Қазақ елі — жерұйық

1 Қазақ.түрік қарым.қатынасындағы ақпараттық саясат: өркениетке жол
2 Екі ел арасындағы халықаралық ақпараттық алаңның нығаюы
3 Анадолы қазақтарының тілегі . латын әліпбиі мен қазақ мектебі
4 Түрік тектес елдердің арасындағы ақпараттың кеңістікті ұлғайту

Бүгінгі әлемде Батыс пен Шығыс өркениетінің аражігін ажыратар құндылықтар біртұтастанып, жаһан тұтастанып отырған мезетте Түркі өркениеті өзіндік өрнектерімен, өрімдерімен әлем жұртшылының назарына қайта оралуда. Иә, жаһан тұтастанды. Дегенмен осынау алып жаһандасу көшінде өзіндік келбеті мен кемелін сақтағасы келетін ұлттық құндылықтар да құндылығымен даралануда. Сонымен, қазір біздің өркениетті әлемімізде Батыстың Шығысқа ұмтылуы басым келуде. Бұны Батыс елдерінің Шығыстық мәдениет пен өмірлік философиясына, өнері мен тұрмысына беп бұруынан аңғаруға болады. Бұл заңды да құбылыс. Бірақ бұл үдеріс біржақты емес. Оның екіжақты да қайтарымы бар және болатын үдеріс. Әрине, шығыстық және батыстық, керісінше батыстық және шығыстық өркениет өзара ықпалдасып, бірін-бірі өркендетуінің өзі осы жаһандық ғаламды ортақтандыра түссе керек. Өйткені бұлай деуімізге, зерттеушілердің пайымдауынша, «Адамзаттың тұрақтылығы екі түрлі бастаулардың – Шығыс пен Батыстың бірін бірі толықтырылуына негізделеді»,-деуі себеп /1/.
Міне, сол жаһандық өркениетте Түркі өркениетінің сан ғасырлардан жеткен рухы бүгіндері Шығыс өркениетінің мәйегіне айналуы дәлел. Елбасының осы орайда:
“Түркі өркениеті, оның мәңгі өш¬пестей болып, тура мың жарым жылға жуық уақыт бұрын Еуразия құрлығының төсінде бедерленген көне жазбалары – жалпы адамзат өркениетінің үлкен қазынасы…”,-деп толғануы көп ойларды аңғартса керек /2/.
Қазақстан Республикасының 16 желтоқсан 1991 жылы тәуелсіздігін жариялауымен басталған Қазақстан-Түркия ресми қатынастарына 18 жыл толып отыр. Түбір бір тектес екі ел арасындағы саяси-экономикалық, мәдени-рухани байланыстардың көпіріне айналған ақпараттық саяси кеңістік те осынау байланыстардың өзіндей жыл санап мығым тартып, сапалы да салиқалы ақпарат алаңы қалыптасып келеді.
ХХІ ғасыр басы – екі ел арасындағы саяси және экономикалық, қоғамдық және әлеуметтік қарым-қатынастардың жаңакезеңі басталғаынның куәсі. Оған дәлел, Түркия Н.Назарбаевтың түркітілдес елдер Парламенттік Ассамблеясын құру жөніндегі бастамасын қолдайды. Бүгінде екіжақты ынтымақтастық саясат, сауда-экономикалық, мәдени-гуманитарлық салаларда дамуда. Парламенттік байланыстарды дамыту, ТҮРКІСОЙ аясындағы өзара қарым-қатынастар, мәдени-гуманитарлық ынтымақтастық мәселелері келісссөздердің маңызды тақырыбы болып отыр.
Бүгінде Қазақстан және Түркия елдері арасындағы ақпараттық қарым-қатынастың қалыптасып, дамуында ең жетекші орында бұқаралық ақпарат құралдары тұратыны сөзсіз. Қазақстанда алғаш болып екі ел арасындағы ақпараттық кеңістікке жол салған республикалық деңгейде басылымдардың бірі – «Қазақстан Zaman» халықаралық газеті және «DA Қазақстан» халықаралық мәдени-интеллектуалды журналы. Аталған халықаралық басылымдардың Қазақстан ақпараттық кеңістігіндегі түркі мәдениеті мен өркениеті дамуындағы атқарып отырған қызметі ерекше.
«Келешек үшін бәріміз жауаптымыз!». Бұл «Қазақстан Zaman» халықаралық саяси-қоғамдық газетінің ұстанымын айқындаушы ұраны. Түркі әлеміне ортақ рухани және мәдени құндылықтармен қатар, еліміздің тәуелсіздігі мен дамуын шынайы тілектес дос ниетімен қолдап-қуаттайтын, бағамдап-бағдарлап баға беретін басылым беттерінде салиқалы да сындарлы материалдар легі үзілген емес. Басылым тәуелсіздік алған жылдары, яғни 1992 жылы 17 қаңтарынан бастап қазақстандық баспасөз нарығында жарық көрген бірден бір халықаралық газет ретінде танымал.

1. Панарин А. Глобальное политическое прогнозирование. Москава, 2000. – 32 б.
2. Назарбаев Н. Тарих толқынында. –Астана.
3. «Қазақстан Zaman» халықаралық саяси-қоғамдық газетінің веб-парақшасы: http://www.kazakzaman.kz