Егіз жүктілік

Пән: Медицина
Жұмыс түрі: Материал
Тегін: Антиплагиат
Көлемі: 4 бет
Таңдаулыға:

ЕГІЗ ЖҮКТІЛІК

Егіз жүктілік - әйел организмінде бір мезгілде екі, үш одан да көп ұрықтың өсіп-дамуы.

Егіз жүктіліктен туылған нәрестелерді егіздер дейді. Егіз жүктілік барлық жүктілер арасында сирек кездеседі, жиілігі 0, 4-1, 6% аралығында.

Егіз жүктіліктің себебі толық анықталмаған, бірақ бұның тұқым қуалайтыны белгілі. Бұл жағдай әйелдің немесе күйеуінің туыстары жағынан егіз жүктілік болғаңда кездеседі. Ғылымда тұқым қуалаушылыққа негізделген бірнеше мәліметтер анықталған. Гесслердің мәліметі бойынша, 33 жыл күйеуде болған әйел 44 нәресте туған (13 - екі егіз, 6- үш егіз) . Осы әйелдің бір апайы 41 нәресте, екінші апайы 23 нәресте туған.

Бергердің мәліметі бойынша, некеде 25 жыл тұрған, өзі екі егіздің біреуі болған әйел 30 нәресте туған (4 - екі егіз, 2 - үш егіз) . Сонымен қатар, егіз жүктілік көбінесе жасы 30-дан асқан және көп босанған әйелдер арасында кездеседі. Егіздер бір, кейде екі жұмыртқадан да дамиды. Бір жұмыртқадан дамыған егіздер бір ғана бала жолдасынан тұрады. Олар бір жынысты (қыз немесе ұл) болады және бір-біріне өте ұқсас келеді. Екі жұмыртқадан дамыған егіздердің әрқайсысының жекеленген бала жолдасы бар, Бұлар бір не екі жынысты болады, олар бір-біріне ұқсас болмауы да мүмкін.

Екі жұмыртқалы егіздер бір жұмыртқалы егізге қарағанда жиі кездеседі.

И. Ф. Жорданияның мәліметі бойынша, екі жұмыртқалы егіздік бір жұмыртқалы егіздікпен салыстырғанда 10 есе жиі кездеседі.

Екі жұмыртқалы егіз. Ұрықтанған жұмыртқалар өз бетімен өсіп дамиды. Жатырдың шырышты қабатына енгеннен кейін әрбір ұрықтың өзінің сулы және бүрлі қабығы, әрі қарай әрбір егіздің жеке қан тамырлары, плацентасы дамиды. Әрбір ұрықтың хорион мен амнионнан басқа жеке қабықшасы болады. Амнионды қуыстың арасындағы пердеше 4 қабықтан тұрады, екі сулы және екі бүрлі, Бұл қабықшалар бірінен бірі оңай бөлінеді. Жүктілік мерзімі өскен сайын капсулалы қабықша атрофияға ұшырайды. Бұл егіздікте ұрық бір жынысты (екі ұл немесе екі қыз) және екі жынысты (қыз және ұл) болуы мүмкін. Олардың қан топтары бірдей немесе әр түрлі болады.

Бір жұмыртқалы егіз. Бір жұмыртқалы егіз жалпы капсуладан, бүрлі қабықтан және жалпы бір плацентадан тұрады. Әрбір егіздің сулы қабықшасы бөлек, амнионды қуыстың арасындағы пердеше екі қабықтан тұрады (биамниондық егіз) . Бір жұмыртқалы егізде кейбір сирек жағдайларда хориалды қабықша бөлек болады. Сондықтан бір немесе екі жұмыртқалы егіздікті ажырату үшін плацента мен қабықшаны қараумен қатар, олардың ұқсастығын анықтау қажет. Қанның тобы, көздерінің, шаштарының түсі, тістерінің орналасуы - бір жұмыртқалы егіздерде бірдей болады.

Егіз жүктіліктің ағымы

Егіз жүктілік әйел организміне үлкен талаптар қояды, себебі егіз жүктілікте жалпы қан айналымындағы қанның көлемі көбейеді (қосымша ұрық жолдасының қан айналу жүйесі пайда болады) . Зат алмасу күшейеді, дене салмағы артады, іш перденің қысымы жоғарылайды. Егіз жүктілікте төмендегідей асқынулар жиі кездеседі: жүктіліктің үзілу қаупі; жүктілік анемиясы; гестоздар; бір ұрықта қағанақ суының көптігі, екіншісінде аздығы. Осыған байланысты жатырдағы ұрықтың өсіп-дамуы төмендейді, кей жағдайда өттегі мен қоректік заттардың жеткіліксіздігінен егіздің біреуі өлі тууы да мүмкін.

Жатыр қуысында егіздер көбінесе қалыпты жағдайда орналасады. Ұзынша орналасқан жағдайда, екі ұрықта жамбастың кіреберіс жазығына басымен орналасады, екеуі де қүйрығымен немесе біреуі басымен, екіншісі құйрығымен орнығады. Немесе бір ұрық ұзынша - екіншісі көлденең, екі ұрық та көлденең орналасуы мүмкін.

Егізжүкгілікге - жүктілерді әйелдер кеңес орнында ерекше есепке алып, жүктіліктің асқынуы пайда болса бірден, босанар алдында 2-3 апта бұрын перзентханаға жатқызылады.

Егіз жүктілкті анықтау

1. Жатырдың көлемі жүктіліктің мерзіміне сәйкес келмейді.

2. Жүкті әйел нәресте қимылын ерте сезінеді.

3. Жүкті әйелдің дене салмағы 14-16 апталық жүктіліктен

бастап артық өсе бастайды.

4. Жатырдың жиырылуы жоғары болады.

5. 20-24 апталық жуктіліктен бастап анемия белгілері пайда

болады.

6. Жатырдың әр жерінен нәрестенің екі жүрек соғуы естіледі,

(1-сурет) .

7. Нәрестенің жатырда үш ірі бөлігі анықталады (екі бас және

бір жамбасы) .

8. УДЗ зерттеу арқылы егіз жүктілікті 6 аптадан бастап

анықтайды (2-сурет) .

9. Жүктіліктің 20-22 апталығынан бастап қолдана отырып, егіздердің жүрек соғуын анықтауға болады.

Босану ағымы

Босану ағымы қалыпты жағдайда өтуі мүмкін. Жатыр мойны жайылып, толық ашылып, қағанақ қуығы жарылып бірінші нәресте туылады. Бірінші нәресте туылғаннан кейін, толғақ 5-10 минут бәсеңдейді. Бұл кезде жатыр Бұлшық еттері жиырылып, содан кейін қайта толғақ басталады. Екінші нәресте қағанақ қуығын жарғаннан кейін, нәресте туылады. Содан кейін бала жолдасы жатыр қабырғасынан бөлініп, босану жолдарынан шығады. Бала жолдасы жатыр қабырғасынан бөлініп туылғаннан кейін, жатырдың жиырылу қасиетін жоғарылататын дәрі-дәрмектер қолданады (окситацин, метилэргометрин), жатырға мұзды қашиық қояды. Егіз жүктілікте босану кезінде төмендегідей асқынулар кездеседі: Қағанақ суының мезгілінен бұрын кетуі; босану әрекеттерінің ауытқуы, патологиялық қан шығыны, қалышы орналасқан плацентаның мезгілсіз бөлінуі, егіздердің ілінісуі.

1. Егіз жүктілікте босану ерекетінің ауытқуы жиі кездеседі, жатырдың қатты созылуының салдарынан жатыр Бұлшық еттерінің жиырылу қасиеті төмендейді, сөйтіп босанудың І-ІІ кезеңдері ұзаққа созылады.

2. Бірінші нәресте туылғаннан кейін, қалыпты орналасқан плацентаның мезгілсіз бөлінуі байқалады; Бұл жағдайда қан шығыны артып, ана өміріне қауіп туады және жатырдағы нәресте гипоксияға ұшырайды.

3. Ауыр асқынудың бірі жамбастың кіреберіс жазықтығына бір нәресте басымен, екіншісі құйрықпен орныққаңда. Егер нәрестенің біреуі құйрығымен, ал екіншісі басымен туылған жағдайда егіздердің бастарының коллизиясы (нәресте бастарының ілігуі) байқалады (3, 4-суреттер) .

... жалғасы

Сіз бұл жұмысты біздің қосымшамыз арқылы толығымен тегін көре аласыз.