Болашаққа – нық қадам

1.БОЛАШАҚҚА . НЫҚ ҚАДАМ
2. Елбасымыздың Қазақстан жолы . 2050: бір мақсат, бір мүдде, бір болашақ” Жолдауы

“Болашақ – аграрлық секторда, әсіресе, шағын және орта бизнес түріндегі жаңа өңдеу кәсіпорындары желісін құруда” деген болатын. Осы дөп басып айтылған пайымды сөздің өміршеңдігіне біздің Тимирязев ауданының бүгінгі тіршілік-тынысы да мысал бола алады.
Ауданның негізгі өндіріс саласы болып табылатын ауыл шаруашылығында жалпы өнім өндіру көлемі өткен жылдың сәйкес кезеңімен салыстырғанда 107,2 пайызға артып, 909,5 миллион теңгені құрады. Оның табиғи көлемі индексінің өсімі негізінен ет өндірісі көлемін тірі салмақта 2,1 пайызға немесе 814 тоннаға, сүтті 10,8 пайызға немесе 6,6 тоннаға арттыру есебінен қамтамасыз етілді. Барлығы 260,9 мың гектарда жаздық дақылдар өсірілуде, оның 196,6 мың гектарын дәнді дақылдар алады, соның ішінде бағалы дақыл бидайдың көлемі – 155,9 мың гектар, майлы дақылдар 47,4 мың гектарды құрайды. Одан басқа 15,6 мың гектар жемазықтық дақылдар, 940 гектар картоп және 302 гектар көкөніс егістіктері бар. Өткен жылмен салыстырғанда майлы дақылдар алқабы 13,1 мың гектарға ұлғайтылды. Ол, әрине,егіншілік саласын әртараптандырудың нәтижесі.
Сұрып ауыстыру жұмысын жүргізу үшін 1240 тонна элиталық тұқымдар пайдаланылды. Дәнді дақылдарды арамшөптерден химиялық әдіспен тазарту 194,7 мың гектар алқапта жүргізілді. Аграрлық секторды дамыту үшін жыл сайын мемлекеттен айтарлықтай қаржы бөлінеді. Көктемгі егіс және орақ жұмыстарын жүргізу үшін жанар-жағармай құнын арзандатуға ауданымызға сомасы 485,0 миллион теңгенің демеуқаржылары берілді. Сондай-ақ, минералдық тыңайтқыштарды алуға 6,1 миллион теңге демеуқаржы төленді. “Мерей” ЖШС-і ауылдық кредиттік серіктестігі көктемгі-дала жұмыстарын жүргізуге жалпы сомасы 258,2 миллион теңгенің 22 кредитін берді.