МӘҢГІЛІК ЕЛ ИДЕЯСЫН ҚҰРУДЫҢ ҚҰҚЫҚТЫҚ ЖОЛДАРЫ

1. «Мәңгілік ел» идеясы
2. Өткенінің өзі . көпке үлгі болар өмірбаян
3. Мәңгілік ел идеясын жүзеге асыру

Өз елін, туған жерім, туған тілім сүймейтін адам жоқ шығар. Менің туған елім – Қазақстан. Даласы, таулары биік, халқы мейірімді, ғажайып өлке. Басқа елдерде соғыс болып жатқанда біздің елде тыныш, аспанымыз ашық қуанышқа толы. Біз сол атадан қалған асыл қазынаны ұмытпауымыз керек. Өмір болашағы біздерміз, жалғастырушымыз. Еліміздің жарқын болашағы Елбасының арқасы. Қазақ елі мәңгілік ел болып қала береміз. Елбасының ақыл – ойы, керемет күш – жігерінің арқасында егеменді Қазақ елі өркендеп келеді. Елбасымыз қазақ елін білімімен ақыл парасатымен, сүйене отырып, әлем таныған елдер қатарына қосты. Елімнің өркендеуі, көк тудың желбіреуі біздің Елбасының арқасында. Қазір мен – бақытты елдің, бақытты ұланымын. Елбасының арқасында ұрыс – жанжалсыз, бейбіт өмір сүрудеміз. Қазақ елінде бақытты өмір сүріп жатқаныма қуанамын, шаттанамын. Еліміз тыныш, халқымыз аман, тәуелсіздігіміз тұғырлы болсын. Қай жерде жүрсемде Қазақ елін, Елбасымды мақтан тұтып жүремін.
Қазақстанның тәуелсіз мемлекет болуын қалаған қазақтың біртуар алты алаш ұлдары халық жауы ретінде атылып кетті. Бұл сұмдық оқиғалар менің алдымдағы ғасырда болып өткен. Мен қазір өте бақыттымын. Өйткені мен дүниеге келгенде Қазақстан Республикасы тәуелсіз мемлекет болған. Қазіргі Елбасымыз – Нұрсұлтан Әбішұлы Назарбаевтың арқасында өз тәуелсіздігімізге қол жеткіздік. Қазіргі таңда Қазақстан Республикасын танымайтын ел жоқ. Қаламыз гүлденіп, әсем Астана күннен – күнге көтеріліп, эканомикамыз дәуірлеу үстінде. Менің ең бірінші міндетім мектепті үздік бітіріп, жақсы мамандық алып өз Отаныма септігімді қоссам деймін. Менің өз халқыма тілейтінім соғыс болмасын, аспанымыз ашық болып, балалардың шаттық үні мен күлкісі тиылмасын[1].
Қазақстанға тәуелсіздік оңайлықпен келмегенін іштей ұғатынмын. Атамның айтуы бойынша сонау ежелгі тарихта сақ, ғұн үшін тайпаларынан бері Абылай хан, Тәуке хан аталарымның заманын да ұлан байтақ жерімізді талай рет қалмақпен жоңғарлардан қорғап келешек ұрпаққа аманат етіп қалдырған көрінеді. Сол заманнан бері қазақ халқының мың өліп, мың тірілген, көрмеген азабы жоқ. Оған дәлелі кешегі неміс фашисттермен болған соғыс жылдары, ашаршылық жылдары. Қаншама қазақ халқы ашаршылық заманда қырылып, қаншама жастар соғыста қаза тапқан.
Өткенінің өзі – көпке үлгі болар өмірбаян. Нұрсұлтан Әбішұлы Алатаудың аясында дүниеге келсе де, жанға жайлы мекенде өмір кешпей, еңбек жолын Теміртаудан бастап, Қазақстан магниткасында шыңдаған. «Қанат ұшса қатаяды» деген осы болар. Алатаудан қанат қаққан жас өспірімнің ел азаматы дәрежесіне жетіп, өмірге білек сыбана араласуына, бүгінгі ел сенімін ақтауға бірден белсене кірісуіне үлкен көмегі болған.
Бұған бір дәлел – елдік пен ерліктің үлгісіндей болып Күлтегін бабамыздың ескерткішінің Елордадан орын алуы еді. Бұл көгілдір тас байлықпен бабаларымыздың асқақ рухы қайтып оралғандай болды. Мұның бәрі – Елбасының елеулі еңбегі.
Елбасымыздың қай Жолдауы, қай үндеуі болсын арманға қанат бітіріп, сол қанатқа отаншылдық, ұлтшылдық, қасиетті тіл, сыр тұнған тарих, туған ел секілді ұғымдарды іледі. Әр үндеуі көрегендікті, ұлылықты, асқан парасаттылықты, қазақ еліне тән даналықты көрсетіп тұрғандай сезіледі маған.

1. Ақ жол газеті 2015, 2016 жж
2. Н. Назарбаев «Мен үшін ең қымбат сый – Қазақстанның жетістіктері. Егемен Қазақстан газеті» №133 2015 жыл
3. Мызатай Жолдасбеков «Мәңгілік ел мұраты» Жамбыл-Тараз газеті № 42 2016
4. Қазақстан Республикасының Президенті ресми сайтындағы Н.Назарбаевтың жеке парақшасы.