Болашақ бастауыш сынып мұғалімдерін даярлауда оқытудың белсенді әдістерін жүзеге асырудың дидактикалық шарттары


Қожа Ахмет Ясауи атындағы Халықаралық қазақ-түрік университеті
ӘОЖ Қолжазба құқығында
Жетпісбаева Гүлшат Сүйіндікқызы
Болашақ бастауыш сынып мұғалімдерін даярлауда оқытудың белсенді әдістерін жүзеге асырудың дидактикалық шарттары.
дәрежесін алу үшін дайындалған диссертация
Ғылыми жетекшісі:
Қожагелдиева С. - педагогика ғылымдарының кандидаты, доцент
Қазақстан Республикасы
Түркістан 2012
Болашақ бастауыш сынып мұғалімдерін даярлауда оқытудың белсенді әдістерін жүзеге асырудың дидактикалық шарттары.
І. Бастауыш сынып мұғалімдерінің даярлығын жетілдірудің теориялық негіздері.
1. 1. Жоғары педагогикалық білім беру теориясы мен практикасында.
1. 2. Оқытудың белсенді әдістерін жүзеге асыруда бастауыш сынып мұғалімдерінің даярлығын жетілдірудің педагогикалық жүйесі.
1. 3. Оқытудың белсенді әдістерін жүзеге асырудың дидактикалық шарттары.
ІІ. Болашақ бастауыш сынып мұғалімдерінің даярлауда оқытудың белсенді әдістерін жүзеге асыру.
2. 1. Болашақ бастауыш сынып мұғалімдерінің білім сапасын арттыру үшін оқытудың белсенді әдістерін тиімді пайдалану.
2. 2. Оқытудың белсенді әдістерін жүзеге асыруда бастауыш сынып мұғалімдерінің даярлығын жетілдірудің педагогикалық жүйесін іске асыру нәтижелері.
2. 3. Оқытудың белсенді әдістерін жүзеге асыруда бастауыш сынып мұғалімдерінің даярлығын жетілдірудің педагогикалық жүйесін пайдаланудың келешегі.
ІІІ. Қорытынды.
ІV. Пайдаланылған әдебиеттер тізімі.
оқытудың педагогикалық ерекшеліктері
Қазақстан Республикасының білім беру жүйесін әлемде болып жатқан келелі жаңалықтармен ұштастыру мақсатына байланысты еліміздің педагогикалық қоғамдастығының алдында білім беру саласына сапалық өзгерістер енгізу мәселелері тұр.
Бұл мақсаттар мен міндеттер «Қазақстан Республикасының 2015 жылға дейінгі білім беруді дамыту тұжымдамасында нақты көрсетілген [] . Білім беру мәселелерін жан-жақты қамтыған бұл тұжырымдамаға сәйкес аталған негізгі мақсаттар төмендегідей:
- қоғамның, мемлекеттің және жеке тұлғаның сапалы жоғары білім алуға деген мүддесін қанағаттандыру,
- әрбір адамға оқытудың мазмұнын, нысанын және мерзімдерін таңдауға кеңінен мүмкіндік беру.
Ал негізгі міндеті:
- іргелі білімді жан-жақты меңгерген, бастамшыл, еңбек рыногы мен технологиялардың ауысып тұратын талаптарына бейімделген, командада жұмыс істей білетін жаңа тұрпатты маман даярлау.
Олай болса ХХІ ғасырда, адамзат дамуының ақпараттық кезеңіне оқыту белесіне тұспа-тұс уақытта білім беру үзіліссіз және маңызды процесске айналуы тиіс. Білім берудегі басты талап - оқытудың гуманистік бағытталған, яғни адамды жеке тұлға ретінде дамытуды көздеп, оның жеке әлеуметтік және педагогтық мәдениетін көтеруге бағытталған болуы. Ал, қазіргі білім алушының негізгі мақсаты білім алып, білік пен дағды-машыққа қол жеткізу ғана емес, солардың негізінде дербес, әлеуметтік және педагогтық біліктілікке ұмтылу ақпаратты өзі іздеп табу, талдау және жұмыс істеу болып табылады [ ] .
Білім берудің гуманизациялық (гуманитаризация) мағынасы ойлау мәдениетін қалыптастыру, яғни ғаламдану мен мәдениет тарихын терең түсіну негізінде студенттің шығармашылық қабілетін шыңдау, дамыту. Сонымен, жоғары оқу орындары барлық уақытта өзін-өзі дамытуға, жетілдіруге қабілетті педагогтық іскерлігін көрсете алатын маман дайындауға жұмылдырады.
Жоғары оқу орындарында оқыту мен тәрбиелеудің (мектепке қарағанда) төмендегідей негізгі принциптері сақталады:
- жоғары оқу орнын тәмамдаған соң практикалық жұмысына қажет болатын біліктілікті қалыптастыру;
- студенттердің жас аралық әлеуметтік психологиялық және дербес ерекшеліктерін ескеру;
- оқыту және тәрбиелеудің кәсіби бағытталуы;
- оқытуды ғылыми, қоғамдық және өндірістік іс-әрекеттермен үйлестіру.
Қоғамның дамуымен қатар оның ақпараттық мәдениеттілік деңгейінің өсуі талап етіледі, себебі қоғам мүшесінің іс-әрекетіне және өмірге ақпаратты өңдеудегі техникалық және программалық жабдықтар, инновациялық технологиялар, оқытудың белсенді әдістері кеңінен енгізілуде. Сондықтан, болашақ мамандарды дайындау жүйесіне көбірек көңіл бөлінуде. Соның ішінде қоғамды ақпараттандыру үрдісінде болашақ бастауыш сынып мұғалімдерін дайындау негізгі орынды иеленеді. Білім беру жүйесін ақпараттандыру идеялары Ершов А. П., Антипов И. Н., Монахов В. М., Лапчик И. П. т. б. жұмыстарында негізделген болатын.
Осындай талаптарды орындай алатын қоғам мүшесін дайындау өзекті іс болып отыр. Сондықтан білім беру салаларында, соның ішінде жоғары оқу орындарында оқытудың жаңа әдістері мен тәсілдері зерттеліп келеді. Және де әлемдік білім деңгейіне көтерілу мақсатында мамандарды көбірек дайындау мәселесіне орай шаралар жасалуда. Оның үстіне соңғы уақытта жоғары оқу орындарының саны да, түрлері де көбейіп отыр. Мұндай жағдайда сапалық өзгерістерді олардың құрылымдық структурасына емес, педагогикалық технологиясына енгізуі маңызды болып табылады. Демек, оқу тәрбиелік үрдісінің мазмұнын, формасын, әдістерін және педагогтармен студенттер психологиясын жаңаша қалыптастыру қажеттілігі туындайды.
Қазіргі жағдайда жоғары оқу орнының оқытушысы ғылыми ақпаратты жеткізуші ғана емес сонымен қатар студенттердің танымдық әрекетін ұйымдастырушысы болуы тиіс. Болашақ маман ретінде талап етілетін қажетті білім мөлшерінің өсуіне қарамастан, жоғары оқу орынында бакалавр мамандарды дайындау белең алғандықтан, бұрынғы университеттердегі мамандар дайындаумен салыстырғанда, оқыту мерзімі азайғаны белгілі. Сондықтан оқу үрдісінің қарқынын күшейту және сапасын мейлінше арттыру шарт. Олай болса, болашақ маман өз біліктілігін әрдайым жаңартып, толықтырып, өз білімділігі мен біліктілік қабілетін көтеріп отыруға бейімделуі қажет болады. Яғни студенттік жылдары студент өзін-өзі дамыту әдістемесін меңгеріп, жаңаша ойлау және кәсіби мәселелерді шешудің жаңа тәсілдерін таба білетін дәрежеге жетуі тиіс.
Еліміздегі жалпы білім беру жүйесі саласында соңғы жылдары іске асырып жатқан бірқатар маңызды реформалар, оның ішінде әсіресе жоғары оқу орындарында білім берудің кредиттік технологиясы жүйесіне көшу бүгінгі таңда еліміздің жоғары оқу орындарында ұзақ жылдар бойы қалыптасқан дәстүрлі әдістерден біртіндеп бас тартуға, оқытудың академиялық және ұйымдастыру құрылымдарын өзгертуге, әдістерімен технологиясын жаңартуға, педагогикалық үрдістерді жетілдіруге, оқытушылары құрамын сапалық жағынан жақсартуға бағытталған қыруар жұмыс атқару міндеттерін алға қойып отыр. Республикамыздағы жалпы білім деңгейінің жоғары сапалы болуы және оны алдынғы қатарлы дамыған елдердегі берілетін білім деңгейлерімен бәсекелестің жоғары сатысына дейін көтеру мәселелері Президентіміз Н. Назарбаевтың Қазақстан халқына 2004, 2005 және 2007, 2008 жылдардағы Жолдауларында лайықты орын алғаны баршамызға мәлім. Сондықтан да бүгінгі күнгі еліміздегі білім беру жүйесінің негізгі міндеттері ол қазіргі заманғы талаптарға және қабылданған әлемдік стандарттаға сай келетін ұлттық білім жүйесін жасау және қалыптастыру мәселелері.
Қазіргі қойылатын талапқа сай кредиттік технология берілетін білім деңгейінің кеңейтілуінің және болашақ мұғалімдердің білім дәрежесінің артуын талап етіп отыр. Жалпыға бірдей қажеттілігі туған кезде ең негізгі мәселе оқытудың мазмұны мен әдістерін, оқытуды ұйымдастырудың түрлерін жетілдіру болып табылады.
Қазіргі кезде болашақ мұғалімдерге тек қана ғылыми білімдер жүйесін беру ғана емес, оларды танымдылық және практикалық сипаттағы іскерлік және дағдымен қаруландыру болып табылады. Олай болса, оқыту процесін жетілдіру жолдарын іздестіруде тек қана жаңа білімдер беру әдістерін жетілдіру ғана емес, сонымен қатар студенттердің іскерлік пен қабілеттілігін калыптастырудың әдістемесін жетілдіру ісінде ескеру қажет.
Қазіргі заманға сай талаптар бойынша студент білімді өз бетімен меңгеруді, практикалық еңбек кезінде бақылау, өзінің бақылауларын тәжірибе жүзінде тексеру, еңбек қаруы ретінде кітапты пайдалану, ғылым жаңалықтарын күнделікті тұрмысқа пайдалануды іске асыруы тиіс.
Оқытылатын сабақ түрі заман талабына сай өзгеріп, жаңарып отырса білім беру сапасы артатыны белгілі. Сондықтан, жаңа педагогикалық технологияларды енгізу, оқыту үрдістерінің тиімділігін арттырып қана қоймайды, студенттің мемлекеттік стандарт аясында ғана білім алуымен шектелмей, білімін әрі қарай өз қалауымен дамыту мүмкіндігін туғызады. Қазіргі кезде оқыту үрдісін жоспарлаудың, қолданудың, бағаланудың жүйелі әдісі адамдардың техникалық ресурстарды білімді игеру жолында өзара тиімді әрекет етуінің негізі ретінде жаңа технологиялар түрлері көбеюде.
ЮНЕСКО-ның берген анықтамасына сәйкес, педагогикалық технология дегеніміз бүкіл оқыту үрдісін және бір-біріне өзара әсерін, білім берудің формасын оңтайландыру міндеттерін ескере отырып меңгеруді жүзеге асырудың жүйелі әдісі.
Жаңа педагогикалық технологиялар ішінен тиімді деген ұйғарымын жасап қажеттісін таңдап алу әр оқытушыдан үлкен жауапкершілік пен іскерлікті талап етеді. Оқыту технологиясы оқу үрдісіне қажетті әдіс, тәсіл, амал, дидактикалық талап секілді педагогикалық іс-әрекеттердің жүйелі кешені ретінде пайдаланады. Қазірде зерттеліп, қолданылып жүрген жаңа педагогикалық технологияларға білім беруді жетілдіру технологиясы, тірек белгілері арқылы оқыту технологиясы, түсіндіре басқарып оза оқыту технологиясы, деңгейлеп саралап оқыту технологиясы, міндетті нәтижелерге негізделген саралап оқыту технологиясы, модульдік оқыту технологиясы және жобалар арқылы оқыту технологиясы, сонымен қатар жаңа ақпараттық технологияларды пайдаланып оқыту технологиясы кіреді.
- .
даярлау жолдары
Студенттер болашақта алған білімдері мен дағдыларын оқыту жүйесінде, практикалық есептерді шешуде қолдана алатындай дәрежеге жетуі үшін оқытудың ғылыми және әдістемелік жолдарын ұйымдастырылуымен қатар, бірге ұштастыра білуі қажет.
Іргелі пәндерді оқыту барысында кездесетін кейбір жетіспейтін жәйттар бар. Мысалы, оқытудың қолданбалы және кәсіби-педагогикалық бағытталуы толық қамтылмайды, қосымша толықтыруларды қажет етеді. Оған қоса пән аралық байланыс тиімді қолданылмайды, студенттердің жұмыстары ғылыми әдістемелік негізде ұйымдастырылу деңгейі төмен, әлі де керекті дәрежеде дамымаған [] .
Сонымен қатар, пәнді оқыту барысында бағдарламаға сәйкес материалдарды сапалы түрде жеткізуге көп көңіл бөлінеді де, кәсіби бағдар берілуі, мотивация және т. б. дидактикалық мәселелер жүзеге асырылмай қалады. Сондықтан мұндай кемшіліктерді жоюдың бірден-бір жолы дәріс, практика, студенттердің өзіндік жұмысын ұйымдастыру, бақылауларды өткізу барысын ұйымдастыруға арналған әдістемелік жүйесін құру, олардың әрқайсысының функцияларын айқындау, оларға нақты бір талаптар қою болып табылады.
Білім беру саласында шешілуі тиіс мәселелердің бірі өмір талабына сәйкес оқыту әдістерін анықтау болып отыр. Себебі болашақ мамандарды дайындауда қойылатын талаптардың бірі - маманның білімі нарыққа сай сұранысты қанағаттандыруы, яғни нақты бір мәселені шешу барысында шынайы нысандар моделін қолдану қажет болып отыр. Осы тұрғыдан оқытудың белсенді әдістерін қолдану арқылы оқыту әдісі маңызды саналып келеді.
Қоғамды индустрияландыру кезеңінде білім беру жүйесі алдыңғы кезекте, білімі жоғары, қабілетті, заман талабына сай жаңа әдіс-тәсіл, жүйелерді меңгерген сауатты мамандарды дайындауға бағытталуы керек. Яғни, студенттердің дүниетанымдық көзқарасын қалыптастыра отырып, оны ізгілікті адамгершілікке даярлау басты нысанаға айналу қажет.
Қазақстан Республикасында білім беруді дамыту туралы мемлекеттік бағдарламада білім беру мазмұнын білім үстемдігі деңгейінен нәтижеге бағытталған біліктілік деңгейіне көтерудің маңыздылығына ерекше назар аударылған. Қазіргі білім берудің басты мақсаты - мамандарды әлемді шығармашылық тұрғыдан өзгертудің әдістемесімен қаруландыру. Осы тұрғыдан алғанда ғылыми міндеттерді дәстүрлі емес әдістермен шешуді ұсыну заңды құбылысқа айналып отыр.
Адамның іс-әрекетінің белсенділігі мен дербестігінің ең жоғарғы сатысы - шығармашылық. Сондықтан оқу-тәрбие процесінде студенттердің шығармашылық қабілетін дамытуға айрықша көңіл бөлінуі тиіс.
Педагогикалық қызметке даярлық педагогикалық жоғары оқу орындары мен кейбір жеке жүйеленген жоғары оқу орындарында ұзақ уақыттарда мамандарды дайындау жүйесін қалыптастыру, жаңа жетілдіру жолдарын жасау болып табылады.
Болашақ бастауыш сынып мұғалімдерін даярлауда оқытудың белсенді әдістерін жүзеге асыруда болашақ педагогтарды даярлауды қалыптастыру, білім беру жүйесіне қажет қатысы бар мектеп біліміне компьютерлендіруді ендіру, педагогикалық қызмет шеберлігін бастаудың алғашқы тәжірибесіне, жаңа технология мәселесі бойынша ғылыми-әдістемелік және ғылыми-зерттеу жұмыстары тәжірибесін жасауды білдіреді. Онда болашақ мұғалімге арнайы және адал білімділігімен жұмыс істеу көрсетіледі. Инновациялық технологияны пайдаланудағы студенттер даярлығының қалыптасуы туралы негізгі ережесі мен бағыттары біздің бірнеше ғылыми мақалаларымыз бен басылымдарда көрсетілген.
Инновациялық технологияларды пайдалану жағдайындағы жұмыстардың қажеттілігін қарастыра отырып, компьютерді білім беру саласында пайдалануды оқу құралы ретінде қолдануға бағытталған қосымша оқу құралы ретінде ұсынуға болады. Біз жүргізген экспериментальды зерттеулерден, сәйкес мамандықты таңдап педагог болғысы келетін жоғары оқу орны студенттерінің барлығы берілген нақты жағдайларда және педагогикалық қызметке бағытталған бірдей дәрежеде болуы мүмкін емес.
Педагогтың жаңа инновациялық технологияны пайдалануға дайындығы жүйесіне мыналарды жатқызуға болады:
а) психологиялық дайындық , яғни педагогикалық қызметтегі жаңа инновациялық технологияны пайдалануға бағытталған әр түрлі дәреженің қалыптасуы мен осы сала бойынша өз білімін жетілдіру қажеттілігімен компьютермен жұмыс істеу қызығушылығының бар болуы, кәсіптік ойлау қабілетін дамыту;
б) ғылыми-теориялық дайындық , яғни педагогикалық оқу орындарында жаңа инновациялық технологияны пайдалану жағдайында педагогтық қызмет үшін қажет арнайы білім мен психологиялы-педагогикалық біліктілік қажеттілігін жетілдіру;
в) практикалық дайындық , яғни жаңа инновациялық технологияны пайдаланудың педагогикалық іскерлігі мен дағдыларының деңгейіне қойылатын талаптардың қалыптасуы;
с) психологиялық және физикалық даярлығының белгілі бір мамандығы бойынша педагогикалық қызметті игеру үшін сәйкес алғы шарттарының бар болуы, жеке тұлғаның педагогтық мәнді сапасының қалыптасуы, инновациялық қоғам жағдайында педагогикалық қызметтің денсаулық жағдайы мен физикалық даму талаптарының сәйкестігі.
Жоғарыда көрсетілген педагогтық қызметтерді орындау барысындағы даярлық түсінігінен, сонымен қатар оқытудағы жаңа инновациялық технология мәселесін зерттеуде және студенттерді болашақ педагогтық қызметіне жаңа инновациялық технологияны пайдаланып дайындауда, оқу-тәрбие процессінде жаңа инновациялық технологияны пайдалану даярлығының анықтамасы қалыптастырылды.
Берілген даярлық өзіне жаңа инновациялық технологияның жоғары мотивациясын енгізетін, біріктірілген білім беру жүйесі ретінде анықталады. Сонымен қатар жаңа ақпараттық технология аспектілерінің теориялық білімдері, сәйкес эмоциональды-еріктік сапасы мен педагогикалық іскерлік кешенінің таралуы келесі айтылғандармен көрінеді, яғни жаңа қызмет жағдайындағы құрастырушылық, ұйымдастырушылық, коммуникативтілік, гностикалығы.
Әртүрлі психологиялы-педагогикалық дайындық модельдерінде студенттердің компьютерді пайдалануын оқыту құралы және мектеп оқушыларының білімін жетілдіріп дамытушы ретінде қарастырып, келесі даярлық элементтерін қалыптастыруымызға болады:
1. мотивациялық жаңа инновациялық технологияның мектепте дұрыс қолданылуына деген ұмтылыс, компьютермен бірге жұмыс жүргізуді үйрету, жаңа инновациялық технологияны пайдаланып, білімнің сапасын арттыруға қол жеткізу жолдары және т. б.
2. танымдық жаңа инновациялық технологияны оқытудағы қолданылуын түсіну оған баға беру, берілген қызмет түрінде білім мен іскерліктің бірігуін қамтамасыз етуі және т. б.
3. эмоционалды-ерікті жоғары оқу орнын бітірушілердің мектептегі компьютер жүйесінде жұмыс істеуге деген жауапкершілігі, педагогикалық қызметтің болашақтағы жетістігіне сенуі, жаңа инновациялық технологияны пайдаланып дайындық жұмыстарын жүргізе білуі.
Болашақ мұғалімді дайындау барысында педагог маманы үшін келесі қағидалар мен көзарастар қалыптасады:
- оқу процесіне жаңа инновациялық технологияны пайдаланудың мотивациялы-құндылық қатысы;
- педагогикалық қызметтегі құрастырушы компонент ретінде педагогтың жаңа инновациялық технологияны пайдалану жағдайындағы қызметін жоспарлай білуі;
- жаңа инновациялық технологияны пайдалану жағдайындағы оқушылардың оқу-танымдық қызметін басқара білумен сипатталатын ұйымдастырушылық компоненті;
- компьютер көмегімен оқыту кезінде оның жеке ерекшеліктерін ескере отырып, оқушылардың жекеленген, топтық, ұжымдық қызметтерін ұйымдастыруды жандандыруы;
- жаңа инновациялық технологияны пайдалану жағдайында оқушылармен педагогикалық жұмысқа қатынасты орнататын қабілет - коммуникативті компоненті;
- түрлі типтегі үйретуші программалар тапсырмаларын құрастырып, оқушылар үшін түсініктілік дәрежесін талдау (оқушылардың программамен жұмыс істеу қызығушылығын бағалау және басқа типтегі программаларды пайдалануды үйрету) және оқытушы қызметінің ерекшеліктеріне байланысты программаның ішкі типінің қиындықтарын жеңе білу жолдарын меңгеруі;
- гностикалық компонент мағынасына қарай жаңа инновациялық технология жағдайындағы педагогикалық қызметке даярлығын бағалай білуі, сонымен қатар компьютерлік техниканы пайдаланудағы педагогикалық қызметті талдай білуі, өзінің жеке ерекшеліктеріне байланысты басқара білуі, педагогикалық дайындық дәрежесіне сәйкес педагогтық жағдайда өзін көрсете білуі және оқытудағы жаңа әдіс-тәсілдерді, жаңа инновациялық технология мәселесі бойынша өз білімі мен іскерлігін бағалау есебінің шешімін негіздей білуі сияқты негізгі қабілеттілігі мен білімділігі болып табылады.
Зерттеулерде студенттердің оқу-танымдық қызметін ұйымдастырудағы мәселелер шешілді және оның әрқайсысы өз қабілетіне сәйкес жұмыс жасап, жеке ерекшеліктерін ескеріп, оның белгілі бір болашақ педагогтық қызметін құрайтын жаңа инновациялық технология аймағындағы білімі, іскерлігі және дағдыларын табысты игеруіне болады.
Біз жаңа инновациялық технологияны пайдалану жағдайындағы болашақ педагог жұмысының нақты дайындығының бірнеше параметрлеріне (үш модельде), яғни олардың өз білімін, іскерлігін бағалауы мен қызмет мотивтеріне талдау жасадық. Эксперименттік зерттеулерге қатысқан студенттердің кейбір жеке қасиеттерін ескере отырып, оқу процесінде компьютерді пайдаланудың объективті және субъективті даярлық сипаттамасының өзара байланысы қарастырылды.
Қарастырып отырған даярлықтың әрбір компонент көрсеткіші жаңа инновациялық технологияны пайдаланудағы мұғалім даярлығының қалыптасу деңгейін бағалау өлшемдері болып табылады және педагогикалық қызметте жаңа инновациялық технологияны пайдалану даярлығының қалыптасқан бес деңгейі ерекшеленіп берілді.
Жаңа инновациялық технологияны пайдалану даярлығының дамуын спираль түрінде жүреді деп пікір білдіруімізге болады, яғни физика, информатиканы оқыту элементтерінен жаңа ақпараттық технологияны жан-жақты игеруге және оны оқу-тәрбие процесі жүйесінде жүзеге асыру тәсілдерін шығармашылық тұрғыдан меңгеру. Осы көріністен бір-бірінен сапалы айырмашылығы бар даярлықтың 3 негізгі деңгейін ерекшелеп өтуімізге болады: даярлықтың қарапайымдылығы, функциональды, жүйелік деңгейлері. Бір деңгейден екіншісіне өту алдыңғысын теріске шығармайды немесе алдыңғысын “алып тастау” диалектісімен сипатталмайды.
Сонымен қарапайым даярлық деңгейінде меңгерген теориялық білімді диалектикалық түрде теріске шығармаймыз, ол педагогтың практикалық қызметі процесінде мағынасы ауысады, содан басқа сапалы, жоғары деңгейлі функциональды даярлыққа өту жандандырылады. Есептеу техникаларын пайдалану бойынша алдыңғы деңгейдегі практикалық қызметтің білімі мен іскерлігін жеделдетудің (сыртқы ортаға ауысуы) психологиялық механизмі жасалады.
Бұдан әрі теориялық танымға тереңдеп енген практикалық іскерлік синтезі, педагогикалық қызметке компьютерлік техникалардың қолдану жүйесінін теориялық негізі болып табылатын, сана-сезімін сапалы, әрі құрылымдық жетілдіруге айналдыру мен қайта игерген ішкі қызмет тәсіледеріне әкеледі. Сонымен қатар ойлаудың жаңа түрі - компьютерлік ойлау қалыптасады, бұл жүйелі даярлық деңгейіндегі педагог жеке тұлғасының маңызды жаңа бейнесі. Осы даярлық деңгейінің негізгі көрінісі деп жаңа ақпараттық технологияны ғылыми және әдістемелік жұмыстарға, оқушыларды оқыту мен білімін дамыту үшін еркін, өз орнымен және бірдей қолданады деп есептеуімізге болады. Арнайы психологиялы-педагогикалық дайындығы жоқ көптеген педагогтар мен студенттердің білімі қарапайым даярлық деңгейінен төмен болуы мүмкін. Осыған байланысты жаңа ақпараттық технологияны пайдалану бойынша нақты жағдайдағы білім мен іскерліктің қажеттілігін ортақтастыратын қосымша екі деңгейді енгізу анықталған. Бұл деңгейлер: жаңа ақпараттық технологиямен алдын ала танысу (жаңа ақпараттық технология жағдайында ұсынылған жалпы ақпарат құралдарындағы, есептеу техникасына сәйкес көріністер) және жаңа ақпараттық технология аймағында мәліметтер алып жинау (оқу-тәрбие процесінде жаңа ақпараттық технологияны пайдаланудағы ғылыми-танымалы әдебиеттерде қалыптасқан, есептеу техникасы туралы түсінікке сәйкестендірілген) .
Жаңа ақпараттық технологияға даярлықты қалыптастырудағы таныстық деңгейі мен хабардарлық деңгейі топтастыру деңгейімен сипатталған. Біз өз жұмысымызда электронды-есептеу техникаларын пайдаланудағы физика пәні мұғалім дайындығының сипаттамасын енгізумен кейбір түсініктерді пайдаланамыз.
Болашақ физика пәні мұғалімінің жаңа ақпараттық технологияға даярлық деңгейіне мынадай сипаттамалар беріуге болады.
1. Таныстыру деңгейінде студент ережеге сәйкес, білім беру жүйесін компьютерлендіру мақсатын түсінбейді, есептеу техникасы туралы жекеленген, қарапайым үстірт ғылыми негізде емес білім алады. Студенттерде оқу процесінде ЭЕМ-мен жұмыс істеу кезіндегі іскерлік пен қабілеттіліктің қалыптаспағандығынан ЭЕМ-ді қолдану мүмкіндіктері туралы түсінігі толық жоққа шығады.
... жалғасы- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат
Қосымша
Email: info@stud.kz