Қатерлі дерттің алдын ал

Қазақстан Республикасы Президентінің 2010 жылғы 29 қарашадағы №1113 Жарлығымен бекітілген 2011–2015 жылдарға арналған Қазақстан Республикасы денсаулық сақтау саласын дамытудың мемлекеттік бағдарламасын, Қазақстан Республикасы Денсаулық сақтау министрлі¬гінің 2014 жылғы 27 қаңтардағы «2014 жылға арналған салауатты өмір салтын қалыптастыру және аурудың алдын алу бойынша іс-шаралар өткізу туралы» №45 бұйры¬ғын орындау мақсатында Алматы қалалық Сала¬уатты өмір салтын қалыптастыру орталығының ұйымдастыруымен қаламызда Иммундау апталығы өткізілді.
Апталық барысында Алматы қалалық салауатты өмір салтын қалыптастыру орталығы қала емханала¬рының екпе жасау бөлмесінің мамандарына арнап «Вакцина. Мәселелері мен болашағы» тақырыбында семинар өткізді. Семинарда Алматы қаласы Денсаулық сақтау басқармасының бас иммунолог дәрігері С.Постнева, Алматы қалалық тұтынушылардың құқығын қорғау департаментінің бас маманы В.Юсупов, №7 қалалық балалар емханасының педиатрия бөлімінің меңгерушісі Х.Сұлтанқұлова арнайы тақырыптарда баяндама жасап, жұмыс тәжірибесімен бөлісе отырып, қойылған сұрақтарға жауап берді. Іс-шара соңында емханаларға иммундау тақырыбында арнайы дайындалған бейнероликтер мен 4730 дана ақпараттық-ағарту құралдары таратылды.
Иммундау апталығы аясында барлық қала емханаларында жоспарлы түрде екпе қабылдау жасындағы балалардың тізімі құрылып, екпе жүргізу жұмыстары жасалды. Медицина қызметкерлері мен психолог мамандары жас ата-аналарға арнап әңгімелесулер, түсіндірме жұмыстарын жүргізді.
Медицина мамандарына арналған «Полиомиелит: бүгіні мен ертеңі», «Белсенді иммундау жұмысының маңызы» атты тақыраптармен дөңгелек үстелдер ұйымдастырылды..
Мектепке дейінгі мекемелер мен жалпы білім беру орындарында ата-аналар жиналысы ұйымдастырылып, қазіргі уақытта қолға алынып, жүргізіліп жатқан адам папилломасы вирусына қарсы егілетін екпе жайлы түсіндірме жұмыстары жүргізілді. Оқушылар арасында «Мен екпе жайлы не білемін?», «Менің денсаулығым – менің болашағым» тақырыптарында диктант жазылып, оқушылар өз ойларын ортаға салды.
Қаламыздың барлық емханаларында ата-аналарға арнайы иммунолог, педиатр-дәрігерлер кеңес берді.
Иммундау апталығы аясында өткен іс-шарада 20641 адам қамтылып, оның ішінде 6083 адам тұрғылықты мекен-жайы бойынша емханада екпе қабылдады.
Елімізде конго-қырым қанды безгегінің алдын алу бойынша жүргізілген түсіндіру жұмыстарына қарамастан, ауруға шалдыққандар медициналық көмекке кеш жүгінеді.
Бұл туралы бүгін ҚР Денсаулық сақтау министрлігі Мемлекеттік санитарлық-эпидемиологиялық қадағалау комитетінің төрағасы Кеңес Оспанов БАҚ өкілдерімен болған баспасөз мәслихаты барысында мәлім етті.
Оның атап өтуінше, Оңтүстік Қазақстан облысының Ордабасы ауданында кене шаққан азамат 6 күн бойы дәрігерге көрінбеген. «Демек, біз қаншама қыруар жұмыстар атқарғанымызбен, көптеген азаматтар өздерінің денсаулықтарына салғырт қарап, медициналық көмекке кеш жүгінеді», дейді ол.