Көтергіштертер мен домкраттар және олардың түрлері мен қолдану аясы

І.Кіріспе
а) Көтергіштер және домкраттар жайлы жалпы мәлімет
ІІ.Негізгі бөлім
а) Көтергіштердің пайдаланылу аясы
ә) Көтергіштердің түрлері
б) Аударғыштар
ІІІ.Қорытынды
Пайдаланылған әдебиеттер

Көтеріп-тасымалдау қондырғылары автомобиль кәсіпорынының технологиялық жабдықтарының бірыңғай кешенді құрамдас бөлігі болып саналады және өндірістік процестің құраушы элементтерінің барлығының дерлік функциялық үйлесімділігін қамтамасыз етеді. Қондырғының бұл түрі кәсіпорын территориясындағы тасымалдау жұмыстарын орындауды және техникалық қызмет көрсету және жөндеу жұмыстары кезінде автомобиль агрегаттары мен тораптарына қол жетімділігін қамтамасыз етеді. Келесі түрлерге бөлінеді: бақылау, көтеріп-бақылау, көтеріп-тасымалдау және тасымалдау қондырғылары. Бақылау қондырғыларына бақылаушы жыра (канава) және эстакадтар жатады. Көтеріп-бақылау қондырғыларына әртүрлі типтегі көтергіштер, гараж домкраттары, автомобильді аударғыштар, т.б. жатады. Көтеріп-тасымалдау қондырғыларына көтергіш арқалықтар, тәлдер, аз габаритті жылжымалы жүк көтергіш крандар, гидравликалық тіреуіштер қарапайым жүк қармауыш механизмдері бар әр түрлі типтегі арбашалар болып табылады.
Гидравликалық домкраттар орындалуы қарапайым, пайдаланғанда сенімді, үлкен жүк көтерімділік пен ПӘК-ке ие болуы мүмкін және ықшамды қондырғы. Тасымалданатын гидравликалық домкрат бірыңғай тұрқыға орналастырылған күштік гидроцилиндрден, қолдық плунжерлі сораптан, жұмыс сұйықтығына арналған резервуардан және клапандар жүйесінен тұратын қондырғы болып табылады. Көтеру биіктігінің диапазонын ұлғайту үшін штоктың жоғарғы бөлігі бұрамамен жабдықталынады. Жұмыс сұйықтығы ретінде минералды майлар пайдаланылады. Домкратқа жұмыс сұйықтығы оймалы тығын көмегімен құйылады. Жүкті көтеру жұмыс сұйықтығын айдаушы клапан арқылы плунжерлі сораппен күштік цилиндр астындағы жұмыс қуысына беру арқылы жүзеге асады. Жүкті түсіру үшін жұмыс қуысы мен резервуарды жалғастырушы кранды ашады. Жұмыс сұйықтығының жоғары қысымды қуыстан ағып кетуін алдын-алу үшін штоктың беті жоғары дәлдікпен өңделеді, 45 НRC.С және одан да жоғары жиілікті токпен шыңдайды, хромдалады. Толық саңылаусыздыққа қол жеткізу үшін 50 МПа дейін қысымда жұмыс істейтін манжет орнатады. Гараждық сүйремелі домкраттар жылжымалы жүккөтергіш механизмі болып табылады. Бұл домкраттардың конструкциясы домкраттың атқарушы құрылғысын көтеру орнына, басқару органдарын көтерілетін автомобильдің габариттерінің шегінде қалдырып, жеткізуге мүмкіндік береді. Бұл домкраттар конструкциясының негізін екі немесе төрт доңғалақтарына атқарушы құрылғылар, плунжерлі қолдық басқару сорабы, жұмыс сұйықтығының ыдысы мен басқару органдары орнатылған пісірілген рама құрайды.

1. « Автомобильдерге техникалық қызмет көрсету және оларды жөндеу »
Б.Т.Тұрсынбеков, Е.Е. Белгібеков ,Алматы 2007ж.
2. « Спутник водителя » В.А.Шейнин , Москва 1997г.
3. « Техническре обслуживание и ремонт автомобилей » П.А.Колесник,
В.А.Шейнин , издательство «ТРАНСПОРТ»
4. « Wikipedia » интернет желісінен