Терапия бойынша дәрігер-ординатор көмекшісі

Кіріспе :
Стационарда терапевті бөлімшелерде терапевтің жетекшілік етуімен кәсіби жұмыс жасауды үйрену.

1. Кәсіптік тәжірибе мақсаты
Емдеу факультетінің 5 курысында оқу-кәсіби тәжірибенің мақсаты-терапия курсы бойынша студенттердің білімдерін бекіту және тереңдету, дәрігерлік дағдыларды әрі-қарай жетілдіру және клиникалық ойлау қабілетін тереңдету болып келеді.

2. Міндеттері :
- ішкі мүшелер патологиясы бойынша алған теориялық білімдерді бекіту және тереңдету;
- студенттердің науқастарды физикальды тексеру бойынша алған кәсіби дағдыларын бекіту;
- студенттерде синдромдарды ұқсас жағдайлардың ажыратпа диагностикасы бойынша тәжірибелік дағдыларды дамыту ;
- науқастарды жеке емдеуді жүргізуді үйрету;
- дәрігерлік ойлау дағдысын өндіру;
- медициналық құжаттарды толтыру дағдыларын бекіту (ауру тарихы, шығару қағазы, хабар беру, есеп талоны және т.б).

3. Жұмыстың түрлері
Студенттер күніге бөлімшелерде жұмыс істейді, палатада 5-6 науқастан жүргізеді, бөлімшелерде 2 түнгі кезекшілік жүзеге асырылады. Кезекшілік кезінде студент міндеті :
- кезекшілікке дер кезінде келуге
- жаңа түскен науқасты қарап, тексеру және ауру тарихын толтыру;
- бөлімшелердегі ауыр науқастарға бақылау жүргізі;
- қажет болған жағдайда науқастарға шұғыл көмек көрсету;
- таңертеңгілік конференцияда, кезекшілік бойынша баяндама жасау;

Тәжірибе өту нәтижесінде студент білуі керек:

- клиникалық синдромдарды, жіктелуді, диагностикалық критерийлерді,
ажыратпа диагнозды, зерттеу жоспарын құруды, ішкі мүшелердің
патологиясының жекелей емдеу тактикасын;
- санитарлық тәртіпті, дәрігерлік этика және денотология талаптарын, жұмыста
есеп беру принциптерін.

Тәжірибе аяқталғаннан кейін студент игеруі керек:
- ауруды тексеріп, медициналық құжаттарды толтыруды;
- анамнез бен физкальды тексеру негізінде негізгі клиникалық синдромды
бөлуді;
- ажыратпа диагноздың 1-сатысын жүргізу және алдын- ала диагноз қоюды;
- науқасты зерттеу жоспарын ойластыруды;
- жекелей емді тағайындауды;
- төмендегі жағдайларда шұғыл көмек көрсету: жедел тыныс алу жетіспеушілігі, гипоксиялық кома, өкпе артериясының тромбоэмболиясы, бронхиалды астма
кезіндегі астматикалық статус, пневмоторакс, шок (анафилактикалық, кардиогенді), жедел жүрек-қан тамыр жетіспеушілігі, талу, жүрек астмасы, өкпе ісінуі,жүрек ритмінің бұзылуы, жедел аллергиялық жағдайлар бауыр жетіспеушілігі, жедел бүйрек жетіспеушілігі, жедел токсикалық бүйрек, бүйрек шаншымасы, кома (диабеттік, гипогликемиялық, бүйректік, гиперосмолярлық), жүрек өткізгіштігінің бұзылуы, Морганьи-Эдемс-Стокс синдромы, кенеттен өлім;
- келесі зерттеу нәтижелерін бағалай білу: қанның, зәрдің, қақырықтың жалпы анализдері, қанның биохимиялық көрсеткіштері, рентгеноскопия, рентгенографиялық тексерулер, ЭКГ, ФКГ, жүрек пен құрсақ құысы мүшелерін УДЗ, эндоскопия нәтижелері, АІТ-ның (ЖКТ) функционалды зерттеулері, бауыр мен бүйректің функционалдық сынақтары, өкпенің функционалды зерттеулері;
- емдік шараларды жүргізу: жасанды тыныс беру және жүрекке массаж жасау, тері астына, бұлшық етке, күре тамырға инъекция жасау, қан тобы мен Rh – факторды
анықтау, құқықты катетеризациялау, плвра және құрсақ қуысын пункциялау, асқазан мен 12-елі ішекті зондтау, асқазан мен ішекті жуу, ЭКГ түсіру және талдау.
Студенттер көмекші бөлімдер, яғни функционалды диагностика бөлімшесі, клиникалық лаборатория және эндоскопия бөлімшесі бойынша тәжірибелік дағдыларды игеруі керек.
Клиникалық лабораторияда студенттер қанның, зердің, қақырықтың жалпы анализдерін анықтау әдістерімен, кейбір биохимиялық анализдермен (қандағы қант,мочевина және т.б.) танысады, сонымен бірге бауыр мен бүйректің функционалды сынамаларынан алынған нәтижелерді талдауды, лабораториялық зерттеу көрсеткіштерін интерпретациялауды үйренеді.
Функционалды диагностика нәтижелерін студенттер ЭКГ түсіру және интерпретациялау әдістемесін, кеуде және іш қуысының рентгенологиялық зерттеу нәтижелерін талдауды игереді, жүректің (велоэргометрия, ЭКГ) және өкпенің (спирометрия,спирография, қалдық көлемдер, газдық құрам) функционалды зерттеу нәтижелерін бағалайды.
Эндоскопия бөлімшесінде студенттер дәрігер-эндоскопистпен бірге жұмыс істейді,
ЭФГД- скопия жүргізіу әдісін үйренеді, асқазан мен 12-елі ішек шырышты қабатындағы өзгерістерді талдайды, басқа да әдістермен танысады.
Студенттер әр күндік жасаған жұмысы күнделікте жазылып тұруы керек. Онда тәжірибе жетекшісінің қолы болуы керек. Тәжірибе аяқталғанда студент жасалынған жұмыс туралы есеп жазып, тәжірибелік дағдыларды, жасаған оқу- зерттеу жұмыстарын, реферативті хабарламаларды тіркейді.