Баланың логикалық ойын дамыту


Пән: Педагогика
Жұмыс түрі:  Курстық жұмыс
Тегін:  Антиплагиат
Көлемі: 32 бет
Таңдаулыға:   

«Өрлеу» біліктілікті арттыру Ұлттық Орталығы» акционерлік қоғамының филиалы Қарағанды облысы бойынша педагогикалық қызметкерлердің біліктілігін арттыру институты

Кафедра

ЖОБА

Баланың логикалық ойын дамыту

Тыңдаушы:

Ф амилиясы, аты, әкесінің аты

Жұмыс орны , қызметі

Жетекші:

( оқытушының аты-жөні, қызметі)

Жұмысты өткізу мерзімі:

Қарағанды - 2014

Мазмұны

1 Кіріспе3

1. 1 Жобаның қысқаша сипаттамасы3

1. 2 Жобаның мақсаты және міндеттері4

1. 3 Күтілетін нәтижелер4

2 Мектеп жасына дейінгі балалардың ойлау жүйесінің даму сатылары5

2. 1 Ерте жастағы балалардың ойлау жүйесінің ерекшелігі5

2. 2 Мектеп жасына дейінгі балалардың логикалық ойлау жүйесінің қалыптасуы7

3 Балалардың логикалық ойлау жүйесін дамытудың ерекшеліктері10

3. 1 Баланың логикалық ойлау қабілетін дамытудың негіздері10

3. 2 Баланың логикалық ойлау қабілетін дамытудың жолдары12

4 Мектеп жасына дейінгі балалардың логикалық ойлау жүйесін дамытудағы ойындарды қолданылудың маңызы16

4. 1 Баланың ойлау қабілетін дамытуға арналған логикалық ойындардың түрлері16

4. 2 Баланың логикалық ойлау қабілетін анықтау23

5 Глоссарий25

6 Қорытынды26

7 Әдебиет28

8 Қосымша29

8. 1 Балалардың логикалық ойын дамытушы дидактикалық материалдар29

8. 2 Баланың логикалық ойлау жүйесін дамытушы «Түс пен форма» ойыны30

8. 3 «Мультфильмдердің кейіпкерлері» домино ойыны31

8. 4 «Суретші нені шатастырып алды?» дидактикалық ойыны32

1 Кіріспе 1. 1 Жобаның қысқаша сипаттамасы

Қазақстан Республикасының тәуелсіз мемлекет мәртебесіне жетуі, қазақ тілінің Мемлекеттік тіл құқығына ие болуы және «Білім беру Заңының» қабылдануы жастар тәрбиесі мәселесіне жаңаша көзқараспен қарауды талап етеді.

Баланы оқыту мен тәрбиелеуде мектепке дейінгі мекемелер мен бастауыш буынның алар орны ерекше. Оқыту мен оқу әрекетінің тығыз байланыста болып, баланың ақыл ойының дамуында зор рол атқаратындығы белгілі. Ал оқыту барысында ақыл - ойдың дамуы, бүгінгі күннің басты талабы. Мектеп жасына дейінгі балалардың логикалық ойлау қабілеттерін дамыту оқу материалының мазмұны арқылы, балалардың оқу іс - әрекетін ұйымдастыру құралы мен тәсілдері арқылы жүзеге асырылады.

Логикалық ойлау - ойлаудың негізінде қалыптасады, ауқымы кеңірек мәселелерді шешуге, ғылыми білімдерді меңгеруге мүмкіндік береді. Логикалық ойлау дегеніміз - логика заңдылықтарын пайдалана отырып, ұғымдарды ой - пікірлерді, тұжырымдарды қолдануға негізделген ойлаудың бір түрі.

Мектеп жасына дейінгі жастардың логикалық ойлау қабілетін дамытуда оқу материалдарын талдау көрнекі құрал әсер ету жоспарында басым болады. Мұнда балалар нақты заттарға немесе оның дәл баламаларын бейнелеуге сүйенеді.

Ойлауды дамытудың кейінгі кезеңінде мұғалім балаларға игерілетін мәліметтердің жекелеген элементтері арасындағы болатын байланысты көрсету үшін ерекше қам жасайды. Жыл өткен сайын осындай байланысты күрделі тапсырмалар көлемі ұлғая береді.

Оқу материалдарын балалардың ойлау қабілеті жетерліктей жас ерекшеліктерін ескере үйымдастырса ғана, оның ойлау қабілетінің дамуына мүмкіндік туады. Сондықтан мұғалім балаларды үнемі ойланып оқуға бағыттауға тиіс, бұған оқу үрдісін жүйелі ұйымдастыру, сабақта бала логикасын дұрыс дамыта алатын мүмкіндіктерді мол пайдалану арқылы жетуге болады.

Педагогикалық үрдісте балалардың логикалық ойлау қабілеттерін дамытуда өзіндік жұмыстың алар орны ерекше. Балаларға өз бетінше жасаған ой операцияларының дұрыс бұрыстығын тексеркізу, бір мәселенің өзін түрлі жолдарымен шешуге үнемі бағыттап отыру, логикалық ойлауды қажет ететін мысалдар құрастыру, есептер шығарту, шығармалар жаздырту - баланың логикалық ойлауын тәрбиелеудің тиімді жолы.

Жобаның жаңалығы: баланың логикалық ойлау қабілетінің даму ерекшеліктері қарастырылып, оны дамыту жолындағы ойындар мен әдіс-тәсілдер құрастырылған.

Зерттеу тақырыбының өзектілігі: Мектеп жасына дейінгі балалардың логикалық ойлау дәрежесін арттыруға арналған жаттығулар, ойындар жүйесін құрастыру.

1. 2 Жобаның мақсаты және міндеттері

Жобаның мақсаты: Баланың оқыл ойын дамыту, ойлау қабілетін жетілдіру, өзіндік іскерлік қасиеттерін қалыптастыру, заман талабына сай ойы жүйрік етіп тәрбиелеу.

Жаңа ақпараттық технологияларды қолдану барысында баланың логикалық шығармашылық потенциалын арттыру жас ұрпақты жаңа қоғам жағдайына өмір сүруіне дайындау.

Көзделген мақсатқа жету үшін келесі міндеттер қойылды:

  • балаларды логикалық ойлауды дамытудың ерекшеліктерін қарастыру;
  • балаларды логикалық ойлауды дамыту әдістемелерін зерттеу;
  • баланың логикалық ойлау қабілетін дамыту жолдарын анықтау;
  • баланың ойлау қабілетін дамытуға арналған логикалық ойындардың түрлерін қарастыру;
  • баланың логикалық ойлау қабілетін анықтау мен дамыту әдістемелерін зерттеу.

Зерттеу нысаны мектеп жасына дейінгі балалардың ойлау қабілетін дамыту болып табылады.

Жұмыстың теориялық және әдістемелік негізі ретінде отандық және шетелдік ғалымдардың еңбектері, мерзімдік басылымдардағы мақалалар қолданылды.

Жоба жұмысы кіріспеден, үш бөлімнен, қорытынды мен пайдаланылған әдебиеттер тізімінен, қосымшадан, глоссарийден тұрады.

1. 3 Күтілетін нәтижелер

Жобада көзделген мақсат пен міндеттерге сүйене отырып, мынадай нәтижелерге қол жеткізуді көздедік:

- Мектеп жасына дейінгі балалардың логикалық ойлау жүйесіне әсер ететін, оларды дамытатын әдіс-тәсілдер ойластырылды. Соның негізіндегі ойындардың көмегімен ерте жастағы балаларды мектепке дейін логикалық ойлау жүйесін дамытуды көздедік. Себебі бүгінгі күнде мектеп бағдарламасында күрделенген тапсырмаларға бала дайын болып баруы керек.

- Баланың қоршаған ортаға тез бейімделі қабілеттерін жетілдіру. Бала осы ойындардың арқасында құрбы-құрдастарымен дұрыс араласуды, қоршаған ортасында болып жатқан құбылыстар мен оқиғаларды жетік меңгеріп, оларды бір-бірінен ажырата алады.

- Бала салыстыру, талдау, нәтижеге қол жеткізуге ұмтылады.

