Қазақстан Республикасындағы еңбекші-мигранттар құқықтарының сақталуы туралы

1. Қазақстан Республикасындағы еңбекші.мигранттар құқықтарының сақталуы туралы
2. Еңбекші.мигранттардың құқықтары мен мүмкіндіктерінің теңдігі
3. Мигранттарды заңсыз алып кіру элементтері

Қазақстандағы халықаралық еңбек көші-қоны көлемінің жылдам өсуінен уәкілетті мемлекеттік органдар құқықтық реттеу шараларын қабылдауға, ақпараттық сүйемелдеуге, еңбек көші-қонын келген және шыққан елі үшін неғұрлым тиімді етуі мүмкін бейімделу мен интеграцияланудың экономикалық және әлеуметтік бағдарламарын жасауға үлгере алмай жатады.
Бұл іс жүзінде барлық мәселелерге қатысты: еңбек нарығына қол жеткізуге, жұмыс іздеуге, республикадағы жалдау құқықтары туралы хабардар болуға, тұруға. Еңбек және әлеуметтік – білім алу, біліктілігін көтеру, медициналық қызмет көрсету, кәсіподақтар мен қоғамдық бірлестіктерге қатысу – құқықтарын іске асыру – барлық осы мәселелер бойынша Қазақстан Республикасының қолданыстағы заңнамасының нормаларын сақтауға бейімдігін Қазақстан айшықтап келеді.

Еңбекші-мигранттардың құқықтары мен мүмкіндіктерінің теңдігі
Қазақстандағы шетел азаматтарының құқықтары мен міндеттерін регламенттейтін «Шетелдіктердің құқықтық жағдайы туралы» Заңның 6-бабына сәйкес «шетелдiктер Қазақстан Республикасының заңдары мен халықаралық шарттары белгiлеген негiз бен тәртiпте Қазақстан Республикасында еңбек қызметiн жүзеге асыра алады...», «Қазақстан Республикасында тұрақты тұратын шетелдiктер еңбек қатынастарында Қазақстан Республикасының азаматтарымен бiрдей құқықтарды пайдаланады және сол сияқты мiндеттерге ие болады». ҚР Еңбек кодексінде де шетелдік
және жергілікті қызметкерлердің құқықтары мен мүмкіндіктерінің теңдігі қарастырылған.
Қазақстан Республикасы Конституциясының 14-бабына сәйкес тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тіліне, дiнге көзқарасына, нанымына, тұрғылықты жерiне байланысты немесе кез келген өзге жағдаяттар бойынша ешкiмдi ешқандай кемсiтуге болмайды.
Аталған конституциялық ережелер Қазақстан Республикасының Еңбек
кодексінде дамытылған.
Еңбек кодексінің 7-бабына сәйкес еңбек саласындағы кемсітушілікке тыйым салынған.
Ешкім де еңбек құқықтарын іске асыру кезінде жынысына, жасына, дене кемшіліктеріне, нәсіліне, ұлтына, тіліне, мүліктік, әлеуметтік және лауазымдық жағдайына, тұратын жеріне, дінге қатынасына, саяси көзқарастарына, руға немесе тайпаға, қоғамдық бірлестікке жатуына қарамастан ешқандай кемсітіле алмайды. Осы еңбекке тән талаптармен анықталатын не болмаса мемлекеттің жоғарылатылған әлеуметтік және құқықтық қорғауға мұқтаж адамдар туралы ерекше қамқорлығымен туындаған айырмашылықтар, айрықша ережелер, артықшылықтар және шектеулер кемсітушілік болып табылмайды. Еңбек саласындағы кемсітушілікке ұшырады деп саналатын адамдар Қазақстан Республикасының заңнамасында белгіленген тәртіппен сотқа немесе өзге инстанцияларға жүгінуге құқылы.