«Е-learning» – электронды оқыту жүйесіне болашақ информатика мамандарын даярлау әдістемесі

Пән: Информатика, Программалау, Мәліметтер қоры
Жұмыс түрі: Дипломдық жұмыс
Тегін: Антиплагиат
Көлемі: 35 бет
Таңдаулыға:

Қазақстан Республикасының білім және ғылым министрлігі

М. Әуезов атындағы Оңтүстік-Қазақстан университеті

КАКАРОВА ТАМАРА ЕНДИБАЕВНА

«Е-learning» - электронды оқыту жүйесіне болашақ информатика мамандарын даярлау әдістемесі

6М011100-Информатика

Информатика магистр акадамиялық дәрежесін алу үшін дайындалған диссертация

Ғылыми жетекшісі:

Ғылыми кеңесшісі (бар болса) :

Шымкент - 2014 жыл

МАЗМҰНЫ

КІРІСПЕ

КІРІСПЕ: 1 БІЛІМ БЕРУ ЖҮЙЕСІНДЕ «E-LEARNING» - ЭЛЕКТРОНДЫ ОҚЫТУ ЖҮЙЕСІ БОЙЫНША ЗЕРТТЕУЛЕР ЖҮРГІЗУ

КІРІСПЕ: 1. 1 Елімізде және шетелдерде «e-learning» - электронды оқыту жүйесінің білім саласына енгізілуінің қазіргі жағдайына теориялық және практикалық тұрғыдан талдау жасау

КІРІСПЕ: 1. 2 Елімізде «e-learning» - электронды оқыту жүйесі бойынша болашақ информатика мамандарын даярлаудың ғылыми-әдістемелік және педагогикалық-тәжірибелік негіздерін айқындау

КІРІСПЕ: 1. 3 Болашақ информатика мамандарын «E-Learning» - электронды оқыту жүйесіне негізделген педагогикалық-программалық құралдар кешенін құруға даярлау

КІРІСПЕ

Зерттеудің өзектілігі: Қазіргі кезде Қазақстанда қоғамды ақпараттандыруға баса назар аударылуда. Қоғам талаптарына байланысты жаңа бағдарламалар тасқыны адамдарға ақпараттық технология құралдарын жоғары дәрежеде білу қажеттігін туғызып отыр.

Қоғам өзінің эволюциялық дамуының жаңа фазасына - ақпараттық қоғам фазасына ауысты, ол ақпараттық-коммуникациялық технологиялардың адамның барлық өмір саласына енуімен сипатталады. Ал ақпараттық ресурстардың рөлі заттық және энергетикалық ресурстармен бірдей дәрежеде болып келеді. Ақпараттық қоғам құру мәселелерін шешуге бағытталған әлемдік саммит АКТ ұлттық мақсатта қолдануға бағыт алды, соның ішінде білім саласында да, өйткені бұл білімнің жоғары сапасына әкеледі. XXI ғасырдың алдыңғы қатарлы қағидалары ретінде ЮНЕСКО «барлығына арналған білім» және «барлық өмір бойына білім» - «Life Long Learning (LLL) » деп жариялады. Бұл әлемдегі адамдарды саналы түрде ойлауға, жаңа бағытта жаңалықтар ашуға, әлемді жаңа қырларынан тануға мүмкіндік береді.

Қазақстан Республикасын 2020 жылға дейінгі дамытудың стратегиялық жоспарының 136-тармағында: «Орта, техникалық, кәсіптік және жоғарғы оқу орындарында электрондық оқыту жүйесі (е-learning) енгізілетін болады», - деп қарастырылған [1] . Және Елбасының 2010 жылғы 7 желтоқсанда № 1118 Өкімімен бекітілген Қазақстан Республикасы 2011-2020 жылдарға арналған білім беруді дамытудың Мемлекеттік бағдарламаның негізгі міндеттерінің бірі оқу үдерісін автоматтандыруды енгізудегі «білім беру ұйымдарының 90%-ы электрондық оқыту жүйесін қолданылады» мақсаттық индикаторына негіздеп электронды оқыту жүйесін 2011-2012 оқу жылынан бастап жүзеге асырылып отыр [2] .

Қазіргі ақпараттану заманында «Е-learning» - электронды оқыту жүйесіне болашақ информатика мамандарын даярлаудың жаңа әдістері мен технологиялардың пайда болуы педагогика саласында үлкен өзгерістер әкеледі. Бұл педагогикалық оқыту үрдісі мен жаңа технологияларды біріктіруді талап етеді. Соның ішінде, болашақта қоғамды дұрыс қалыптастыратын, жан-жақты дамыған, ақпараттық білімі мол болашақ информатика мамандарын даярлаудың заманауи әдістерін жасау зерттеу жұмысының тақырыбын өзекті етеді.