2 Мектеп жасына дейінгі балалардың ойлау жүйесінің даму сатылары 2. 1 Ерте жастағы балалардың ойлау жүйесінің ерекшелігі

Мектеп жасына дейінгі балалардың ата-аналарын «баламызға не үйретеміз? Қалай үйретеміз?» деген сұрақ мазалайды. Олар ең жетілдірілген әдіс-тәсілдерді таңдап, балаларын әр түрлі үйірмелерге жазып, көптеген дамыту ойындарын өткізіп, баланы өте кішкентай кезінен бастап жазу-сызуға, санауға, оқытуға үйреткісі келеді. Мектеп жасындағы баланың ойлау жүйесі қалай дамитыны мен оған ол кезде нені үйреткен дұрыс болатынын біз келесі бөлімдерде қарастыратын боламыз.

Тұлғаның кез-келген даму сатысы сияқты, баланың ойлау жүйесі де қалыптасудың бірнеше сатыларын өтеді. Психологияда ойлау жүйесі дамуының үш сатысын бөліп көрсетуге болады: көрнекілік-әрекеттік, көрнекілік-бейнелік, сөз-логикалық.

Барлық сезім мүшелері арқылы әлемді танитын бала үшін ақпаратты алудың негізі қозғалыс пен сезім қабылдау каналдары болып табылады. Кішкентай бала ерте жасында дәл айтсақ «қолымен ойлайды». Осы каналдардың рецепторларының жұмысы тек қана олардың өзіндік ақпараттары ғана тәуелді емес, сондай-ақ басқа қабылдау мен сезім мүшелерінің белсендігіне де тәуелді болады. Бұл нені білдіреді? Мысалы, баланың көру жүйесі ересек адамдікімен салыстырғанда біршама шектеулі. Бала көріністерді түсінбейді - оның ойынша, егер үй алыстан кішкентай болып көрінсе, онда ол шындығында да сондай кішкентай. Ол әлі заттардың үш өлшемділігін түсінбейді.

Бала көру иллюзиясын түсіне қоймайды - мысалы, ол көкжиекке дейін жеткісі немесе кемпірқосақты қолымен ұстап көргісі келеді. Сурет ол үшін - заттың ерекше бір күйі, ол сурет шындығында өмірде жоқтығына сенбейді. Мұнысымен баланың қабылдау жүйесі алғашқы адамның ойлау жүйесін еске түсіреді. Ертегілер кітабында зұлым адамды көргенде, ол қолымен одан «жақсы адамды» жасырады және осы сияқты. Бала көргенінің бәрін қолымен ұстағысы, сол затпен әрекеттескісі, оны сынап көргісі келеді. Ол затпен қанша әрекетке түсетін болса, ол соншалықты заттың қасиеттерін түсіне бастайды. Оның қозғалыс, сезім, көру каналдары да жақсы жұмыс істей бастайды [1, 35 б. ] .

Көрнекілік-қызметтік ойлау - бұл «сынақтар мен қателердің» әдісі. Жаңа затты ала отырып, бала бірінші кезекте онымен әрекеттесуге тырысады - тістеп көреді, сілкиді, еденге ұрады, барлық жаққа айналдырады. М. Кольцова өзінің «Бала сөйлеуге үйренеді» кітабында мысалға қызықты тәжірибені келтіреді: бірінші сөздерді айта бастаған балалардың екі тобына жаңа сөздерді есінде сақтау үшін кейбір заттарды көрсетеді. Бірінші топқа заттармен ойнауға береді, ал екінші топқа тек қана атауын атап, көрсетеді. Бірінші топтағы балалар өздері үшін жаңа заттардың аттарын тезірек, әрі жақсырақ есінде сақтап, айта алатын.

