Бастауыш сыныптан шетел тілін оқытудың ерекщеліктері

1. Бастауыш сыныптан шетел тілін оқытудың ерекщеліктері.
2. Ағылшын тілін ерте жастан оқытудың мақсаты

ҚазіргіҚазақстандыққоғамкөпұлттық, көптілділікжәнекөпмәдинеттілікжағдайда. Сондықтан осы қоғамға бейімделген көп тілді меңгерген мәдениетті тұлға қалыптастыру — өзекті мәселелердің бірі. Әлемдік білім беру жүйесі жеке тұлғаны қалыптастыруға бағытталған. Бұл ұстаным Қазақстан республикасының Білім туралы Заңында жан-жақты сипатталған: “Білім беру жүйесінің басты міндеті – ұлттық және адамзаттық құндылықтар, ғылым мен практика жетістіктері негізінде жеке адамды қалыптастыруға және кәсіби шыңдауға бағытталған білім алу үшін қажетті жағдайлар жасау, оқытудың жаңа технологияларын енгізу, білім беруді ақпараттандыру, халықаралық ғаламдық коммуникациялық желілерге шығу”
Тіл мәселесін сөзге тиек ете отырып, Н.Ә.Назарбаев:«қазақстандықтардың жаңа ұрпағы ең кем дегенде үш тілді біліп, қазақ, орыс және ағылшын тілдерін еркін білу тиіс» екендігінайтты. Сонымен қатар ағылшын тілін кеңінен білмейінше, ұлттың бәсекеге шынайы қабілеттілігі туралы айту қиын болатындығын ескерте отырып, барлық ата- аналарды балаларын үш тілде оқытуға шақырды. Шәкірттер қазақ тілін толық әдеби нормада меңгеріп, орыс тілі мен ағылшын тілін еркін білу қажет. Ал ғалымдардың зерттеуінше, бала жас кезінде тілді қиналмай әрі еркін меңгереді екен. Сондықтан да орта білім беру жүйесінде басты бағыттардың бірі шет тіліне ерте жастан оқыту болып табылады. Соңғы он жылда ағылшын тілін бастауыш сыныптардан бастап оқыту көптеген мектептерде эксперименттік деңгейде жүргізіліп келді.
2014/2015 оқу жылында барлық мектептерде 1- сыныптан бастап шет тілі енгізілді.
Ағылшын тілін ерте жастан оқытудың мақсаты – оқушылардың ағылшын тілінде қарым-қатынас жасай алу негіздерін меңгеруі болып табылады. Ерте жастан ағылшын тілін оқыту оқушылардың коммуникативті даму біліктілігін арттырады, оқушылардың қызығушылығын оятуға мүмкіндік береді, бірден көп тілдерде сөйлеуге мүмкіндік алады.
Ал әлемдік тіл ретінде бейресми түрде орныққан ағылшын тілін меңгеру ұлттың бәсекеге қабілеттілігін шыңдай түседі. Қазір ағылшын тілін білу – уақыт талабы.
Шетелдіктердің арасында біліктілігімен, сауаттылығымен суырылып алға шығу үшін де тіл білу маңызды. Ғалымдардың зерттеуінше, 5-7 жас аралығындағы баланың қабылдау қабілеті өте жоғары болады. Баланың ерте жастан зейін-қабілетін дамыту мақсатында Білім және ғылым министрлігінің ағылшын тілін бастауыш сыныптан бастап үйретуге баса назар аударуда. Биылғы оқу жылында еліміздің 1-сынып бағдарламасына ағылшын тілі енгізіліп отыр. Бұл – өте күрделі талап. «Шет тілі» пәні қызметтік сипатқа ие, сондықтан ол әлемді тұтастай, эмоционалды және белсенді қабылдайтын төменгі сынып оқушысы табиғатына сәйкес келеді. Бұл осы жастағы балаларға тән басқа да қызмет түрлеріне негізделген ойындық, танымдық, көркем, эстетикалық тәсілдер арқылы үйретіледі.
1-сыныпта апталық оқу жүктемесі 1 сағатын құрайды, жылына – 33 сағат. Оқушыларға үй тапсырмасы берілмейді. Еуропалық тілді меңгерудің қарапайым тәсілімен жүзеге асады.
Яғни, олар бастапқыда ойын түрінде өтеді, тек әріптерді жылдың екінші жартысынан бастап үйрене бастайды.Мен 2014-2015 оқу жылдан бастап Бершүгір орта мектебінде 1а,б; 2а,б және де 3а,б сыныптарына ағылшын тілінен сабақ беремін. Сағат саны аптасына 1 сағат, күнтізбелік жоспар бойынша сағат саны-34 сағат. Оқушыларда пәнге деген қызығушылығын оятатын (авторлары Рахимжанова, Волкова) «Алматыкітап» баспасынан шыққан оқулық және дәптері бар. Сонымен бірге әр сабақта өтілетін жаңа әріптерді қайталату үшін CD бар. Оның ішінде әндер, тақпақтар, диалогтар бар. Оқушы осыны тыңдау арқылы жаңа тақырыпты түсінеді. Оқулықта 8 бөлім(Unit1-8) берілген. Әр бөлім 4,5 сабақтан тұрады.
Оқушыларға бастауыш сыныптан бастап ағылшын тілін оқыту өте қызық және сонымен бірге өзіндік қиындығы да жетерлік. Аптасына 1 сағат оқыту арқылы бастауыш сынып оқушыларына ағылшын тілін өз дәрежесінде игеру өте тарлық етеді. Әр сабақ сайын сайын жұмыс дәптерлерінде әртүрлі шығармашылық тапсырмалары берілген онда оқулықта үйренген әріптерді жазу дәптеріне салу, тиісті әріптердің астын сызу, түсіп қалған әріптерді салу, лексикалық сөздерді керекті суреттермен сәйкестердіру, кроссвордтар мен сканвордттар шешу, суретті бояу мен суретерін салу,суреттеу, Бинго ойынын ойнату сияқты түрлі, оқушылардың коммуникативтік таным түйсігін дамытуға арналған қызықты және жас ерекшелігіне лайықталған тапсырмалар берілген. Оқулықта сонымен қатар дискімен тыңдап түсінуге арналған әндер мен диалогтар, тақпақтар берілген.