Зоогигиена. Мал шаруашылығы

Кіріспе

Зоогигиена - мал денсаулығын сақтауға бағытталған ғылым. Себебі оның атауы грек сөздерінен алынған: zoon - жануар және hygieinos - сау деген мағынаны білдіреді. Зоогигиена малдарға қоршаған орта жағдайы және тіршілік шарттарының әсерін зерттеп, оларды дұрыс күтіп бағу, азықтандыру, ұстау және пайдалану (эксплуатация) әдістерін жасап шығарады, жағымсыз факторларды жоюға және жағымды факторларды барынша қолдануға ұсыныс жасайды.

Ауыл шаруашылығы жануарларының денсаулығы - бұл ағзаның қоршаған ортамен тепе -теңдіктегі және қандай да болмасын патологиялық өзгеріссіз, яғни ағзаның құрылымы және қызметі бір біріне сай, реттеуші жүйелері ішкі ортаның тұрақтылығын (гомеостаз) сақтау қабілетіне ие болуымен сипатталатын ағзаның табиғи физиологиялық күй-жағдайы деп білеміз, міне сондықтан зоогигиенаны көбінесе практикалық физиология деп атайды.

Сыртқы немесе қоршаған орта - бұл жануарды қоршаған ауа, су, топырақ, азықтар мен ғимараттар. Қоршаған орта ағза үшін пластикалық (құрылыс), энергетикалық және ақпараттық материалын алу көзі болып табылады. Қоршаған орта мен ағзаның бірлігі олардың арасында үздіксіз өтетін зат және энергия алмасу үрдісімен нақтыланады.

Сыртқы орта факторлары ағзаға тікелей және жанама: тыныс алуға, қоректенуге, жылу реттелуіне әсерін тигізеді. Сондықтан сыртқы орта факторлары тірі ағза үшін патогенді болып табылуы мүмкін. Мысалға, ауаның төменгі температурасында және суық су ішкенде суық тиюі мүмкін; ауру туғызатын ағзалармен зарараланған ауа, су және азық жануарларда жұқпалы және инвазиялық ауруларды туғызуға жағдай жасайды; ауа, су және азықтың химиялық құрамының сәйкессіздігі зат алмасу бұзылуына, улануға душар етуі мүмкін.

Зоогигиенаны мал ағзасы мен қоршаған ортаның өзара байланыс заңдылықтарын зерттейтін ғылым ретінде профилактикалық ветеринария деп те санауға болады. Себебі гигиеналық мәліметтердің негізінде жұқпалы, паразитарлық және жұқпайтын аурулардан жалпы сауықтыру профилактикалық және көптеген ветеринариялық күрес шараларын жасап шығарады. Зоогигиенаның талаптарын сақтау адам мен жануарларға ортақ жұқпалы аурулардың алдын алуға мүмкіндік береді.

Зоогигиена биология, физиология, микробиология, зоотехния, ветеринария, механизация, ауыл шаруашылығы өндірісінің экономикасы сияқты негізгі және қолданбалы ғылымдармен тығыз байланысты.

Қазіргі кезде ірі өндірістік кешен, ұсақ фермалар, жеке шаруа қожалықтары жағдайларында зоогигиеналық, ветеринариялық -санитариялық ережелер мен малдарды азықтандыруға, ұстауға және аурулардың алдын алуға көп көңіл бөлінуде. Бұл малдардың денсаулығын сақтап қана қоймай, олардың өнімділігі мен өсімталдығын арттырады.

Назарларыңызға ұсынылып отырған практикумда ауаға, суға, топыраққа, азыққа қойылатын ветеринариялық-санитариялық талаптар туралы мәліметтер мен олардың құрамындағы өзгерістерді анықтау әдістері келтірілген. Оқу құралында 12 сурет, 48 кесте бар. 050208 - «Зоотехния» мамандығында оқитын студенттерге арналған. Бұл оқу құралын сонымен қатар, практикалық зоотехниктер, малдәрігерлері, жеке шаруа қожалары, жеке мал ұстаушылар, фермерлер де қолдана алады.