Бала үшін әр көрсетілген объекті - бөлектерге бөліп, қайта құрастыру керек болатын жаңа бас қатырғыш. Ерте жастағы баланы мазалайтын жалғыз нәрсе ол - мұнымен не істеуге болады? Сондықтан болар ерте жастағы балаларға арналған өте жаңа әдістерді, балалардың логикасын немесе аналитикалық ойлау жүйесін дамытушы әдістемелерді қолдану қауіпті. Баламен не істеуге болады? Көбірек оны кез-келген тұрмыстық қызметке кірістіру керек, анасының барлық істеріне көмектескені дұрыс - ыдыс жусын, еденді, шаңды сүртсін, сыпырсын. Әрине, мұндай «көмектен» кейін анасы оның артынан көп жағдайларда жинап жүреді, алайда кез-келген үйрену қателер мен сынақтар арқылы жүреді! Дәл осы кезде бала қоршаған әлемді өскен кезіне қарағанда барынша белсенді түрде тани алады. Кеңістікті тану, заттардың арасындағы байланысты білу үшін ол нағыз өмірлік әрекеттерді жасауы керек. Сондай-ақ, әр түрлі субстанцияларда ойнағаны да пайдалы - топырақпен, сумен, қармен. Былайша айтқанда, көптеген фактураларды үй жағдайында да жасауға болады - әр түрлі жарма, шүберектердің қиындылары, ыдыс пен барлық мүмкін тұрмыстық заттар. Шығармашылық дамуының негізінде бала материалдармен танысу кезеңінен өтеді, онда оған толық еркіндік беріп, жақсы нәтижелерді күтпеу де керек.

Дамудың екінші даму кезеңі жуықтап алғанда баланың 3-4 жасына келеді де, оның 6-7 жасына дейін жалғасады. Ендігіде баланың ойлау жүйесі көрнекілік-бейнелік. Ол алдындағы тәжірибесіне сүйенеді - алыстағы таулар оғанжалпақ болып көрінбейді, ол тастың ауыр, әрі қатты екендігін білуі үшін міндетті түрде оны қолымен ұстауы керек емес, оның қабылдау мен сезім жүйелерінде ол туралы ақпарат жеткілікті жинақталған. Балалар біртіндеп заттармен әрекеттерден, олардың бейнелерімен жұмыс істеуге өтеді. Ойнау кезінде баланың алмастырушы затты қолдануы міндетті емес, ол көз алдына кез-келген ойнау материалын елестете алады - мысалы, «жеуді» елестетін тәрелкесінен, елестетуші қасық арқылы жүзеге асыра алады. Алдыңғы сатысына қарағанда, ойлау үшін бала затты қолымен ұстау керек болса, ал енді ол оны көз алдына елестетуі жеткілікті [2, 56 б. ] .

Бұл кезеңде бала бейнелерін белсенді түрде қолдана бастайды - тек қана ойнау кезінде ғана емес, шығармашылықта да. Осы жаста баланы дайын сызбаларға, өз материалдарын қолдануға үйретпеген дұрыс. Бұл жастағы балада фантазиясы мен өз бейнелерін дамытудың маңызы зор, өйткені бала өзінің бейнелерін қаншалықты дамытса, соншалықты оның миы жақсы жұмыс істейтін болады. Көбісінің ойынша, фантазия бұл - бос уақыт кетіру. Алайда оның бейнелік ойлау жүйесі қаншалықты дамыса, соншалықты оның келесі сатыдағы логикалық ойлау жүйесі дамиды. Сондықтан да бала 5 жасында оқып, санай алмаса уайымдаудың қажеті жоқ. Ең жаманы егер бала ойыншықтарсыз ойнай алмаса және шығармашылықпен айналыспаса! Шығармашылық қызметте бала өзінің ойлап тапқан бейнелерін елестетуге тырысады, танымал заттарымен ассоциациясын іздейді. Бұл жасында баланы дайын заттарға үйретпеу керек, мысалы үлгі бойынша сурет салуға және т. б. Бұл оның ойлауының дамуына кедергі жасайды.

2. 2 Мектеп жасына дейінгі балалардың логикалық ойлау жүйесінің қалыптасуы

Логикалық амалдарының қалыптасуы баланың ойлау жүйесінің дамуына әсер ететін маңызды фактор болып табылады. Көптеген психологиялық зерттеулер баланың логикалық ойлау жүйесінің дамуының шарттары мен амалдарын зерттеуге бағытталған және олар бұл үрдіске әдістеме жасау мүмкін ғана емес, сондай-ақ жоғары тиімділікке ие деген ойды ұстанады, яғни логикалық ойлау жүйесін қалыптастырудың арнайы жұмыстарын ұйымдастыруда баланың алғашқы ойлау жүйесіне қарамастан нәтиженің жоғарылағаны байқалады.

