Полифазалық үлгілердегі стационарлық емес жылуөткізгіштік процестерін есептеу тәжірибелері арқылы зерттеу

Техникада және технологияда симметриялы емес шекаралық шарттар жағдайында өтетін тасымалдау процестері жиі кездеседі. Оларды жан-жақты зерттеудің практикалық мәні зор. Мұндай процестер симметриялы жағдайға қарағанда күрделі өтіп, оларды арнайы зерттеуді қажет етеді. Компьютерлік техниканың дамуына байланысты бұл процестерді сандық тұрғыдан үлгілеп зерттеу жұмыстары жедел дамып келеді. Бұрынғы жарияланған ғылыми жұмыстарда [1, 2] керамикалық жазық үлгілердегі симметриялы жағдайда жүретін тасымалдау процестері қарастырылды. Ал бұл жұмыстағы ерекшелік: күрделі симметриялы емес жылуөткізгіштік процестерінің динамикасы сандық тұрғыдан үлгілеп зерттелді. Бұл ретте бұрынғы жарияланған жұмыстағы [1] нақтылық шарттары негізге алынып, тек шекаралық шарт ғана симметриялы емес жағдайда қабылданды. Бұл симметриялы жағдайда зерттелінген жылуөткізгіштік процесінің динамикасын симметриялы емес шарт жағдайында алынған нәтижелермен салыстыруға мүмкіндік туғызады.
Сонымен бұл ғылыми мақалада симметриялы емес жағдайдағы күрделі жылуөткізгіштік процестерін сандық тұрғыдан үлгілеп зерттеу нәтижелері келтірілген.
Зерттеу нысаны ретінде алдын ала жылулық өңдеуден өткізілген, яғни, 10000 С жағдайында күйдіру жолымен дайындалған үлгілер алынды [1]. Бұл үлгілерді күйдіру барысында жүріп өткен табиғаты әртүрлі физикалық, химиялық түрленулер қайтымсыз болғандықтан, оларды қайта қыздыру барысында температураөткізгіштік коэффициенттерінің мәні өте аз шамаға өзгереді де, оны іс жүзінде тұрақты деп алуға болады. Зерттеу барысында жылуөткізгіштіктің бірөлшемді симметриялы емес есебі қарастырылды.
Зерттелген процестердің математикалық моделі ретінде бір өлшемді дифференциалды жылуөткізгіштік теңдеуі алынды:

1. М.Қ. Құлбекұлы, Р.М. Несіпбаева, Ф. Байдолда, Т.З. Мәлік //Эндотермиялық эффектілерге байланысты жүретін жылуөткізгіштік процестерін сандық тұрғыдан үлгілеп зерттеу. – А.: Хабаршы. ФМ ғылымдар сериясы. -2007. –(1/17)
2. М.Қ.Құлбекұлы, М.Р.Несіпбаева, Б.Ерженбек //Жазық пластинадағы массатасымалдау процесінің динамикасын сандық тұрғыдан үлгілеп зерттеу– А.: Хабаршы. ФМ ғылымдар сериясы. -2007. (2/18) – 149-154б.
3. Лыков.А.В. Тепломассообмен. - М.: Энергия.- 1978. – 480 с.
4. Дульнев Г.Н., Парфенев В.Г., Сигалов А.В. «Применение ЭВМ для решения задач теплообмена.- М.: Высш.шк., 1990.-207с, ил.