Биліктің түрлері

1 Атқарушы билік
2 Заң шығарушы билік
3 Жергілікті билік органдары
4 Сот билігі
5 Пайдаланылған әдебиеттер

Үкімет атқарушы билікті жүзеге асырады. Үкімет басшысы – премьер-министр. Оның қоластында үш орынбасары бар. Кабинет 18 министрден тұрады. Үкімет атқарушы органдар жүйесін басқарады және солардың жұмысына жетекшілік жасайды. Үкімет алқалы орган боп саналады және өзінің барлық қызметінде – Қазақстан Республикасы Президенті алдында, ал Конституцияда қаралған жағдайларда Парламент Мәжілісі мен Парламент алдында жауапты.
Қазақстан Республикасының Президенті Үкіметті Конституцияда белгіленген тәртіппен құрады.
Заң шығарушы билік
Заң шығарушы билік – Парламент. Екі палатадан тұрады. Жоғарғы палата – Сенат (39 адам) әр 6 жыл сайын сайланады. Төменгі палата – Мәжіліс (107 депутат, оның 9-ы Қазақстан халқы Ассамблеясының өкілдері) әр 5 жыл сайын сайланады.
Сенат депутаттығына, конституциялық заң тағайындаған тәртіппен, әр облыстан, республикалық маңызы бар қалалар мен астанадан (14 облыс, 2 қала) екі адамнан сайланады. Сенаттың он бес депутатын Республика Президенті ұлттық-мәдени және қоғамның басқа да маңызды мүдделі өкілдерімен Сенатты қамтамасыз ету қажеттілігін ескере отырып, тағайындайды.
Парламент депутаты екі палатаға бірдей бір мезгілде мүше бола алмайды.
Жергілікті билік органдары
Әкімдік — Қазақстан атқарушы билігінің аймақтағы органы. Әкімдік басшысы әкім, ол республика Президенті мен Үкіметінің облыстағы өкілі боп саналады. Облыстың, республикалық маңызы бар қалалардың және астананың әкімдерін қызметке Қазақстан премьер-министрінің ұсынысымен Президент тағайындайды.

1. ҚР Конституциясы. Алматы, 2008.
2. «ҚР Парламенті және оның депутаттарының мәртебесі туралы
Конституциялық заң.16.09.1995 ж.
3. ҚР Конституциялық құқығы. Ғ.Сапарғалиев. Алматы, 2008.
4. ҚР Конституциялық құқығы. Оқу құралы Амандықова С.Қ..
Астана,2001.