Мектеп жасына дейінгі баланың математикалық даму процесіне математикалық материал негізіндегі әр түрлі әдіс-тәсілдерді енгізуді қарастырайық.

Сериация - өсу ретімен немесе кему ретімен қатарларды орналастыру. Сериацияның классикалық үлгілері: матрешкалар, пирамидалар, алмалы-салмалы ыдыстар және т. б.

Сериацияны өлшемі бойынша орналастыруға болады: ұзындығы бойынша, биіктігі бойынша, ені бойынша - егер заттар бір типті болса (қуыршақтар, таяқтар, ленталар, тастар және т. б. ) және жай ғана «өлшемі» бойынша болса (нені өлшем ретінде санау керектігі көрсетілсе) - егер заттар әр түрлі болса (ойыншықтарды бойы бойынша орналастыру) . Сериацияны түсі бойынша орналастыруға болады: бояудың қарқындылық деңгейі бойынша [3, 37 б. ] .

Талдау - объектінің қасиеттерін, топтың ішінен объектіні немесе белгісі бойынша объектілердің тобын бөліп көрсету.

Мысалы, белгі берілген: қышқыл. Алдымен барлық объектілерде бұл белгінің болуы тексеріледі, кейін белгіленіп, «қышқыл» белгісімен топтастырылады.

Синтез - бір жүйеге әр түрлі элементтерді біріктіру (белгілері, қасиеттері бойынша) . Психологияда талдау мен синтез бір-бірін толықтырушы процестер ретінде қарастырылады (талдау синтез арқылы жүзеге асырылады, ал синтез - талдау арқылы) .

Қандай да бір объектінің элементтерін белгілеуге арналған тапсырмаларды, сондай-ақ оларды бір жүйеге біріктіру бойынша тапсырмаларды баланың математикалық дамуының алғашқы кезеңдерінен бастап ұсынуға болады.

Мысалы:

A. Топтың ішінен кез-келген белгісі бойынша бір затты таңдауға арналған тапсырма (2-4 жас) :

Қызыл допты ал. Қызылды ал, бірақ допты емес. Допты ал, бірақ қызылын емес.

Б. Көрсетілген белгісі бойынша бірнеше заттарды таңдауға арналған тапсырма (2-4 жас) : Барлық доптарды таңда. Домалақтарды таңда, бірақ доптарды емес.

B. Бірнеше көрсетілген белгілері бойынша бір немесе бірнеше заттарды таңдауға арналған тапсырма (2-4 жас) :

Кішкентай көк допты таңда. Үлкен қызыл допты таңда.

Соңғы тапсырма екі белгі бойынша бір заттың таңдауды білдіреді.

Балада өнімді аналитикалық-синтетикалық ойлау қызметін дамыту үшін әдістемеде әр түрлі көзқараспен қарастыратын тапсырмалар ұсынылады. Мұндай жан-жақты амалдарды қарастырудың амалына бір математикалық объектіге тапсырмаларды ұйымдастыру болып табылады.

Салыстыру - объектінің белгілері арасындағы ұқсастықтар мен айырмашылықтарды табуға арналған логикалық амал (зат, құбылыс, заттардың тобы) .

Салыстыру объектінің бір белгісін көрсетіп, оны басқаларынан абстракциялауды білдіреді. Объектінің әр түрлі белгілерін көрсету үшін «Мынаны тап» ойынын қолдануға болады:

Мына заттардың қайсысы үлкен, әрі сары? (Доп пен аю. )

Не сары, әрі үлкен? (Доп. ) және т. б.

Бала жауап берушінің рөлімен қатар, жетекшінің рөлін де қолданыла алуы керек, бұл оны келесі сатыға - сұрақтарға жауап беру сатысына дайындайды:

Сен бұл зат туралы не айта аласың? (Қарбыз - үлкен, домалақ, жасыл. Күн - үлкен, сары, ыстық)

Үлгі. Кім бұл туралы көп айтады? (Лента ұзын, көк, жылтыр, жібек. )

Үлгі. «Бұл не: ақ, суық, үгілгіш?» және т. б.

Методикалық тұрғыдан алдымен баланы екі объектіні салыстыруға, кейіннен объектілердің тобын салыстыру ұсынылады. Балаға алдымен объектілердің айырмашылық белгілерін тауып, кейін ұқсастықтарын тапқан оңай.

Объектілерді қандай да бір белгісі бойынша бөлу тапсырмасы салыстыруды қажет етеді (үлкен және кішкентай, қызыл және көк және т. б. ) .

«Осындайды тап» сынды ойындардың барлығы балалардың салыстыру қабілеттерін дамытуға бағытталған. 2-4 жастағы балалар үшін ұқсастықтары ізделінетін белгілері жақсы меңгерілуі қажет. Үлкенірек жастағы балалар үшін ұқсастықтардың белгілері мен сандары кеңінен өзгертіле алады [4, 19 б. ] .

Жіктеу - көп заттарды белгілі бір белгісі бойынша бөлу, оны жіктеудің негізі деп атайды. Жіктеудің негізі берілуі мүмкін, көрсетілмеуі де мүмкін (бұл нұсқаны үлкен жастағы балаларда қолданылады, өйткені талдау, салыстыру, жалпылау қабілеттерін талап етеді) . Ескере кететін жайт, көпшілікті жіктегенде алынған жіктеулер жұптарымен қиылыспауы керек және жіктелгендерді құрастырғанда алдыңқы көпшілік шығуы керек. Басқаша сөзбен айтқанда, әр объект тек бір жіктеуге кіруі керек.

Мектеп жасына дейінгі балалармен мынадай жіктеулерді өткізуге болады:

- заттардың аттары бойынша (кеселер мен тәрелкелер, ракушкалар мен тастар, кегель мен доптар және т. б. ) ;

- өлшемі бойынша (бір топқа үлкен доптар, екіншісіне - кішкентай доптар; бір қорапқа ұзын қарындаштар, ал басқасына - қысқа және т. б. ) ;

- түсі бойынша (бір қорапқа қызыл жіптерді, екіншісіне - жасыл) ;

- формасы бойынша (бір қорапқа квадраттарды, ал екіншісіне - саптыаяқтарды; бір қорапқа - кубиктерді, ал екіншісіне - кірпіштерді және т. б. ) ;

- басқа белгілері бойынша (жеуге болатындар мен жеуге болмайтындар, жүзетін және ұшатын жануарлар, орман мен бақша өсімдіктері, жыртқыш және үй жануарлары және т. б. ) .

Жоғарыда аталған мысалдардың барлығы - бұл берілген негізі бойынша жіктеу: педагог балаларға оны өзі жеткізеді. Басқа жағдайда балалардың өзі негізді өз бетімен анықтайды. Педагог тек көптеген заттарды бөлу керек топтардың санын айтады (объектілер) . Бұл кезде негіз жалғыз жолмен анықтала алады.

Тапсырмаға арналған материалды таңдауда педагог балалардың объектілердің болымсыз белгілеріне бағыттайтын жиынтығы шықпауын бақылауы керек, бұл дұрыс емес жалпылауларға алып келеді. Есте сақтайтын жайт, эмпирикалық жалпылауларда балалар объектілердің сыртқы, көрінетін белгілеріне сүйенеді, бұл әрдайым олардың болмысын ашу мен түсінігін анықтауға көмектесе бермейді.

Балаларда өз бетінше жалпылауларды жасауын қалыптастыру жалпы дамыту көзқарасымен қарағанда өте маңызды болып келеді. Математикаға үйретудегі өзгерістерге орай балабақшада балалардың заттық, сызбалық және белгілік көрнекіліктері арқылы логикалық ойлауын дамытуға жұмыстар өткізуге болады, баланы салыстыруға, жіктеуге және өз қызметінің нәтижелерін біріктіруге үйрету керек.

3 Балалардың логикалық ойлау жүйесін дамытудың ерекшеліктері 3. 1 Баланың логикалық ойлау қабілетін дамытудың негіздері

Логикалық ойлау - ойлаудың негізінде қалыптасады, ауқымы кеңірек мәселелерді шешуге, ғылыми білімдерді меңгеруге мүмкіндік береді. Логикалық ойлау дегеніміз - логика заңдылықтарын пайдалана отырып, ұғымдарды ой - пікірлерді, тұжырымдарды қолдануға негізделген ойлаудың бір түрі.

Мектеп жасына дейінгі балалардың таным процестеріне талдау беруге көшелік.

Мектеп жасына дейінгі балалардың негізгі таным процестері (қабылдау, зейін, жат пен ес, қиял, ойлану) өсе келе едәуір өзгерістерге ұшырайды. Мектеп жасына дейінгі баланың ойлау процесіне келсек, осының қаншалықты дамығаны туралы әр түрлі пікірлер бар. Л. С. Выготскийдің пікірі, бойынша оқымай жүрген ойын баласы оқуға кіргеннен соң ойымен интеллектысы үлкен өзгеріске ұшырайды: яғни натуральдық ойдан, мәдени, немесе ұғым арқылы ойлануға көшеді.

Ой операцияларының түрлері мектеп жасына дейінгі балалардың оқу әрекетінде әр түрлі тереңдікте кездеседі. Алғашқыда балалар нақты затқа, не солардың көшірмесіне (үлгісіне, суретіне т. б. ) негізделе отырып, тапсырманы орындайды. Сол затқа не оның көшірмесін көз алдынан алып кетсе, тапсырманы орындау қиынға түседі. 5-6 жастағылар бірте-бірте заттың жеке қасиеттеріне, әсіресе негізгі белгілерін есінде қалдырып, соларды мүмкіндікше топтастыруға үйренеді. Осының өзі сол заттың не оның көшірмесі жоқ кезінде жабайы тапсырмаларды орындауға мүмкіндік береді [5, 13 б. ] .

Ал аталған операциялар - өзінше динамикалық болып тұратын процессуалдық құбылыстар. Осы құбылыстар, яғни операциялар жүзеге асу үшін тиісті бейнелерге елестету бейнесіне, не ұғымға негізделуі тиіс.

... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
ЕРЕСЕКТЕР ТОБЫНДАҒЫ БАЛАЛАРДЫҢ ЛОГИКАЛЫҚ ОЙЛАУ ҚАБІЛЕТІНІҢ ДАМУЫНА АРНАЛҒАН ЭКСПЕРИМЕНТАЛДЫҚ ЗЕРТТЕУ ЖҰМЫСЫ
Мектеп жасына дейінгі ересек балалардың логикалық танымы үдерісін ойын әрекеті арқылы дамыту.
МЕКТЕП ЖАСЫНА ДЕЙІНГІ БАЛА ТІЛІН ДИДАКТИКАЛЫҚ ОЙЫН АРҚЫЛЫ ДАМЫТУ
Логикалық ойындар арқылы балалардың танымдық қабілеттерін дамыту
Мектепке дейінгі балалардың танымдық үрдістерін ойын арқылы дамыту жолдарын айқындап көрсету
Ойындар арқылы баланың логикалық ойлауын дамыту
Мектеп жасына дейінгі балаларының логикалық ойлауын дамыту
Дидактикалық ойындардың ерекшеліктері
Мектеп жасына дейінгі балалардың ойлау қабілеттерінің даму ерекшеліктері
Мектеп жасына дейінгі балалардың логикалық ойлауының даму ерекшеліктері
Пәндер



Реферат Курстық жұмыс Диплом Материал Диссертация Практика Презентация Сабақ жоспары Мақал-мәтелдер 1‑10 бет 11‑20 бет 21‑30 бет 31‑60 бет 61+ бет Негізгі Бет саны Қосымша Іздеу Ештеңе табылмады :( Соңғы қаралған жұмыстар Қаралған жұмыстар табылмады Тапсырыс Антиплагиат Қаралған жұмыстар kz