1 Зогигиена зертханасында студенттердің еңбек қауіпсіздігі техникасы бойынша нұсқаулық

1. 1 Студент зертхана қондырғысына ұқыпты қарауға міндетті.

1. 2 Зертханада әрбір студентке тұрақты жұмыс орыны бекітіледі. Оқытушының рұқсатынсыз бір орыннан екінші жұмыс орынына ауысуға, сондай ақ зертхана қондырғысын жылжытуға болмайды.

1. 3 Зертханада студенттер халат киюі қажет.

1. 4 Студенттерге үстел мен аралықтарды жеке заттарымен үйіп тастауға тиым салынады, жұмыс орынындағы реттілікті сақтау қажет.

1. 5 Жұмыс істеп тұрған электр құралдарын, қайнап жатқан сұйықтықтарды, реактив құйылған ашық ыдысты қараусыз қалдырмау қажет, реактив қосылған сұйықтарды канализацияға құюға тиым салынады, күкірт қышқылы ертіндісін даярлағанда күкірті қышқылын суға құю керек, керісінше жасауға болмайды.

1. 6 Реактивтерді аудиториядан шығаруға, оқытушының рұқсатынсыз оларды араластырып, тәжірибе жасауға болмайды.

1. 7 Өткір иісті реактивтермен жұмысты тек сорғыш шкафта, күйдіргіш реактивтермен жұмысты ыдысқа еңкеймей, қыздырылатын материалмен жұмысты қызуға төзімді заттарды қолданып, қызған сұйық төгіліп қалмау үшін олардың саңылауын өзінен және қатар жұмыс атқарып жатқан басқа студенттерден аулақ ұстап жүргізу қажет.

1. 8 Шыны ыдысты, кескіш құралдарды, электр қондырғыларын қолданғанда жарақаттануды болдырмау үшін сақтану қажет.

1. 9 Берілген тақырыпқа қатысты емес заттарды алмау, жұмыс істегеннен кейін қолды жуу сияқты жеке бас гигиенасы мен жалпы мәдениет ережелерін сақтау керек.

1. 10 Жарақат алынса; күйік шалса; теріге, көзге, ауызға реактивтер тиген жағдайда пайда болған қауіп түріне байланысты алғашқы медициналық көмек беру және басқа да әрекеттер жасау үшін бірден оқытушыға хабарлау қажет.

1. 11 Сабақ аяқталғанда жұмыс орынын бастапқы ретке келтіру керек.

2 Жануарларға арналған қоралардағы микроклиматты бақылау әдістері

Мал қораларының микроклиматы деп жануарларға арналған белгілі бір жеке орынның климатын айтады.

Микроклиматтың аса маңызды көрсеткіштері - температура, ылғалдылық, ауа қозғалысы жылдамдығы, атмосфералық қысым, жарық, шу, көмірқышқыл газының, аммиак пен күкіртсутегінің концентрациясы, ауадағы шаң мен микроағзалар мөлшері болып табылады.

Микроклимат жағдайын көзбен және құралдар арқылы жүргізу қажет. Құрал қолданып жүргізілетін әдіс микроклиматты жүйелі зерттеуді үлкен дәлдікпен жүргізуге мүмкіндік береді. Микроклиматтың кейбір көрсеткіштерінің жағдайын бақылауды үнемі және қажетті талаптарды қатаң сақтап жүргізу керек.

2. 1 Ауа температурасын анықтау

Жұмыстың мақсаты :

1) жануарлар ағзасына температураның әсерін зерттеу;

2) мал қораларында ауа температурасын өлшеу құралдарының құрылысымен және жұмыс істеу ретімен танысу;

3) мал қораларындағы ауа температурасын бақылау әдістерін меңгеру.

2. 1. 1 Ауа температурасын анықтау

Ауа температурасы Цельсий градусымен өлшенеді. 1 Цельсий градусы ( ^о С) судың қайнау (100 ^о С) және қату (0 ^о С) нүктелері арасындағы температуралық шкаланың жүзден бір бөлігіне тең. Мәні бойынша Цельсий градусы Кельвин (К) градусына - температураны өлшеудің қазіргі бірлігіне тең. СИ жүйесі бойынша 0 ^о С - 273, 15 К, ал 100 ^о С - 373, 15 К тең.

Фаренгейт бойынша шкала градусын Цельсий градусына айналдыру үшін келесі формулаларды қолданады:

F = 9/5 · C + 32

С = 5/9 · (F - 32)

2. 1. 2 Мал қораларындағы ауа температурасын анықтауға арналған құралдар

Қоралар мен сырттағы ауа температурасын анықтау үшін сынапты, спирттік және электрлі термометрлерді қолданады.

Сынапты термометрлер кең тараған, олардың дәлдігі өте жоғары және -35 тен 375 ^о С аралығындағы температураны өлшеуге болады. Спирттік термометрлердің дәлдігі төменірек, бірақ сынапты термометрлермен анықтауға мүмкін болмайтын (сынап -37, 4 ^о С температурада қатып қалады) -70 ^о С дейінгі төменгі температураларды өлшеуге мүмкіндік береді.

Кез-келген уақыт аралығында барынша жоғары және ең төмен температураны тіркеу үшін арнайы минимальды, максимальды және аралас максимальды-минимальды термометрлер болады.

Максимальды термометрлер (сынапты) бақылау кезеңінде ауаның максимальды температурасын көрсетеді.

Сынапты максимальды термометрлер резервуардың капиллярға өтетін жерінде тарылады. Температура жоғарылауы кезінде сынап кеңейе отырып капиллярмен жылжиды. Ал егер температура төмендесе сынап бағанасы капиллярда қалады, өйткені тарылған жердегі кедергіні жеңе алмайды.

Сынапты резервуарға қайтару үшін термометрді қолданар алдында қатты сілкиді.

Минимальды термометр (спиртті) бақылау кезеңіндегі минимальды температураны көрсетеді. Бұл термометрдің резервуарын ауамен шектесу ауданын үлкейту үшін шаңышқы түрінде істейді. Термометр капилляры саңылауында шыны штифтик - көрсеткіш болады, оны температура өлшеуді бастар алдында спирттің жоғарғы деңгейіне апарып қояды. Спирт, температура жоғарылауы кезінде кеңейіп, орнында қалатын көрсеткіш жанынан еркін өтеді. Температура төмендегенде спирт сығылады да, үстіңгі тартылысқа байланысты, көрсеткішті өзімен ілестіріп әкетеді. Сондықтан көрсеткіштің жоғарғы ұшы әрқашан минимальды температураны бекітеді.

Аралас максимальды минимальды термометр мал қораларындағы температура ауытқуларын өлшеу үшін қолданылады. Термометр екі жағы иілген түтік түрінде болады, оның оң жақ ұшы шар тәрізді кеңейген, ал сол жағы цилиндр тәрізді болады.

Түтіктің ортаңғы (төменгі) бөлігі сынаппен, сол жақ тізесі - спиртпен, ал оң жақ тізесі спиртпен шар тәрізді кеңейген жерінің ортасына дейін ғана толтырылған. Бұл кеңейген жерінің екінші жартысында спирт буы болады. Екі тізесінде де сынапты менискілерінің үстінде болаттан жасалған қылшықты көрсеткіштері болады. Температураны өлшер алдында екі көрсеткішті де магниттің көмегімен сынап бағанасының менискілеріне олардың төменгі ұштары сынапқа тиіп тұратындай етіп жақындатады.