Жұмыстың жалпы сипаты: Білім беру жүйесін басқаруды қолдаудағы басты құрал болуы себепті электрондық оқыту жүйесі білім беру ортасы жайлы барлық қажетті мәліметтерді сақтауы тиіс. Сондай-ақ, ол - білімді дамытудың ақпараттық және ғылыми-әдістемелік қамтамасыз ету құралы, екіншіден, электрондық оқыту жүйесінің кез-келген түйінінен мәліметтерді орталықтандырып жинақтау арқылы білім беру жүйесінің мониторингін жасау құралы, үшіншіден, білім беру жүйесі туралы қажетті статистикалық мәліметтерді және түрлі аспектілер бойынша есеп беруді қалыптастыруды қамтамасыз ететін шешім қабылдау құралы ретінде әрекет етуі тиіс.

Қазіргі білім жүйесінің ерекшелігі - тек біліммен қаруландырып қоймай, өздігінен білім алуды дамыта отырып, үздіксіз өз бетінше өрлеуіне қажеттілік тудыру. Электронды оқыту жүйесін қолданудың кең тараған тиімді себептері ретінде мыналарды айтуға болады:

экономикалық әсерлігі. Тікелей оқытуға байланысты жанама шығындарды қысқарту мақсатында (іссапар төлемдері, уақытша тұру, ғимарат жалдау т. с. с. ) ;
икемділігі. Клиент, серіктес немесе кез-келген оқытылатын адамдардың географиялық орнына байланысты мәселелерді шешу мақсатында;
оқытушыға тәуелсіз кез-келген уақытта оқытуды жабдықтау мүмкіндігі;
модульдігі, яғни оқыту бағдарламасы негізін модульдік принцип құрайды;
оқытушының алатын рөлінің жаңашылдығы, яғни оқу жобаларына жетекшілік ету, жеке оқу жоспарын құруда көмек беру, танымдық қабілеттерін дамытуға жағдайлар туғызу және т. б;
сапаны бақылаудың арнайы түрлері: емтихандар, практикалық, курстық, жоба жұмыстары, компьютерлік интеллектуалдық тестілеу жүйелері;
арнайы мамандандырылған технологиялар мен оқу құралдарын қолдану.

Білім жүйесінің ақпараттануының дамуының объективті үрдістері бұл саланың әдістемелік негіздері мен технологияларын қайта ойластыруға бағытталған ғылыми-педагогикалық зерттеулердің үлкен өзгерісіне алып келді.

Тақырыптың зерттелу деңгейі: Ақпараттық қоғамның сұранысына сәйкес келетін оқытудың жаңа парадигмасының өзектілігі А. А. Ахаянның, З. И. Васильеваның, Я. А. Вагроменконың, Б. С. Гершунскийдің, А. П. Ершованың, А. А. Кузнецовтың, В. Г. Кинелевтың, В. С. Меськованың, В. М. Монахованың, В. В. Лукинаның, Е. С. Полаттың, И. В. Роберттің, Л. Г. Сандакованың, А. Л. Семеновтың, А. Н. Тихоновтың, В. П. Тихомеровтің, И. И. Трубиннің, А. П. Тряпицыннің, Н. В. Чекалевтің және т. б. еңбектерінде көрініс табады.

Орта жалпы білім ақпараттануының әр түрлі аспектілері, оқу орындарындағы оқыту үрдісінде АКТ қолдануға педагогикалық кадрларды дайындау, оқушылар мен оқытушылардың ақпараттық мәдениетінің қалыптасуы туралы Н. С. Анисимова, С. А. Бешенков, Н. И. Гендин, И. А. Зимин, Н. Б. Зиновьева, В. А. Каймин, С. Д. Каракозов, А. Ю. Кравцова, Т. А. Лавин, М. П. Лапчик, М. Л. Лапчик, М. Б. Лебедева, Е. А. Медведева, В. Э. Меламуд, Т. М. Петрова, Т. А. Поляков, И. И. Раскина, З. В. Семенова, С. Л. Степанов, С. Р. Удалов, А. Ю. Уваров, А. В. Хуторский және т. б. зерттеулер жүргізген.

Қазақстанда әр түрлі педагогикалық мамандықтар аясындағы білім жүйесінің ақпараттануының тұжырымдамалық негіздері Е. Ы. Бидайбековтің, Б. Б. Баймухановтің, Д. М. Джусубалиеванің, В. В. Егоровтің, А. А. Завалконың, С. С. Кунанбаеваның, Е. У. Медеуовтің, Г. К. Нургалиевтің, С. Е. Чакликованың және т. б. ғылыми мектептерінен нәр алады.

Осыған орай, қазақстандық ғалымдардың зерттеу пәндері әр түрлі болды, соның ішінде: Ж. А. Караев АКТ негізіндегі оқушылардың таным қызметінің белсенді қолданылуын; С. М. Кенесбаев болашақ мамандарды АКТ қолдануға дайындауды; Е. М. Есбосынов болашақ информатика пәні мұғалімдерін оқушылардың білімдеріне бақылау жүргізу мен бағалауға дайындауды; Г. К. Бигаришева, А. А. Жолдасбеков, Г. И. Муратова, Л. В. Нефедова, Б. К. Тульбасова білім жүйесінің ақпараттану жағдайларында мұғалімдердің жеке дидактикалық қабілеттері мен қасиеттерінің қалыптасуын қарастырған.

Қазақстанда тікелей электрондық оқытуға тек бір жұмыс қана бар, ол А. К. Альжановтікі, онда мектеп курсындағы математикада оның қолданылуының дидактикалық негіздері зерттелген, алайда бұл жұмыста электрондық оқытудың мәні толығымен ашылмаған.

Педагогикалық ғылыммен бір уақытта электрондық оқулықтарды жасау тәжірибесі де жүзеге асырылуда. «Сұранысты ұсынысты туындатады» деген танымал экономикалық формула бойынша, көптеген компаниялар мектептерге арналған жаппай сандық контентті өңдеуге бет алды. Егер де осыдан тек 5 жыл бұрын ондай ұйымдар Қазақстанда 5-ге жуық, ал Ресейде - 10-ға жуықтау болса, ал олардың саны қазіргі кезде біршама өсті.

Зерттеу объектісі: «Е-learning» - электронды оқыту жүйесіне болашақ информатика мамандарын даярлауда қолдану әдістері.

Зерттеу пәні: болашақ информатика мамандарын электрондық оқытуға даярлау.

Зерттеудің мақсаты: қоғамның барлық саласы ақпараттанған жаңа заманда болашақ информатика мамандарын электронды оқыту әдістерін қолдана білуге дайындығын арттыру.

Диссертациялық жұмыстың алдына қойған мақсатына сәйкес келесі міндеттер айқындалды:

білім беру жүйесінде «e-learning» - электронды оқыту жүйесі бойынша зерттеулер жүргізу;
елімізде және шетелдерде «e-learning» - электронды оқыту жүйесінің білім саласына енгізілуінің қазіргі жағдайына теориялық және практикалық тұрғыдан талдау жасау;
елімізде «e-learning» - электронды оқыту жүйесі бойынша болашақ информатика мамандарын даярлаудың ғылыми-әдістемелік және педагогикалық-тәжірибелік негіздерін айқындау;
болашақ информатика мамандарын «E-Learning» - электронды оқыту жүйесіне негізделген педагогикалық-программалық құралдар кешенін құруға даярлау;
«е-learning» - электронды оқыту жүйесіне болашақ информатика мамандарын даярлаудың психологиялық-педагогикалық негіздерін айқындау;
болашақ информатика мамандарын e-learning” - электронды оқыту жүйесіне даярлаудың мәнi мен мазмұнын зерттеу;
болашақ информатика мамандарын «e-learning” - электронды оқыту жүйесіне негізделген педагогикалық-программалық құралдар кешенін құруға даярлау.

Жүргізілген зерттеулердің қорытындысы бойынша келесі жаңа нәтижелерге қол жеткізіп отырмыз: қазіргі заманғы мектептерде информатика сабағында жаңа электрондық оқыту әдістерін қолдану тиімді болады, егер де:

соңғы ақпараттық-коммуникациялық технологиялардың жетістіктеріне негізделген заманауи оқыту әдісі ретінде электрондық оқытудың тұжырымдамасы жасалынса және оқушыларға, мұғалімдерге, ата-аналарға ортақ болып келетін пәндік ақпараттық-білім ортасын жасаумен қамтамасыз етуші олар педагогикалық технологиялармен біріктірілсе;
оқыту инфокоммуникациялық сауаттылығы, біліктілігі, мәдениеті мен менталитеті бар тұлғаны қалыптастыруға бағытталса;
оқытудың мазмұны Мемлекеттік жалпыға ортақ білім стандартына сәйкес ақпараттық-білім ортасы ретінде жасалған, қолданбалы бағдарламалық өнімдерге негізделсе;
оқыту оқу үрдісі субъектілерінің бір-бірімен және ақпараттық-білім ортасымен оқу-танымдық қызметінің әр түрлі болуының арқасында және тез кері байланыстың арқасында интерактивті қарым-қатынасы ретінде жүзеге асырылса;
оқушылардың жетістіктері нақты бағаланып, оқушылардың өздерін бағалауы қалыптасып, ақпараттық-білім ортасында ата-аналарының жағынан бақылаудың мүмкіндіктері кеңейсе.

Зеттеудің негізгі дерек көздері: шетелдік, ресей және отандық ғалымдардың еңбектері, ақпарат құралдарының деректері, Қазақстан Республикасындағы қоғамдық саяси ұйымдардың бағдарламалық құжаттары, әлеуметтік сұрақ жүргізу деректері құрайды.

Диссертацияда қолданған деректердің айтарлықтай бөлігін ғылыми әдебиет, халықаралық конференциялардың материалдары, болашақ информатика мамандарды даярлаудағы электрондық оқытудың әдістері туралы мақалалар құрады.

Зерттеу базасы: Бұл зерттеуде Оңтүстік Қазақстан облысындағы 150 мұғалімдер мен 9 жалпы білім беретін оқу орындары қатысты, соның ішінде: № 1 А. С. Пушкин атындағы мектеп гимназия, №2 А. Бөкейханов атындағы жалпы орта мектеп, №7 Қ. Сыпатаев атындағы мектеп лицей, Саттар Ерубаев атындағы № 24 жалпы орта мектеп, № 25 Т. Рысқұлов атындағы мектеп гимназия, А. Молдағұлова атындағы №29 жалпы орта мектеп, № 38 Н. Оңдасынов атындағы мектеп- гимназия, № 44 Б. Момышұлы атындағы жалпы орта мектеп, № 45 мектеп гимназиясы.

Оңтүстік Қазақстан облысының мектептерінде электронды оқыту жүйесін енгізудің жеке автордың жүргізілген тәжірибесі сынақтың амалдарын, электронды оқытудың тұжырымдамасын, информатика пәні мұғалімдеріне тренингтік курстардың бағдарламасы мен мазмұнын, оқу үрдісінде электрондық оқулықтарды қолдануға, алынған мәліметтерді талдау мен өңдеуден тұрды.

Зерттеудің ғылыми жаңалығы:

болашақ информатика мамандарын даярлауда шет елдер мен отандық тәжірибедегі электронды оқытудың дамуының заманауи әдістері анықталды;
жеке оқу әдісі ретіндегі электронды оқытудың тұжырымдамасы жасалды;
білімдік қолданбалы бағдарламалық өнімдерді жасаудағы орталық амал теориялық тұрғыдан негізделді және практикада қолданылды;
заманауи педагогикалық және ақпараттық-коммуникациялық технологияларды біріктірудің трансферті тәрізді электронды оқытудың педагогикалық технологиясы жасалынды;
«Электрондық оқулықтар» оқу қолданбалы бағдарламалық өнімдердің стандарты жасалынды, онда ақпараттық-білім ортасын жасау жағдайы ретіндегі психологиялық-педагогикалық талаптар көрінеді.

Диссертацияның әдістемелік және теоретикалық негізі ретінде институционалды, жүйелік, әлеуметтік және статистикалық әдістер, мәліметтердің контент-анализі, сонымен қатар заманауи қоғамдық-саяси ойдың қорытындылары қолданылды.

Қорғауға шығарылатын негізгі тұжырымдар:

Оқытудың жаңа парадигмасы инфокоммуникациялық тұлғадағы ақпараттық қоғамның қажеттілігіне негізделген, бұл өз кезегінде, педагогикалық мақсаттарды, білімнің мазмұны мен бағыттарын, оқу үрдісі субъектілерінің интерактивті қарым-қатынасын және оқушылардың оқу-танымдық қызметінің жетістіктерін талдауды өзгертеді.
Инфокоммуникациялық тұлғаны тәрбиелеп шығару қазіргі заманғы мектептердің мақсаты, шарттары, нәтижелері ретінде көрінеді және инфокоммуникациялық менталитетпен, мәдениетпен, сауаттылықпен сипатталады. Бұл ақпараттық және коммуникациялық технологиялар аласындағы оқу үрдісі субъектілерінің саналы, дәлелді қарым-қатынастарында көрінеді.
Электронды оқыту жеке бір оқыту әдісі болып табылады. Ол педагогнкалық және инфокоммуникациялық технологиялардың бірігуіне негізделген, оның мәні ақпараттық-білім ортасындағы оқу үрдісі субъектілерінің интерактивті қашықтықтық қарым-қатынасында жатыр. Ол білімнің мобильді құрамының негізінде инфокоммуникациялық тұлғаны қалыптастырады.
Жасалған электронды оқытудың педагогикалық технологиясы ғылыми техникалық, психологиялық-педагогикалық және әдістемелік білімдердің жиынтығын құрайды.
Электронды оқытудың материалдық негіздеріне қолданбалы бағдарламалық өнімдер жатады. Олар оқу үрдісіндегі субъектілердің интерактивті қашықтық қарым-қатынасына жағдай жасайды. Жалпы орта білім үшін қолданбалы бағдарламалық өнімнің негізгі формасы электрондық оқулықтар болып табылады.
Ақпараттық-білім ортасындағы электронды оқыту әдістеріне оқытудың интерактивті, аксиологиялық формалары мен әдістері жатады. Олар олардың саналы түрде қабылдаған бір-бірімен, оқытушымен және ортамен қарым-қатынасының өз бетінше дамуына бағытталған.
Электронды оқытудың қолданбалы бағдарламалық өнімдерінің стандартталуы педагогикалық ғылымдар мен ақпараттық-коммуникациялық технологиялардағы жетістіктердің ескерілуімен эргономикалық, техникалық, психологиялық-педагогикалық және әдістемелік талаптардың ұйымдастырылу жүйесін көрсетеді.

Жұмыстың сыннан өтуі: Диссертация М. Әуезов атындағы Оңтүстік-Қазақстан университетінде орындалды. Магистрлік диссертацияның нәтижелері осы ұжымдағы кафедрасының № _ мәжілісінде талқыланып, қорғауға ұсынылды. Зерттеу жұмысының басты тұжырымдамалары мен өзекті мәселелері әр түрлі республикалық және халықаралық ғылыми теориялық және ғылыми тәжірибелік конференцияларында жарық көрді.

Диссертацияның құрылымы: Диссертация кіріспеден, үш бөлімнен, қорытындыдан, қолданылған әдебиеттер тізімінен тұрады. Диссертациялық жұмыстың құрылымы мен көлемі алға қойылған мақсаттар мен мен міндеттерге байланысты анықталды.

1 БІЛІМ БЕРУ ЖҮЙЕСІНДЕ «E-LEARNING» - ЭЛЕКТРОНДЫ ОҚЫТУ ЖҮЙЕСІ БОЙЫНША ЗЕРТТЕУЛЕР ЖҮРГІЗУ 1. 1 Елімізде және шетелдерде «e-learning» - электронды оқыту жүйесінің білім саласына енгізілуінің қазіргі жағдайына теориялық және практикалық тұрғыдан талдау жасау

Электрондық оқыту- кешенді емес біртұтас, дидактикалық, әдістемелік, интерактивті бағдарламалық жүйе және ол оқу материалынан кездесетін қиындықтарды артта қалдырады, әрі мультимедианың соңғы мүмкіндіктерін қолданып, ғылыми зерттеу әдістерін толықтырады. Бұл жерде оқытудың түсінікті, кең көлемде қарастырылған материалы қолданылады. Дидактикалық заңдастырылған жалпы білім әдістемелік аспектілер, арнайылап оқыту, негізгі пән немесе пәндер тобы және электрондық оқытудың бағдарламалық нақтылығымен өзара тығыз байланысты болады. Электрондық оқыту - бағдарламалық-әдістемелік кешен, өзіндік немесе мұғалімнің көмегімен білім курсындағы бөлімнің мүмкіндігін электрондық түрде қамтиды.

Электрондық оқыту, негізінен үш бөліктен құрастырылады: негізгі ақпараттық курс бөлімінен тұратын презентациялық бөлім, алған білімдері бойынша бекітілген жаттығулар, оқушының білімін көлемді түрде бағалау үшін тестер. Компьютерлік оқыту негізгі оқулықты, анықтаманы, есептеуішті, зертханалық жұмыстарды бір-бірімен байланыстырады.

Электрондық оқыту - таныстыратын теориялық материал, білімнің көрсеткішіне қарай біліммен жаттықтыруды қамтамасыз ететін, оқу үрдісін үзіліссіз дидактикалық материалдармен қамтамасыздандыратын, сонымен қатар ақпараттық іздеу, математикалық және компьютерлік визуалдаумен имитациялық моделдеу интерактивті кері байланыстармен шарт бойынша функцияларды үйренуге арналған бағдарламалық кешенді жүйе. Электронды оқыту барлық негізгі функцияларды, теориялық материалдарды көрсету, бірінші білімді алып қабылдауды көрсету, өзіндік білім алудың жаттығулары мен бақылау көрсеткіштерін қамтамасыз етеді. Дидактикалық цикл үрдісін біріңғай компьютердің көмегімен оқу үрдісін ұйымдастырып, оқушылардың білім алуда уақыттарын үнемдеп, автоматты түрде дидактикалық циклді бір ғана жұмыспен - электрондық оқулықпен орындау керек. Оқыту үрдісін жаңаша түрде орындау үшін компьютермен диалогтық қатынасты дұрыс орынға қою керек. Мультимедианың әдістемелік күші оқушыны дыбыспен, көрермендік бейнемен тез қызықтырып, ақпараттық және көңіл күйіне де көмек береді [4] .

Қазіргі заманда білім кеңістігінің жоғары қызығушылықпен дамып келе жатқан саласы - электронды жүйемен оқыту. Осындай электронды оқыту жүйелерінің бірі E-learning. E-learning Қазақстандық білім жүйесінің дамуының жаңа бағытына айналды. Қазақстан Республикасы Президенті өзінің 2011 жылғы Қазақстан халқына жолдауында: «2015 жылға қарай білім беру ұйымдарының 50 пайызы электронды оқытуды пайдаланып, 2020 жылға қарай оның саны 90 пайызға дейін артады» дегенді айтқан болатын. Электронды оқыту жаңа технология болып табылатынына қарамастан, тарихи деректер E-learning электронды оқыту жүйесінің алғашқы қадамы ХХ ғасырдың 60-шы жылдарында Стэндфорд университетінің қабырғасында орын алғанын көрсетеді. Бұл жоба аясында сол кезде компьютерлер математика пәнін оқыту үшін қолданылған және бүкіл әлем бойынша оқушыларды оқыту үшін осындай мультимедиялық курстардан әлемнің 35 мемлекетінен елу мыңнан астам оқушылар мен студенттер өткен. E-learning Финляндияда, Ирландияда және Оңтүстік Кореяда білімді жетілдіру мен экономикалық өсудің негізгі құралы болып есептеледі. Электронды оқыту бойынша арнайы ұлттық бағдарламалар жасалды. АҚШ, Ұлыбритания, Австралия, Жаңа Зеландия елдерінде электронды оқыту күнделікті өмірдің практикалық тәжірибесіне айналған. Білім кеңістігінде электронды оқыту жүйесін қолданудың мақсаты бұл оқу үрдісінде сапалы білім беру қызметтерін енгізу және оған қолжеткізу үшін ақпараттық коммуникативтік технологияларды қолдана отырып ұйымдастыру. Ақпараттық технологиялардың дамуы қоғамның интеллектуалдық потенциалы мен мемлекеттегі білім дамуының деңгейіне байланысты. Білім мазмұны мен сапасы қоғамда әрқашан басымдық маңызға ие. Осының салдарынан білім сапасын көтеру мақсатында жалпы оқыту жүйесіне әртүрлі жаңа ақпараттық коммуникативтік технологияларды енгізу жоспарлы жұмыстары қарастырылуда. Әлемдік тәжірибеде ақпараттық телекоммуникациялық технологияларды білім саласында жетістікке қол жеткізе қолданудың бірнеше мысалдары бар, сонымен қатар оқытуда оң нәтижелер беретін іс жүзіндегі бағдарламалар мен жобалар да бар. Электронды оқыту жүйелеріне кіріктірілген заманауи компьютерлік технологиялар білімді жеткізу мен әртүрлі оқу ақпараттарына өтуде дәстүрлі оқыту құралдарына қарағанда анағұрлым әсерлі әрі нәтижелі. Қазіргі білім жүйесінің ерекшелігі - тек біліммен қаруландырып қоймай, өздігінен білім алуды дамыта отырып, үздіксіз өз бетінше өрлеуіне қажеттілік тудыру [3] .

... жалғасы

Сіз бұл жұмысты біздің қосымшамыз арқылы толығымен тегін көре аласыз.