағы № 416-V ҚРЗ «Қазақстан Республикасының мемлекеттік қызметі туралы» Қазақстан Республикасының Заңымен реттеледі. Бұл заң бойынша мемлекеттік қызмет деп - мемлекеттік мекемелердегі мемлекеттік органдардың атқарушы міндеттері мен қызметтерін айтамыз. Мемлекеттік қызмет түсінігін заң әдебиеттерінде тар және кең мағынада қарастырады. 3
Мемлекеттік қызмет (кең мағынасындағы ұғым) деп - жұмысшылар және шаруалардың жұмысынан өзгеше, мемлекеттік органдарда, мекемелерде, кәсіпорындарда, сонымен бірге ұйымдарда іске асырылатын қызметтің түрі, тар мағынасында - бұл мемлекеттік органдардың (мемлекеттік аппараттың) жұмысшыларының әр күн сайын атқаратын еңбек қызметі. Осылайша, мемлекеттік қызмет деп - құқық нормасымен жүйеленген, кәсіби негізде, ақылы түрде мемлекеттік органдардың жұмысшыларының мемлекет міндеттері мен қызметтерін іске асыру мақсатында іске асырылатын, мемлекеттің шеңберіндегі адамдардың жұмыс істеуінің жеке дербес түрі. Міне сондықтан мемлекеттік лауазымдар белгіленеді. Мемлекеттік лауазым деп - нормативті-құқықты актілерімен көрсетілген лауазымдық өкілеттілік пен лауазымдық міндетемелердің көлемі жүктелген мемлекеттік органның құрылымдық бірлігі. 4
Негізінен мемлекеттің қызметтің қағидалары - мемлекеттік қызметтің негізіне сүйенуші және оның мәнін білдіруші негізгі ойлар, бастамаға алынушы бастаулар, ол ҚР «Мемлекеттік қызмет туралы» заңында бекітілген.
Әр мемлекеттік орган қызметінің сенімділігі және табыстылығы негізінен онда жұмыс істеуші жандарға - мемлекеттік жұмысшыларға тәуелді болып келеді. Мемлекеттің әр органының құзырлығы оның қызметкерлерінің (негізінен ең алдымен органның басқарушыларының, орынбасаларының және оның құрылымдық бөлімдерінің басшыларының) іс-қимылдарында жүзеге асырылады. Міне сол үшін мемлекеттік басқару органдарында қызмет атқарып жүрген тұлғалар мемлекеттік қызметшілер болып саналады, ал олармен атқаратын қызметі мемлекеттік қызмет деп аталады. 5
Мемлекеттік қызмет иелерінің әр күндегі жұмысы адамның еңбек етуінің өзгеше түріне жатады.
Мемлекеттік қызметшілерді әкімшілік және саяси қызметші деп екіге бөліп қарастыруға болады.
Сурет 3 - Мемлекеттік қызметшілердің түрлері
Қызметкердің жұмыс істеуінің жұмысшының еңбек атқаруынан ажыратушы көптеген ерекшеліктері бар:
1) мемлекеттік қызметкердің жұмыс істеу барысындағы іс-әрекеттері нақты бір құқықтық салдарларды тудырады, соған орай қызметшілердің қызметінің негізгі тараптары құқық нормаларымен жүйеленеді, ал жұмысшының еңбек ету барысындағы іс-әрекеттері ешқандай заңды салдарларға әкелмейді;
2) қызметкердің еңбек ету сипаттамасы оның мемлекеттік билеу аппаратындағы алатын лауазымына қарай анықталады, анық құқықтық мәртебесі бар, ал мамандығы бойынша жұмыс істейтін жұмысшының еңбегі тек өндіріс құралдарын жөнімен қолдану ілімін ғана қажетсінеді;
3) мемлекеттік қызметкердің еңбегі қалыптастырылған, ал еңбегі - сағат бойынша есептелсе, ал жұмысшының еңбегі қатаң нормаға сәйкестендірілген, және жалақысының төлемі еңбегінің көлемі мен сапасына тәуелді болып келеді;
4) әр мемлекеттік қызметші мемлекеттік аппаратта қатаң анықталған ұйымдық-құқықтық әдіс бойынша лауазымға ие болады, ал жұмысшы - тек келісім негізінде ғана орналасады.
Осылайша, мемлекеттік қызметші - мемлекеттік органда заң актілерінде белгіленген тәртіппен республикалық немесе жергілікті бюджет қорынан немесе Қазақстан Республикасының Ұлттық Банкінің қаржысынан ақы төленетін жұмысты атқаратын және мемлекеттің міндеттері мен қызметтерін жүзеге асыру мақсатында лауазымдық өкілеттікті іске асыратын Қазақстан Республикасының азаматы.
Мемлекеттік әкімшілік қызметкерлерлерге санаттар белгіленеді, лауазым санаттары мен әкімшілік лауазымды санатқа жатқызу ретін өкілетті органның ұсынысына сәйкес мемлекетіміздің Президенті бекітеді.
Мемлекеттік саяси қызметшілердің құқықтық мәртебесі заңнамада анық көрсетілген, ол бойынша саяси лауазымдарға ҚР Президенті тағайындайтын мемлекеттік саяси қызметшілер және олардың орынбасарларын, ҚР парламентінің Палаталары және оның төрағалары тағайындайтын және сайлайтын мемлекеттік саяси қызметшілер және олардың орынбасарларын, ҚР Конституциясына сәйкес Президент пен Үкіметтің өкілдері болып табылатын мемлекеттік саяси қызметкерлерін, Орталық атқару органдары мен ведомстволарды басқаратын мемлекеттік саяси қызметшілер және олардың орынбасарларын жатқызамыз.
1. 2 Қазақстан Республикасындағы мемлекеттік қызмет институтының даму кезеңдеріМемлекетіміз тәуелсіз мемлекет атанып, нарықтық экономикаға өте бастағаннан еліміздегі экономика мен әлеуметтік өзгерістерді индикативті жоспарлау үлгісі пайдаланылды.
Қазіргі кезде еліміз біртіпдеп дами отырып, мемлекеттік қызметшілерді таңдау мен саралаудың өзіндік ережелерін алдыға шығарған болатын, алайда мұнда көп жылдық тарих жатыр. Енді соларға тоқталатын боламыз6
Қазан төңкерісінің ең бірінші заңдық актісі 1917 жылғы 26 қазандағы Бүкілресейлік кеңестер съезінің қаулысы, онда былай деп белгіленген болатын: «жергілікті орындардағы барлық билк жұмысшылардың, әскерилер мен шаруа депутаттарының кеңестеріне беріледі . . . ». 1917 жылғы қазан айындағы төңкерістен кейін, кеңес мемлекетінің орталық органдары жергілікті оррындардағы кеңестердің қызметі өріс алуына және олар арқылы Орталық нұсқаулары мен сілтемелерін іске асыруға орасан мән бере бастады. Кеңестер жергілікті орындардағы билік органдары бола отырып, жергілікті сипаттағы мәселелерді шешуге ерікті, бірақ үнемі, орталық Кеңес билігінің және өздері құрамына кіретін, ірі кеңестік бірлестіктердің декреттері мен қаулыларына сай қызмет етті. Біздің ойымызша, негізінде мемлекеттік билік органдары арасындағы құрылыс пен өзара іс-қимыл принципі ретінде демократиялық централизм принципі қолданылған. 7
Одақтық республиканың құрамындағы Қазақ КСР-ның жергілікті мемлекеттік басқару жүйесінің басқа республикалардан айырмашылығы шамалы ғана болатын. Жергілікті мемлекеттік басқару жүйесі толығымен тоталитарлық мемлекеттің талатары мен қажеттіліктеріне, мемлекеттік билік органдарының тым асыра орталықтандырылуына сәйкес болатын. Өкінішке орай, сталиндік тоталитарлық режим үдеп тұрған жылдарда, атап айтқанда, бұдан кейін де заңдылық, демократиялық және парасаттылық қағидаттарын, соның ішінде ұлттық-мемлекеттік құрылыста да бұрмалауларға жол берілді.
... жалғасыСіз бұл жұмысты біздің қосымшамыз арқылы толығымен тегін көре аласыз.
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz