Отанымыздағы инвестициялық жобаларды басқарудағы көрсеткіштердің деңгейін анықтау

Пән: Қаржы
Жұмыс түрі: Дипломдық жұмыс
Тегін: Антиплагиат
Көлемі: 32 бет
Таңдаулыға:

КІРІСПЕ

Қазақстан Республикасы экономикасының дамуы отандық және шет елдік инвестициялардың тартылумен тығыз байланысты болып келеді. Инвестицияларды әр түрлі қаржы құралдарын шығара отырып тарту бүгінгі күні кең көлемде қолға алынды. Оған елдегі қолайлы инвестициялық климат өз әсерін тигізуде. Инвестиция негізінен екі бағытта тартылады: бірінші бағыт несие алу арқылы, ал екінші бағыт бағалы қағаздар шығарып сату арқылы. Инвестициялық жобаларды дайындай отырып ссудалық қаражаттарды биснеске тарту соңғы жылдары Қазақстан банктерінде қолға алына бастады. Мұндай инвестициялық жобалардың тиімділігі есептелініп, қарыз алушыға қажетті сома әрбір аяқталған жұмыстан кейін беріледі. Инвестициялық жобалар негізінде несие алу барысында кепіл мүлікті талап етілмейді. Инвестициялық құралдардың арасындағы жобалар арқылы несие алу экономиканың нағыз секторларын дамытуда болашақта негізгі құрал болатыны сөзсіз.

Дипломдық жұмысымның өзектілігі. Қазіргі таңдағы еліміздегі инвестициялық жобаларды бағалауда, тиімділігін арттыруда қолданылатын шаралар мен әдіс-тәсілдердің қолайлылығын растау. Инвестициялық жобаларды бағалауда оларды қолдану қаншалықты дұрыс екендігіне көз жеткізу және оны тәжирибеге енгізу.

Әрбір әлеуетті жоба оның елдегі саяси‚ әлеуметтік жағдайларға сәйкес келуге‚ олардың өзгеруі мүмкін екендігі тұрғысынан да бағалануға тиіс. Күрделі жұмсалымды бағалаудың ең кең таралған әдістері: өтелімділік әдіс‚ пайданың жай нормасы әдісі‚ қаражатты‚ ағымдағы таза пайданы дисконттау әдісі. Олардың көбісі ЮНИДО-ның өнеркәсіптік техника-экономика зерттеулерді дайындау жөніндегі оқу құралында көрініс тапқан. Соның негізінде әзірленген бағдарламалар пакеті КОМФАР (COMFAR - Computer Model for Feasіbіlіty Analysіs und Reportіng) немесе инвестиция жобалардың техника-экономика негіздемелерін әзірлеудің компьютерлік үлгісі деп аталады. Алайда бағалау әдістері мен критерийлерін таңдау жобаның ерекшелігіне‚ оларда жаңа енгізілімдердің болуына‚ сала тұрпатына‚ басқа да бірқатар факторларға байланысты. Түпкілікті шешімді тапсырыс беруші (кәсіпкер) қабылдайды‚ инвестормен‚ серіктестермен‚ контрагенттермен‚ басқа да мүдделі тұлғалармен келісіледі.

Дипломдық жұмыстың мақсаты мен міндеті. Отанымыздағы инвестициялық жобаларды басқарудағы көрсеткіштердің деңгейін анықтау.

Қойылған мақсатқа жету үшін жобалық талдаудың алдына келесі міндеттер белгіленеді:

Іске асырылатын жобалардың іс жүзінде кедергі болар шектеулерді және шаралардың өзгерістерін есепке ала отырып қол жеткізетін нәтижеге баға беру.
Жоба бойынша жұмсалатын қажетті ресурстардың көлемін анықтау және олардың әр түрлі шаралар бойынша салыстыру.
Жобаның және оны іске асырылу жолдарының бірнеше болуына қарай ең тиімді жобаны қабылдауға немесе ең тиімді нұсқаны таңдауға шешім шығару.
Жобаны іске асырудан түсетін табыстарды бағалау және оны инвесторлар арасында бөлу.

Жобалық талдаудың міндеттеріне инвестициялық жобаның іске асырылуын бағалау, жобаның нәтижелігін бағалау, жобаның тиімділігін бағалау және оптимизациялау жатады.

Кез келген инвестициялық жобаны талдау барысында жобаның түріне, сондай-ақ оның мазмұнына және сипатына байланысты әр түрлі саладағы мамандардың қатысуы талап етіледі. Инвестициялық жобаны талдау қаралатын жобаның артықшылықтары мен кемшіліктерін жан-жақты бағалауға негізделеді.

Осыған сәйкес жобалық талдау да бірнеше түрлерге бөлінеді:

жобаны экономикалық талдау,
жобаны техникалық талдау;
жобаны коммерциялық талдау;
жобаны ұйымдастырушылық талдау;
жобаны әлеуметтік талдау;
жобаны экологиялық талдау;
жобаны қаржылық талдау.

Ал, жобаның соңғы бағасы бірнеше жылдар аралығында белгіленеді. Бұл техникалық шешімнің дұрыстығын, жергілікті әлеуметтік, экономикалық және саяси жағдайлардың ескерілуін, шығынның дәл есептелуін, яғни, жобаның тиімділік көрсеткіштерінің тура екендігін дәлелдеуге мүмкіндік береді.

Қаржыландыру үшін инвестициялық жобалардың тиімділігіне баға беру жөніндегі әдістемелік ұсыныстар халықаралық тәжірибеде кеңінен қолданалатын қағидалар мен әдістерге негізделген.

Зерттеу әдістемесі. Коммерциялық тиімділікті есептеуге капиталдан түсетін пайда деңгейіне деген әр инвестордың жеке көзқарасы негізінде дисконт нормасын ешқандай қосымша дәлелдемелерге суйенбей-ақ қабылдауға болады. Алайда, дисконт нормасының мөлшерін анықтаудың тәртібі қаржылындыру үшін инвестициялық жобаларды объективті түрде таңдауға мүмкіндік береді. Инвестициялық жобалның тиімділерін талдай отырып таңдап алу инвестицияның қайтарамдылығын қамтамасыз етудің факторы болып табылады.

Тәжірибелік маңыздылығы мен зерттеу объектісі. Республикамызда жыл сайын көптеген жобалар қаржыландырылып келеді. Оларды қаржыландыру шет ел және отандық инвесторлардың қолдауымен жүзеге асырылады. Оларды іске асыру үшін, жасалып жатқан жобаға бағалау жұмыстары жүргізіледі. Осы бағалау жұмысының қазіргі кездегі елімізде қолданып жүрген критерийлерді өз дипломдық жұмысымда көрсетпешімін. Ондағы көрсеткіштердің қаншалықты дұрыс-бұрыстығын анықтап, олардың тиімді жақтарын қарастыру.

Дипломдық жұмыстың құрылымы . Кіріспе, төрт бөлім және қорытындыдан тұрады:

бірінші бөлімде, дипломдық жұмысымды жасаудағы әдебиеттерге шолу;
екінші бөлімде, тақырып бойынша зерттеуде қолданылатын әдіс-тәсілдер;
үшінші бөлімде, қазіргі таңдағы инвестициялық жобалардың тиімдісін таңдау, оларды бағалаудағы критерийлер көретілген;
төртінші бөлімде, инвестициялық жобалардың тиімділігін арттыру перспективалары жайлы айқындайды;

ӘДЕБИЕТТЕРГЕ ШОЛУ

Инвестиция - жаңа құрылысқа, жабдықтауға, жұмыс жасап тұрған кәсіпорынды ұлғайтумен техникалық қайта жабдықтауға, тұрғын-үй, мәдени тұрмыстық құрылысқа кеткен шығындар.

«Инвестиция» немістің «invesition» деген сөзі және бұл кәсіпорынға (фирма) пайда табу мақсатында ұзақ мерзімге салынған капитал мөлшерін көрсетеді. Инвестиция қайнар көзіне өнеркәсіп кәсіпорынының көптеген пайдасы, ірі банктердің еркін ақшалай қоры, тұрғындардың жинаған ақшалары, мемлекеттің ақшалай қаржылары, яғни мемлекеттің табыстары (салық, кеден салығы және т. б. ) жатады. Одан барлық шығындарын алып тасталынады. Олар инвестиция ретінде жаңа кәсіпорынды салуға, жол құрылысына, денсаулық сақтау, оқу ағарту, мәдени объектілеріне жұмсалады.

Инвестиция көзі болып жаңадан қалыптасқан (құрылған) құн немесе таза табысының жинақтаған бөлігі саналады.

У. Шарп инвестицияны былайша анықтайды: «Нақты инвестицияларға әдетте қандай да бір материалдық-көрнекті активтер түріне инвестициялау кіреді, мысалы, жер, қондырғылар, зауыттар сияқты. Қаржылық инвестициялар қағазда жазылған келісім-шарттарды, мысалы, кәдімгі акциялар мен облигациялар сияқтыны білдіреді. Қарапайым экономикаларда инвестициялардың негізгі бөлігі нақтыға жатқызылса, қазіргі дәуірдің экономикасында инвестициялардың үлкен бөлігі қаржылық инвестициялар болып табылады. Қаржылық инвестицияландыру институттарының жоғары дамуы нақты инвестицияның өсуіне едәуір дәрежеде ықпал етеді. Әдетте, бұл екі форма бәсекелес емес, бір-бірін толықтырушы болып табылады. В. Бочаров инвестицияны табыстың тұтынуға жұмсала алмайтын бөлігі деп түсінеді. Инвестициялық ресурстар инвестициялық іскерліктің капиталдық құнның табыс немесе әлеуметтік әсер түріндегі өсімі алынатын нақты объектілеріне трансформацияланады. [9, 198 б. ] .

Инвестиция маңызы - экономиканың тұрақты және жоғары қарқынының қалыптастыруда, ғылыми-техникалық прогрестің жетістіктерін енгізуде, инфрақұрылымды дамытуда бөлінеді. Инвестицияны дамытуда кәсіпорынды қаржыландыратын және ұзақ мерзімге немесе беретін мамандандырылған инвестициялық банктер мен акционерлік қоғамның акцияларынан құралған инвестициялық қорлар ерекше роль атқарады. Қазақстан Республикасының заңдары экономиканың барлық саласын инвестициялық тұрғысынан қолдауға бағытталған.

Инвестициялық жобаларды бағалау бірнеше әдебиеттер төңірегінде көрсетілген. Мысалы, Э. С. Мадиярова еңбегінде «Өз еліміздің және шетел тәжірибесінде білқатар ресми әдістер бар, солардың көмегімен инвестиция саясаты саласында шешім қабылдау үшін негіз болып табылады. Барлық жағдайларда қолданылатын әмбебап әдіс жоқ. Алайда, кейбір жағдайда салыстырмалы түрде болса да ресми әдістермен есептелеген бағалау негізінде соңғы шешім қабылдау жеңілірек. » деп топшылаған. [4, 178-179 б. ] .

Ал, Дамодоран әдебиетінде «қандайда жақтаушылары болмасын, бағалау ғылым болып табылмайды» деген тұжырымдама берген. Соған қарамастан, бұл автор өз еңбегінде инвестициялық жобаларды бағалау төңірегінде өте көп мәліметтер қорын жинақтаған. [1, 19 б. ] .

Ю. Бригхем және Л. Гапенскийдің «қаржылық менеджмент» еңбегінде инвестициялар жайында: Жабдықты сатып алу қажеттігі туралы қате болжам, жағымсыз нәтиже беруі мүмкін. Ірі инвестициялар ақталатын үлкен шығындар талап етеді, ал жеткіліксіз көлемде екі мәселе туындайды:

Компания жабдықтарының қазіргі заманға сай болмауы, оның бәсеке қабілеттігін төмендетеді.
Егер ол үйлесімсіз күшке ие болса, компания өзінің нарықтағы бөлігін жоғалтып бәсекелестерге жол беруі мүмкін. Оны қалпына келтіру үшін, көп көлемде жарнама шығындарына, бағаның түсуіне, тұтынушылар сапасының жоғарылауына және де т. б. қосымша шығындарға алып келеді.

Инвестициялаудың тағы бір аспектісі - оның уақыттылығы, яғни негізгі құралдар керек уақытында толықтай дайын болуы шарт. Сондықтан тиімді инвестицияларды уақтылы және сапалы кіріс жабдықтар көздейді. [5, 169 б. ] .

Джеймс С. Ван Хоум және де Джон М. Вачовикз кітабында «Инвестициялық жобаларды талдау мақсатында қаржыландыруды көптеген көздерден пайда болуы мүмкін, инвестициялық жобаларды іске асыру үшін ұсыныстар бес санатқа бөлуге болады:

Жаңа өнімдер шығару немесе қолдыстағы өнім көлемін арттыру;
Жабдықтарды жаңғырту және ғимаратты кайта жаңғырту;
Ғылыми-зерттеу жұмыстары және оны дамыту;
Іздестіру;
Басқалар (қауіпсіздікті арттыру, қоршаған ортаны ластанудан қорғау. » [6, 223 б. ] .

Қорыта айтсақ, жоғарыдағы авторлар инвестициялық жобалардың тиімділігін арттыру мен оларды бағалаудағы қолайлы жолын көрсеткен. Көрсетілеген авторлар еңбегі негізінде, мен дипломдық жұмысымды жазып шықтым.

2. Зерттеу әдіснамасы: Инвестициялық жобаларды әзірлеумен іске асырудағы қазіргі заманғы түсініктер концепциясы.

Іс-әрекеттің тиімділігін бағалау инвестициялық жобаны талдаудың маңызды бөлігі болып табылады.

Қазірде инвестициялық жобаның тиімді екенін бағалайтын әдістерді 2-ге бөлеміз:

1) Дисконттық емес әдіспен инвестицияны бағалаудың мынандай екі әдісі бар: ақтау мерзімін анықтау және табыстылықтың есептік коэффициенті

1. 1 Ақтау мерзімін анықтау. Ақтау мерзімі - капитал салымына жіберілген ақша қаражатын қайтарып алу мерзімін айтамыз. Егер капитал салымынан келіп түсетін ақша ағымы әрбір жылы бірдей соманы құраса, онда ақтау мерзімі бастапқы инвестиция сомасын жыл сайынғы күтілген түсім сомасына бөлу арқылы табуға болады.

Егер капитал салымынан келіп түсетін ақша ағымы әрбір жылы әр түрлі соманы құраса, онда ақтау мерзімі бастапқы инвестицияны өтегенге дейін жинақталады. Ол келесі формуламен анықталады[4, 183 б. ] :

Ақтау мерзімі=толық ақталу мерзімі+жыл басындағы өтелмеген инвестиция бөлігі/осы жылғы таза ақша түсімі (1)

Бұл әдістің басымдылығы - есептеу карапайым, сондақтан ол инвестицияның тәуекелін бағалаудың қарапайым әдісі ретінде қолданылады. Кемшіліктері:

Өтемділіктің нормативті мерзімі субъективті болуы мүмкін;
Әдіс жобаның өтемділік мерзімінен тыс уақыттағы табыстылығын есепке алмайды, сондықтан өтелімділік мерзімі бірдей, бірақ өмір сүру мерзімі әр түрлі жобалардың нұсқаларын салыстыру үшін қолданыла алмайды;
Әдіс кумулятивті табысбар сомасы бірдей, бірақ жылдар бойынша бөлінуі әр түрлі жобалар арасында айырмашылық жасамайды.

1. 2 Табыстылықтың есептік коэффициенті. Бұл әдіс есептік табысқа негізделген. Есептік немесе бухгалтерлік табыс жоба бойынша жылдық орташа табыстың бастапқы инвестициялық салымның орташа жылдық сомасына қатынасы арқылы анықталады[4, 184 б. ] .

ARR=жылдық орташа пайда/[. б. инвестиция+ж. с. инв] /2 (2)

Бұл коэффициенттің мазмұны активтердің рентабельділігіне ұқсас.

Табыстылықтың есептік коэффициенті әдісінің артықшылықтары:

- есептеудің қарапайымдылығы;

- жобаның табыстылығын бағалау;

Әдістің кемшіліктері:

- келешекте түсетін түсімдердің құндылығы есепке алынбайды;

- салыстыру ставкасы ретінде алынған таза табыстың көлеміне барынша тәуелді;

- табыстың есептік коэффиценті кезең бойына орташа болады.

2) Инвестицияны бағалаудың дисконттық әдісінің үш түрі бар: Ақша ағымын дисконттеу, таза келтірілген құн әдісі, ішкі табыстылық мөлшерлемесі.

2. 1 Ақша ағымын дисконттеу әдісі бойынша белгілі бір кезеңде жобадан түсетін болашақ ақша түсімі өлшенеді. Бұл әдіс ақшаның уақытша құнын пайдаланады. Болашақ құнды келесі формуламен анықтаймыз:

FV=V ₀ (1+k) ⁿ (3)

Мұндағы,

V ₀ - бастапқы инвестиция;

k - капитал салымынан түсетін табыстың нормасы;

n - капитал салымының мерзімі[4, 185 б. ] .

Болашақ ақша бірлігігінің бүгінгі құнын дисконттық құн немесе ағымдық құн д. а. Ағымдық құн келесі формуламен анықталады[4, 186 б. ] :

PV=FV _n /(1+k) ⁿ (4)

2. 2 Таза келтірілген құн әдісі. Бұл әдіс бойынша жобадан түсетін күтілген ақша түсімі табыстылық мөлшерлемесіне сәйкес барлық күтілген ақша ағымын дисконттеу арқылы анықталады. Таза келтірілген құн әдісі келесі реттен тұрады:

жобаға байланысты барлық релеванттық ақша ағымының ағымдық құнын есептеу;
жекелеген ақша ағымының қосындысын анықтау;
әрбір қосындыны бастапқы инвестициямен салыстыру.

NPV=PV ₁ +PV ₂ +PV ₃ ++PV _n -I ₀ (5)

Мұндағы,

PV ₁ , PV _2, PV _{3 -} әрбір кезеңдегі келтірілген ақша ағымы;

I ₀ - бастапқы инвестиция[4, 63 б. ] .

Егер таза келтірілген ағымдық құн оң болса, онда жлбаны қабылдау керек.

Егер екі альтернативтік жоба болса, онда қайсысының таза келтірілген ағымдық құны жоғары болса, соны қабылдау қажет.

2. 3 Ішкі табыстылық мөлшерлемесі әдісі бойынша таза келтірілген ақша ағымы бастапқы инвестицияға тең, яғни жобаның таза келтірілген құны нөлге тең болады.

I ₀ =CF ₁ /(1+IRR) ¹ + CF ₁ /(1+IRR) ² + CF ₁ /(1+IRR) ³ +…. . + CF _n /(1+IRR) ⁿ (6)

Мұндағы,

CF - бір жылдағы таза ақша ағымы[4, 188 б. ] .

Егер таза ақша ағымы тепе-тең жағдайда IRR есептеу үшін мыналар қажет:

аннуитеттің дисконттеу факторын бастапқы инвестиция сомасын әрбір жылғы таза ақша ағымына бөлу арқылы анықтаймыз.
кесте бойынша аннуитеттің дисконттеу факторының пайыздық мөлшерлемесін анықтаймыз.
Егер ішкі табыстылық мөлшері қажетті табыстылық мөлшерінен артық болса, онда жоба қабылданады.

2) Меншікті капитал рентабельділік коэффиценті - активтер тиімділігін басқарудағы алғашқы және кең таралған көрсеткіш.

ROE=Pn/E (7)

Мұндағы,

Pn - таза табыс;

Е - меншікті капитал[4, 190 б. ] .

3) Активтердің рентабельділігі көрсеткіші - ұзақ мерзімді және қысқа мерзімді қарыз ала отырып, кәсіпорынның меншікті капиталынан пайда табу қабілеттілігін білдіреді.

ROA=Pn/A (8)

Мұндағы,

Pn - таза табыс;

А - активтер[2, 98 б. ] .

4) Кәсіпорын үшін жалпы құнынның бағасындағы соңғы қадам болып, әртүрлі көздерден алынған капитал құнын үйлестіру болып табылады. Бұл жалпы құнды көбіне капиталдың орташа өлшенген құны деп атайды, өйткені ол әртүрлі деңгейдегі компоненттердің орташа құнын білдіреді.

Орташа өлшенген капитал құнынын есептеу мына формула арқылы жүргізіледі:

WACC = WdХСdХ(1-T) +WpХCp+WeХCe (9)

Мұндағы,

Wd, Wp, We - қарыздық капитал үлесі, артықшылықты акциялар, меншікті капитал;

Сd, Cp, Ce - капитал құнына жататын бөлігі;

Т - табыс салығының ставкасы[4, 185б. ] .

Осы жоғарыда көрсетілген формулаларға сәйкес, инвестициялық жобалардың табыстылығын, тиімділігін айқындауға болады. Бұл формулалар қазіргі кезде елімізде инвестициялық жобаларды бағалауда қолданылады.

3. ҚАЗАҚСТАН РЕСПУБЛИКАСЫНДАҒЫ ӨНЕРКӘСІПТІК КӘСІПОРЫНДАРДЫҢ ИНВЕСТИЦИЯЛЫҚ ЖОБАЛАРЫНЫҢ ТИІМДІЛІГІН ІРІКТЕУ ЖӘНЕ БАҒАЛАУ ҮШІН ЗЕРТТЕУ ТӘСІЛДЕРІ (МЫСАЛЫ ДАМУ АҚ)

3. 1 ӨНЕРКӘСІПТІК КӘСІПОРЫНДАРДЫҢ ИНВЕСТИЦИЯЛЫҚ ЖОБАЛАРДЫҢ ПОРТФЕЛІН ТАЛДАУ

Еліміз нарықтық экономикаға көшкеннен кейін, бізге шағын және орта кәсіпкерлікті дамыту керек болатын. Сол мақсатта, 1997 жылы «Шағын кәсіпкерлікті дамыту қоры» АҚ құру туралы жарлығын шығарды. Қор жұмысын осы жылдың тамыз айының 18 күні бастады.

Қор жұмысының негізгі мақсаты: Отанымыздағы шаруашылық жүргізуші субъектілердің экономикамызда өсуін, мемлекеттен бөлінген ақша қаражаттарын осы жолда жұмсауда тиімділігін арттыру.

Өзiнiң келешектегi жоспарына қол жеткiзiп, миссиясын iске асыру үшiн, «Даму» Қоры төрт стратегиялық бағыт бойынша әрекет етедi:

Даму әлеуетiне ие шағын және орта кәсiпкерлiктiң барлық субъектiлерiн қаржыландыру қолжетiмдiлiгiмен қамтамасыз ету арқылы белсендi әрекет етушi жеке кәсiпкерлiк субъектiлерiнiң саны мен жұмыс орындарының санын арттыруға септiгiн тигiзу.

Осы бағыт шеңберiнде «Даму» Қорының негiзгi мақсаты республикалық және жергiлiктi бюджеттерден, шетелдiк және отандық несиегерлерден, сондай-ақ «Даму» Қорының жеке қаражаттарынан қаражат тарту есебiнен шағын және орта кәсiпкерлiк субъектiлерiн қаржыландыру көлемдерiн арт-тыру және қолжетiмдiлiгiн қамтамасыз ету. Бұл мақсатқа жету үшiн қойылатын негiзгi мiндеттер:

• әрекет етушi ШОК субъектiлерi мен бастаушы

кәсiпкерлерге арналған қаржы қорларының қол-жетiмдiгiн арттыруға септiгiн тигiзу;

• ШОБ субъектiлерiн өңiрлiк және салалық үлес

бойынша барынша қамту арқылы несиелiк қор-лардың тиiмдi бөлiнуiн қамтамасыз ету.

Экономиканың шикiзатсыз секторларында кәсiпкер-лiктiң дамуына көмектесу.

Осы бағыт шеңберiнде «Даму» Қорының негiзгi мақ-саты экономиканың шикiзатсыз секторларында ШОК қаржыландырылуын арттыруға ынталандыру болып табылады, олардың дамуы әртараптандыру деңгейiне әсер етедi, бұл өндiрiс көлемдерiн арттырып, жаңа жұмыс орындарының құрылуына, бюджетке төленетiн са-лық түсiмдерiнiң артуына, ШОК саласындағы қызмет-керлер табысының өсуiне, елдiң энергия қорларының бағасы мен өндiрiлетiн шикiзат көлемдерi өзгеруiнен тәуелдiлiгiнiң төмендеуiне септiгiн тигiзедi. Бұл мақсатқа жету үшiн, келесi мiндеттер орындалады:

• «БЖК 2020» бағдарламасының 1-3 бағыттары шеңберiнде қаржы агентiнiң қызметiн сапалы атқару;

• ШОБ инновациялығының артуына, техникалық қайта құралдануына септiгiн тигiзу.

ШОК субъектiлерiнiң кәсiпқойлығын арттыру және халықты кәсiпкерлiкке тарту.

ШОК субъектiлерiнiң кәсiпқойлығын арттыру және халықты кәсiпкерлiкке тарту бағдарламаларының мақсаты әлеуеттi және әрекет етушi кәсiпкерлердi халықтың кәсiпкерлiк әлеуетiн нығайтуға бағытталған қаржылық емес қолдаумен қамтылуын арттыру болып табылады. Бұл мақсатқа жету үшiн қойылатын негiзгi мiндеттер:

• «БЖК 2020» бағдарламасы шеңберiнде оқыту және кеңес беру бойынша оператор қызметiн сапалы атқару;

• ШОБ субъектiлерi мен кәсiпкерлiк бастамасы бар халыққа ақпараттық-талдамалық және кеңес беру қызметтерiн қашықтан көрсету құралдарын

ендiру;

• Қазақстанның барлық өңiрлерiнде кәсiпкерлерге қаржылық емес қолдау инфрақұрылымын дамыту;

• ШОК секторының дамуына тұрақты талдамалық зерттеулер өткiзу және мониторингiлеу.

4. «Даму» Қоры қызметiнiң тиiмдiлiгiн арттыру.

«Даму» Қоры қызметiнiң тиiмдiлiгiн арттыру мақсатында келесi мiндеттер орындалуы тиiс:

• корпоративтiк басқаруды жетiлдiру;

• тиiмдi кадрлық саясат жүргiзу;

• кәсiпкерлер, мемлекеттiк органдар, ұлттық даму институттары мен басқа ұйымдар арасында «бiрыңғай терезе» және байланыстырушы буын қызметiн орындап, өңiрлiк дамыту;

• активтердi тиiмдi басқару

2012-2013 жж. 17 Кәсiпкерлерге қызмет көрсету ор-талықтары, 27 моноқалаларда кәсiпкерлiктi қолдау орталықтары, 14 шағын кәсiпкерлiктi қолдау орталықтары құрылған.

Өз миссиясын жүзеге асыру мақсатында 2012 жылы 24-і желтоқсанда «Даму» Кәсіпкерлікті дамыту қоры» АҚ-ның директорлар кеңесінде 2012-2022 жылдарға арналған өз миссиясын бекітті.

«Даму» кәсіпкерлікті дамыту қоры» АҚ 2012-2022 жылдарға арналған даму стратегиясы мемлекет саясатының «Даму» Қоры қызметінің бағыттары бойынша индустриалдық-инновациялық, әлеуметтік-экономикалық және өзге салалардағы басты бағыттарын ескере отырып әзірленді және Қордың 10-жылғы кезеңге арналған миссиясын, болашақтағы көрінісін, стратегиялық бағыттарын, мақсаты мен міндеттерін белгілейді.

«Даму» Қоры өз миссиясын негізгі төрт стратегиялық бағыт бойынша іске асырады:

1. Белсенді жұмыс істейтін кәсіпкерлік субъектілерінің саны мен жұмыс орындары санының артуына даму әлеуеті бар барлық ШОК субъектілеріне қаржыландырудың қолжетімділігін қамтамасыз ету арқылы жәрдемдесу;

2. Экономиканың шикізат емес секторларындағы кәсіпкерлікті дамытуға жәрдемдесу;

3. ШОБ субъектілерінің кәсібилігін арттыру және тұрғындарды кәсіпкерлікке тарту;

4. «Даму» Қоры қызметінің тиімділігін арттыру.

«Даму» Қоры стратегиялық бағыттардың әрқайсысы бойынша алға қойған мақсаттарына қолжеткізу барысында, ҚНК қолдана отырып, үнемі мониторинг жүргізіп отырады.

Осы бағыт аясында «Даму» Қорының басты мақсаты республикалық және жергілікті бюджеттен, шетелдік және отандық кредиторлардан қаражат, сонымен қатар «Даму» Қорының меншікті қаражатын тарту есебінен ШОБ субъектілерінің қаржыландыруға қолжеткізушілік көлемін ұлғайту және қамтамасыз ету болып табылады. Осы мақсатқа қолжеткізу үшін төмендегілер негізгі міндет болып табылады:

Жұмыс істеп жүрген ШОК субъектілері мен кәсібін жаңа бастаған кәсіпкерлер үшін қаржы ресурстарына қолжеткізушілікті арттыруға жәрдемдесу «Даму» Қоры бағдарламаларды іске асыру арқылы ықпал етуді жалғастыратын Қаржы ресурстарына қолжеткізушілікті анықтайтын негізгі факторлар мыналар:

• Қаржы институттары нарықта ШОК субъектілеріне ұсынуға дайын қаражаттың жиынтық көлемі;

• ШОК субъектілері үшін қаржыландыру құны;

• ШОК субъектілерін қаржылай қолдау әдістері;

• ШОК субъектілерінің қарыз алушылар ретінде тартымдылығы;

• Кәсібін жаңа бастаған кәсіпкерлерді қолдауға арналған бағдарламаларды енгізу;

... жалғасы

Сіз бұл жұмысты біздің қосымшамыз арқылы толығымен тегін көре аласыз.