Өндірістік орта мен еңбек үрдісінің факторларын бағалау

Ата заңға сәйкес, Қазақстан Республикасының әрбір азаматы еңбек қауіпсіздігі мен еңбек гигиенасының талаптарына жауап беретін еңбек жағдайларына құқылы. Еңбек іс-әрекеті (қызметі) үрдісінде қызметкерлердің денсаулығын сақтау жағынан мемлекеттің қамқорлығы, оларға қолайлы, қауіпсіз және зиянсыз еңбек жағдайларын жасаудағы оның жүргізіп отырған саясатында айқын көрінісін тапты – Қазақстан Республикасының 2004 ж. 28 ақпандағы №528-II “Еңбек қауіпсіздігі және еңбекті қорғау туралы” (№125-111 2006 ж. 31 қаңтардағы өзгертулермен және толықтырулармен)(бұдан әрі – Заң), “Қазақстан Республикасындағы еңбек туралы” ҚР Заңына өзгерістер мен толықтырулар енгізу туралы” Заңдары қабылданды, Қазақстан Республикасының 2005-2007 жылдары еңбек қауіпсіздігі және еңбекті қорғауды қамтамасыз етудегі Бағдарламасы әзірленіп қабылданды.
Бұдан келіп шығатыны, меншік түрі мен ұйым қызметінің түріне қарамастан әрбір жұмыс берушінің міндеті қызметкерге қауіпсіз еңбек жағдайларын қамтамасыз ету болып табылады. Еңбек қауіпсіздігі саласындағы мемлекеттік саясаттың басты бағыттарының жүзеге асырылуына негізгі бақылау жургізу уәкілетті органға – ҚР Еңбек және халықты әлеуметтік қорғау министрлігіне жүктелген. Уәкілетті органның өз құрамында арнайы қызметі – Мемлекеттік еңбек инспекциясыжәне оның аумақтық бөлімшелері бар. Басқа да мемлекеттік органдардың құрамында санитарлық – гигиеналық, өнеркәсіптік, өрт, экологиялық және өзге қауіпсіздік түрлерінің ахуалын мемлекеттік бақылау мен қазағалау жүктелген тиісті бақылаушы жәнеқадағалаушы органдары бар. Еңбек қауіпсіздігі және еңбекті қорғау саласындағы мемлекеттік саясаттың негізгі бағыт-бағдарлары Заңмен көзделген, Осыған байланысты, әрбір қызметкер өндірістік жарақаттануға, кәсіби ауруға және жұмыс қабілетін төмендетуге әкеп соқтыруы мүмкін зиянды немесе қауіпті өндірістік факторлардың әсерлерінен қорғалған жұмыс орнына; жек және ұжымдық қорғану құралдарымен, арнаулы киіммен қамтамасыз етілуге;еңбек міндеттерін қауіпсіз атқару үшін қажетті жарақат алу қаупі жоқ жабдыққа және кәсіби даярлыққа, өзінің денсаулығына не өміріне қатер төндіретін жағдай туындаған кезде жұмысты орындаудан бас тартуға құқылы.