Температура төмендегенде сол жақ тізедегі спирт кеңейеді, сынап бағанасына күш түсіре отырып, оны түтіктің оң жақ тізесінде жылжытады. Бірмезгілде температура көрсеткіші де жоғары жылжиды. Температура төмендегенде және спирт пен сынаптың теріс жылжуы барысында көрсеткіш қылшықтары үйкелуі нәтижесінде орынында қалады да максимальды температураны көрсетеді. Мұнда сол жақ тізедегі сынап бағанасы көтеріліп, көрсеткішті итереді, сонда ол бақылау кезеңіне минимальды температураны көрсетеді.

Тегіс беттердегі (қабырға, еден және т. б. ) температураны өлшеу үшін бетпен жанасу ауданын ұлғайтатын резервуарлары тегіс, спираль тәрізді иірілген термометрлерді қолданады. Ыңғайлы болу үшін термометр шкаласы спираль жазығына 90 ^о бұрышта орналасқан. Термометр көрсеткішіне қораның ауа температурасының әсерін болдырмау үшін оның спиралін мауыт немесе тығыннан жасалған дөңгелекпен қорғайды. Бұл термометрді қабырғадағы немесе едендегі өлшеу нүктесіне канифольді балауыздан жасалған жапсырмамен бекітеді.

Электротермометрлер қорадағы ауаның, қоршау конструкцияларының (қабырға, төбе, еден), төсеніш, т. с. с температурасын өлшеу үшін қолданылады. Құралдардың жұмыс істеу принципі микротермисторлардың ауаның аздаған ауытқуларында кедергіні өзгертуіне негізделген. Олар әртүрлі типті болады: 1) ЭТП-М, ТЭМП-60, АМ-2М, ЭВМ-2 электротермометрлері қорадағы ауа температурасын, беттер мен қоршаулар, т. б. температурасын өлшеуге арналған. ; 2) ЭА-2М температураны, ауа қозғалысы жылдамдығы мен ауа ағындарының бағытын өлшейді.

Кез-келген уақыт аралығында (тәулік, апта) ауа температурасын тіркеу үшін термографтарды қолданады.

Термограф температуралық көрсеткіштен, биметаллды тақтадан, берілу механизмінен, қауырсынды тілден, сағаттық механизмді барабан мен корпустан тұрады.

Термографтың жұмыс істеу принципі биметалл тақтаның ауа температурасына байланысты қисығын өзгерту қасиетіне негізделген. Биметалл тақтаның бүгілуінің өзгеруі берілу механизмі арқылы арнайы сиямен қайықша тәрізді толтырылған қауырсынды тілшеге беріледі, ол өз кезегінде көтеріліп-түсіп, барабанның айналмалы таспасына температуралық қисықты (термограмманы) сызады. Термограф таспасы көлденеңінен апталарға, күндер мен сағаттарға, ал тігінен - 30 ^о до +40 ^о С аралығындағы температура көрсеткіштеріне бөлінген.

Сурет 1 - М-16А типті термограф.

1 - корпусы; 2 - корреляциялық бұранда; 3 - биметалл тақта (температура көрсеткіші) ; 4 - қауырсынды тілше; 5 - сағаттық механизмді және диаграммалық таспалы барабан.

2. 1. 3 Температураны өлшеу ережелері:

1) қорадағы ауа температурасын тәулігіне үш рет (таңертең, кешке және түсте) дәл бір уақытта үш нүктеде (қораның ортасы мен диагональ бойынша екі бұрышында) ұзынша қабырғалардан 3м және шеттерден 0, 8-1, 0 м қашықтықта өлшейді. Тігінен жануарлардың жату, тұру және малшылардың бойының деңгейінде:

а) сиыр қораларында - еденнен 0, 5 - 1, 2м және төбеден 0, 6м;

б) шошқа және сиыр қораларында - еденнен 0, 3 - 0, 7м және төбеден 0, 6м;

в) құс қораларында: еденде ұстағанда - еденнен 0, 2 - 1, 5 м және төбеден 0, 6; торда ұстағанда - өлшеу нүктелерін батарея арасындағы жолда төменгі, ортаңғы және жоғарғы қабат клеткалары аймағында таңдайды.

2) термометр немесе термографты тікелей күн сәулесі түспейтіндей, жылыту қондырғылары мен құралдарынан жылу, терезе мен желдету каналдарынан суық келмейтіндей етіп орналастыру қажет, термографты жануарлардан оқшау ұстайды.

3) әрбір нүктеде температураны өлшеу ұзақтығы термометрді орнатқаннан бастап, 10-15 мин кем болмауы керек.

1-кесте - Зерттеу нәтижелерін жазу

2. 2 Ауаның ылғалдылығын анықтау

Жұмыстың мақсаты :

1) ауа ылғалдылығының жануар ағзасына әсерін зерттеу және негізгі гигрометриялық өлшемдерді анықтау.

2) мал қорасы ауасының ылғалдылығын анықтауға арналған құралдардың жұмыс істеу принциптерімен және құрылысымен танысу.

3) ауа ылғалдылығын өлшеу әдістемесін меңгеру.

2. 2. 1 Ауа ылғалдылығын өлшеуге арналған құралдар

Ауа ылғалдылығын анықтау үшін: гигрометрлер, психрометрлер және гигрографтарды қолданады. Қылды және металл гигрометрлер; психрометрлері Август (статикалық) және Ассман (аспирациялық) ; гигрографтар тәуліктік және апталық болады.

Ауаның ылғалдылығы оның температурасы сияқты, қораның дәл сондай нүктелерінде тәулігіне үш рет анықталады.

Ауаның ылғалдылығы үнемі өзгереді және әртүрлі өлшемдер немесе гигрометриялық көрсеткіштермен сипатталады.

Абсолюттік ылғалдылық (е) - берілген температурада бір м ³ ауадағы су буының мөлшері (г) немесе серпімділігі.

Максимальды ылғалдылық (Е) - берілген температурада бір м ³ ауадағы су буының шекті серпімділігі немесе максимальды мөлшері (г) .

Салыстырмалы ылғалдылық (R) - пайызбен берілген абсолюттік ылғалдылықтың максимальды ылғалдылыққа қатынасы:

R = e / E · 100

Қанығу тапшылығы (Д) - берілген температурадағы максимальды және абсолютты ылғалдылықтың арасындағы айырмашылық:

Д = Е - е

Шық нүктесі (Т) - ауадағы су булары қанығып, сұйық күйге ауысатын температура (суық беттерде ылғалдың шық түрінде шоғырлануы) .

Құралдар: Ауаның салыстырмалы ылғалдылығын анықтау үшін гигрометрді - жұмысы эфирде майсыздандырылған адам шашының салыстырмалы ылғалдылық артқанда ұзарып, төмендегенде қысқару қабілетіне негізделген құралдар. Салыстырмалы ылғалдылықты өлшегенде гигрометрді тігінен орналастырып, есепті тілшенің көрсеткіштері бойынша (%) орнатқаннан 3-4 сағат кейін немесе үнемі қолданғанда 20-30 минуттан кейін жүргізеді.

Ауаның абсолюттік ылғалдылығын психрометрлермен анықтайды. Әртүрлі температураларда ауаны қанықтыратын су буының серпімділік кестесінің көмегімен, арнайы формула бойынша салыстырмалы ылғалдылықты, қанығу тапшылығын және шық нүктесін анықтайды.

Августтың статикалық психрометрі бір штативке бекітілген бір - бірінен 4-5 см қашықтықта орналасқан бірдей екі термометрден тұрады.

Термометрлердің бірінің резервуары (ылғалды) кішкентай матаның кесегімен оралған, орауыш соңы ширақ жіппен байланып, иілген шыны түтік - пробирканың кеңейген ұшына салынған. Түтікті тазартылған (дистильденген) сумен толтырады. Капиллярлылығына байланысты, материал үнемі суланады да, термометр түйіршігінен су тұрақты буланып отырады. Бұл булану жылдамдығына пропорционалды жылу жоғалтуды туғызады. Ауа неғұрылым құрғақ болса, булану соғұрылым қарқынды жүреді. Осыған орай, дымқыл термометрде құрғақ термометрмен салыстырғанда температура көрсеткіші төмен болады. Екі термометрдің көрсеткіштерінің айырымашылығы есептеу негізіне алынады.

Өндірістік жағдайда ауаның салыстырмалы ылғалдылығын арнайы психрометрлік кестелер бойынша бағдарлап анықтауға болады.

Ауаның абсолютті ылғалдылығын Август психрометрінің (статикалық) құрғақ және дымқыл термометрлерінің көрсеткіштері бойынша келесі формуламен есептейді:

А = Е - α · ( Т ₁ - Т ₂ ) · В

мұнда А - ауаның абсолютті ылғалдылығы, г/ м ³ ; Е - дымқыл термометрдің көрсеткіші бойынша ауаның максимальды ылғалдылығы; α - ауа қозғалысы жылдамдығына тәуелді психрометрлік коэффициент; Т ₁ - құрғақ термометр бойынша температура, ^о С; Т ₂ - дымқыл термометр бойынша температура, ^о С; В - анықтау кезіндегі барометрлік қысым, мм. сын. бағ.

2-кесте - Психрометрлік коэффициенттер

Ассманның аспирациялық психрометрі резервуарлары жылу радиациясынан қорғау үшін екі металл гильзамен, сондай ақ жақтауларының жылу өткізгіштіктен сақтау үшін талшықты қабаттамамен қапталған бірдей екі термометрден тұрады. Гильзалар жоғарғы ұшында шағын аспирациялық желдеткіші бар ортақ түтікке өтеді. Желдеткіш кілтпен оталатын серіппе арқылы қозғалысқа келтіріледі және қалпақшамен жабылады. Желдеткіш жұмыс істегенде ауа гильза арқылы төменнен ортақ ауа өткізгішке тұрақты 4 м/с жылдамдықпен сорылады.

Дәлдігі 0, 1 ⁰ С болатын құрғақ және дымқыл термометрлердің көрсеткішін 10-15 минуттан кейін есепке алады. Психрометр термометрлерінің көрсеткішін жазда өлшеу басталысымен 4-5 минуттан, ал қыста 15 минуттан кейін жазады.

Ассман психрометрі анықтаған абсолютті ылғалдылық келесі формула бойынша есептейді:

А = Е - 0, 5 · ( Т ₁ - Т ₂ ) · В/755

мұнда 0, 5 - тұрақты психрометрлік коэффициент; 755 - орташа барометрлік қысым (мм. сынап бағанасы) .

Абсолютті ылғалдылықты анықтағаннан кейін салыстырмалы ылғалдылықты анықтауды (R) ертеректе келтірілген формула бойынша жүргізіледі. Қосымша есептеулерсіз ауаның салыстырмалы ылғалдылығы туралы тәуліктік және апталық деректерді тікелей гигрографтар көмегімен арнайы диаграммалық таспада алуға болады. Гигрографтың жұмыс істеу принципі арфалық жүйеде майсыздандырылған шаш шоғының ауа ылғалдылығының артуы немесе төмендеуіне байланысты ұзындығын өзгерту қасиетіне негізделген.

Шаш шоғы ұзындығының өзгеруі берілуі механизмі арқылы арнайы сиямен қайықша тәрізді толтырылған қауырсынды тілшеге беріледі, ол өз кезегінде көтеріліп-түсіп, барабанның айналмалы таспасына гигрограмманы сызады. Гигрограф таспасы көлденеңінен апталарға, күндер мен сағаттарға, ал тігінен 0 %- дан 100 % аралығындағы салыстырмалы ылғалдылық көрсеткіштеріне бөлінген.

Сурет 2 - Психрометрлер.

А - Август (статикалық) ; б - Ассман (динамикалық)

3-кесте - Ылғалдылықты зерттеу нәтижелерін жазу

Сурет 3 - МВ-18 гигрометрі

1 - жүру бұрандасын ауыстыруға арналған гайка; 2 - жүру бұрандасы; 3 - майсыздандырылған шаш; 4 - жиек; 5 - шкала; 6 - тілі

Сурет 4 - М-21А типті гигрограф

1 - корпус; 2 - майсыздандырылған шаш шоғы (ылғалдылық көрсеткіші) ; 3 - түзету бұрандасы; 4 - қауырсыны бар тіл;
5 - сағаттық механизмді және диаграммалы таспалы барабан.

2. 3 Ауаның атмосфералық қысымын анықтау

Жұмыстың мақсаты :

1) атмосфералық қысымның жануар ағзасына әсерін зерттеу.

2) мал қорасы ауасының атмосфералық қысымын өлшеуге арналған құралдардың жұмыс істеу принциптерімен және құрылысымен танысу.

3) мал қорасы ауасының атмосфералық қысымын бақылау әдістемесін меңгеру.

Жер шарын қоршап тұрған ауаның белгілі бір салмағы бар: теңіз деңгейіндегі 1л ауа 1, 294 г болады. Ауаға берілетін қысым атмосфералық қысым деп аталады. Жер үстіндегі ауа теңіз деңгейіндегі оның бетінің әрбір сантиметріне салмағы 1 кг (1029, 8 г) асатын жүк түсіретін шамада қысым түсіреді.

Атмосфералық қысым бұл қысымды теңгеретін сынап бағанасы биіктігімен өлшенеді. Қалыпты қысым деп 760 мм сынап бағанасы немесе бар бірлігі есептеу қабылданған. Бір бар 750, 06 мм сынап бағанасы қысымға сай болады. Бар 1000 миммбарға бөлінеді (мбар) . Осыдан 1 мбар 0, 75 мм сынап бағанасына, 1 мм сынап бағанасы қысым 1, 33 мбарға тең. Соңғы кезде қысым паскаль бірлігімен (Па) өлшенеді. Паскаль - бір ньютон (бір ньютон - бұл, 1 кг салмақты денеге 1м/с ² жылдамдық беруші күш), күшпен туғызылатын және 1 м ² аудан бетіне біркелкі таралған қысым. Бір гектопаскаль 100 паскальға немесе 133, 322 мм сынап бағанасына тең, ал қалыпты қысым 760 мм сынап бағанасы 1013 гектопаскальға сәйкес.

Құралдар: Атмосфералық қысымды сынапты сифонды барометрлермен және металл барометрлер-анероидтармен өлшейді.

Сынапты сифонды барометр - өте дәл құрал, бірақ абайлап ұстауды және орын ауыстыруды қажет етеді. Сондықтан оны зертханалық зерттеулерде және анероид барометрлерді тексеру барысында қолданады.

Барометр-анероид (БАММ) портативті құрал болып табылады және гигиеналық зерттеу кеңінен қолданылады. Бұл құралдың маңызды бөлігі іші қуыс жұқа қабырғалы гофралы түпті және қақпақты металл қорап немесе таға тәрізді иілген жұқа қабырғалы тегіс түтік болып табылады.

... жалғасы

Зоогигиенаның даму тарихы туралы қысқаша мәліметтер

Мал қораларындағы ауа газдарының құрамы

Қабандар (шошқа)

Ірі қара малының гигиенасы

Құлындарға арналған қора жайы жобасының зоогигиеналық негізделуі

Ірі қара малының гигиенасы жайлы

Зоогигиена (ветеринарлық гигиена, ауылшаруашылық малдарының гигиенасы)

3-4 айлық 100 бас бұзауға арналған қораның санитарлық – гигиеналық жағыдайы

Ауылшаруашылығы құстарының гигиенасы

Ауылшаруашылығы құстарының гигиенасы туралы ақпарат

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс