“Алматы-1 сұрыптау стансасы жұмысының технологиясын талдау және жіктеу”
Қазақстан Республикасының білім жӘне ғылым министрлігі
АҚ М. Тынышпаев атындағы Қазақ кӨлік жӘне Коммуникациялар академиясы
Қорғауға жіберілді
“ТҰ” каф. меңгерушісі
Көбдіков М. А.
“” 2008 ж.
“Тасымалдауды ұйымдастыру”
кафедрасы
ДИПЛОМДЫҚ ЖҰМЫС
ТҮСІНДІРМЕ ЖАЗБАСЫ
Тақырыбы :
Диплом қорғ.
Жетекші
Бақылау мөлшері
Алматы 2008 ж.
Мазмұны
Реферат
Дипломдық жұмыс 3 бөлімнен, 3 суреттен, 7 кестеден, барлығы 75беттен тұрады.
Дипломдық жұмыс сұрыптау стансасының жұмысын талдау арқылы оны жетілдіру жолдарын анықтап, стансаның жұмыс көрсеткіштерін жақсарту шараларын жасауға арналған. Жұмыста бір системалы жұмыс көлемі үлкен технологиясын қарастыруға көзделген.
Бірінші бөлімде Алматы-1 сұрыптау стансасының техникалық-пайдалану ережелеріне сәйкес қарастырылды.
Екінші бөлімде станса жолдары мен парктерінің мамандандырылуы, соның ішінде қабылдап - жөнелту паркінің жолдарының мамандандырылуы, сұрыптау паркінің жолдарының мамандандырылуы, қайта өңдеуге келген вагондармен жұмыс істеу технологиясы, құрамдарды тарқату және құрастыру технологиясы, жасақталған құрамдарды жөнелтуге дайындау, пойыздарды құрастыру және тарқату технлологиясы, жергілікті жұмысты ұйымдастыру, жергілікті жұмысқа оперативтік жетекшілік, жергілікті жұмысты жедел жоспарлау, біріктірілген пойыз құрамындағы вагондар санын анықтау, тиелген пойыздардың ұзыныдығын анықтау, стансадағы қабылдап- жөнелту жолдарының пайдалы ұзындықтарын анықтау, транзиттік пойыздарды стансада өңдеу технологиясы, тарқатылуға келген пойыздарды өңдеу технологиясы, тасымалдау үрдісінің оңтайлы варианттарын және сұрыптау стансалардың инфраструктура құжаттарын таңдау әдістемесі жұмыстарын ұйымдастыру жайлы мәселелері толығымен анықталып, қарастырылған.
Үшінші бөлімде стансаның - тәуліктік жоспар графигінің көрсеткіштері көрсетілді, құрамдарды дөңестен тарқатуға кеткен уақыт есептеліп, толық нәтижеге жеткізілді. Сұрыптау паркінде вагондарды өңдеуді ұйымдастыру есептеліп, көрсетілді.
Кіріспе
Тасымалдау үрдісі - жолаушыларды тасымалдау мен оларға қызмет көрсету, вагондарды тиеп-түсiру, жүк фронтына беру мен әкету, олардан пойыздар құрастыру, пойыз қозғалысы операцияларынан тұрады.
Тасымалдау үрдісінің негiзiне келесi принциптер көзделген:
- қауiпсiз тасымалдау мен жүктердiң сақтығы;
- барлық жол тараптарында жаңа ғылыми техника ендiру мен олардың нақты қарым-қатынастары;
- жолаушыларға жоғарғы дәрежеде қызмет көрсету;
- техникалық жабдықтардың техникалық және экономикалық қажеттiгiн арттыру;
- басқа көлiк түрлерiмен келiсе жұмыс iстеу.
ТЖ тасымалдаулар Қауiпсiз қозғалыс қатаң сақтай отырып, дереу жеткiзу және экономикалық тұрғыда тиiмдi ету негiзiнде атқарылуы тиiс.
Басқару жүйесi - техникалық нормалау; тасымалдауды ұзақ уақытты және жедел жоспарлау мен жетекшiлiк ету; ендiрiген техник. процесстердің, ПҚЖ мен ПЖГ-нiң орындалу мен ЖҚ-мен тұрақты жабдықтарының пайдалану көсеткiштерiн арттыру және ТЖ барлық құрамының жоғарғы өнiмдi жұмыс атқаруын қадағалап, қамтиды.
Вагонағындарын ұйымы ПҚЖ арқылы орындалады, ол әр стансадан құрастырылатын пойыздары санын есептейдi.
Қазақстанда темiр жол магистралының жалпы ұзындығы 13 597, 1 км. Қазақстан Республикасында темiр жол қарамағында 77 029 жүк вагондары, 2 094 жолаушылар вагоны және 1 913 локомотив тiркелген.
Темiржол торабында жүк тасымалын iске асыратын 721 станса жұмыс iстейдi. Бұл стансаларда тиелген вагондар, көптеген бiрнеше бағыттағы жүк түсiру стансаларына бағыт түзейдi
Станса - жол тарамы бар және онда пойыздарды қабылдау, жөнелту, тоқтаусыз өткiзу, пойыздарды айыру мен басып-озу, жүктердi тасымалдауға қабылдау, сақтау және жүк қабылдаушыға жеткiзу, жолаушыларға қызмет ету операцияларын атқаратын, ал егер маневрлық жұмыстары жасау мүмкiндiгiн тудыратын жол құрылғылары бар айырым бекетiн айтамыз.
Сұрыптау стансалары бағыттарға байланысты вагондарды iрiктеу және вагондар легiнен алыс маршрутты пойыздарды құрастыру үшiн арналған. Сұрыптау стансалары негiзiнен вагонағым көлемдерi өрiстейтiн және бәсеңдейтiн аумақтарда, iрi өнеркәсiп орталықтарында, порттарда, iрi темiр жол тораптарында орналасады. Вагонағындар легiн реттеу тәртiбiне байланысы негiзгi, аймақтық және қосымша болып бөлiнедi.
Қазiргi таңдағы нарықтық экономика темiр жол көлiгiне үлкен мәселелер қояды. Соның iшiнде сұрыптау стансасына: оның жұмысының технико-экономикалық көрсеткiштерiнiң жүйесiн жетiлдiрудi талап етедi. Алдымен келесi факторлар ескерiлуi тиiс:
- Жылжымалы құрамдардың өнiмдiлiгi, жүрiсiн және бос аялдауын қысқарту;
- Жергiлiктi вагондарды өңдеудi жетiлдiру мен топталған пойыздарды құруды ұлғайту;
- Технологиялық процесiн жетiлдiру (жетлдiрiлген технологиялар ендiру) пайдалану шығындарын қысқарту; вагондарды өңдеу өзiндiк құнын азайту;
- Пойыздар жүрiс графигi мен пойыздарды құрасытру жоспарын жетiлдiру;
- Ұзын және қосарланған пойыздарға көрсетiлетiн қызметтердi кеңейту.
1 Сұрыптау стансасының жалпы сипаттамасы
Сұрыптау стансасы дегеніміз - жүк пойыздарын жаппай сұрыптап, құрастыратын стансаны айтады. Мұнда әр бағыттан жиналған транзитті және жергілікті вагондардан жолдағы стансаларда қайта өңделмей алыс қашықтыққа баратын пойыздар құрастырылады. Әдетте, сұрыптау стансалары вагон ағындары жаппай пайда болатын және таратылатын аудандарда, ірі теміржол тораптары мен өнеркәсіп аудандарында орналасады. Жүк тиеу-түсіру және жолаушыларға қызмет көрсету операциялары шағын көлемде орындалады, өйткені сұрыптау стансалары көбіне жүк және жолаушылар стансалары бар тораптарда орналасады. Бұл стансада транзит пойызды өңдеу, вагонды жөндеу, локомотивті жабдықтау, мал тиеген пойызды сумен қамтамасыз ету, контейнерлер мен ұсақ жүктерді сұрыптау жұмысы орындалады. Одан басқа сұрыптау стансасында негізгі мынадай жұмыстар белгіленеді:
- телімдік, құрама және басқа пойыздарды қабылдау, қайта құру, жөнелту, өткізу, пойыз бағыттарын өзгерту;
- пойыз локомотивтерін ауыстыру, локомотив бригадасын ауыстыру, пойыз локомотивтерін жабдықтаумен қамтамасыз ету;
- жүктерді вагонға тиеу, вагоннан түсіру және жүк иесінен қабылдау, жүктерді жүк иесіне беру жұмыстары;
- рефрижераторлық пойыздарды жабдықтаумен қамтамасыз ету;
- жолаушы пойыздарын сумен, отынмен және басқа да керек жарақтармен қамтамасыз ету;
- пойыз локомотивтерін, вагондарды жөндеу;
- тасымалдауға қажетті басқа да техникалық, коммерциялық операцияларды орындау.
Сұрыптау стансаларында пойыздармен және басқа жылжымалармен жоғарыда аталған операцияларды орындау үшін мынадай сұрыптау құрылыстары болуы керек:
- пойыздарды қабылдайтын, жөнелтетін және сұрыптау жұмыстарын орындайтын парктер;
- пойыз локомотивтерін жөндейтін локомотив депосы;
- жолаушылар тасымалдау жұмысын атқаратын жолаушылар ғимараты;
- жүк тиеу-түсіру жұмысын атқаратын жүк құрылысы және басқа жұмыстарды орындау үшін құрылыстар;
- пойыздарды тарқату-құрастыру үшін, вагондарды сұрыптау-топтастыру үшін т. б. сұрыптауға байланысты жұмыстарды орындау үшін стансада тартым жолдар, сұрыптау дөңесі болуы керек.
Сұрыптау стансаларында «пойыздарды құрастыру бағыт жоспары бойынша» мынадай жұмыстар атқарылады:
- келген пойыздардың құрамдарын таратады, вагондарды сұрыптайды;
- келген вагондардан және жергілікті вагондардан бағыттарға жөнелтілетін пойыздарды құрастыру;
- өндіріс қосымша жолдарына беретін вагондарды топтастырады, олардан келген вагондарды тарату;
- өндіріс жолдарынан келген топ вагондарды қабылдау;
- транзит пойыздарының бағытын өзгертпей, не тек қана бағытын өзгертіп өткізу жұмыстары орындалады.
Сұрыптау стансалары келесідей жіктеледі:
- Маневр жасау әдісіне қарай - дөңесті және дөңессіз сұрыптау стансалары;
2. Сұрыптау жүйесінің санына қарай - жұп және тақ бағыттағы вагондарды өңдеуге арналған - бір бағытты сұрыптау стансасы және әр бағытқа маманданған - екі бағытты сұрыптау стансалары;
Екі бағытты стансаның екі сұрыптау жүйесі бар. Оның әрқайсысы өзіне тиісті бағыттағы вагондарды құрастырады. Бір бағытты стансаның сұрыптау паркінде екі бағыттың вагондары құрастырылады. Бір бағытты станса ішінде барлық тоғысатын бағыттардың пойыздарына арналған ортақ бір қабылдау паркі және ортақ бір жөнелту паркі, сұрыптау дөңесі бар станса ең прогресті болып саналады. Бұл жерде вагондарды техникалық тексеруден өткізіп, жөндейді, локомотивтерді алмастырады. Қайта құрастыруға келген тақ және жұп нөмірлі жүк пойыздары қабылдау паркіне қабылданады. Осында локомотивтерді ағытып, депоға жібереді, құрамды сұрыптауға дайындау операцияларын жасайды және оларды сұрыптау дөңесіне шығарады.
3. Қабылдау паркі, сұрыптау паркі және жөнелту паркінің өзара орналасуына қарай - барлық парктері параллель орналасқан сұрыптау станциясы; бірізді - парктерінің барлығы бірінен кейін бірі орналасқан сұрыптау стансасы; қиысымды - егер бір паркі - қабылдау немесе жөнелту паркі сұрыптау паркімен бірізді, ал екіншісі оған параллель орналасқан сұрыптау стансасы;
4. Басты жолдарының орналасуына қарай - айналымды және біржақты сұрыптау стансасы.
Сұрыптау стансасы орындайтын жұмыстарына қарай үш дәрәжеге бөлінеді:
1) Жалпылама қолданылатын сұрыптау стансасы - онда өңдеу жұмысын орындағанда құрамдарды келесі сұрыптау стансаларына дейін арнап топтайды;
2) Өндіріс сұрыптау стансасы - пойызды жалпылама теміржолдан қабылдап, оларды таратып, өндіріс аудандарына арнап топтастырады, құрайтын және жөнелтетін пойыздарды, құрамдарды жақын сұрыптау стансасына дейін баратын етіп құрайды;
3) Біріккен сұрыптау стансасы - жалпылама қолданатын және өндіріс сұрыптау стансаларының жұмысын атқарады.
Сұрыптау стансасы сұрыптау жұмысының көлеміне қарай төртке бөлінеді:
1. Кіші мөлшерлі сұрыптау стансада - сұрыптау жұмысының көлемі күніне 250-ден 2000 вагонға дейін болады. Бұл стансада кіші сұрыптау дөңесі, бір итеру жолы бар, сұрыптау паркінде 10 жол бар.
2. Орташа мөлшерлі сұрыптау стансасы - сұрыптау жұмысының мөлшері тәулігіне 2000-нан 5000 вагонға дейін жетеді. Сұрыптау паркінде - 17-ден 30-ға дейін жолы бар. Мұндай сұрыптау стансасында сұрыптау дөңесі автоматты вагон бөгелту тежегішімен қамтамасыз етіледі.
3. Үлкен мөлшерлі сұрыптау стансасында сұрыптау жұмысының мөлшері тәулігіне 5000 вагоннан артық болады. Сұрыптау паркінің 30-дан астам жолы бар. Мұндай стансалар сұрыптау дөңес автоматты вагон бөгелумен, дөңес автоматымен қамтамасыз етіледі (ГАЦ), дөңестік маневр локомотиві теледидармен жабдықталған.
4. Өте үлкен мөлшерлі сұрыптау стансасы.
Сұрыптау стансасында сұрыптау жұмысын орындау үшін қолданылатын құрылыстар:
- жүк жылжымаларын күтуші құрылыстары және сұрыптау жұмыстарын орындайтын құрылыстар;
- локомотивтерді, вагондарды жөндеу, жабдықтау және т. б. жұмыстарымен қамтамасыз ететін құрылыстар;
- жолаушылар жылжымаларын қамтамасыз ететін құрылыстар;
- тағы басқа арнаулы жұмыстарды қамтамасыз ететін құрылыстар.
Сұрыптау паркіндегі жол саны пойыздарды құрастыру жоспарына сәйкес баратын стансалар санына және вагон ағынының мөлшеріне байланысты белгіленеді. Қабылдау-жөнелту және транзитті парктер жолдарының саны пойыздар мен стансаға қосылатын бағыттардың санына байланысты.
Сұрыптау стансасында локомотив және вагон шаруашылығы, су және энергия жабдықтары, СОБ және байланыс құрылғылары бар. Станса қазіргі жаңа техника, автоматика мен телемеханика құрылғыларымен жабдықталуда.
Станса шегінде жолаушылар пойыздарын өткізу үшін басты жолдар стансаның бір жағына немесе бағыттарына қарай әрқайсысы стансаны орап, екі жағына орналасады.
Құрамды дөңесте сұрыптап болған соң сұрыптау паркінде вагондарды жинақтау процесі басталады және құрамдарды құрастыруға кіріседі. Құрастыру біткен соң дайын пойыз құрамдары жөнелту паркіне ауыстырылады. Локомотивті құрамға тіркеп және вагондардың тежеуіштерін тексеріп, пойызды баратын жеріне жөнелтеді.
Құрамның сұрыптауға арналған құжаты - сұрыптау қағазы алдын-ала әзірленеді. Өйткені, оған қажетті вагонның анықтамасы мен олардың баратын жерлері телетайп байланысы арқылы күні бұрын алынады да, пойыз келген соң дұрыстығы тексеріледі. Қабылдау паркінде техникалық тексеру және коммерциялық байқау жүргізіледі, сондай-ақ зақымдалған вагондар жөндеу орнына жеткізіледі. Дайындау операцияларын бітірген соң, қабылдау паркінен құрамды дөңес локомотиві сұрыптау дөңесіне итереді. Алдын-ала ағытылған вагон топтары сұрыптау паркінің тиісті жолдарына таратылады. Сұрыптау паркінің белгілі жолдарына вагонның жүру бағдарын дөңестің кезекші операторы дайындайды. Ол үшін орталықтандырылған дөңес бағыттамаларын автоматты орталықтандырудың көмегімен алдын-ала сұрыптау қағазы арқылы жол бағдарларын дайындап, машинаға енгізіп қояды.
Вагондардың жинақталуы барысында құрамдар құрастырылып, ал қажетті жағдайда техникалық және коммерциялық байқаулар жүргізіледі, ақаулары түзетіліп, вогондар жөнделеді. Құрастырылған құрамды сұрыптау паркінен жөнелту паркінің жолдарына жеткізеді. Бұл жерде жөнелту дайындығы жасалып, құрамға локомотив тіркеледі, автотежеуіштер тексерілгеннен соң пойыз жөнелтіледі.
Әдетте, құрамдарды құрастыру жұмыстары дөңестен тарату кезінде қатар орындалады. Сұрыптау дөңесін сұрыптау паркінің кіре берісіне орналастырады. Ол биіктетіліп, топырақтан үйілген жол төсемі, оның үстіне бір немесе екі теміржол салынады. Оның төбесінен сұрыптау паркіне қараған жағы тік еңісті болып жасалады.
Дөңес автоматтандырылған, механикаландырылған және механикаландырылмаған болып бөлінеді. Автоматтандырылған және механикаландырылған дөңесте вагондарды тежейтін арнайы құрылғылармен жабдықтайды.
Сұрыптау дөңесі негізгі үш бөліктен тұрады: көтерме бөлігінен, дөңес төбесінен және құлама бөлігінен.
Дөңес жұмысын сипаттайтын негізгі көрсеткіш - оның қайта құрастыру қабілеті, яғни тәулігіне сұрыпталған вагондардың ең көп саны. Дөңестің қайта құрастыру қабілеті дөңеске итеріп шығару және оның сұрыптау уақытына, жол бағдарын қиып өтетін бөтен кедергілерден болған жұмыс үзілістеріне, құрамдағы вагондар саны мен дөңесте жұмыс істейтін локомотив санына т. б. факторларға байланысты. Дөңестің сұрыптау қабілеті құрамдағы вагондардың санын көбейту, қосымша локомотив енгізу, сұрыптауға қатысты жоқ операцияларды жою, көтерме және құлама жолдарын екі-екіден және сұрыптау паркінің кірер алқымының арнайы құрылысын жасау арқылы арттырылады. Сонда, бұл дөңестен екі пойыз құрамын қатар сұрыптауға мүмкіндік туады. Құрамды сұрыптау және құрастыру процестерін автоматтандырғанда дөңестің қайта құрастыру қабілеті әлдеқайда артады.
Жалпы айтқанда, сұрыптау стансасының жұмыс технологиясы - керекті жолдардың санына, парктердің санына, сұрыптау стансасының схемасына, олардың орналасуына және олардың негізгі құрылыстарына қарай алдарына керекті талаптар қояды. Сұрыптау стансасының технологиясы әр паркке, сұрыптау дөңеске, жеке жүйелерге және барлық стансаға арнап жасалынады.
Әр парктің жұмыс технологиясы өз алдына орындалады:
а) Сұрыптауға келген пойыздарды қабылдап алушы паркте - жөндеу, өңдеу технологиясы; пойыздарды сұрыптау дөңестері арқылы тарату, тартылыс жолы арқылы құру; б) технологиялық сұрыптау паркінде вагондарды жинау - топтау, пойыздарды құрау технологиясы; в) өздері құраған пойыздарды жөнелту паркінде - өңдеу технологиясы; г) транзит пойыздарды қабылдау-жөнелту паркінде - өңдеу технологиясы; д) пойыз локомотивтерін өңдеу технологиясы; е) жолаушы ғимаратында, жүк алаңында керекті жұмыстарды орындау технологиясы және т. б.
Таратуға арналған пойыздарды жеке арнайы қабылдау паркіне қабылдап, оларды сұрыптау дөңесі арқылы таратуға дайындайды.
1. 1 Алматы - 1 сұрыптау станcасының техникалық-пайдалану сипаттамасы.
Алматы-1 стансасы - кластан тыс сұрыптау стансасы. Станса автоматтандырылған басқару жүйесi негiзiнде жұмыс iстейдi. (СС АБЖ) .
Стансаға:
Бiр жағынан Борондай стансасы - қос жолды бiр жақты автоблокировкамен жабдықталған телiм, келесi жағынан Медеу, Алматы-2 стансалары - дара жолды екi жақты автоблокировкамен жабдықталған телiмдер қосылады.
Станса бiржақты сұрыптау кешенiнен тұрады. Парктерi созылмалы-тiзбектелiп орналасқан және қуаты төмен механикаландырылмаған дөңестен тұрады.
Парктегi бағыттамалар мен сигналдары маршрутты-релелi орталықпен жабдықталған, басқару ЭЦ орталық пост арқылы жүргiзiледi. Тек дөңес пен сұрыптау паркiнiң оң алқымы жергiлiктi пульт арқылы басқарылады.
Қабылдап-жөнелту паркiнiң жолдар құрамды шектейтiн ЭЦ орталығына қосылған құралғылармен жабдықталған. Станса жұмысшыларының арасындағы байланыс үшiн жолдар арасында екiжақты жаңғырықты байланыстары орналастырыған.
Стансада үш парк бар:
Жұп қабылдап-жөнелту паркi - 14 жолдан тұрады. Оның екеуi -негiзгi жолдар, олар жұп және тақ бағытының жолаушы және жүк пойыздарын қабылдап-жөнелту үшiн арналған;
6 жол жабық;
2 жол жұмысшы емес парк вагондарының тұруына арналған;
3 жол жолаушы пойыздары аялдау үшiн арналған;
Тақ қабылдап-жөнелту паркi он жолдан тұрады, соның iшiнде үшеуi: 1, 2, 3 жолдар - жұп және тақ бағытының жолаушы пойыздарын қабылдап-жөнелту, тоқтаусыз өткiзу үшiн арналған, ал 6 жол жұп және тақ бағытының жүк және транзиттiк жүк пойыздарын, сонымен қатар осы бағыттардан тарқатылуға келген жүк пойыздарын қабылдап-жөнелту үшiн арналған;
Сұрыптау паркi, 16 жолдан (10-нан 25-шiге дейiн) тұрады, олар вагондарды жинақтауға арналған.
Парктiң оң жағында 1/3 құрамның ұзындығы келетiндей тартым жол бар, ал сол жағында 16 жолға қызмет көрсететiн қуаты төмен механикаландырылмаған дөңес және сұрыптау паркiнiң 8 жолына (18-ден 25-ке дейiн) қызмет көрсететiн жартылай дөңес бар. Жартылай дөңес - жергiлiктi вагондарды бағытына байланысты топтап жинақтау үшiн ажырату жұмыстарын жүргiзу үшiн керек. Құрамды дөңеске итеру операциясы 17-шi дөңес тартым жолы (57 вагон сияды) арқылы жүргiзiледi.
Стансада локомотив пен вагон шаруашылықтары, электр мен су мен жабдықтау құрылғылары, материалды қоймалар, қызметтiк-техникалық ғимараттармен және т. б. құрылғылар мен құрылыстардан тұрады.
Вагондарды өңдеу жұмыстарының көп бөлiмi сұрыптау құрылғысы - дөңес арқылы жүргiзiледi. Вагондардың тарқатылуы олардың тартым салмағы арқылы орындалады. Ол үшiн дөңестiң итеру бөлiгi мен дөңестiң биiк төбесi - бағыттамалар мен сұрыптау паркiнiң жолдарынан белгiлi бiр биiктiкте болу керек, ал вагонның құлазитын жол бөлiгi парктiң жағынан қарай құлдилап орналасады. Жолдар башмаклақтырғыштармен жабдықталған.
Стансаның Алматы 2 жағынан кiру сигналы «НА», Медеу стансасы жағынан «Н» кiру сигналы, Бурундай жағынан жұп негiзгi жолдың бiр жағынан «Н» сигналы арқылы шектелген.
1. 2 Алматы - 1 сұрыптау стансасының пайдалану сипаттамасы.
Тәулiктiк вагонағындар мөлшерi 1 кестеде көрсетiлген.
Кесте 1 - Тәулiктiк вагонағындар мөлшерi
бағытқа
бағыттан
Алматы 1
стансасы
Кесте әр бағыттан келетiн және осы сәйкес бағыттарға жөнелтiлетiн тәулiктiк транзиттi өңделетiн және өңделмейтiн вагонағындар көлемiн және Алматы 1 стансасына түсiрiлуге келген вагондар санын ашып көрсетiлген.
Стансаға келетiн және жөнелтiлетiн әр түрлi категориялы вагондар стансаның тәулiктiк жұмыс көлемiн құрайды. Транзиттi өңделетiн және өңделмейтiн вагонағындары негiзiнде стансаның вагонағындар диаграммасын құрайды.
Стансада пойыздарды қабылдап-жөнелту, тоқтаусыз өткiзу; жолаушыларды мiнгiзiп-түсiру; жүктердi сұрыптау, тиеп-түсiру; пойыздарды тарқатып-құрастыру; транзиттiк пойыздарға вагондар тобын тiркеп, ағыту; тиеп-түсiру пункттерiне вагондарды беру және әкету; кiрме жолдарға қызмет көрсету; тораптың вагондарын бағыттарына байланысты жiктеу; құрамдарға техникалық қызмет көрсету мен жөндеулер жүргiзу; локомотивтер мен жолаушы вагондарын жабдықтау және т. б. операциялар орындалады.
- вагондарды сұрыптау және олардан тiкелей, телiмдiк, құрама, өтпелi, әкетiлетiн пойыздарды құрастыру;
- құрастыру жоспарына сай пойыздарды өткiзу операцияларын жүргiзу;
- өңделмейтiн және iшiнара өңделетiн пойыздарды тоқтаусыз өткiзу операцияларын;
- техникалық тексеру, вагондарды жөндеу, коммерциялық тексеру, аңғарылған ақауларды жою.
Сонымен қатар, локомотив пен локомотив бригадаларын ауыстыру; жүктердi сұрыптау; вагондарды тиеп, түсiру; кiрме жолдарға қызмет көрсету; құрама пойыздарды құрастыру; жолаушы пойыздарын рейске дайындау, арнайы вагондарды күту және т. б. операциялар орындалады.
- Станса жолдары мен парктерiнiң мамандандырылуы
... жалғасы2. 1 Қабылдап-жөнелту паркiнiң жолдарының мамандандырылуы
Сіз бұл жұмысты біздің қосымшамыз арқылы толығымен тегін көре аласыз.
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz